إعادة إكتشاف س س

[tarek_almeghallawy]

ليه س س ما يجمعش كتاباته في كتاب وينزله السوق

وأنا أضمن له ها يتوزع هوا فشر كتب أحمد رجب

والله أنت خسارة فينا يا س س

لو مش واخد بالك احنا نقولك

ليه مفرط في موهبتك؟

اسمع كلامي واصبر شوية

اكتب مقالات منتظمة زي ما قالك مهيب

وبعدين جمعها في كتاب

وياسيدي لما تبقى كاتب كبير وتبيع الكلمة ب 75قرش ابقى افتكرنا

ممكن السطر يعملك يجي ستة جنيه وربع

وممكن البلية تلعب وتستغنى عن الغربة

والله بجد انت تملك كل مقومات الكاتب المحترف

ما تضيعش وقتك مع الناس الهفأ اللي هوّا احنا

وما تنسناش في مقال أسبوعي للمحاورات

ولا انت فعلا ليك إنتاج احنا ما نعرفوش

هوّا انت اسمك أحمد إيه

أنا محتاج مساعدة السادة الأعضاء في إقناعه

[MZohairy]

سي السيد؟

أخف دم

وأجمل تعليق

وأرق مشاعر

و.........

ايه ده؟

:) انت قريبه يا طارق ولا مأبجك؟ :)

[مصرية الهوى]

أنا قريت العنوان " إعادة اكتشاف س س " ..

قلت يا بنت ادخلي اتنوري .. أكيد اكتشفوا مقبرة فرعونية ..

لواحد من أشهر فراعنة مصر .. اسمه " سنبوت سنحبوت " ..

بس بيدلعوه س س ..

;)

وأكيد المقبرة كانت مطمورة بالتراب ..

بعدين بعد عمليات الحفر والتنقيب .. اعادوا اكتشافها ..

فوجدوا التماثيل الذهبية والتحف البرونزية الخ الخ الخ ..

:sad: mfb:

سي السيد .. بقول لحضرتك ايه .. انا بكتب كويس جداً على الكمبيوتر ..

فلو احتجت اي حاجة في مطبعتك .. أنا تحت أمر حضرتك ..

انت هتبيع الكلمة ب 75 قرش .. انا هأكتبهالك بـ 20 قرش ..

يعني مكسب 55 قرش مش بطال .. وبلاش الطمع :wub:

وربنا يرزقنا ويكرمنا ويفتح علينا ..

ويجعلنا باب رزق لعبيده..

قادر يا كريم ..

:P

سي السيد ..

لاتكون احمد السقا واحنا منعرفش :blush:

جيجي ..

كاتبة وناسخة ووراقة ..

نكتب على ..

( الكمبيوتر .. ورق البردى .. مناديل الكلينكيس .. وكل حاجة )

:blush:

تم تعديل 1 فبراير 2006 بواسطة مصرية الهوى

[se_ Elsyed]

أولاً بأشكر الأخ طارق على مجاملته الرقيقية

( عدي يابني على الكاشير بره هاتلاقيني سايب لك ورقة فيها كيلو لحمه .. وظرف فيه خمسة جنية .. إحنا ما بناكلش عرق رجالتنا )

الأخ محمد زهُيري ... تصدق بالله .. إنت فكرتني بالحُجاج اللي بيتلموا حوالين مصورين البولارويد في عرفات وتلاقي إتنين واقفين ورا اللي بيتصور وماسكين له سجادة صلاة .. على أساس تبقى باك جاروند يعني .. وتلاقيه رافع إيده في تضرع وخشوع عشان صورته تطلع حلوه .... أنا بأهزر معاك ... وعامة يا عم صورتك خلاص إتقرشفت وبقى لك ملف في الأمن الغذائي . وإحتمال نعدي عليك بالليل ... هنعوزك في كلمتين وتروح على طول ... علشان تقولنا علاقته إيه بالمُنشق السياسي سين سين ويتنظيم محاورات المصريين للاجئين السياسين ...

بنتنا الغالية جيجي .... بالتأكيد يا جيجي لما البليه تعلب معايا هاحتاج سكرتيرة .. وطبعاً مش هالاقي أفضل من بنت ديرتي أشغلها عندي ..

بس على شرط ..

هاتنقلي كفالتك عليه .. وساعتها بقى هاطلع عليكي القديم والجديد .. يعني السكن هايبقى مُشترك - خمسة في الأوضه .. وهايبقى معاكي 3 سريلانكيات وبنغلاديشية وبنت تانية كده من نيبال - والحمام هايبقى واحد للعمارة كلها المؤلفة من 4 ادوار في 12 غرفة .. إحسبيها أنتي بقى عشان تشطفي وشك بشوية ميه هاتاخد وقت قد إيه :blush: ... والعلاج هايبقى في مستوصف البطحا العام ... والراتب كل 10 شهور ...

أصلي ناوي أبقى كفيل مُفتري :wub: بصراحة

واحد صديقي بيكلمني في موضوع جد وبيقولي تعرف يا سين سين إني سمعت إن من تداعيات موضوع الجات ده إنهم هايفتحوا المجال إن السكرتارية يبقوا بنات في السعودية .. قلت له من بؤك لباب السما .. خلي الجو يطرى شويه بدل الإتنين الخناشير السودانيين اللي قاعدين بره دول ....

