غرق عبارة مصرية على متنها 1400 راكب

[Shams100]

لاستكمال عمليه الفبركه هذا احتمال جديد وكله يهون لمصلحه مالك العباره المسكين والمظلوم

تقرير يكشف عن احتمال غرق العبارة المصرية المنكوبة بسبب تفجير وليس الحريق

كتب ـ صلاح بديوي (المصريون) : بتاريخ 10 - 2 - 2006

في الوقت الذي تتواصل فيه عمليات البحث عن جثث ضحايا كارثة العبارة المصرية المنكوبة، بدأ فريق دولي ـ مصري التحقيق في الكارثة من الناحية الفنية لكشف غموضها.

وبدأت اللجنة الفنية الدولية ـ المصرية عملها الاربعاء الماضي للكشف عن ملابسات الكارثة بعد أن وصل منتصف الليلة الماضية الامين العام لمنظمة البحرية الدولية اليوناني متروبولوس، على رأس وفد دولي كبير لتقديم المساعدة الفنية لمصر.

وكان وزير النقل محمد لطفي منصور قد كلف رئيس قطاع النقل البحري اللواء شيرين حسن رئاسة اللجنة الفنية. وقد علمت "المصريون" من مصدر مطلع ان الغواصين المصريين الذين فحصوا العبارة السلام 98 من الداخل بعد غرقها أكتشفوا في أسفلها فجوة كبيرة من خلالها دخلت المياه للعبارة وأغرقتها وتلك الفجوة لا يمكن ان تحدث جراء حريق عادي انما تحدث بفعل عامل خارجي او تفجير حدث على متنها وفق تقرير أعده طاقم الغوص.

بينما علمت المصريون ايضا ان مالك العبارة السلام 98 ممدوح اسماعيل قال في تحقيقات سرية إن شركته هي الوحيدة التي تتعامل بالقارة الأوربية وامريكا في العالم العربي تقريبا لذا تتعرض لدسائس دولية ومحاولات منظمة متواصلة لتشويه سمعتها والاساءة اليها على حد قوله.

[عادل أبوزيد]

لاستكمال عمليه الفبركه هذا احتمال جديد وكله يهون لمصلحه مالك العباره المسكين والمظلوم

تقرير يكشف عن احتمال غرق العبارة المصرية المنكوبة بسبب تفجير وليس الحريق

كتب ـ صلاح بديوي (المصريون) : بتاريخ 10 - 2 - 2006

في الوقت الذي تتواصل فيه عمليات البحث عن جثث ضحايا كارثة العبارة المصرية المنكوبة، بدأ فريق دولي ـ مصري التحقيق في الكارثة من الناحية الفنية لكشف غموضها.

وبدأت اللجنة الفنية الدولية ـ المصرية عملها الاربعاء الماضي للكشف عن ملابسات الكارثة بعد أن وصل منتصف الليلة الماضية الامين العام لمنظمة البحرية الدولية اليوناني متروبولوس، على رأس وفد دولي كبير لتقديم المساعدة الفنية لمصر.

وكان وزير النقل محمد لطفي منصور قد كلف رئيس قطاع النقل البحري اللواء شيرين حسن رئاسة اللجنة الفنية. وقد علمت "المصريون" من مصدر مطلع ان الغواصين المصريين الذين فحصوا العبارة السلام 98 من الداخل بعد غرقها أكتشفوا في أسفلها فجوة كبيرة من خلالها دخلت المياه للعبارة وأغرقتها وتلك الفجوة لا يمكن ان تحدث جراء حريق عادي انما تحدث بفعل عامل خارجي او تفجير حدث على متنها وفق تقرير أعده طاقم الغوص.

بينما علمت المصريون ايضا ان مالك العبارة السلام 98 ممدوح اسماعيل قال في تحقيقات سرية إن شركته هي الوحيدة التي تتعامل بالقارة الأوربية وامريكا في العالم العربي تقريبا لذا تتعرض لدسائس دولية ومحاولات منظمة متواصلة لتشويه سمعتها والاساءة اليها على حد قوله.

