عم الخواجه

[Tafshan]

عم الخواجه بقشش و حل الكيس

جاب شيكولاته لجل العيال ما تهيص

نهاره لبن و السمنه بالفناطيس

فرحوا العيال ..

و لبسنا كلنا قراطيس !

عم الخواجه بقشش و حل الكيس

عم الخواجه قال انا حر و براحتى

اشتم و العن سلاحى ذراعى و صراحتى

و مهما تعمل عمرك ما ح تهز مصلحتى

بأشارة اهدك ..

و تبقى روحت فطيس

عم الخواجه بقشش و حل الكيس

عم الخواجه عارف حياتى ضنك

وكِّل عيالى بدل القريش فلمنك

و هو يأخذ و يروح يعبي التنك

و اهى ماشيا معدن ..

ملعون ابو التفليس

عم الخواجه بقشش و حل الكيس

عم الخواجه لحم اكتافى من خيره

لبسنى هدمه و وكلنى وسط خنازيره

و علمنى ارطن لغوة بلاده و احكى له

خذ منى شرفى ...

و صدر لنا التهليس

عم الخواجه بقشش و حل الكيس

عم الخواجه ما عادتش فارقة معاه

بعد اما مرغ روس العباد في بلاه

زود بجاحته و بيشتم رسول الله

و بقينا خيخة ...

لكل نجس و خسيس

طول ما احنا لسه بنستنى يحل الكيس .

تم تعديل 4 فبراير 2006 بواسطة bentmasria

[هشام الجنيدى]

راااااااااااااااااااااااااااااااااااائع جدا جدا جدا جدا قوية جدا

حل الخواجه الكيس وقال لنا جلا

نستنى ايه من كيسه جاتنا البلا

ده بدل منزرع ارضنا وناكل

علشان مايجى يوم نموت فى الخلا ؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

سلمت اناملك اخى طفشان بجد فى الجون :angry2:

[bentmasria]

الرائع طفشان

احترم دائما حروفك وكتاباتك وخاصة التى تستثير نبض القلوب على اوضاع تذبحنا ويخنقنا الصمت عنها

حين لا نملك سوى حروفنا المخنوقة

يجب ان تكون سيوفنا المسنونة

رائعة وزى ما قال هشام فى الجووووووووووون

على فكرة

انا سمحت لنفسى اغير كلمة واتمنى ما تمانعش يا جميل

ربنا يحفظك ويبارك لك وفيك

ام محمد

[Tafshan]

راااااااااااااااااااااااااااااااااااائع جدا جدا جدا جدا  قوية جدا

حل الخواجه الكيس وقال لنا جلا

نستنى ايه من كيسه جاتنا البلا

ده بدل منزرع ارضنا وناكل

علشان مايجى يوم نموت فى الخلا ؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

سلمت اناملك اخى طفشان بجد فى الجون  :angry:

<{POST_SNAPBACK}>

متشكر يا فندم :angry2: ده بعض ما عندكم

[Tafshan]

الرائع طفشان

احترم دائما حروفك وكتاباتك وخاصة التى تستثير نبض القلوب على اوضاع تذبحنا ويخنقنا الصمت عنها

حين لا نملك سوى حروفنا المخنوقة

يجب ان تكون سيوفنا المسنونة

رائعة وزى ما قال هشام فى الجووووووووووون

على فكرة

انا سمحت لنفسى اغير كلمة واتمنى ما تمانعش يا جميل

ربنا يحفظك ويبارك لك وفيك

ام محمد

<{POST_SNAPBACK}>

مش ممانع و لا حاجه و غيرتها كمان في اماكن تانية كنت ناشرها فيها بكلمتك

انا بصراحة كنت حاسس انها اوفر بس مودى كان ساعتها كده :angry2:

[الرافعي]

العزيز طفشان

شكرتك في موضع آخر ، وأشكرك مرة أخرى على العودة، فوجودك يزيد جرعة الصبر على الاختناق.

لست أديباً كالأعزاء الذين عقبوا قبلي، لكن تذوقت ما كتبت، وكان فعلاً طعمه رائع - خاصةً بعد تعديل الأخت الكريمة أم حمادة- يالا واحد ما انتوا أدباتية سوا ونحن المتفرجين

وصباحك فل

[Tafshan]

العزيز طفشان

شكرتك في موضع آخر ، وأشكرك مرة أخرى على العودة، فوجودك يزيد جرعة الصبر على الاختناق.

لست أديباً كالأعزاء الذين عقبوا قبلي، لكن تذوقت ما كتبت، وكان فعلاً طعمه رائع - خاصةً بعد تعديل الأخت الكريمة أم حمادة- يالا واحد ما انتوا أدباتية سوا ونحن المتفرجين

وصباحك فل

<{POST_SNAPBACK}>

انا غيرت الكلمه هناك كمان .. و متشكر على رفعك لمعنوياتى

[tarek_almeghallawy]

رغم إني قرفان وزهقان وحالتي بالبلة

حركتنا يا طفشان وطلعتنا من تحت البطاطين في البرد ده

أشكرك على طوق النجاة اللي حدفته علينا

عشان نطلع من بحر الغم

ربنا يديك الصحة يابني

[Tafshan]

رغم إني قرفان وزهقان وحالتي بالبلة

حركتنا يا طفشان وطلعتنا من تحت البطاطين في البرد ده

أشكرك على طوق النجاة اللي حدفته علينا

عشان نطلع من بحر الغم

ربنا يديك الصحة يابني

<{POST_SNAPBACK}>

رغم انى مش عارف طلعتك من الغم ازاى ... لكن متشكر يا فندم

[Tafshan]

كلاكيت تانى مرة

[shahd]

استاذ طفشان بجد بجد بجد

روووووووووووعه سلمت اناملك

احتراماتي تيتا شــــــهد