كرة القدم : بعيون غير رياضية

[Sherief AbdelWahab]

كلنا نحب كرة القدم ، أو معظمنا يحب كرة القدم ، لكن حتى هذا الحب من الممكن أن نعرضه على العقل:

1-لماذا كل هذه الهيستيريا الكروية المصاحبة للبطولة الأفريقية وخاصة مباريات منتخبنا القومي؟ لماذا حاول الإعلام المصري الرسمي تضخيمها؟ رغم أننا شعب غير رياضي ..وأقولها وعلى مسئوليتي الشخصية..

2-هل نجد في كرة القدم معركة يمكن كسبها ، بعد أن خسرنا كل معاركنا؟

3-لماذا تصل درجة الانفعالات في تلك المباريات من قبل الجماهير المتفرجة ، بمن فيها الجماهير المثقفة ، إلى السباب بالأب والأم وأشياء أخرى ، بل وإلى العنف والتخريب؟

4-لماذا نلجأ بيننا وبين بعضنا وفي صحفنا لاستخدام ألفاظ حادة لا تعبر عن أي فحوى رياضي " موقعة - سحق فريق فلان الفريق العلاني - الفضيحة - العار"؟

أسئلة تحتاج لاقتحام من أكثر من رأي وأكثر من زاوية : علم النفس والاجتماع ، والإعلام ، وأشياء أخرى..

خلص الكلام

[masraweya]

هو ليه محدش جاوب؟؟؟

[doha]

في اثناء البطولة الاخيرة ( اعذروني لو قلت لكم الافريقية وهي مش كده ـ اعترف بجهلي بشئون الكورة ) .. على كل حال هي البطولة الاخيرة الي اخذتها مصر بعد ماخسرت قبلها مباشرة امام الجزائر في التصفيات المؤهلة للمونديال . .

في المبارة المؤهلة للنهائي صادف اني كنت في زيارة لوالدي .. صادف برضه ان الجماهير خرجت في ذلك اليوم وبعد انتهاء الماتش باعداد نظلمها عدديا لو قلنا انها غفيرة .. حشود بل جيوش طلعت من كل الشوارع المحيطه واندمجت كلها في مسيرة طويلة استمرت من بعد نهاية المباراة مباشرة وحتى مابعد الثانية او الثالثه صباحا ..

من خبرتي السابقة عارفه ان اي احتفال كروي بيمر دائما من تحت بيتنا ده خط سيره الاساسي .. مكنتش اعرف اصلا ان في ماتش في ذلك اليوم ولا اعرف اهميته غير لما لقيت اصوات غير عادية في الشارع واحتفالات وطلقات نارية فقلت اطلع اشوف في ايه ..

وشفت المنظر الي اكيد كلكم شفتوه في الاخبار ..

طبعا كعادتي مكانش ممكن افوت منظر زي ده وطلعت بكاميرا الفيديو وقفت في البلكونه ووقفت اصور ..

لفت نظري عدة اشياء ..

اولا الناس طالعه كلها باعلام وملابس حمراء بل وحتى السيارات في منها مدهون بالوان العلم المصري .. استغربت .. الناس دي وضبت كل ده امتى .. معقول محتفظين ( بالعده ) دي بيطلعوا بيها في كل مباراة ؟ طيب لو قلنا كده عن الاعلام ماذا عن السيارة او الاثنين الي مدهونين ( دوكو ) وعمري ماشفتهم قبل كده .. هل معقول اصحابهم بس جايبينهم ليوم زي ده ؟

اكثر مااثار تساؤلي مش العدد الغفير الي يكاد يكون نصف سكان مدينتنا الصغيرة طنطا .. وانما نوعية الحشود نفسها .. فاضافة للشباب الي متوقع منهم سلوك احتفالي زي ده كان في كمان كم غير عادي من البسطاء بل والبسطاء جدا .. رجال ونساء بل وأطفال !! .. محملين على عربات كارو وعربات نصف نقل وبيجوبوا شوارع المدينة محتفلين هم كمان .. بصراحه .. دول بالذات الي اثاروا عندي الف تساؤل وتساؤل ..

الناس دي مش لاقية تاكل .. مستحيل هتتحرك كده لمجرد احتفالها وبس .. طيب لو فرضنا العشرات المحملين على عربات الكارو دول فاضيين فقالوا نروح نتسلى ببلاش .. صاحب العربية نفسه معقول ينقل دول كلهم كده بدون مقابل ؟ النصف نقل الي اكل عيشه هو النقلات دي معقول يحمل عربيته ويدفع بنزين كده لوجه الله لمجرد فرحته بصعود ( مصر ) ؟؟

الحكاية دي شغلتني وانا واقفة اصور وبتابع الجيران وهم عمالين يرموا بحلويات وبنبوني من البلكونات على المتجمهرين تحت والي كانوا بيلتقطوها بكل اريحية وبيتصارعوا عليها كمان بل ان بعضهم كان شايل معاه على الكارو كراتين صغيره بيجمع فيها مثل هذه الهبات ..

قلت ياترى يكون مين الي دفع للكارو والنصف النقل ولكثير من المشجعين الي طلعت دي واستتبع خروجها ظهور عدد آخر من الناس استجابت للتجمهر الي حصل تلقائيا فشاركت فيه بغير مقابل ..