<{POST_SNAPBACK}>

فى اللقاء مع الرئيس فى الغردقة سمعت بأذنى المسئول الذى كان يشرح الوضع للسيد الرئيس أن العبارة إستقرت على عمق 1000 متر و معلوماتى البسيطة تقول بإستحالة الغوص لهذا العمق هل أطمع بتأكيد إمكانية الغوص إلى 1000 متر تحت سطح البحر !

[ماركيز]

يا عم عادل الموضوع هيعدى وحياتك المشكلة مش فى الحكومة

المشكلة عندنا

احنا احترفنا الندب ولطم الخدود على المصائب

تفتكر لو اللى قاعدين امبارح فى الستاد قالوا لمبارك بره يا عدو المصريين مش كان يكون شعب حى وايجابى زى بقية خلق الله وساعتها نتحاسب ميت قصر ومين غلط ومين صح وكده يعنى...

[MZohairy]

تفتكر لو اللى قاعدين امبارح فى الستاد قالوا لمبارك بره يا عدو المصريين  مش كان يكون شعب حى وايجابى زى بقية خلق الله  وساعتها نتحاسب  ميت قصر ومين غلط ومين صح وكده يعنى...

<{POST_SNAPBACK}>

لا والله يا مركيز باشا مكنش حد حيلحق يحاسب حد :rolleyes:

ليمان طره مفيهوش حسابات وخصوصا لو زاد عدد نزلاؤه 70 الف مشاهد :happy:

[se_ Elsyed]

لاستكمال عمليه الفبركه هذا احتمال جديد وكله يهون لمصلحه مالك العباره المسكين والمظلوم

تقرير يكشف عن احتمال غرق العبارة المصرية المنكوبة بسبب تفجير وليس الحريق

. وقد علمت "المصريون" من مصدر مطلع ان الغواصين المصريين الذين فحصوا العبارة السلام 98 من الداخل بعد غرقها أكتشفوا في أسفلها فجوة كبيرة من خلالها دخلت المياه للعبارة وأغرقتها وتلك الفجوة لا يمكن ان تحدث جراء حريق عادي انما تحدث بفعل عامل خارجي او تفجير حدث على متنها وفق تقرير أعده طاقم الغوص.

<{POST_SNAPBACK}>

إيه التهجيص ده .. البتاعة اللي إسمها " المصريون " دي أقرب إلى الصحف الصفراء في أخبار الإثارة والغير مسئولة ...

عبارة إيه اللي الغواصين فحصوها وهي على عمق 750 متر يعني ولا غواصة حتى بتنزل العمق ده ؟

وتفجير إيه ؟

يعني العبارة كان عليها خبراء نوويين راحت إسرائيل زرعت لهم بومب في البحر وغرقتهم عشان تتخلص منهم ؟

[se_ Elsyed]

في سبق صحفي لقناة النيل للأخبار - مرة من نفسهم - أذاعوا تسجيل عن طريق الموبيل لأحد الناجين تقريباً من حوالي يومين ..

وأقسم بالله من ساعتها وأنا بيجيلي كوابيس بالليل كلما ما تذكرت خداع الناس الضحايا اللي أكلوهم البالوظة ...

فالراجل ده ببساطة صور مجموعة من زملاءه على سطح العبارة في بداية علمهم إن في مشكلة على العبارة .. وكانوا جميعاً مش مديين خوانه وعمالين يهزروا ويضحكوا وفاكرين الموضوع بسيط ... وكان بعضهم يرتدي سترات النجاة والبعض الأخر لا يرتديها ... وكانوا يتبادلون القفشات كعادة المصريين حتى في أحلك الظروف ومنهم من كان يضحك ويقول وصيته لأهله بعد أن يُعرف نفسه ... ويختم قوله بـــ " المرحوم ... فلان " بدون قصد طبعاً لإنه كان فاكر الموضوع بسيط .....

