طبيب يستشيركم فى عقد بدبى

[ibn seena]

السلام عليكم

أخوكم أخصائى عيون وحاصل على الجزء الأول من الزمالة البريطانية فى طب العيون

معروض على عقد فى دبى فى مركز خاص ب 7000 درهم و 3000 بدل سكن فى الشهر مع العلم أننى ساتى أنا و زوجتى وأود السكن في سكن مريح مش ضرورى فخم بس مريح

وأود استشارتكم هل هذا المبلغ كافى للعيش و التوفير ام أننى لن أوفر شيئا ؟!!

أرجو الافادة حيث أننى محتار جدا

[se_ Elsyed]

مرحباً بك يا دكتور

أرجو إن حضرتك تقرأ الموضوع التالي عن المدارس في دبي .. ده لو معاك أطفال في مدارس ..

أما بالنسبة للسكن فننتظر رأي الأخوة الذين يعيشون هناك للإدلاء بمعلومات دقيقة .. وإن كان من معرفتي بأحوال دولة الأمارات أقدر أقول لحضرتك إن مبلغ 36000 درهم سنوي مش هايجيب لك سكن تقدر تاخد فيه راحتك وتحس إنك لم تقل عن المستوى الذي تعيش فيه في مصر . حيث إن السكن هناك نار نار

إقرأ الموضوع التالي فبه معلومات مفيدة أيضاً عن السكن هناك

الوصلة

[ibn seena]

الأخ الفاضل سى السيد

جزاك الله خيرا كثيرا على الاهتمام

فعلا الرابط أفادنى

وأظن أننى ممكن أضيف 1000 شهريا للسكن يقتطعوا من الراتب ,اسكن فى غرفتين و صالة فى الشارقة ب 48000

ولكن هل سأصرف كثيرا فى المواصلات من الشارقة لدبى يوميا ؟!!!

وما هى امكانية شراء سيارة للأجنبى

يعنى بعد قد ايه أقدر أطلع رخصة قيادة؟؟

وما هو سعر سيارة جيدة ( كورولا مستعملة) مثلا ؟؟؟؟

أنا لسة متزوج حديثا جدا و لايوجد أولاد ...

فى انتظار نصائح باقى الاخوة و الاخوات الكرام :D

[الرافعي]

الأخ الفاضل سى السيد

جزاك الله خيرا كثيرا على الاهتمام

فعلا الرابط أفادنى

وأظن أننى ممكن أضيف 1000 شهريا للسكن يقتطعوا من الراتب ,اسكن فى غرفتين و صالة فى الشارقة ب 48000

ولكن هل سأصرف كثيرا فى المواصلات من الشارقة لدبى يوميا ؟!!!

وما هى امكانية شراء سيارة للأجنبى

يعنى بعد قد ايه أقدر أطلع رخصة قيادة؟؟

وما هو سعر سيارة جيدة ( كورولا مستعملة) مثلا ؟؟؟؟

أنا لسة متزوج حديثا جدا و لايوجد أولاد ...

فى انتظار نصائح باقى الاخوة و الاخوات الكرام  :D

<{POST_SNAPBACK}>

أهلاً يا دكتوووور

إن شاء الله أرد عليك اليوم، وربنا يوفقك

[Tafshan]

الأخ الفاضل سى السيد

جزاك الله خيرا كثيرا على الاهتمام

فعلا الرابط أفادنى

وأظن أننى ممكن أضيف 1000 شهريا للسكن يقتطعوا من الراتب ,اسكن فى غرفتين و صالة فى الشارقة ب 48000

ولكن هل سأصرف كثيرا فى المواصلات من الشارقة لدبى يوميا ؟!!!

وما هى امكانية شراء سيارة للأجنبى

يعنى بعد قد ايه أقدر أطلع رخصة قيادة؟؟

وما هو سعر سيارة جيدة ( كورولا مستعملة) مثلا ؟؟؟؟

أنا لسة متزوج حديثا جدا و لايوجد أولاد ...

فى انتظار نصائح باقى الاخوة و الاخوات الكرام  :D

<{POST_SNAPBACK}>

العزيز ابن سينا

اهلاً بك وسط اهلك ان شاء الله في دبي ...

بالنسبة للسكن .. ان شاء الله في الشارقة ممكن تلاقى في رينج ال 48000 حاجه كويسه .. و بعدين انت ممكن تسكن في غرفة و صالة في الاول بأرخص من كده يعنى من غير ما تقتطع من مرتبك حاجه خاصةً انك لسه ما فيش اولاد ...