انهمكت في التصوير اكثر خاصة بعد مالاحظت ان الجماهير بدأت تؤدي حركات استعراضية في وسط الشارع .. كدت احسد نفسي على حظي الحلو لما لاحظت ان كل الامور الي تستحق التصوير دي بتحصل تحت بلكونتنا بالظبط وبالتالي جاية لي في الكادر مظبوط . . مع تتالي المواقف ولاني شايفه الناس الي جاية من بعيد وشايفه رايحين فين بدأت اشعر بالريبة .. فعلا الناس مبتعملش الحركات دي غير قدامنا بس وبيتعمدوا يجيوا في الحته دي ويتوقفوا شويه قبل مايتابعوا السير ..

فجأه اكتشفت السبب الواضع من البدايه..

البلكونة في مقابلة الحزب الوطني تماما..

اذا الناس دي مش عماله تحتفل وتستعرض هنا بالصدفة .. دي مختارة المكان .. او لنقل المكان هو الي اختارها ..

عرفت ساعتها مين الي دفع تكاليف كل ده والناس دي جاية تجامل مين وتقول لمين احنا بنشتغل اهوه .. عرفت الناس البسطاء الي كبيرهم ياخذوا الحلاوة جايين يرقصوا قدام مين..

بصراحه لما ادركت ده قفلت الكاميرا حتى التسجيل مجاليش نفس اتفرج عليه تاني ..

تم تعديل 1 نوفمبر 2010 بواسطة doha

[nightmare]

الموضوع ده ليه أكثر من بعد

كلنا طبعا بنرفض التعصب الأعمي اللى بيؤدي للعنف , زي ما حدث مثلاً من مشجعين الأهلى اللى احرقوا شاب وولعوا في اتوبيس نادي الزمالك بعد ماتش كرة يد أعتقد أو سلة مش فاكر, ونفس الشئ فعلته بعض الجماهير الزمالكاوية واحرقوا لافتتات النادي الأهلي , المظاهر دي كلنا بلا استثناء نرفضها لانها عبارة عن شغب وليس تشجيع ولابد من معاقبة من فعلوا هذا بالقانون والحكم بحبسهم.

نيجي بقي لأبعاد القضية دي

البعد الشخصي

مفيش مشكلة ان واحد يحب فريق ويتعصب ليه ويتمنى فوزه الدائم في كل المباريات وهزيمة منافسه , لان كرة القدم من وجهة نظري رياضة وهواية مثلها مثل هواية القراءة او الرسم , بس اهم حاجة التشجيع يبقي من غير تطاول او سباب بالام والاب لان دي قلة أدب , وطالما ما ترضهاش على نفسك يبقي ما ترضهاش على غيرك, اتعصب لفريقك بدون تطاول , وعلينا تقبل ان الرياضة مكسب وخسارة ومفيش فريق او لاعب في العالم بيكسب على طول الخط.

البعد الإجتماعي

كورة القدم هي معشوقة الجماهير في كل مكان بالعالم , وفي مصر برضه هي اللعبة الشعبية الأولي , وبامانة شديدة مفيش حاجة بقت بتفرحنا حالياً ولا نلتف حوليها جميعاً الا كورة القدم , فأنا شخصياً لا اتذكر اى انجاز حققته مصر من بعد حرب 73 الا الوصول لنهائيات كأس العالم بإيطاليا والفوز بأربع بطولات افريقية, مفيش اهداف قومية اخري على المستوي الإقتصادي أو المستوي الإجتماعي , وفي ظل وقت الفراغ الكبير لدي الشباب وضعف استثمار هذه الطاقات البشرية الهائلة , لابد أن تخرج هذه الطاقة فلا يجد الشباب الا اخراج هذه الطاقة في تشجيع كورة القدم.

دور الاسرة في التربية الدينية والأخلاقية مهم , لان لو الشاب متربي وعارف ربنا عز وجل لن يتلفظ بهذه الألفاظ ولن يتطاول على أحد.

البعد السياسي

اه الكورة لها بعد سياسي كبير, فأنتم تعلمون جميعاً الطريقة المحفوظة لدي النظام المصري عندما يريد صرف نظر الجماهير عن حدث هام او فساد او كارثة حلت بالبلاد , اصبح استخدام كورة القدم كسلاح لإلهاء الناس عن اى مصيبة او كارثة, كذلك محاولة التقرب من الجماهير عن طريق كورة القدم كما يفعل ابناء الرئيس دائماً , مع اى وصول لنهائي بطولة تجدهم في المقصورة الرئيسية وكأنهم هم من صنعوا الإنجاز , وذهابهم خلف الفريق في السودان وخلافه , وطبعاً لا ننسي الإشادة بالرئيس راعي الرياضة والرياضيين.

