النتيجة ظهرت ..!!

[مصرية الهوى]

النتيجة ظهرت :)

صووووووووووووووووووووووووتي يمممممممممممممممممممممممممممه!!

فاصل عياطي ..

ونعود لكم بعد قليل ..

ولو معدناش ..

هتحصلوني في السرايا الصفرا بتاعتنا اللي في الطايف :)

ارجوكو متنسونيش بالزيارة ..

وانا بحب الشوكولاته السويسرية جدا جدا :rolleyes: :unsure:

[se_ Elsyed]

إيه الساسبينس ده ؟!!!!

نجحتي بإمتياز زي كل مره ولا لأ ؟

آه مش عايزين حمرقه عشان تاكلي علينا الربع تيس المندي ...

[tarek_almeghallawy]

عادي

شلتي كل المواد

أمال الدور التاني عملوه ليه

فيه ناس كتيييييييييييييييير عندها خبرة في مذاكرة الصيف ولايهمك

أم بدوي كصة عاتفية عشر مرات ممكن تفيد

الشيكولاتة بتزود الدوبامين في الدماغ

بس السويسري غالي ما بتزودوش

[وليد صفوت]

اشتاتاً أشتوت :)

انا مش هقرب من الموضوع ده اليومين دول خاااااااااااالص

خلينا بعيد يا عم :)

[مصرية الهوى]

قفشتني يا سي السيد

:P

لا الحمد لله هي تمشي الحال ..

بس بصراحة أقل مما توقعت ..

وده اللي صدمني ..

وحطمني شويا ..

وحسسني بالغباء شويا ..

:sad:

بس الواحد يرجع ويقول الحمد لله ..

احنا عملنا اللي علينا والباقي سبناه على ربنا ..

ومش لازم يعني التفوق .. أهم حاجة الأخلاق :D

ومحدش بيبات من غير عشا ..

واللي منجحش .. هما عاملين الدور التاني ليه على رأي

طارق mfb:

( لا ياطارق الله يخليك ..

شيل المادة ده يمكن يسبب لي شلل والا سكتة لاسمح الله :blush: )

بس ايه ربع المندي اللي بتقول عليه ..

بابا اداني 200 هدية النجاح ( بعد طلوع الروح يعني :wub: ) .. تجيب مندي؟؟ :D

والا خلينا بس على الفول والطعمية ..

لزمتها ايه البعزقة .. وكمان اللحمة بتسبب داء النقرس ( مش عارفه كتبتها ازاي ;) )

متخفش ياوليد ..

قول .. اهو نونس بعض ..

والموت مع الجماعة رحمة

لا بجد ياجماعة .. انا عندي مبدأ دايماً صحباتي بيضحكوا عليه ..

التقدير مش مهم عندي .. بقدر مدى فهمي للمادة ومدى استفادتي منها ..

ان شاء الله اجيب كلها D بس أكون واثقة من نفسي ان انا فاهمة كل حاجة في المادة .. مش اجيب A وأنا مش فاهمة اي حاجه في الموضوع بس حافظة كلمتين وجيت دلقتهم على الكراسة وانتهينا ..

وفي الكلية معروف ان التقادير كلها تلاعب .. تطلع واثق من مادة ..

تفأجئ ان درجاتك في الحضيض ..

ومادة تطلع وانت بتعيط .. تلاقيك جايب امتياز ..

عشان كده انا حطيت كل اهتمامي بفهم المادة والاستفادة منها

ومش مهم التقدير ..

( وحدة بتضحك على نفسها وتحاول تقنعها بالكلمتين دول :blush: )