بالنسبه للمواصلات ... ممكن في الاول تتفق مع حد يوصلك Car Left و ده اوفر حاجه في حدود 300 درهم في الشهر .. لغاية ما تجيب عربية ... بالنسبه للعربيات رخيصة الى حد كبير .. يعنى ممكن تجيب BMW مو 1990 في حدود 7000 درهم و ده طبعاً كويس .. بس المشكلة الرخصة : لو عندك رخصة مصرية يبقى لازم تأخذ كام حصة سواقة لغاية ما تأخذ الرخصة و ما فيهاش مشاكل قوى ... انا عن نفسي من غير حصص نجحت ... بس بعد ما سقطت مرتين :D

لو عندك رخصة اوروبية او .. الخ ممكن تتحول لرخصة الامارات من غير امتحان ...

ربنا يوفقك

[se_ Elsyed]

لو عندك رخصة اوروبية او .. الخ ممكن تتحول لرخصة الامارات من غير امتحان ...

أول مره أعرف المعلومة دي

حتى دي كمان فيها كوسه ..

يعني لحد إمتى هايفضل مالناش خير في بعض نحن العرب ...

حاجة تقرف ..

لا مؤخذه في الخروج عن الموضوع

[الرافعي]

أولاً وعلى عجالة وتعقيباً على كلام أخي العزيز طفشان ، وحمد لله على سلامته في بيته :D

هناك اتفاقيات تكامل بين دول مجلس التعاون الخليجي تعطي بعض الميزات لمواطني دول المجلس وقليل منها للمقيمين فيها.. ومنها الاعتراف برخصة القيادة الصادرة عن دول المجلس.

إلا أن التطبيق الفعلي لهذه الميزة يختلف من بلد لآخر ...

فعندما قدمت رخصة بحرينية لمرور الرياض ، أعفوني فقط من الدروس لكن ألزموني بالاختبار ..

وعند تقديمي الرخصة السعودية لمرور دبي تم إصدار رخصة جديدة في 10 دقائق برسم 100 درهم فقط ، وبدون أي شيء آخر، لا دروس ولا مجموعات ولا دياوله ..

وحسب معلوماتي أن بقية إدارات المرور في دولة الإمارات (أي في الإمارات الأخرى) لا تقدم هذا فهي بالتالي تعمل نفس عمل مرور الرياض..

بالمناسب مرور البحرين يعترف بأي رخصة خليجية مثله مثل مرور دبي .. فالمرونةموجودة في البلدين.

السبب في عدم الاعتراف بالرخصة المصرية في الحقيقة ليس سببه العنصرية .. والدليل أنه ملا يستبدلون الرخصة الهندية أيضاً بالرغم من الدلال الكبير للهنود هنا ...

إنما حكى لي أحد أصدقائي البحرينيين أن المرور في السابق كان يقدر الرخصة المصرية جداً وكان يستبدلها بدون أي شروط، لكن تم ضبط عدة حالات من عدة سنوات لرخص تم استخراجها من مصر وأصحابها ما زالوا داخل البحرين ، طبعاً هذا توقف الآن وأصبحت الأمور أصعب في مصر .. لكن الفهلوة المشهورة عن المصريين كانت سبباً رئيسياً في إيجاد الشك في مصداقية هذه الرخص.

وطبعاً من المعروف أن دول الخليج (يمكن باستثناء السعودية) تطبق النظم الإنجليزية في اختبار القيادة وتتشدد فيها عموماً مما يجعلها صعبة نوعاً ما على من اعتاد القيادة في مصر حيث النظام المروري (بالبركة) ...

هذا الكلام بروح محايدة ومن باب تحري الصدق والشهادة به حتى ولو كان على خلاف ما نحب..

تحياتي

[MZohairy]

عندي صديق رحمة الله عليه استخرج رخصة القيادة المصرية بدون أن يعلم الفرق بين البنزين والفرامل والدبرياج

الموضوع مش كوسه ولا حاجه

تمر هندي

[الرافعي]

الأخ الدكتور ابن سينا

اعذرني سأحاول التواصل معك اليوم على "جرعات" لأنك تعرف .. لابد أن نقيس "حساسيتك أولاً" ضد "الصدمات"، وربنا يكفينا جميعاً شر الانفصال "الشبكي"...