البعد الإعلامي

الإعلام المصري كما نعلم هو المحرك لمشاعر الناس اما بالسلب او الإيجاب , وغالبية قنواته لعبة في ايدي النظام , اذا اراد التشويش على كارثة معينة تجد الاعلام يضخم اى مشكلة كروية للاعب او لنادي معين وتجد الكلمات الرنانة من هذا وذاك كما حدث بعد مباراة السودان وانظر لنفس الإعلام عندما اخد التعليمات بعد مبارة الترجي والأهلى الهدوء التام ودول حبايبنا واخوتنا -- نفاق علنى , كذلك معظم ايضاً هذه القنوات متلونة بألوان الأندية , وغالبيتها أحمر كما نعلم , فتراهم يضخمون مشكلة بسيطة في نادي معين ويتكتمون على نفس المشكلة او مشكلة اكبر في نادي آخر منافس فبهذه الأفعال الحمقاء يثيرون مشاعر الجماهير ويزرعون في النفوس كراهية الطرف الآخر, وهذه الكراهية بتظهر بعد ذلك في تشجيع هؤلاء لفريقهم وتطاولهم على الفريق الآخر.

البعد المؤسسي

اتحاد كورة القدم المصري وقطاع الرياضة المصرية بشكل عام هو أحد المؤسسات المصرية التى استشري الفساد فيها كما في كل قطاعات الدولة , لا نظام ولا لوائح محترمة تكفل الفرص المتساوية لكل الأندية ولكن نجد ايضاً الكيل بمكيالين في قراراته , لاعب يشوح لحكم ياخد مباراة ايقاف ولاعب اخر في نادي آخر منافس ياتى بنفس الفعل ياخد 8 مباريات , هذه القرارات تؤثر بالسلب على الجماهير ايضاً.

لابد من وضع لوائح محترمة تنفذ على الصغير والكبير , لابد من تطبيق نظام الإحتراف , لابد من تدريب الحكام واعطائهم المقابل المادي المناسب حتى يتفرغوا لكورة القدم لان معظم الحكام يعملون في مؤسسة الأهرام للإعلان فتفتكر حكم هيزعل الأهلي منه يعني ورئيسه في الشغل هو رئيس الأهلى.

الكلام في الموضوع ده كبير , وانا تعبت من الكتابة , خلاصة القول ان الاعلام والسياسة والفساد في اتحاد الكورة والفراغ القاتل لدي الشباب وغياب دور الاسرة في التربية الدينية السليمة هم جميعاً من ادوا لهذه المشاهد التى تكرهها ونكرهها جميعاً.

مع تحياتي.

تم تعديل 1 نوفمبر 2010 بواسطة nightmare

[Ahmed Anwer]

الأخت ضحي ،،،

أنا بطلع في مظاهرات الإحتفال بالانتصارات الكروية حسب ما أقدر

و بتحايل علي المدام و الولاد يجوا معايا ،، بس مبترضاش عشان خايفة علي العيال

و الله ،،، مبخدشي فلوس من الحزب الوطني

ههههههههه

لا طبعا تحليك خاطئ

بدليل المصريين من نيويورك لسيدني مرورا بأوربا و الرياض و الدوحة و الكويت و دبي

مفيش حزب وطني هناك !!!!!

و فيديوهاتهم مرطرة علي اليوتيوب ،،،

أخويا في دبي ،،، حضرت معاه مباراة مصر و الجزائر الأولي في القاهرة

أهم حاجة وصاني عليها أجيبهالك معايا علم مصر كبير و علمين صغيرين للأولاد

هيا بس محاولة بالشعور بالفخر بالإنتماء لهذا الوطن

[masraweya]

هو ليه "الفخر" بمصر ما يبقاش غير في الماتشات؟

مابقولش ما نفرحش .. و ما نزعلش.. بس حماسنا للكورة مش المفروض يبقى الملاذ الوحيد اللي نهرب له من الاحباط

ما يبقاش التشجيع و الفرجة هما كل دورنا

دايما أسأل نفسي .. طام واخد من اللي بيشجعوا دول بيلعب كورة فعلا؟

او حتى بيمارس أي رياضة؟

يعني إيه "تشجيع الماتشات" يبقى هو المنفذ الوحيد "لطاقات الشباب"

ليه "وطنيتنا" ما تظهرش غير في استقبال الفريق القومي.. و "مؤازرته"؟

[solimady]

في اثناء البطولة الاخيرة ( اعذروني لو قلت لكم الافريقية وهي مش كده ـ اعترف بجهلي بشئون الكورة ) .. على كل حال هي البطولة الاخيرة الي اخذتها مصر بعد ماخسرت قبلها مباشرة امام الجزائر في التصفيات المؤهلة للمونديال . .

في المبارة المؤهلة للنهائي صادف اني كنت في زيارة لوالدي .. صادف برضه ان الجماهير خرجت في ذلك اليوم وبعد انتهاء الماتش باعداد نظلمها عدديا لو قلنا انها غفيرة .. حشود بل جيوش طلعت من كل الشوارع المحيطه واندمجت كلها في مسيرة طويلة استمرت من بعد نهاية المباراة مباشرة وحتى مابعد الثانية او الثالثه صباحا ..

من خبرتي السابقة عارفه ان اي احتفال كروي بيمر دائما من تحت بيتنا ده خط سيره الاساسي .. مكنتش اعرف اصلا ان في ماتش في ذلك اليوم ولا اعرف اهميته غير لما لقيت اصوات غير عادية في الشارع واحتفالات وطلقات نارية فقلت اطلع اشوف في ايه ..