وذكر الرجل الناجي ده إنه في الأول والأخر إنسان وإن لحظات الخطر كانت أشبة بيوم القيامة نيران ضخمة من أسفل وجنوح وميل للعبارة مع ظلام دامس وهرج ومرج .... فقال الرجل بإنه تذكر الأية الكريمة التي تُصور أهوال يوم القيامة " يَوْمَ يَفِرُّ المَرْءُ مِنْ أَخِيهِ وَأُمِّهِ وَأَبِيهِ وَصَاحِبَتِهِ وَبَنِيهِ لِكُلِّ امْرِئٍ مِّنْهُمْ يَوْمَئِذٍ شَأْنٌ يُغْنِيهِ " وبالتالي فلقد إنشغل بنفسه وتجاهل إستغاثات كثير من الأطفال الذين لا يعرفهم وكانوا يلاحقونه ويقولوا له ( الله يخليك إلحقنا يا عمو ... هانموت يا عمو ) ولكنه كان لا يستطيع أن يُنقذهم جميعاً وقفز في البحر أو في أحد قوارب النجاة ....

---------

ومنذ ذلك الوقت وصور هؤلاء الأطفال تتراءى أمام عيني .. أو أتصورهم وهم يسقطون في قعر الجحيم بالعبارة ...

------

اللهم أحسن خاتمتنا

[أسد]

مهنا قالوا ..

ومهما قلنا ..

ومهما تخيلنا ..

لا يمكن أن نتصور هذا الموقف المهيب ..

لازلت كلما تذكرت الرجل الذي فقد زوجته وأطفاله على العبارة بينما هو قد نجا ..

لازلت أتذكر كلمات أحد الناجين وهو يصف الناس والأطفال وهم يقفزون في الدخان متوقعين أنه الماء ولكنه كان جحيم مستعر .. كان يصف المنظر .. "زي مابترمي السمك في الزيت .. تسمع صوت اللحم وهو بيتحرق"

والرجل الذي حكى أنه أنقذ سيدة ومعها طفل وطفلة .. وركبوا معه على قارب النجاة .. ولكن بعد فترة مات الطفل .. وبعده بفترة .. ماتت الطفلة .. وقبل الإنقاذ بقليل .. والطائرات السعودية فوقهم .. ماتت الأم ..

رحم الله شهداء العبارة ..

وإن شاء الله سينتقم من الظلمة والفاسدين والمستهترين ..

وحسبنا الله ونعم الوكيل

[se_ Elsyed]

ما أخبيش عليكوا لما أقول لكم - بس إوعى حد يقول عليه مجنون أو إبتديت أخرف ؟ -

أنا من بعد الموضوع ده اللي فرض نفسه على كل بيت مصري وأصبحنا نشعر بإننا أصحاب الميتم والعزا .... أصبح كل الحوار بيني وبين زوجتي عن موقفنا لو حصلت لنا نفس المصيبة دي وكان في وقت للتصرف قبل الغرق ..

زوجتي بقى بتضعني في خانة اليك وتقولي " طب لو إحنا غرقنا يا سين سين وما معناش غير طوق واحد .. تديه لمين ؟ " وقبل ما أجاوب تروح قايله لي : أنا عارفاك هاتروح مكوش على الطوق ورافسنا برجليك وتعدي إنت...

أروح أنا قايل لها طب لو الطوق ده معاكي إنتي ... هاتعملي إيه ؟ .. عايز إجابة واضحة وصريحة ومحددة ومن غير بقى البؤين الحمضانين بتوع طلب المصروف بتاع أول كل شهر .. وإنت سبعي وإنت جملي وتأكليني البالوظه ، فتروح قايله لي " والله ده هايتوقف على الموقف " شوفتوا تمويع الموضوع ... مش فاهم يعني إيه !!!!.. يعني لو الموجة عالية تستولى هي على الطوق ولو الجو صحو تروح مبصياه لي ..

----

والله يا جماعة الموضوع مش تهريج .. ولكن إحساس الكارثة دي بالذات مختلف .... مع إن ياما دقت على الراس طبول ... يعني في كارثة طائرة مصر للطيران في أمريكا وطائرة شرم الشيخ وقطار الصعيد اللي كنت ساعتها في الحج بس الجرايد بتوصلنا وأنصدمت من المناظر البشعة للجثث المتفحمة ...

لإن الكارثة دي نجا منها ناس نقلوا لنا أهوال يوم القيامة .. وأفظع من الوصف هو نقل المشاعر ..