أولاً أدعوك لمراسلتنا في شركة طفشان والعنتبلي -شركة مستقلة عن شركة هادي والعنتبلي لأن دوكهيا متخصصة في شئون الهجرة لكندا، أما دهيا متخصصة في شئون الهجرة لدبي ...

(( هذه كانت استهلالةً لابد منها))

شوف يا سيدي .. سأقتبس أسلوب الأخ هادي العلمي في تحليل مثل هذه الأمور ، وأدعوك بدون انتظار الرد إلى الإجابة -مع زوجتك على الأمور التالية-

1- هل من المتوقع أن يكون هناك أي دخل آخر ، يعني هل من المحتمل أن تعمل زوجتك ؟؟

2- ما هو تخصصها أصلاً، إن كانت طبيبة، فعليك أن تسأل جهة العمل التي ستتعاقد معك إن كان هناك فرصة لها أم لا .. طبعاً الموضوع يختلف كثيراً لو كانت ستعمل ..

3- أنا لست طبيب لكني أستعير ما كتبه أحد الزملاء الأفاضل من قبل، من أن الأطباء يخضعون لاختبار قبول من دائرة الصحة ، وطبعاً غالبية أعضاء اللجنة من الهنود، فاستعد نفسياً، وما يهمكش منهم، كن واثقاً من نفسك جداً.

4- حاول ألا تقبل بالعرض إن كان الراتب هو أول ما عرض عليك، فهم دائماً يبدأون من أسفل وحسب بدايتك تكون التعديلات التالية وإلا فلن تكون هناك أية تعديلات أو تحسينات طالما أحس أصحاب العمل أنك (واقع) عفواً في التشبيه لكن الجماعة هنا تجار جداً جداً جداً ... ما أقولكش

5- القضية لا تحسب بمجرد 3000 سكن في الشارقة أو 4000 وناخد سكن معقول .. الطريق بين الشارقة ودبي يستغرق حوالي 10 دقائق أو أقل لكن حتى عام 2000 تقريباً حيث أصبح عدد السيارات اليوم الذي تضخه الشارقة إلى دبي لا يقارن بكثير من نفس العدد في كثير من مدن مصر (لا تستغرب) ... الأغلبية هنا تعمل والكل عنده سيارات، ويمكن أن تجد شقة واحد فيها أكثر من شخص عازب مثلاً وكل واحد عنده سيارة .. وهناك أسر لديها أكثر من سيارة، غير أسر المواطنين ... المهم .. الزحام هنا شديد ولا يوجد إلا طرق محدودة والضغط عليها كبير، إذاً حضرتك يتضطر للسكن على أطراف الشارقة في البداية حتى تتفادى التأخير وحتى تثبت أقدامك، وبالتالي فسيكون الحد الأدنى لغرفة وصالة كما أشار عليك الأخ العزيز طفشان هو 30000- 35000 تقريباً في منطقة النهدة أو الخان... (على الحدود) بين الإمارتين.. طبعاً إنس السكن في دبي ... كما أرجو أن تعرف منهم موقع المستشفى أو العيادة حتى نسأل لك عليه، ولا بأس في أن نعمل لهم زيارة ميدانية لنعرف الوضع ... (إيه رأيك في محاورات المصريين ؟؟؟)

6- طبعاً كما قلت المسألة ليست مجرد السكن، فالإنفاق هنا عالي جداً لأن الأسعار نار.. ربنا يكفيك الشر... لذا لابد من عمل نظام كونترول على الإنفاق -فلا تجعل يدك مغلولة إلى عنقك ولا تبسطها كل البسط- كما يقول القرآن الكريم.

7- تعقيب على موضوع التوصيل .. طبعاً الأخ طفشان من أعيان دبي والشارقة، ولديه إقطاعيات كبيرة هنا باسمه وبالتالي لا يعرف آخر أسعار التوصيل بين الإمارتين لأن هذه المعلومات تخص أكثر طبقة البروليتاريا -بينما هو بورجوازي كبير- فالتوصيل طبعاً متاح جداً ، لكن يبدأ من 600 درهم حسب آخر ما سمعت.. لكن السيارة في الحقيقة هي أفضل سبيل ولا يوجد أسهل من شراء سيارة سواءً مستعملة أو بالقسط... وهذا موضوع آخر يمكننا أيضاً أن نبسط الكلام فيه (في مرحلة النقاهة يا دكتور).. لكن لابد من السيارة بأي وضع لأن التاكسيات هنا متوفرة جداً وراقية جداً لكن غالية ومكلفة، وأنت بالتأكيد ستحتاج للحركة كثيراً ... طالما معك الأسرة

8- تأكد من التذاكر التي سيمنحها لك العمل (لك ولزوجتك ولطفلين مثلاً) انت وشطارتك، كل عام طبعاً ..