وشفت المنظر الي اكيد كلكم شفتوه في الاخبار ..

طبعا كعادتي مكانش ممكن افوت منظر زي ده وطلعت بكاميرا الفيديو وقفت في البلكونه ووقفت اصور ..

لفت نظري عدة اشياء ..

اولا الناس طالعه كلها باعلام وملابس حمراء بل وحتى السيارات في منها مدهون بالوان العلم المصري .. استغربت .. الناس دي وضبت كل ده امتى .. معقول محتفظين ( بالعده ) دي بيطلعوا بيها في كل مباراة ؟ طيب لو قلنا كده عن الاعلام ماذا عن السيارة او الاثنين الي مدهونين ( دوكو ) وعمري ماشفتهم قبل كده .. هل معقول اصحابهم بس جايبينهم ليوم زي ده ؟

اكثر مااثار تساؤلي مش العدد الغفير الي يكاد يكون نصف سكان مدينتنا الصغيرة طنطا .. وانما نوعية الحشود نفسها .. فاضافة للشباب الي متوقع منهم سلوك احتفالي زي ده كان في كمان كم غير عادي من البسطاء بل والبسطاء جدا .. رجال ونساء بل وأطفال !! .. محملين على عربات كارو وعربات نصف نقل وبيجوبوا شوارع المدينة محتفلين هم كمان .. بصراحه .. دول بالذات الي اثاروا عندي الف تساؤل وتساؤل ..

الناس دي مش لاقية تاكل .. مستحيل هتتحرك كده لمجرد احتفالها وبس .. طيب لو فرضنا العشرات المحملين على عربات الكارو دول فاضيين فقالوا نروح نتسلى ببلاش .. صاحب العربية نفسه معقول ينقل دول كلهم كده بدون مقابل ؟ النصف نقل الي اكل عيشه هو النقلات دي معقول يحمل عربيته ويدفع بنزين كده لوجه الله لمجرد فرحته بصعود ( مصر ) ؟؟

الحكاية دي شغلتني وانا واقفة اصور وبتابع الجيران وهم عمالين يرموا بحلويات وبنبوني من البلكونات على المتجمهرين تحت والي كانوا بيلتقطوها بكل اريحية وبيتصارعوا عليها كمان بل ان بعضهم كان شايل معاه على الكارو كراتين صغيره بيجمع فيها مثل هذه الهبات ..

قلت ياترى يكون مين الي دفع للكارو والنصف النقل ولكثير من المشجعين الي طلعت دي واستتبع خروجها ظهور عدد آخر من الناس استجابت للتجمهر الي حصل تلقائيا فشاركت فيه بغير مقابل ..

انهمكت في التصوير اكثر خاصة بعد مالاحظت ان الجماهير بدأت تؤدي حركات استعراضية في وسط الشارع .. كدت احسد نفسي على حظي الحلو لما لاحظت ان كل الامور الي تستحق التصوير دي بتحصل تحت بلكونتنا بالظبط وبالتالي جاية لي في الكادر مظبوط . . مع تتالي المواقف ولاني شايفه الناس الي جاية من بعيد وشايفه رايحين فين بدأت اشعر بالريبة .. فعلا الناس مبتعملش الحركات دي غير قدامنا بس وبيتعمدوا يجيوا في الحته دي ويتوقفوا شويه قبل مايتابعوا السير ..

فجأه اكتشفت السبب الواضع من البدايه..

البلكونة في مقابلة الحزب الوطني تماما..

اذا الناس دي مش عماله تحتفل وتستعرض هنا بالصدفة .. دي مختارة المكان .. او لنقل المكان هو الي اختارها ..

عرفت ساعتها مين الي دفع تكاليف كل ده والناس دي جاية تجامل مين وتقول لمين احنا بنشتغل اهوه .. عرفت الناس البسطاء الي كبيرهم ياخذوا الحلاوة جايين يرقصوا قدام مين..

بصراحه لما ادركت ده قفلت الكاميرا حتى التسجيل مجاليش نفس اتفرج عليه تاني ..

على فكره أنا وقت الماتش ده كنت فى مدينة صحار فى سلطنة عمان

كان لسه بقالى حوالى سنه وشويه جاي من مصر ولسه متحمس

أنا اللى عملت الزفه على الكورنيش وكنت بقود المصريين فى الغناء و الزفه

وكنت ساعتها حاسس إني مش فى وعيي لإن المباراه اللى قبليها اللى كانت في السودان كان أول مره ألاقى ناس بتشجع الفريق المنافس لمنتخب بلادى أمامي كده عيني عينك كان طبعاً كل التوانسه و المغاربه وبعض العمانيين و طبعا كان موقف جديد عليا

علشان كده فى المباراه التانيه كنت زي المجنون بعد المباراة وطبعا أكيد الحزب الوطني مادفعليش فلوس هههههه

[nightmare]

هو ليه "الفخر" بمصر ما يبقاش غير في الماتشات؟

مابقولش ما نفرحش .. و ما نزعلش.. بس حماسنا للكورة مش المفروض يبقى الملاذ الوحيد اللي نهرب له من الاحباط

