رواية "مولانا" للكاتب ابراهيم عيسى

[herohero]

On 1/15/2017 at 0:33 AM, أبو محمد said:

حكاية لزق كل شئ بيحصل فى السيسى ونظام السيسى دى
بصراحة مش قادر ابلعها
الدكتورة نائلة عمارة (محسوبة على السيسى) طارق نور عطاها استمارة 6
حتى بدون إخطارها

إسلام بحيرى كان على نفس طول الموجة مع السيسى (المنادى بثورة على الخطاب الدينى)
وبرضه طارق نور عطا له استمارة 6 قبل أول جلسة من جلسات محاكمة إسلام

أسامة كمال غادر القاهرة والناس - بهدوء - عندما بدأ يبدى ميلا لتأييد السيسى

كل هؤلاء محسوبون على السيسى ونظام السيسى

مش معنى إن ريم ماجد وليليان داود وباسم يوسف مشيوا (بالسلامة)
إن كان فيه حد مكمم أفواههم .. أيوه ممكن كان فيه ضغوط - جماهيرية - عليهم
بس فيه حاجة بتحكم الإعلام دلوقت غير زمان
وهى نسبة المشاهدة وما يجلبه البرنامج من إعلانات
طارق نور بتاع بيزنس مش صاحب رأى

معلش اسامة كمال لما مشي من القاهرة والناس ،الراجل اترقى وراح DMC 

وحضرتك الفترة القادمة هتستمتع بقنوات DMC 

وهتضم نخبة من امهر الطبالين 

 

[أبو محمد]

- هل رأيت الفيل .. يا خليل ؟
- نعم .. ولكن ماذا عن فن التطبيل .. يا ابو خليل ؟

 

[اغابي]

انا لم اشاهد الفلم ولم اقراء الرواية لكن الاكيد ان ابراهيم عيسي منذ ظهوره على الشاشة يحاول محاربة الفساد وانا اثق فى قلمه كما كنت واثقه جدا انه هيتحظر فى يوم من الايام ..

هل مصر اصبحت مقبرة المثقفين والمفكرين ؟

بما انى لا افضل المشاهدة واتعب نفسيا من الافلام والمسلسلات .. وافضل القراءة .. فقررت اقراء الرواية وعند الانتهاء منها لى معكم حوار جديد 

شكرا 

[أبو محمد]

عودا حميدا الفاضلة "أغابى"
يعنى هتبقوا كلكو علىَّ والا إيه ؟

مش كفاية "تيتة" ؟ Grandma
أنا كمان ناوى اشوف الفيلم .. صدفة

منذ ساعة, اغابي said:

يحاول محاربة الفساد

حددى نوع الفساد من فضلك .. فليس الفساد هو الاختلاس والسرقة والرشوة فقط

[اغابي]

 

شكرا استاذى الفاضل 

بجد انا سعيدة جدا لانضمامى للمنتدى من جديد 

اما عن محاربة الفساد التى اقصدها عن ابراهيم عيسي هى طبعا فساد السلطه .. وهو من ايام عهد مبارك كان داءم الاحتجاج على ممارسات السلطة السياسية في مصر، واخطاء الحكومة وانعدم الديمقراطية وفى عهد السيسي عن التدين الظاهرى وتاثير الخطاب الدينى ومعارضته لتصريحات شيخ الازهر الجدلية عن بعض التصريحات  وحديثه عن السجون المفتوحه امام الشباب والتهديدات وتكميم الافواه والاعتقال القسري ومواضيع اخرى

.   انا اعتبره صاحب قلم جرىء مقارنه بباقى الصحفيين  ومقدمى برامج التوك شو وكان لابد للحكومة ان تتمتع بالحكمة فى ان تنصت جيدا الى هذا المفكر لانه كان يقدم الحلول مع تقديمه للمشكلة فى كل حلقه من برنامجه 

تم تعديل 18 يناير 2017 بواسطة اغابي

[herohero]

أحلى حاجه ان حضراتكم مش واخدين بالكم من تاريخ اصدار الرواية ونشرها وبالتالي ده يضيف لابراهيم عيسى 

ابراهيم عيسى كتب كثير منها في عهد مبارك وطلعت للنور في 2012 في عز قوة الاسلام السياسي سواء اخوان اوسلفيين 
ولم تمنع الرواية ولم يقبض على ابراهيم عيسى !!!! وهو كان طالع في حلقة من الحلقات بفرده استبن  كاوتش سيارة تهكما ع دكتور محمد مرسي

وسبحان الله حاليا مقدروش يستحملوه وشالوه من البرنامج بتاعه مع انه بيلمس من بعيد ع الجرح وبيتكلم بمبدا الرئيس حلو وكويس بس اللي معاه مش مساعدينه رغم كده تعبوا منه وشالوه