9- تأكد من أن كل تكاليف إجراءات معادلة الشهادة أو اختبارات الصحة على حسابهم.

10- الميزة الحقيقة في هذا البلد على الرغم من كل البلاوي التي تحدثت عنها.. ان دائرة تبادل المعلومات بين أصحاب الأعمال والقوى العاملة سريعة وسهلة، والموجود هنا يمكن له التنقل من عمل لآخر أفضل ، طالما اكتسب الخبرة في الدولة ولديه رخصة القيادة ومؤهلات الحياة الأخرى، فهذه من الحسنات التي اكتسبتها البلد من النظم الغربية الحديثة..

11- مش فاكرها ... لما أفتكر هاكتب لك ...

وربنا يوفقك يا دكتور

[ibn seena]

الأخوة الأفاضل فى محاورات المصريين

أشكركم شكرا جزييييلا على اهتمامكم بالموضوع

وأخص بالشكر الأخ : حلاوة العنتبلى ، سى السيد ، طفشان ، زهيرى

ايه الحلاوه (ايه رايك يا عم عنتبلى ) دى يا جماعه .

ولأجيب على بعض النقاط :

- زوجتى مهندسة كمبيوتر و تحمل ماجستير فى تخصص دقيق من كندا وأيضا عاشت طول عمرها هناك و معها الجنسية و لا مانع عندنا من العمل .

- فى حاجة اسمها رخصة دولية تستخرج من مصر هل لها قيمة فى الامارات ؟ و السعودية بالمناسبة ؟؟

- بردو ما هو متوسط الانفاق لفردين هناك ، خصوصا اذا كانوا لسه عرايس ، يعنى مفيش مانع من شويه فسح على الماشى كدة :blush:

- هل التذاكر المفروض تكون على حسابهم كل سنة وللا أول سنة بس ؟؟!

- هل فى الامارات نظام الكفيل ؟؟ يعنى افرضوا المكان طلع عينى أو أى حاجة من دى هل أقدر أقولهم شكرا مع السلامة و القلب دعيلكم ؟ ولا لازم يدولى عدم ممانعة ؟؟؟

وفى حالة ترك العمل أو انتهاء العقد فى الخاص هل هناك نقل كفالة ولا لازم أترك الامارات لمدة معينة ؟؟!

سوررى (اسف يعنى بس بالكندى) على التطويل عليكم وعلى كثرة الأسئلة

فى انتظار توجيهاتكم و اقتراحاتكم :D

تم تعديل 5 فبراير 2006 بواسطة ibn seena

[MZohairy]

- بردو ما هو متوسط النفاق لفردين هناك ، خصوصا اذا كانوا لسه عرايس ، يعنى مفيش مانع من شويه فسح على الماشى كدة  :D

-

<{POST_SNAPBACK}>

والله ياأخي ابن سينا النفاق بيكون شديد جدا وخصوصا لو كانوا لسه عرايس جداد

بعد كده بيخف النفاق تدريجيا حتى ينعدم ليحل محله عدم الاتفاق

الى أن يصل في آخر مراحله (بعد الشر)الى الطلاق

B) :blush:

[Tafshan]

- بردو ما هو متوسط النفاق لفردين هناك ، خصوصا اذا كانوا لسه عرايس ، يعنى مفيش مانع من شويه فسح على الماشى كدة  B)

-

<{POST_SNAPBACK}>

والله ياأخي ابن سينا النفاق بيكون شديد جدا وخصوصا لو كانوا لسه عرايس جداد

بعد كده بيخف النفاق تدريجيا حتى ينعدم ليحل محله عدم الاتفاق

الى أن يصل في آخر مراحله (بعد الشر)الى الطلاق

B) :blush:

<{POST_SNAPBACK}>

بعد الشر :D

[الرافعي]

الأخوة الأفاضل فى محاورات المصريين

أشكركم شكرا جزييييلا على اهتمامكم بالموضوع

وأخص بالشكر الأخ : حلاوة العنتبلى ، سى السيد ، طفشان ، زهيرى

ايه الحلاوه (ايه رايك يا عم عنتبلى ) دى يا جماعه .