ما يبقاش التشجيع و الفرجة هما كل دورنا

دايما أسأل نفسي .. طام واخد من اللي بيشجعوا دول بيلعب كورة فعلا؟

او حتى بيمارس أي رياضة؟

يعني إيه "تشجيع الماتشات" يبقى هو المنفذ الوحيد "لطاقات الشباب"

ليه "وطنيتنا" ما تظهرش غير في استقبال الفريق القومي.. و "مؤازرته"؟

طب هو ايه البديل طيب اللى نتجمع عليه ونفخر بيه ؟؟؟؟؟؟؟ , ايه البديل لشباب محبط ومش لاقي فرص عمل يخرج طاقته فين ؟؟؟؟؟؟ هل تفتكري يا أ.مصراوية ان مفهوم الوطنية موجود لدي الشباب حالياً وبنسبة كام ؟؟؟؟؟؟؟

مع تحياتي

[solimady]

هو ليه "الفخر" بمصر ما يبقاش غير في الماتشات؟

مابقولش ما نفرحش .. و ما نزعلش.. بس حماسنا للكورة مش المفروض يبقى الملاذ الوحيد اللي نهرب له من الاحباط

ما يبقاش التشجيع و الفرجة هما كل دورنا

دايما أسأل نفسي .. طام واخد من اللي بيشجعوا دول بيلعب كورة فعلا؟

او حتى بيمارس أي رياضة؟

يعني إيه "تشجيع الماتشات" يبقى هو المنفذ الوحيد "لطاقات الشباب"

ليه "وطنيتنا" ما تظهرش غير في استقبال الفريق القومي.. و "مؤازرته"؟

طب هو ايه البديل طيب اللى نتجمع عليه ونفخر بيه ؟؟؟؟؟؟؟ , ايه البديل لشباب محبط ومش لاقي فرص عمل يخرج طاقته فين ؟؟؟؟؟؟ هل تفتكري يا أ.مصراوية ان مفهوم الوطنية موجود لدي الشباب حالياً وبنسبة كام ؟؟؟؟؟؟؟

مع تحياتي

معلش أنا شايف إن الظاهره دي ظاهره عالميه وليست مصريه ففط وموجوده أيضاً فى الدول المتقدمه اللى شبابها عنده فرص عمل ومعندوش بطاله زي أسبانيا مثلا شوفوا جمهورها عمل أيه بعد الفوز بكاس العالم على الرغم من أن إقليم كاتالونيا - اللى فيه مدينة برشلونه - بيطالب بالإنفصال عن أسبانيا ليصبح دوله مستقله لكن عندما فاز المنتخب الاسباني بكأس العالم خرج كل الجمهور الأسباني فى وحده واحده الكاتالونيين و الاسبان من مدينة مدريد و كل المدن

إذن هيه ظاهره عالميه وليست مصريه وليس لها علاقه بالبطاله

[nightmare]

معلش أنا شايف إن الظاهره دي ظاهره عالميه وليست مصريه ففط وموجوده أيضاً فى الدول المتقدمه اللى شبابها عنده فرص عمل ومعندوش بطاله زي أسبانيا مثلا شوفوا جمهورها عمل أيه بعد الفوز بكاس العالم على الرغم من أن إقليم كاتالونيا - اللى فيه مدينة برشلونه - بيطالب بالإنفصال عن أسبانيا ليصبح دوله مستقله لكن عندما فاز المنتخب الاسباني بكأس العالم خرج كل الجمهور الأسباني فى وحده واحده الكاتالونيين و الاسبان من مدينة مدريد و كل المدن

إذن هيه ظاهره عالميه وليست مصريه وليس لها علاقه بالبطاله

اتفق معاك تماماً , ظاهرة عالمية لما يكون فيه انجاز زي تحقيق بطولة كأس عالم او امم اوروبية او افريقية البلد كلها بتخرج وتفرح , بس اختلف معاك برضه لان في دوريات اوروبا كلها بما فيهم اسبانيا وانجلترا بنلاقي الجماهير قاعدين جنب بعضهم ومفيش حد لا بيرمي زجاجات ولا حد بيشتم ويضرب والجماهير تحس انها قاعدة في المعلب ولا حد بيفكر ينزل ولا يقوم من على كرسيه.

يعني لا فيه حرق ولا ضرب ولا خناقات كل ماتش.

مع تحياتي

[Ahmed Anwer]

معلش أنا شايف إن الظاهره دي ظاهره عالميه وليست مصريه ففط وموجوده أيضاً فى الدول المتقدمه اللى شبابها عنده فرص عمل ومعندوش بطاله زي أسبانيا مثلا شوفوا جمهورها عمل أيه بعد الفوز بكاس العالم على الرغم من أن إقليم كاتالونيا - اللى فيه مدينة برشلونه - بيطالب بالإنفصال عن أسبانيا ليصبح دوله مستقله لكن عندما فاز المنتخب الاسباني بكأس العالم خرج كل الجمهور الأسباني فى وحده واحده الكاتالونيين و الاسبان من مدينة مدريد و كل المدن

إذن هيه ظاهره عالميه وليست مصريه وليس لها علاقه بالبطاله

اتفق معاك تماماً , ظاهرة عالمية لما يكون فيه انجاز زي تحقيق بطولة كأس عالم او امم اوروبية او افريقية البلد كلها بتخرج وتفرح , بس اختلف معاك برضه لان في دوريات اوروبا كلها بما فيهم اسبانيا وانجلترا بنلاقي الجماهير قاعدين جنب بعضهم ومفيش حد لا بيرمي زجاجات ولا حد بيشتم ويضرب والجماهير تحس انها قاعدة في المعلب ولا حد بيفكر ينزل ولا يقوم من على كرسيه.