------

والله يا جماعة أنا بدأت مع محاورات المصريين مُشرف لباب الإبتسام ( تصوروا ) يعني الإدارة توسمت في خير وقالت ده واد روش ودمه خفيف وهايعمل شغل .. وإشتغلت معاهم بلقمتي ... يعني كل موضوع أخد عليه شاندوتش كبده .. ولما يكون سلسلة مواضيع يبقى كبده ومشتملاتها ( كوباية شاي .. برتقانايه وكده يعني ) وبصراحة كان الجو مُشجع للغاية والبال رايق .. وأهم حاجة إن كان في صُحبه كلهم أفقر من بعض ( حشيش - ربنا يتوب عليه - ، سكوربيون - ربنا ينتعه بالسلامه - ... إبن مصر - ربنا يفك سجنه - ، أر إم جي .. ربنا يهديه .... شعنونة قبل ما تتجوز ويبقى عندها 5 عيال ) وغيرهم وغيرهم من ناس خفيفة الدم من العيار التقيل ولا أُبالغ والله إذا قلت إن هما دول اللي يتعمل لهم كُتب بحق وحقيق .. وساعتها كان سين سين تايه في ملكوت الله ولم أكن كتبت حرف واحد من الحاجات دي وكلها كانت تقتصر على جلسات الأصدقاء والسهرات الحمراء والزرقاء فقط ;) ولكن بصراحة المجموعة دي قدرت تُنكش الواحد وتُفجر ينابيع الروشنه داخله وبالتالي بقيت أكتب واشاركهم وكانت مُعظم مشاركاتي في باب الإبتسام ..

ولكن

آن

آن

آن

ذات ليلة مُظلمة سوداء .. إنقض علينا السيد الرئيس قائد الضربة الجوية وفرق هذا الشمل الطيب .. حين بهدل البلد سياسياً وبقى يتكلم عن التوريث والتفعيص والإنتخابات والإنتخاباتشي .. ولم يوجد مصر ساعتها إلا وأُثقل بهموم السياسة .. فالكل رمى الورد وطفى الشمع ورسم على وشه ( ساد فيس .. على رأي الواد عمر إبني :blush: اللي بيقعد يسمع لي اللي أخده في المدرسة .. إذا كان البؤ لتحت يا بابا يبقى ساد فيس ... وإذا كان لفوق يبقى حابي فيس - بيقولي هابي .. حابي - ) وإبتدينا ننشغل بأمور السياسة ونُنشأ حركة سياسية سرية لمقاومة الظُلم عسى الله أن يُزيل الغُمه ونرجع نضحك زي الأول .. ويرجع جوز الحمام أربع فرد ... وعود القصب يبقى بزعزوعتين زي الأول ...

[MZohairy]

أنا برضه بتاع بولارويد وسجادة صلاه وكلام من ده؟

ده الحج ده مكلفني الشيئ الفلاني

10 ريال احرام

5 ريال شبشب

5 ريال شمسيه

12 ريال أكل ومواصلات و فدي واقامه والذي منه

متتريقش حضرتك أنا راجل حاجج وصارف الشيئ الفلاني في الحج ومش حرد عليك

ولعلمك الصوره دي بالزيت مش كاميرا بولارويد :blush:

لبيك اللهم لبيك :blush:

[nemr111]

سيادتك بعد حسبة الشبشب و الاحترام..فئست نفسك يا حاج ..انت طلعت من بتوع الافتراش

[مصرية الهوى]

بنتنا الغالية جيجي .... بالتأكيد يا جيجي لما البليه تعلب معايا هاحتاج سكرتيرة .. وطبعاً مش هالاقي أفضل من بنت ديرتي أشغلها عندي ..

بس على شرط ..

هاتنقلي كفالتك عليه .. وساعتها بقى هاطلع عليكي القديم والجديد .. يعني السكن هايبقى مُشترك - خمسة في الأوضه .. وهايبقى معاكي 3 سريلانكيات وبنغلاديشية وبنت تانية كده من نيبال - والحمام هايبقى واحد للعمارة كلها المؤلفة من 4 ادوار في 12 غرفة .. إحسبيها أنتي بقى عشان تشطفي وشك بشوية ميه هاتاخد وقت قد إيه  ... والعلاج هايبقى في مستوصف البطحا العام ... والراتب كل 10 شهور ...

أصلي ناوي أبقى كفيل مُفتري  بصراحة

واحد صديقي بيكلمني في موضوع جد وبيقولي تعرف يا سين سين إني سمعت إن من تداعيات موضوع الجات ده إنهم هايفتحوا المجال إن السكرتارية يبقوا بنات في السعودية .. قلت له من بؤك لباب السما .. خلي الجو يطرى شويه بدل الإتنين الخناشير السودانيين اللي قاعدين بره دول ....

بص يا سي السيد ..

حكاية السكن مع الستات دول هي اول حاجة هتبقى مغامرة وتجربة وحكاية كده من باب التغيير .. وانا احب اكتشف الناس واتعرف على حضارات وثقافات مختلفة ( بس الله يخليك قولهم يركزوا على حكاية النظافة الشخصية ;) ) .. والحمام مش مشكلة ادور على حمامات اقرب جامع :sad:

بس هتيجي ساعة من الساعات هيحدث البيغ بانغ بتاعي .. وهتيجي تلاقيني مطبقة في زمارة رقبة ستاتك دول :blush: .. وانت اكيد هتحصلهم بصفتك الكفيل بتاعي mfb:

بس اكيد لما ابقى السكرتيرة الشخصية بتاعت حضرتك .. هترحمني بقى من البهدلة والمرمطة والعيشة المقرفة :wub: .. وهتتكرم لي بأوضة وحمام لوحدي .. ومش مشكلة اقعد مع السيريلانكيات والبنغلاديشيات دول في اوقات الراحة بس .. وتخلي المرتب كل 5 شهور .. ونترقى شويا ويبقى العلاج في مستشفى الشميسي :blush: ( قال يعني اترقينا)..