ضحايا وإصابات في تفجير في الكنيسة البطرسية

[مواطن مصرى]

داعش تتبنى مسؤولية التفجير ... طبعا داعش قابضة من السيسى زى ما احنا عارفين

[عادل أبوزيد]

شاهدت فيديوكليب  فيه ست مسيحية  تصرخ و تقول. حنصلي في الشارع.  حنصلي في الجامع. وواقفين مع السيسي

أجهشت بالبكاء  ليتكم تجدونه و تعرضونه هنا 

جارتنا سوزان  تحكي عن صديقتها التي قررت ان تغير الكنيسة اللي بتصلي فيها دايما  و كان نصيبها الاستشهاد مع بنتها اللي في تانية ثانوي

في بيتنا مأتم فعلا

[herohero]

21 hours ago, Scorpion said:

منطقية النقاش !! ماشي ..
المنطقية بتقولك ان مش من مصلحة الحكومة ابدآ انها تخسر المسيحيين و تخليهم يتمردوا عليها  ..
المنطقية بتقولك ان الضرب شغال بعنف في المسيحيين علشان يوصلوا للنقطة دي.. نقطة الأحباط  التام و الغضب و التخلي عن دعم الحكومة و رئيسها .. 

 كمسيحي اقولك انا اللي بيحصل كل مرة بيعملوا مصيبة زي دي  ... العلاقة بيننا بتقوي اكتر ... و ما بيحصلش شرخ زي ما اللي بيحرك خرفان الأخوان عايز  ...
 يا مؤمن .اللي بتدافع عنهم مرة يلبسوها في الدولة و مرة يقولولك لأ  دول أقباط المهجر هما اللي بيفجروها ..مع ان الصورة واضحة تمامآ و مفهوم مين اللي عايز يعمل شرخ..  و اللي عمره من غير ما تزعل  حيحصل ... عارف ليه  ..
علشان أغلبية مسلمين مصر .. مسلمين بحق و حقيقي .. زي ما أغلبية المسيحيين فيها ..  مسيحيين بحق و حقيقي...

ده رايك عشان عايش بره ومستكتر ان اخواتك اللي جوا يعيشوا زيك !!!

عموما الايام هتثبت وهتشوف من المستفيد من اللي بيحصل 
ولو مكنش له دور على الاقل ياسيد يامحترم بيغض الطرف 
والغريب انك مثلا لاتجد اي مشكلة ف ان الفيديو اللي موضح دخول الشخص المزعوم انه اللي عمل هذا العمل الاجرامي 
وعربية الشرطة البوكس ولا حد ساله واول ماحصل الانفجار جريوا 

عموما  مادام حضرتك مقتنع ان اللي بيحصل صح ، وان الحكومة كده بتجيب الحق وان كده ده دولة مواطنة فعادي 

[herohero]

14 hours ago, مواطن مصرى said:

داعش تتبنى مسؤولية التفجير ... طبعا داعش قابضة من السيسى زى ما احنا عارفين

هههههههههههه طبعا داعش فضلت مستنية لحد ماتشوف الرواية الحكومية وبعدين اعلنت مسئوليتها !!!

اهي تقعد كده من غير شغل مايصحش 
وبعدين حضرتك شايف ان ده عادي ان داعش تقدر توصل لتجنيد ناس يعملوا عمليات داخل القاهرة !!!!
شايف ان ده شئ عادي ؟؟؟
يعني انا الصبح اروح شغلي وارجع بعد الظهر اشتغل شوية لداعش وممكن افجر نفسي ؟؟
بصراحه تطور جديد وشئ ممتع انالامن المصري سايب الحكاية سداح مداح كدة وواحد داخل بهذا الكم من المتفجرات وعادي جدا

[herohero]

21 hours ago, tarek hassan said:

هو أنت تسأل هنا وتجاوب هناك .....