يعني لا فيه حرق ولا ضرب ولا خناقات كل ماتش.

مع تحياتي

حضرتك عارف أيه اللي حصل الشهر اللي فات في ماتش ما بين صربيا و ايطاليا ؟؟؟

اعمل سيرش علي جوجل و شوف الأخبار و الفيديوهات

بص هوا أنا مش بدافع عن السلوك ده ،،،

بس هوا ظاهرة عالمية برده

[Om Zayd]

عارفين ليه ظاهرة عالمية؟ لأنه "بزنس" رهيب و أرباح خيالية .. بالذات برة.. بيتصرف عليه و يستثمروا فيه..

بس برة .. بيشجعوا و يراهنوا و يتخانقوا .... لكن

بيشتغلوا و يشاركوا في الحياة السياسية

حتى الرياضة ..بيمارسوها

باختصار .. مش زينا بنتفرج و بس

في كل حاجة

تحياتي

[مصري أصيل]

انا من مقيمي الكويت منطقه معظمها من المصريين اسمها الفروانيه و كل مره مصر بتفوز في بطوله بأخرج انا و زوجتي و الأولاد بالعربيه نحتفل بفوز مصر

و السيناريو ده بيتكرر في كل المناطق التي يسكنها مصريين في الكويت

و الناس فهمه ان احنا بننزل عشان نحتفل و نرفع راسنا و نرفع اعلام مصر فوق كل العربيات و البيوت في المنطقه و بنفضل صاحيين لوش الصبح نحتفل بالرغم من اننا تاني يوم عندنا دوام الساعه 7 صباحاً بس ده الظاهر و لكن الباطن ان في نص الشارع اللي بيحصل فيه الاحتفال فيه مطعم جاد الشهير و من المعروف ان المطعم ده موالي للحزب الوطني المصري الديمقراطي و المطعم ده بيوزع سندوتشات فول و طعميه علي المحتفلين من ابناء المنطقه و اللي بيحتفل و ينبح صوته اكتر بيديه سندوتشات كبده اسكندراني كل واحد بقي و مجهوده.

[doha]

الأخت ضحي ،،،

أنا بطلع في مظاهرات الإحتفال بالانتصارات الكروية حسب ما أقدر

و بتحايل علي المدام و الولاد يجوا معايا ،، بس مبترضاش عشان خايفة علي العيال

و الله ،،، مبخدشي فلوس من الحزب الوطني

ههههههههه

لا طبعا تحليك خاطئ

بدليل المصريين من نيويورك لسيدني مرورا بأوربا و الرياض و الدوحة و الكويت و دبي

مفيش حزب وطني هناك !!!!!

و فيديوهاتهم مرطرة علي اليوتيوب ،،،

أخويا في دبي ،،، حضرت معاه مباراة مصر و الجزائر الأولي في القاهرة

أهم حاجة وصاني عليها أجيبهالك معايا علم مصر كبير و علمين صغيرين للأولاد

هيا بس محاولة بالشعور بالفخر بالإنتماء لهذا الوطن

متاكده ان في من حضرتك كتير .. وعشان كده لو اخذت بالك انا قلت في مداخلتي بالنص :

قلت ياترى يكون مين الي دفع للكارو والنصف النقل ولكثير من المشجعين الي طلعت دي واستتبع خروجها ظهور عدد آخر من الناس استجابت للتجمهر الي حصل تلقائيا فشاركت فيه بغير مقابل ..

وانا شخصيا كنت سعيده بالتظاهرة الي كانت حاصلة وعلى هذا كنت بصورها .. واخويه عنده علم مصر كبيييير بحجم عربية بياخذه في المباريات وبيسلفه لاصحابه كمان لو مش هيروح .. بس لو حضرتك اخذت بالك برضه .. اهتمامنا انا وانت واخويه والملايين دول بدأ امتى ؟

انا عندي تقريبا 36 سنة ..بالفعل من اقل من ست سنوات بس بدأت اشوف المظاهرات دي قبل كده عمري في حياتي ماشفت علم مصر في احتفالية كروية غير مرة بالصدفة كنت رايحه معرض الكتاب وكان في ماتش هام في ذلك اليوم فمرينا على الاستاد وفي طريقنا شفنا العربيات والناس حاملة الاعلام ( وبالمناسبة يومها تم اغلاق المعرض بمناسبة الماتش !!) فيما عدا ذلك حد يفكرني امتى كنا بنحتفل بالشكل ( المأفور ) ده ؟ حد يقدر يجيب سبب عن تحول الاحتفال بالمباريات من بضع عربات تمر بسرعه حاملة شاب او اثنين الى تجمهر يسد الطريق ويمتد من الحادية عشرة لما قبل الفجر ؟؟

اول مرة شفت فيها التظاهرات ـ بشكلها الجديد ـ استغربت جدا الناس دي لحقت تتجمع امتى وعرفوا منين خط سير التظاهرة الي بيبدأ من شارع البحر وينتهي بالاستاد ثم يعود تاني قبل ماكل واحد يروح لحاله ..