يعني أنا ممكن أسمع واحد بودن وأفوت من الودن التانية وبمجرد ما يخلص كلامه أنسى هو كان بيقول إيه ..

ولكن إني أسمع واحد و وينجح في أن ينقل لي مشاعر معينه ويخليني أعيش الموقف كما حدث في الحقيقة ... فهذا هو قمة الدراما المأساوية ...

تعرفوا إن أثناء حديثي مع بعض الزملاء قال لي بعضهم : والله إنا لو كنت في الموقف ده وما قدرتش أنقذ أولادي وكان في فرصة أسبح أو أنجو بنفسي فلن أفعلها وهامسكهم وأحوط عليهم ونموت جميعاً .....

ومرة أخرى أقولها بإن أموال الدنيا كلها لا تستطيع أن تُعوض فقد زوج لزوجته أو زوجة لزوجها أو فقد الأولاد ... خصوصاً لما تشوفهم بعينك بيموتوا أمامك وإنت عاجز عن فعل أي شيء .

[gshfy]

موضوع عبارة عمل صدمة لي قويه

كيف ترفع الحصانة عن ايمن نور في ساعات

بينما القتل صاحب العبارة صار نجما تلفزيونيا هو عائلته و لا حتى تحقيق نيابه واحد يسائله عن علاقته بالعبارة

دا لو كان سائق تكسي لكان دخل على التخشيبه في الحال

لا حول و لا قوة الله

الرحمة يا الله

http://www.shafey.com

تم تعديل 20 مارس 2006 بواسطة gshfy

[kokowawa1979]

طبعا حركة قرعة ومتفق عليها بين الحكومة وممدوح اسماعيل وهي روح ياد يادوحة على لندن بحجة العلاج زيك زي منى العيوطي وهدى عبد المنعم والاسطى توفيق عبد الحي وماتوريناش خلقتك لحد الشعب ماينسى ويفتكرك في كارثة جديدة من عباراتك المتهالكة !!!

وراح ممدوح اسماعيل ويبقى يقابلوني لو رجع تاني مصر !!!

ثم يطلع علينا الدكتور محمد رجب زعيم الأغلبية في الحزب البيزنطي ويقول أنه كانت هناك شفافية في هذا الموضوع وان ممدوح اسماعيل بنفسه هو الذي طلب رفع الحصانة عن نفسه لكن احنا رفضنا !!! شفتم محمد رجب أبو دماغ قد دماغ الفيل بيستلطخنا إزاي !!! ورجع محمد الفيل يقول لقناة العربية : لكن لما النيابة العامة طلبت رفع الحصانة لم نتردد لتلبية طلب القضاء !!!! ياه يامعلم إيه الحلاوة دي وطبعا وافقنا على الفور على رفع الحصانة عن ممدوح اسماعيل بعد ماراح لندن وسمى نفسه اسم جديد ومش بعيد يتجوز انجليزية ياخد بيها الجنسية والجدع يحاسبه بعد كدة علشان بوش وبلير يهددوا بغزو مصر !!!!

الألعن والأمر إن الست سوسو أقصد سوسن زوجة ممدوح اسماعيل طلعت علينا بطلعتها البهية وقالت حرام عليكم إنتم جبتم الشلل لزوجى( ممدوح اسماعيل ) الراجل الحنين ( مين يشهد للعروسة) اللي كان كبده بيتقطع لما يشوف نملة تموت قدامه ( ده كلامها النصي مش من عندي) -الناس عايزاه منه إيه بالضبط بلاش يتعالج يعني !!!

ماهو أهل الضحايا خدوا التعويض اللي كل الناس بتحسدهم عليه دلوقت ( ده نص كلام المعتوهة ) !!!!!!

شوفي ياتانت سوسو استحلفك بالله أن تطلبي من المحروس جوزك يرجع ويحاكم محاكمة عادلة ياخد فيه إعدام وأتعهد لك أديك من جيبي الشخصى 150000 جنيه عن شفي غليلي في المحروس جوزك علشان أهل الضحايا يحسدوك على ال150000 جنيه ياست ياللي ماعندكيش دم !!!!