يا سلام على الأسلوب

دائما وأبدا هو نفس الأسلوب

ونفس الكذب
والغريبة مع كل تفجير في كنيسة ودون مبالاة بالمعترفين والمقبوض عليهم وصور الانتحاري لسه الكذب والتبلي شغال  
بالأمس كان حبيب العادلي من فجر واليوم السيسي 

دائما وأبدا عايزين حد تاني يتحاسب على جرائمهم 

فكر مرة وأنت بتنقل عن الكذابين الضالين الغدارين

 

 

عم الحاج كلامي ملموس وموجود في الشارع 
حضرتك يمكن مش شايفه ده شئ يرجع لك 
وبيختلف نسبيا من شخص للاخر حسب قدرته ع الاحساس 

عموما ربنا يقوي الناس ع مابتلاها وغلاء الاسعار الفاحش 

 

[tarek hassan]

1 ساعه مضت, herohero said:

عم الحاج كلامي ملموس وموجود في الشارع 
حضرتك يمكن مش شايفه ده شئ يرجع لك 
وبيختلف نسبيا من شخص للاخر حسب قدرته ع الاحساس 
عموما ربنا يقوي الناس ع مابتلاها وغلاء الاسعار الفاحش 

الموضوع عن :  ضحايا وإصابات في تفجير في الكنيسة البطرسية

[مواطن مصرى]

1 ساعه مضت, herohero said:

هههههههههههه طبعا داعش فضلت مستنية لحد ماتشوف الرواية الحكومية وبعدين اعلنت مسئوليتها !!!

اهي تقعد كده من غير شغل مايصحش 
وبعدين حضرتك شايف ان ده عادي ان داعش تقدر توصل لتجنيد ناس يعملوا عمليات داخل القاهرة !!!!
شايف ان ده شئ عادي ؟؟؟
يعني انا الصبح اروح شغلي وارجع بعد الظهر اشتغل شوية لداعش وممكن افجر نفسي ؟؟
بصراحه تطور جديد وشئ ممتع انالامن المصري سايب الحكاية سداح مداح كدة وواحد داخل بهذا الكم من المتفجرات وعادي جدا

طبعا فى تقصير امنى وفى بيئة حاضنة للارهاب فى العالم العربى كله

لكن حضرتك بتشكك فى ايه مش فاهم؟؟ وعايز تلمح لايه؟؟ ان النظام هو اللى عملها مش كده .. ادى ياعم وكالة اعماق التابعة لداعش نزلت بيان بمسؤليتها عن التفجير 

طبعا انت حتسيب كل ده وتمسك فى التقصير الامنى على طريقة بص العصفورة

 

[tarek hassan]

3 ساعات مضت, herohero said:

هههههههههههه طبعا داعش فضلت مستنية لحد ماتشوف الرواية الحكومية وبعدين اعلنت مسئوليتها !!!

اهي تقعد كده من غير شغل مايصحش 
وبعدين حضرتك شايف ان ده عادي ان داعش تقدر توصل لتجنيد ناس يعملوا عمليات داخل القاهرة !!!!
شايف ان ده شئ عادي ؟؟؟
يعني انا الصبح اروح شغلي وارجع بعد الظهر اشتغل شوية لداعش وممكن افجر نفسي ؟؟
بصراحه تطور جديد وشئ ممتع انالامن المصري سايب الحكاية سداح مداح كدة وواحد داخل بهذا الكم من المتفجرات وعادي جدا

منكم من كذب رواية الداخلية وصدقها من داعش 

ولكنك مش مصدق إلا دماغك ..... يعني حتى الاعتراف سيد الأدلة برضه بتأوح خليك مع دماغك وصدق نفسك

[herohero]

On 12/15/2016 at 4:24 PM, مواطن مصرى said:

طبعا فى تقصير امنى وفى بيئة حاضنة للارهاب فى العالم العربى كله

لكن حضرتك بتشكك فى ايه مش فاهم؟؟ وعايز تلمح لايه؟؟ ان النظام هو اللى عملها مش كده .. ادى ياعم وكالة اعماق التابعة لداعش نزلت بيان بمسؤليتها عن التفجير 

طبعا انت حتسيب كل ده وتمسك فى التقصير الامنى على طريقة بص العصفورة

 