ولأجيب على بعض النقط :

- زوجتى مهندسة كمبيوتر و تحمل ماجستير فى تخصص دقيق من كندا وأيضا عاشت طول عمرها هناك و معها الجنسية و لا مانع عندنا من العمل .

- فى حاجة اسمها رخصة دولية تستخرج من مصر  هل لها قيمة فى الامارات ؟ و السعودية بالمناسبة ؟؟

- بردو ما هو متوسط النفاق لفردين هناك ، خصوصا اذا كانوا لسه عرايس ، يعنى مفيش مانع من شويه فسح على الماشى كدة  B)

- هل التذاكر المفروض تكون على حسابهم كل سنة أم أول سنة بس ؟؟!

- هل فى الامارات نظام الكفيل ؟؟  يعنى افرضوا المكان طلع عينى أو أى حاجة من دى هل أقدر أقولهم شكرا مع السلامة و القلب دعيلكم ؟ ولا لازم يدولى عدم ممانعة ؟؟؟

وفى حالة ترك العمل أو انتهاء العقد فى الخاص هل هناك نقل كفالة ولا لازم أترك الامارات لمدة معينة ؟؟!

سوررى (اسف يعنى بس بالكندى) على التطويل عليكم وعلى كثرة الأسئلة

فى انتظار توجيهاتكم و اقتراحاتكم  B)

<{POST_SNAPBACK}>

ممكن يا ابن سينا يا خويا تقول لي الأول .. انت سايب كندا وجاي دبي، ولا جاي من كايرو ؟؟؟ عجبت لك يا زمن ...

المهم

حكاية إن المدام مهندسة كمبيوتر، فدي كانت حاجة حلوة في منتصف التسعينات، لكن دلوقتي وخاصةً في دبي ، فمعلش يعني ... لكن حكاية إنها متخصصة في تخصص دقيق من كندا(ممكن يبقى لها فرص كثيرة ، لكن تحتاج إلى البدء في مراسلة الشركات الكبرى في دبي، ومواقع التوظيف المتخصصة، وممكن أجمعها وأضعها المرة القادمة إن شاء الله أو إن شئت إرجع لسؤال الأخت ريهام زكي في باب المغتربين عن مدارس أولادها في دبي والشارقة والتي قمنا نحن المعلم حلاوة العنتبلي مع بعض الإخوة الزباين في المحل بالرد عليها وأعتقد إن طفشان وياسوفيناس وضعوا بعض مواقع التوظيف الهامة.

موضوع بعض الفسح ، ما تقلقش يا سيدي، بس إوعى والدتك تقرا الرسالة دي، انت عارف الحموات بقى .. :o (تحياتي للوالدة الكريمة)

بالنسبة لمستوى الإنفاق ... حضرتم هاتحتاج تزور السوبر ماركت على الأقل مرة أسبوعياً طالما مفيش أولاد ومش محتاجين بامبرز :blush: وطبعاً لا أستطيع أن أحدد مبلغ معين تنفقه في الزيارة، فهناك من يقارن الخيارات المتعددة من السلعة الواحدة للحصول على أفضل جودة مع أحسن سعر، وطبعاً مراعاة المقاطعة :D لكن أبشرك يعني إنت ستنفق حوالي 200 درهم فوق قليلاً أو تحت قليلاً

بالنسبة للتذاكر فالمفروض تكون عليهم، حتى عند الحضور لأول مرة تكون وان واي (بالكندي) لكن أنا مش متأكد إن كانوا يدفعوها دي للزوجة كمان ولا تكون على حسابك.

طبعاً هناك كفالة لكنها أكثر احتراماً من دول خليجية أخرى (بدون تسمية) وإن كان الجواز يظل مع الكفيل (بحسب الأصل) لكن هناك حرية في التنقل فيمكنك السفر في أي وقت والعودة بدون تأشيرات، على عكس السعودية فلابد مثلاً من الحصول على تأشيرة خروج وعودة.

طبعاً انت ستدفع تكاليف إقامة زوجتك التي ستكون على كفالتك أنت الشخصية..

إيه تاني ؟؟

موضوع الرخصة الدولية من مصر لا يفرق كثيراً ... لو كان عندك أو عندها كندية أعتقد أنها تستبدل مباشرةً ..