 

ابراهيم عيسي قد يكون بيطبل لكن باحتراف مش عارف ايه رايكم في احمد موسى  ومصطفى بكري بقى اللي بيعملوه ده اسمه ايه 

 

 

 

تم تعديل 18 يناير 2017 بواسطة herohero

[أبو محمد]

19 ساعات مضت, اغابي said:

 

شكرا استاذى الفاضل 

بجد انا سعيدة جدا لانضمامى للمنتدى من جديد 

اما عن محاربة الفساد التى اقصدها عن ابراهيم عيسي هى طبعا فساد السلطه .. وهو من ايام عهد مبارك كان داءم الاحتجاج على ممارسات السلطة السياسية في مصر، واخطاء الحكومة وانعدم الديمقراطية وفى عهد السيسي عن التدين الظاهرى وتاثير الخطاب الدينى ومعارضته لتصريحات شيخ الازهر الجدلية عن بعض التصريحات  وحديثه عن السجون المفتوحه امام الشباب والتهديدات وتكميم الافواه والاعتقال القسري ومواضيع اخرى

.   انا اعتبره صاحب قلم جرىء مقارنه بباقى الصحفيين  ومقدمى برامج التوك شو وكان لابد للحكومة ان تتمتع بالحكمة فى ان تنصت جيدا الى هذا المفكر لانه كان يقدم الحلول مع تقديمه للمشكلة فى كل حلقه من برنامجه 

أيوه بس كلمة فساد السلطة برضه كلمة واسعة وفضفاضة
والحديث عنها - بالذات بطريقة ابراهيم - أداة إعلامية جاذبة لنسبة مشاهدة كبيرة
والحديث عنها بيكون فى الأغلب الأعم تنظيرى وبالبلدى - عفوا - ردح وتجعير
اللى اعرفه إن الصحفى أو الإعلامى اللى بيتكلم عن الفساد
بيكون عنده معلومات (صحيحة) ومن حقه حسب القانون إنه ينشرها
هل ابراهيم عيسى عمل حاجة كده ؟ أو حاجة تشبه كده ؟
أما عن كلامه وانتقاده للتدين الظاهرى ودخوله فى مساجلات مع التشدد الإسلامى
فقد كان هذا من أهم أسباب إعجابى به .. فهو قارئ ممتاز ومتحدث و "حكَّاى" موهوب
ولكن .. خسارته .. ضيع مواهبه فى محاولة أخذ مكان هيكل بالنسبة للرئيس المنتظر محمد البرادعى
هل تابعتى حواراته فى مؤتمر الشباب الأخير ؟
أنا حاطط بعض الفيديوهات فى موضوع إسمه "إعلام السداح مداح .. إعلام عسل فيه سم قاتل"
ويمكنك البداية من هذه المداخلة وما بعدها .. أو مراجعة الموضوع اللى انكتب فى غيابك لو حبيتى

 

[اغابي]

Just now, أبو محمد said:

أيوه بس كلمة فساد السلطة برضه كلمة واسعة وفضفاضة
والحديث عنها - بالذات بطريقة ابراهيم - أداة إعلامية جاذبة لنسبة مشاهدة كبيرة
والحديث عنها بيكون فى الأغلب الأعم تنظيرى وبالبلدى - عفوا - ردح وتجعير
اللى اعرفه إن الصحفى أو الإعلامى اللى بيتكلم عن الفساد
بيكون عنده معلومات (صحيحة) ومن حقه حسب القانون إنه ينشرها
هل ابراهيم عيسى عمل حاجة كده ؟ أو حاجة تشبه كده ؟
أما عن كلامه وانتقاده للتدين الظاهرى ودخوله فى مساجلات مع التشدد الإسلامى
فقد كان هذا من أهم أسباب إعجابى به .. فهو قارئ ممتاز ومتحدث و "حكَّاى" موهوب
ولكن .. خسارته .. ضيع مواهبه فى محاولة أخذ مكان هيكل بالنسبة للرئيس المنتظر محمد البرادعى
هل تابعتى حواراته فى مؤتمر الشباب الأخير ؟
أنا حاطط بعض الفيديوهات فى موضوع إسمه "إعلام السداح مداح .. إعلام عسل فيه سم قاتل"
ويمكنك البداية من هذه المداخلة وما بعدها .. أو مراجعة الموضوع اللى انكتب فى غيابك لو حبيتى

 

ياه يا استاذى

معقول ابراهيم عيسي كدا !!

 .. انا يبقى لازم  اغير طريقتى فى فهم حواره واسمعه بطريقتك .. لان لو اكيد اللى بتحكيه عنه يبقى انا صدمتى فيه كبيرة اوى .. انا بصراحه بصدق جعوراته عن فساد الحكومة ومش بنتظر حتى دليل منه وطبعا اللى هو بيحكيه بيقوله بمفهوم عام مش بالتفصيل .. 