والاهم من كل ده خروج حضرتك وكل المشجعين الكرويين العاديين لا يجيب برضه عن تساؤلي الناس البسيطه الي في العربيات دي .. مين تكفل بمصاريف خروجهم ؟؟

في تصويري ركزت على عربات الكاروا ونوعية راكبيها .. من المستحيل يكونوا خرجوا كده لوجه الله .. على كل حال باذن الله لو عملت مونتاج للفيديو هرفع لك جزء منه وتحكم بنفسك ..

تم تعديل 2 نوفمبر 2010 بواسطة doha

[اغابي]

انا ما بحبش الكورة كحب او جنون

لكن بزعل على مصر او اى اهانة تحصل لمصر - مع ان الفترة الاخيرة كل المشاكل اللى جايا لمصر وكلام وجع الدماغ - بسبب الكورة

ازعل على المصريين او قريت كلمة فى صحف تانية عنهم مش كويسة

يعنى قريب قريت فى صحيفة افريقيه مش فاكرة حدا بيقول ان المصريين دول كل شوية يضربوا من حدا واتعودوا انهم يضربوا سواء جوة مصر على ايد التونيسيين او جو السودان على ايد الجزائريين اتضيقت على اسم مصر

مش عارفة انا مش باضايق على الكورة انا بازعل على المصريين فقط

تحياتى

[masraweya]

مقالين ممكن يوضحوا الصورة أكتر

معتز بالله عبد الفتاح

يعتقد مهدى أن الكثير من المعلقين والمذيعين الرياضيين نجحوا فى أن يخلقوا فجوة بين الشعوب العربية والتى هى فى الأصل شعب واحد تفرقت أعلامه واختلطت أولوياته لكن لا ينبغى أن تكون الكرة بما لها من جماهيرية معولًا آخر من معاول تمزيق شعبنا. هذه رسالة «مهدى» العربى من تونس إلينا جميعا.

و يا ريت تقروا التعليقات

http://www.shorouknews.com/Columns/Column.aspx?id=326148

الإعلام الرياضي أداة .. هل تحركه الرغبة في الكسب المادي فقط؟ أم أنه -كأشياء أخرى كثيرة- موجه؟

الإثارة و السوقية في كثير من البرامج ما أثرها على الشباب المتابع و المتلقف لكل كلمة؟

ألا توجد آلية لمحاسبة هؤلاء "الإعلاميين"؟

حسن المستكاوي

لماذا تفسد الكرة علاقات الشعوب..؟ 1 لماذا يمكن أن تفسد مباريات كرة القدم ما بين الشعوب؟

أرجو أن تقرأ تلك المحاولة للإجابة، وأن تفكر فيما تقرأه بدقة وبتمعن، وأن تتعامل مع الإجابة على أنها اجتهاد وليست قرارا.

نقطة البداية: سببان لا ثالث لهما يدفعان كل شعوب العالم الآن كلها، أكرر كلها، للخروج بالملايين إلى الشوارع ونحن فى بداية العقد الثانى من القرن الحادى والعشرين.. السبب الأول هو انتصارات فرق كرة القدم، والسبب الثانى الذى يدفع الملايين من الشعوب للخروج إلى الشوارع هو تأييد واقع سياسى أو لرفض واقع سياسى. وآخر المشاهد «الثورة البرتقالية» فى أوروبا الشرقية، وما تبعها من حركات شعبية فى مرحلة ما بعد سقوط الاتحاد السوفييتى.

بالنسبة للسبب الأول، أوضحنا مرارا أن كرة القدم باتت البديل المشروع للحرب.. وهى كذلك بعد أن جرب العالم ويلات الحروب. كما أن كرة القدم ساحة مشروعة للصراع الحضارى.. وساحة منظورة ومشهودة.. شأن الألعاب الرياضية كلها، وهى ألعاب لا تعنى العرب كلهم، إلا أن الدورات الأوليمبية تشهد هذا الصراع العام والمتسع بين الأمم فى شتى اللعبات.. وكرة القدم تحديدا باتت مساحة ملاعبها ساحات للمبارزات الحضارية عند بعض الشعوب، لأن نتائجها سريعة، ولأن هناك هذا الظن فى أنها تجرى تحت ظل العدالة، ولذلك حين يخيب هذا الظن تسرع الجماهير بتفسير وتبرير الهزيمة بالحكم والتحكيم.