طريقة بص العصفورة ده الطريقة المتبعة في النظام الحاكم الحالي واللي قبله وطول عمرهم بيتبعوها 
اكيد حضرتك مش فاكر مجدي مكين اخباره ايه ؟ ولا اخبار اخر اعتداء ارهابي ع كمين شرطة او جيش ولا اخر مشكلة فتنة طائفية حصلت 
لان للاسف كثييييييييييير 
عموما ماحدث هياخد له يومين ويتنسي زي ما تنسى غيره 
وصفحات المنتدى تشهد ع ذلك ،والعياذ بالله مفيش تقصير أمني طبعا واحد داخل ب12 كيلو متفجرات حسب الرواية الرسمية 
ووصول داعش لعمق القاهرة حضرتك شايفه عادي 
صحيح حضرتك فاكر طائرة مصر الطيران اللي وقعت والتقارير اخيرا اثبتت انه عمل ارهابي ياترى مصر هتاخد حقها ؟؟ ولا هنبقى احنا المسئوليين 

 

بص العصفورة

[herohero]

On 12/15/2016 at 5:44 PM, tarek hassan said:

منكم من كذب رواية الداخلية وصدقها من داعش 

ولكنك مش مصدق إلا دماغك ..... يعني حتى الاعتراف سيد الأدلة برضه بتأوح خليك مع دماغك وصدق نفسك

سيدي مش مصدق دماغي ولا حاجه 
بيان داعش ده تحدي للنظام وشئ معناه ان داعش وصلت القاهرة !!!!
وبيان داعش طلع بعد بيان الحكومة واتمنى ان داعش تدينا تفاصيل أكثر 
وعموما داعش هي اللي عملتها وبعدين ؟؟ يعني هي اول مرة داعش تتبنى هجوم !!!

ايه الجديد ؟؟ غيرت في اسلوب مواجهتك ،شايف ان فيه حل ؟؟
 

[herohero]

On 12/15/2016 at 4:17 PM, tarek hassan said:

الموضوع عن :  ضحايا وإصابات في تفجير في الكنيسة البطرسية

فعلا هو ده المطلوب سيدي الفاضل ان حياتنا تبقى مركزة ف الارهاب والفوضى ومش مهم بقى متطلبات الحياة 
والناس متكيفة دلوقت ان الدولار يوصل 20 جنيه وان الادوية والغذاء وكل شئ تقريبا بيزيد سعره بلا رقيب

خلينا في حادثة الكنيسة وبكرة حادثة ثانية وغيره وغيره 

 

[herohero]

On 12/14/2016 at 7:14 PM, عادل أبوزيد said:

مضطر أعقب  ....  مشاركات حضرتك  و نحن نذرف الدموع  تأخذ شكل ال "نأوزة"  أم أنك مش واخد بالك

ليتك تتكلم على بلاطة بلا لف و دوران نحن لسنا في فصل دراسي و أنت "تتنأوز" و تخفي رأسك تحت الدرج

ما يبدو لي أنك لم تعطي الحدث أي قدر من الجدية و الاهتمام  ...  براحتك..

لكن أكيد حضرتك بتفهم  و أكيد تعرف و لو بالخبرة الحياتية  ما يقال أمام الحزانى مثلنا

عزيزي الفاضل من يتأوز ومن يتعامل مع الموضوع بلامبالاة هو من يسمح بتكرار مثل هذه الحوادث ويقوم باتباع نفس الاسلوب للحل وفي النهاية نجد المزيد والمزيد من الحوادث

 

ده الجاني فعلا ،والعجيب ان حضرتك تتعجب وتتهمنى بان الامور مش فارقة 
عزيزي الفاضل لو الامور بالبكاء والدعاء بالرحمة فقط هتحل مشكلة 
كانت مشاكلنا كلها اتحلت كعرب وبالاخص كمصريين احنا اكثر ناس بندعي ربنا لحل مشاكلنا 

لكننا لانأخذ بالاسباب

 

رحم الله من مات من المصريين 

وربنا ينتقم من كل من كان له دور في اراقة دماء المصريين  اما بالفعل او بالتفكير القاصر والاهمال