طيب ارجع اقول الاول لازم اقراء رواية مولانا .. لان احساس الكتابة بيوصل كمان للقارىء والكاتب بيتفهم اسلوبه من رواياته وما بين السطور

متابعه معاكم ..

تم تعديل 19 يناير 2017 بواسطة اغابي

[herohero]

خائن وعميل بيألف اخبار وكل اللي في مصر عارف ان كل ده مش حقيقي ومفيش أزمات وكله زي الفل

 

 

[herohero]

On 1/17/2017 at 10:46 PM, أبو محمد said:

عودا حميدا الفاضلة "أغابى"
يعنى هتبقوا كلكو علىَّ والا إيه ؟

مش كفاية "تيتة" ؟ Grandma
أنا كمان ناوى اشوف الفيلم .. صدفة

حددى نوع الفساد من فضلك .. فليس الفساد هو الاختلاس والسرقة والرشوة فقط

فعلا الفساد مش اختلاس وسرقو ورشوة فقط الفساد الاخلاقي اخطر 

نفسي حضرتك تبقى تفتح موضوع تعرض فيه باسلوبك تفسير مايحدث في قضية تيران وصنافير اعلاميا 

لان انا شايف ان الموضوع ده مهم يضاف لموضوع اعلام السداح مداح 

[tarek hassan]

10 ساعات مضت, herohero said:

فعلا الفساد مش اختلاس وسرقو ورشوة فقط الفساد الاخلاقي اخطر 

نفسي حضرتك تبقى تفتح موضوع تعرض فيه باسلوبك تفسير مايحدث في قضية تيران وصنافير اعلاميا 

لان انا شايف ان الموضوع ده مهم يضاف لموضوع اعلام السداح مداح 

هو أنت مفكر إن الموضوع خلاص قد حسم 

عمر ما القضاء هيحسم قضية بحق وليس لديه خبرة بها 

هل القضاء جهة تستطيع أن تبحث في الخرائط وفي التاريخ 

سعودية الجزيرتين أو مصريتهما شأن مجلس الشعب ورئيس الجمهورية 

أما الجماعة بتوع ( ماسر واللهم هجرة .... ) اللي بقوا وطنيين فجاءة 

فاتقل علشان تاخد لهم حاجه حلوة 

التقيل لسه جاي ورا 

ويا مدحلب غيرك لابد 

واللي كانوا إمبارح بيحلفوا بالقضاء الشامخ 

ومعداش عليهم يوم بسبب ابو تريكة

[اغابي]

19 hours ago, أبو محمد said:

ولكن .. خسارته .. ضيع مواهبه فى محاولة أخذ مكان هيكل بالنسبة للرئيس المنتظر محمد البرادعى
 

مش فاهمه .. تقصد انه منتظر البرادعى وبيشجعه .. يعنى ممكن اصحى فى يوم من النوم الاقى البرادعى رءيس لمصر ؟؟

اخر حاجه اتوقعها عن ابراهيم عيسي .. بصراحه  ليا فترة مش بتابع عنه حاجة .. لكن اللى سمعته عنه الفترة الاخيرة انه راجل صاحب راي حر وصاحب مبدا وبيواجهه الكل لكن لو مع البرادعى او منتظره يبقى كان بيمثل علينا ..

لان البرادعى اسواء شخص ممكن يحكم مصر والمفروض هو عارف كدا كويس

[tarek hassan]

1 ساعه مضت, اغابي said:

مش فاهمه .. تقصد انه منتظر البرادعى وبيشجعه .. يعنى ممكن اصحى فى يوم من النوم الاقى البرادعى رءيس لمصر ؟؟

اخر حاجه اتوقعها عن ابراهيم عيسي .. بصراحه  ليا فترة مش بتابع عنه حاجة .. لكن اللى سمعته عنه الفترة الاخيرة انه راجل صاحب راي حر وصاحب مبدا وبيواجهه الكل لكن لو مع البرادعى او منتظره يبقى كان بيمثل علينا ..

لان البرادعى اسواء شخص ممكن يحكم مصر والمفروض هو عارف كدا كويس

من تسريبات البرادعي وإبراهيم عيسى التي أذاعها أحمد موسى تبين الكثير  والعلاقة بينهما التخطيط ليكون الأول رئيسا لمصر وليكون الثاني ( كاتب التويتات له والمخطط ) كهيكل لعبد الناصر 

ومنها 

 

 

[أبو محمد]

11 ساعات مضت, اغابي said:

مش فاهمه .. تقصد انه منتظر البرادعى وبيشجعه .. يعنى ممكن اصحى فى يوم من النوم الاقى البرادعى رءيس لمصر ؟؟

اخر حاجه اتوقعها عن ابراهيم عيسي .. بصراحه  ليا فترة مش بتابع عنه حاجة .. لكن اللى سمعته عنه الفترة الاخيرة انه راجل صاحب راي حر وصاحب مبدا وبيواجهه الكل لكن لو مع البرادعى او منتظره يبقى كان بيمثل علينا ..