[se_ Elsyed]

إمبارح مجلس الشيعب قرر التحفظ على اموال دوحه وأولاده

في قرار جريء وخطير وتقريباً من المرات القليلة اللي بيحصل فيها كده وده ضماناً لحق الشعب المصري ...

السعب المصري صاحب الصولات والجولات

الشعب المصري صاحب ثورة عرابي .. ومعاهدة 36 ونكسة 48 وعدوان 56 وكأس الأمم الأفريقية 2006

بس إسمحوا لي أضحك الأول

هأو أو أو هيييييييييييييييييييييييييء

بعد إيه يا كتاكيت

بعد أكثر من شهر على المصيبة ؟

وبعد الجثة بحالها ما سافرت لندن ؟

يبقى خلال الفترة اللي فاتت دي كلها كان هايغلب لما يحول كل مليم له إلى بنوك سويسرا حيث التزحلق على الجليد في جبال الهيمالايا :o .. والتمتع بأكل الشيكولاتة الكادبوري .. ولبس الساعات الرادو ....

وإبقى سلم لي على جوزك يا أسماعيل بيه

[nancy]

انا عندى راى خيالى شوية لية الناس متمتنعش عن استعمال عبارات الراجل دة اصلا

مش حاقول ان الناس تركب طيران مدام العبارات مش نظيفة زى مارى انطوانت لما قالولها الشعب مش لاقى عيش قالت ياكلوا جاتوة

لا انا اقصد الامتناع لمدة شهر حتى لو الناس اجلت نزولها شهر

بس يحس ان ممكن يخسر بقرار جماهير مش بقرار جمهورى

لية ميحصلش مرة تضامن يعنى الهند لما قررت متلبس اى ملابس من انتاج انجلترا الاحتجاج بتاعها المتحضر جاب نتيجة فعالة اكتر من التفجيرات والقتل والحرق

دة راى عاوزين نكسب حق لازم يكون فية تضامن وعزيمة على الاستغناء عن الشىء الى بيكسر حاجة فينا حتى لو مؤقت

[se_ Elsyed]

ما هو ده اللي حصل يا نانسي

لكن هل ده عقاب كافي بعد ما بقى له سنين عمال يغرق في الشعب ؟

[New]

طيب يا جماعة هو احنا عايشين فى جمهورية ممدوح بيه اسماعيل؟؟؟ بمعنى احنا مش المفروض نطالب بمحاكمته هو وبس ويبقى كبش فداء لغيره ونختزل المصيبة كلها فى الانسان ده. مسئوليتة عن المصيبة دى كبيرة جدآ بس برضه المفروض نطالب بمحاكمة الناس اللى ساعدوه وادوله الفرصة انه يعمل كده!!!!

مين المسئول عن اعطاء الترخيص للعبارات دى بالعمل فى موانئ مصر؟؟ مين المسئول عن الفحص الدورى للعبارات دى والتأكد من وجود وسائل السلامة؟؟

مين المسئول عن متابعة العبارات دى والتأكد من التزام الشركة المالكة بالمواصفات الفنية واجراءات الصيانة؟؟

فين مسئولية حرس الحدود وخفر السواحل؟؟

فين مسئولية الوزير المختص بالنقل البحرى؟؟

لو كل الناس دى ما اتحاسبتش وكل واحد خد جزاؤه يبقى كل سنة واحنا طيبين... ده لو عرفنا نرجع ممدوح اسماعيل ده ونشنقه فى ميدان عام يبقي ما عملناش حاجة غير اننا فضينا غليلنا فى واحد مجرم وخلاص... وحيطلع لنا عشرة غيره... لان الناس اللى ساعدوه على انه يعمل كده موجودين وما حصلهمش حاجة وعلى اتم الاستعداد لمساعدة اى واحد معندوش ضمير زيه.