الألعاب الرياضية، وساحات كرة القدم تجسد الصراع الخفى، والمبارزة الحية على صفة التميز عند الشعوب التى تجد فوزها فى مباراة دلالة على انتصارها الحضارى العام.. ونفس الظاهرة تجدها عند شعوب أوروبية حققت تقدما مذهلا فى مناحى الحياة المختلفة، حيث تمسك بنتيجة تلك المبارزة المشروعة وتحتفى وتحتفل بمظاهرات فرح صاخبة يخرج فيها الملايين إلى الشوارع.. فنتيجة المبارزة مشهودة فى أركان المعمورة، وهى نتيجة سريعة، وغير متاحة فى مبارزات الفن والثقافة والسينما والأغنية والتاريخ والجغرافيا.. فأنت تستطيع أن تقول: «أملك أفضل موقع جغرافى، وهو يستطيع أن يدعى بذلك أيضا».. وحتى فى السياسة هناك مبارزات مخفية، لكن فى السياسة وجهات نظر ومصالح، بينما فى نتائج مباريات كرة القدم لا توجد وجهات نظر ولاتوجد مصالح.

يبقى أن كرة القدم لعبة عند العالم الأول وحدودها الملعب المغطى بالعشب الأخضر الجميل.. الاحتفاء من جانب الملايين للفوز بمباراة أو ببطولة لا يزيد على الزمن الذى يلى الانتصار، ولا يتجاوز إلى تسفيه وتحقير الآخر وتذكيره بالهزيمة حتى لو مضت عليها سنوات.. حيث يهتم هذا العالم بظاهر الرياضة ومفهومها، ففى النهاية هى شعوب تمارس نشاطا إنسانيا يعكس القدرة البشرية، ويحتفى بانتصار الإنسان فى صراعه مع الزمن والمسافة والثقل.. وهم لا يخلطون الأمور، فلا يلقون بهموم السياسة والاقتصاد فى ملاعب الرياضة، ولا يلقون بموروثات قديمة وتاريخية فى مدرجات كرة القدم..!جزء من تلك الأزمة يتعلق بظاهرة عميقة أخرى، وهى أن الأندية أصبحت أوطانا عند جماهيرها وشعوبها.. أى شعوب وأى جماهير وكيف؟

هذا سؤال آخر.. يستحق إجابة أخرى.

[masraweya]

السلام عليكم

الجزء الثاني من مقال حسن المستكاوي في الشروق

لكن أندية كرة القدم أيضا باتت أوطانا عند جماهيرها وشعوبها.. وكان السؤال أى شعوب وأى جماهير ؟!

«الأندية فكرة سياسية إطارها رياضى وعنوانها وطنى». كان هذا عنوان رسالة الدكتوراه التى أعدها الباحث محمد سالم منصور فى جامعة السوربون وناقش فيها أسباب التفاف الجماهير حول الأندية الشعبية فى مصر، مثل الأهلى والزمالك.

ومنذ 40 عاما وصف الدكتور يحيى الرخاوى تشجيع الناس للكرة بأنه كالتعبير عن الانتماء ومظهر له، فالإنسان لابد أن ينتمى إلى أشياء معينة أحيانا بإرادته وأحيانا أخرى بالرغم عنه، فهو ينتمى إلى أسرة ثم مدرسة ثم عمل ثم أسرة جديدة، وهو منتم إلى وطن وإلى نقابة وإلى ناد. وجمهور الكرة عندما يختلط بناديه وبمشجعيه يصبح ممثلا له متقمصا لشخصيته، يفرح بانتصاره، لأنه يشعر بأنه انتصار له هو فى النهاية».

وظاهرة اختصار الوطن فى الفريق تتجلى فى دول العالم الثالث لأسباب تتعلق باللعبة، ولأسباب تتعلق بجذور تلك الدول، فيظهر التعصب وينمو، وتصبح ردود الفعل للانتصارات والانكسارات عصبية ومرضية. وفى تلك الدول التى تنتمى للعالم الثالث يبدو الانتماء فى السلوك اليومى للمواطن وفى مواجهة تحدياته المحدودة أمام خصم أو فريق أهم من انتماء نفس المواطن للوطن، وهو ما يتجلى أيضا فى سلوكه اليومى وفى مواجهة تحديات أكبر وأخطر وأشمل أمام الوطن.. (أعد القراءة والتفكير جيدا)؟

إن شعوب العالم الأول والثانى وشعوب العالم الآخر تجمعها السياسة وتجمعها المشاركة فى إدارة الدولة، ويجمعها العمل العام، ويجمعها العمل من أجل البناء والمستقبل، ويجمعها الانتماء كحالة دائمة تتجسد فى أكبر الأمور وأصغرها، وتجمعها القضايا الوطنية، ويظللها العدل والمساواة والقانون الصارم.. ولذلك ترى هذه الشعوب أن الملعب هو أحد الأماكن القليلة التى يستطيع فيها الإنسان أن يفلت من ضوابط القانون وقيوده الصارمة التى تنظم حياته فى الشارع والمدرسة والمكتب والمنزل والعمل.. هكذا على الرغم من أنهم يلعبون بجد.

أصبحت الملاعب هناك ساحات للهو والترويح، بينما هنا فى العالم الثالث لا نلعب بجد، ولا نعمل بجد، ولا نمارس أى شىء بجد، ومع ذلك باتت ملاعب كرة القدم ساحات حرب ومعارك.. وأصبحت ميادين العمل، والتفكير، والنمو، والممارسات السياسية، والحروب ضد الأمراض، وضد الأخطار، وضد الآخر.. أصبحت ساحات لهو!هكذا تفسد كرة القدم ما بين الشعوب.. خصوصا شعوب العالم الثالث!