لا مؤاخذة يا عمي أنا ضعيف في اللغة الكندية، أصلاً كنا بندرس اللغة السوحيلية في السلخانة

لو عندك أي استفسار تاني ما تردك إلا يدك (على قولة الخليجيين)

وتحت أمرك يا باشا، بس ياريت معاك وانت جاي ، علبتين ششم كده من بتاع يحيى حقي في قنديل أم هاشم أحسن العملية دغششت ..

والله فتحت نفسي على الكتابة وأنا مغموم من الصبح

بالحق .... كنت هانسى

تقدر تقول لهم بالسلامة والقلب داعي لكم بس مع إعطاء شهر إنذار، وموضوع الحرمان موجود لكن مش مع المؤهلات العليا تقريباً يعني، فلا تقلق، المهم تدرس الشروط الجزائية والمانعة كويس.

وبالتوفيق يا توفيق

تم تعديل 5 فبراير 2006 بواسطة حلاوة العنتبلي

[MZohairy]

طبعاً هناك كفالة لكنها أكثر احتراماً من دول خليجية أخرى (بدون تسمية) وإن كان الجواز يظل مع الكفيل (بحسب الأصل) لكن هناك حرية في التنقل فيمكنك السفر في أي وقت والعودة بدون تأشيرات، على عكس السعودية فلابد مثلاً من الحصول على تأشيرة خروج وعودة.

<{POST_SNAPBACK}>

تقصد مين يعني مش فاهم؟

وبعدين

ياعم حلاوه احنا ناقصينك لازم تيجي على الجرح وتدوس!

صبرنا يارب :blush: :D

تم تعديل 5 فبراير 2006 بواسطة mzohairy

[Tafshan]

ولأجيب على بعض النقاط :

- زوجتى مهندسة كمبيوتر و تحمل ماجستير فى تخصص دقيق من كندا وأيضا عاشت طول عمرها هناك و معها الجنسية و لا مانع عندنا من العمل .

- فى حاجة اسمها رخصة دولية تستخرج من مصر  هل لها قيمة فى الامارات ؟ و السعودية بالمناسبة ؟؟

- بردو ما هو متوسط الانفاق لفردين هناك ، خصوصا اذا كانوا لسه عرايس ، يعنى مفيش مانع من شويه فسح على الماشى كدة  :D

- هل التذاكر المفروض تكون على حسابهم كل سنة وللا أول سنة بس ؟؟!

- هل فى الامارات نظام الكفيل ؟؟  يعنى افرضوا المكان طلع عينى أو أى حاجة من دى هل أقدر أقولهم شكرا مع السلامة و القلب دعيلكم ؟ ولا لازم يدولى عدم ممانعة ؟؟؟

وفى حالة ترك العمل أو انتهاء العقد فى الخاص هل هناك نقل كفالة ولا لازم أترك الامارات لمدة معينة ؟؟!

<{POST_SNAPBACK}>

- بالنسبه لموضوع عمل الزوجة ان شاء الله ممكن .. دبي متقدمة في المجال ده شوف الوصلة دى

- ما فيش حاجه اسمها متوسط انفاق .. حسب طبيعة انفاقك .. بس المستوى المعيشه هنا عالى الى حد ما .. البنزين الجالون (4 لتر) ثمنه 6.25 درهم .. يعنى :blush:

- التذاكر حسب الاتفاق .. (العقد) و على فكرة هنا في فرصة للتفاوض بمعنى انك ممكن تطلب اللى انت عايزه قبل ما تشتغل .. جرب الوصلة دى

و دي وظائف

- طبعاً في نظام الكفيل و بيبقى الشركة ... لكن يعتبر الافضل في الخليج .. لغوا الحرمان اللى كانوا بيحطوا على الفيزا .. لكن لازال موجود على العمل .. بس الناس بتتحايل عليه بالعمل بفيزة زيارة - في اسوء الاحيان - و ده مش بيحصل كثير مع الشركات المحترمه .. نقل الكفاله مسموح به لكل الفئات ده الوقت و ما فيهوش مشاكل .