تم تعديل 23 مارس 2006 بواسطة New

[ابن بلد]

غرق العباره ليست كارثه فقط اخوانى

بل مؤشر وانذار لكل المصريين بقوه اخطبوط الفساد الحكومى والذى امتد الى كل القطاعات

بلدنا الحبيب يا ساده تعودنا عليه كمريض السرطان (بعيدا عن القارئين ) يحيا بالمسكنات كلما زادت اوجاعه والامه

ولكن الان استفحل المرض واشتد الوجع حتى وصل الى صراخ وعويل فى البر والبحر والجو

مفاجات ما بعد غرق العباره من عدم القدره على اداره الازمه .... اختطاف او اختفاء بعض طاقم العباره الناجين من المستشفى....... تأكيد الجزائر بابلاغ مصر بالحادث فى وقت مبكر جدا جدا جدا لا يتعدى الدقائق بعد استلامها اشاره من دوله فرنسا

استشعر فى تلك المفاجات الخوف والفزع على حاضرنا ومستقبلنا ان كان فيه مستقبل اصلا

وعلى راى نجيب سرور ( وقلنا ننضف بقى قالوا بلا وكسه والله لا تيجى بدل النكسه مليون نكسه)

[على عينه]

ياجماعة محاورات المصريين

اذا سمحتم الموضوع فى غاية البساطة نحن نعيش داخل مافيا لها بوس اوشيخ منصر وتتوزع المسؤليات بعد ذلم ...مافيا لها تقاليدها واسلوبها الذى يعتمد على سياسة الخوف والتصفية...مافيا جعلت منا سبعون مليون مصرى خائف على حياته.هذا هو اسلوب المافيا تعتمد على ادخال الخوف والرعب فى من هم خارج العصابة حتى يستطيعوا التحكم فى الرعية...للاسف نجحوا الى حد كبير فى ذلك .مافيش حد يقدر يفتح بقه ..مافيش حد يقدر يقول اى حاجة على شيخ المنصر...ياجماعة نحن نعيش اكثر من نصف قرن من الرعب والخوف والجبن..مشكلتنا الكبرى ان المافيا موجودة داخل السلطة او بمعنى اصح ان السلطة هى التى تمثل المافيا ولذلك فان محاربة المافيا تعنى اننا سوف نعيش فى صراع دموى مع السلطة...المافيا الايطالية استطاعت الدولة ان تحاربها كمنظمة ارهابية لانها الى حد كبير كانت خارج السلطة اما هنا فى مصر فنحن نعلم ان الفساد كله يجرى بعلم السلطة ولا حياة لمن تنادى...اذا اردنا ان نحارب الفساد او بمعنى اصح اذا اردنا ان نقضى على المافيا فيجب ان ننتزع مقاليد الحكم من مافيا السلطة ولن يتأتى ذلك الا برفع الخوف عن الشعب وهذة هى قمة المشاكل والتى اذا استطعنا ان نستأصلها لنجحنا الى حد كبير ان نقضى على مافيا السلطة ومافيا الحكم فى مصر.....

[Aldo Alarabi]

هل تذكرون هذا الطفل؟ إنه محمد الذي فقد أبواه وأشقائه الثلاثه في الحادث

نقلا عن جريدة الشروق http://www.shorouknews.com/ContentData.aspx?id=14400

الطفل محمد، الناجى الوحيد من أسرته وابن الشهيد حسانين محمد سيد أحمد، كان ضمن الناجين القليلين من الموت فى الحادث، رغم حاجته للعلاج مدى الحياة، فقد شاهد والده ووالدته وأشقاءه الثلاثة يغرقون أمام عينه، مما أفقده النطق وأصيب بعدة أمراض، منها الروماتيزم، بالإضافة إلى الأمراض النفسية والعزلة التى يعيش فيها منذ وقوع الحادث، وحياته التى تبدلت من نعيم وسط أسرته إلى لاجئ يتنازع عليه خاله وعمه الذى لم يره ولا يعرف عنه شيئا إلا من خلال وصاية على الورق، فقد كان الحكم له بمثابة حل لعقدة لسانه وإعادة لصوته الذى راح، وأول ما نطق به عقب سماعه الحكم «الله أكبر ولله الحمد» ثم سقط يقبل الأرض حامدا لله.

.........

.........

نسأل المولى تعالى أن يحفظه من كل سوء حتى يشب ويأخذ ثأره وثأر مصر من قتلة أهله. آمين.