لان البرادعى اسواء شخص ممكن يحكم مصر والمفروض هو عارف كدا كويس

أهو .. زى ما قال الأستاذ طارق بالظبط
إسمعى من ابراهيم .. ولا تسمعى عن ابراهيم
فكرى فى كلامه فى هذا الفيديو .. وهو درس فى "فن التطبيل" ومسح الجوخ
ثم فكرى فى هجومه المستمر على "المطبلاتية"
ستندهشين يا سيدتى .. والله ستندهشين

[اغابي]

صدمه كبيرة بعد ما شفت الفيديو 

الفساد وصل لابراهيم عيسي اللى المفروض بيتكلم عن الفساد وهو طلع فاسد وخاين

البلد مليانه فساد من الصغير للكبير وبمناسبة الفساد انا حاولت احمل فيديو مهم متسجل من كانيرات المراقبه ويعتبر فيديو صادم لكن كمان الشي الحلو ان مجهود رجال الامن كمان قوى 

الفيديو حصرى مسجل منظمة اطباء فى مصر لتجارة الاعضاء بالاشتراك مع منظمة اجنبيه ومتصورين وهما بيستلمو مبلغ 80 الف دولار ويقومو بعملية سرقه اعضاء لمريض بالاضافه الى مشاهد اخرى لاستلام رشاوى من رجال مهمين فى وزارة الزراعه ووزارات اخرى .. الفيديو مهم لكن فشلت فى رفعه 

[أبو محمد]

شوفى ده كده

 

[اغابي]

7 hours ago, أبو محمد said:

شوفى ده كده

 

اااه اخيرا .. فعلا يا ابو محمد هو الفيديو  شكرا 

موضوع الفيديوهات صعب مش بسهولة بقدر ارفعه 

الفيديو فيه فساد يقلق كل القطاعات تقريبا فيها فساد .. ولما الشريحه المتعلمه والمثقفة فى المجتمع بدون ضمير فماذا عن  موقف البسطاء ؟؟

 

[herohero]

On 1/21/2017 at 6:34 AM, أبو محمد said:

شوفى ده كده

 

بشمهندس كده من واقع خبرتك  الارقام وصلت للي قال عليه الخائن هشام جنينة ؟؟ ولا اقل ولا اكثر ؟؟

مش هشام جنينة اضر بالاقتصاد لما قال كدة طب  الكشف عن الجرائم ده بيضر برده ولا عادي 

هشام جنينة صح ولا غلط ؟؟

[herohero]

On 1/19/2017 at 8:08 PM, tarek hassan said:

هو أنت مفكر إن الموضوع خلاص قد حسم 

عمر ما القضاء هيحسم قضية بحق وليس لديه خبرة بها 

هل القضاء جهة تستطيع أن تبحث في الخرائط وفي التاريخ 

سعودية الجزيرتين أو مصريتهما شأن مجلس الشعب ورئيس الجمهورية 

أما الجماعة بتوع ( ماسر واللهم هجرة .... ) اللي بقوا وطنيين فجاءة 

فاتقل علشان تاخد لهم حاجه حلوة 

التقيل لسه جاي ورا 

ويا مدحلب غيرك لابد 

واللي كانوا إمبارح بيحلفوا بالقضاء الشامخ 

ومعداش عليهم يوم بسبب ابو تريكة

مش حكاية وطنية حكاية مبدأ بس ،الاعلامي المفروض يبقى ع الحياد 

عموما هو شئ ممتع ومسلي اننا نتفرج ع دولة نظامها واعلام المطبلاتيه بيحاول يثبت عدم ملكية ارض للدولة وانها ملك دولة اخرى

ده شئ جديد

واللي احلى وامتع السعودية والسعوديين ولا ع بالهم خالص الموضوع ده 

[أبو محمد]

11 ساعات مضت, herohero said:

بشمهندس كده من واقع خبرتك  الارقام وصلت للي قال عليه الخائن هشام جنينة ؟؟ ولا اقل ولا اكثر ؟؟

مش هشام جنينة اضر بالاقتصاد لما قال كدة طب  الكشف عن الجرائم ده بيضر برده ولا عادي 

هشام جنينة صح ولا غلط ؟؟

هشام جنينة غلط وانت عارف