- لو معك جنسية كندية بتفرق احياناً في الشغل و لو معك رخصة كندية ممكن تأخذ رخصة الامارات دون امتحان

- الرخصة الدولية مسموح بها اثناء وجودك على فيزة زيارة فقط و ممنوع استخدامها لو اخذت الاقامة .. و ممكن تعمل رخصة اثناء فترة الزيارة (قبل عمل الاقامة) تتكلف 100 درهم من المرور تستخدمها لغاية ما تعمل اقامة برضو

و احنا تحت امرك B)

[الرافعي]

طبعاً هناك كفالة لكنها أكثر احتراماً من دول خليجية أخرى (بدون تسمية) وإن كان الجواز يظل مع الكفيل (بحسب الأصل) لكن هناك حرية في التنقل فيمكنك السفر في أي وقت والعودة بدون تأشيرات، على عكس السعودية فلابد مثلاً من الحصول على تأشيرة خروج وعودة.

<{POST_SNAPBACK}>

تقصد مين يعني مش فاهم؟

وبعدين

ياعم حلاوه احنا ناقصينك لازم تيجي على الجرح وتدوس!

صبرنا يارب :blush: :D

<{POST_SNAPBACK}>

الأخ الحبيب زهيري

مش قصدي حد معين، بس كان ياما كان يا زهيري يا إكرام

كان في نظام إسمه (خطاب تنقل) من الكفيل ومن غيره يحبسك العسكري لحد ما يبان لك صاحب (كفيل)

وكان فيه نظام تاني إسمه موافقة الكفيل على شراء سيارة، حتى ولو كنت هاتتنيل تدفع تمنها من دم قلبك ومن جيبك ، بس برضه لازم هو يوافق ..

الحمد لله اتلغى نظام خطاب التنقل، بس ما زلنا في انتظار إلغاء تأشيرة الخروج والعودة التي يعتبرها المعقبون وسيلة رائعة لابتزاز الموظفين ... في تلك الدولة (أيكون واحد حاطط إيديه في جيبه وبيصفر)

يا لا .. سي لافي

[الرافعي]

7- تعقيب على موضوع التوصيل .. طبعاً الأخ طفشان من أعيان دبي والشارقة، ولديه إقطاعيات كبيرة هنا باسمه وبالتالي لا يعرف آخر أسعار التوصيل بين الإمارتين لأن هذه المعلومات تخص أكثر طبقة البروليتاريا -بينما هو بورجوازي كبير-

<{POST_SNAPBACK}>

عزيزي طفشان

يعني أن أذكرك بكل الخير وأمدحك في كل موضع، وأنت حتى لا ترمي سلامك ..

يا حلو صبح ؟؟ :blush:

(أنا ذكرت حكاية نسبية الإنفاق دي في مداخلاتي، وأتفق معك فيها، والموضوع محتاج ترشيد وتعقل في الشراء كما تفضلت أنا -أعوذ بالله من كلمة أنا)

يالا ربنا يوفقه .. ولدنا برضه (كلمة مفضلة لصديق يمني دمه خفيف)

[MZohairy]

C’est la vie

Exactement

[se_ Elsyed]

[

وكان فيه نظام تاني إسمه موافقة الكفيل على شراء سيارة، حتى ولو كنت هاتتنيل تدفع تمنها من دم قلبك ومن جيبك ، بس برضه لازم هو يوافق ..

مش عايزين تريقه وتلقيح كلام لو سمحتم ..

النظام ده لسه موجود وبخير وحياً يُرزق :D

[Tafshan]

7- تعقيب على موضوع التوصيل .. طبعاً الأخ طفشان من أعيان دبي والشارقة، ولديه إقطاعيات كبيرة هنا باسمه وبالتالي لا يعرف آخر أسعار التوصيل بين الإمارتين لأن هذه المعلومات تخص أكثر طبقة البروليتاريا -بينما هو بورجوازي كبير-

<{POST_SNAPBACK}>

عزيزي طفشان

يعني أن أذكرك بكل الخير وأمدحك في كل موضع، وأنت حتى لا ترمي سلامك ..

يا حلو صبح ؟؟ :D

(أنا ذكرت حكاية نسبية الإنفاق دي في مداخلاتي، وأتفق معك فيها، والموضوع محتاج ترشيد وتعقل في الشراء كما تفضلت أنا -أعوذ بالله من كلمة أنا)

يالا ربنا يوفقه .. ولدنا برضه (كلمة مفضلة لصديق يمني دمه خفيف)

<{POST_SNAPBACK}>

يا فندم احنا مقدر (وش واحد بكاش )

اصل انا كنت بأكتب و انت بتكتب في نفس الوقت و مأخذتش بالى

ربنا يوفقه و يوفقنا كلنا يا رب