مسلمة أصلها فلسطيني تعمل على قانون لحظر الحجاب بالنمسا ... ما رأيكم ؟

[Believer]

دزدار أثناء أدائها اليمين القانونية بعد تعيينها وزيرة أمام رئيس النمسا هاينز فيشر

فيينا – رويترز
قال وزير خارجية النمسا، سباستيان كورتس، الجمعة، إنه يريد منع الموظفات في المؤسسات المدنية، بمن في ذلك المدرسات من ارتداء الحجاب.
ويعمل كورتس – الذي ينتمي لحزب الشعب النمساوي المسيحي المحافظ – على إعداد مشروع قانون بهذا الشأن مع منى دزدار وهي وزيرة دولة من الحزب الديمقراطي الاجتماعي النمساوي شريك حزب كورتس في الائتلاف، وهي مسلمة ذات أصول فلسطينية.
وفي حالة موافقة البرلمان على هذا القانون سيكون الحظر في النمسا أكثر تشدداً من القوانين الة في فرنسا، التي لا تحظر إلا النقاب وألمانيا التي قيدت أعلى محكمة فيها من مساحة التحرك المتاحة للمشرعين لحظر ارتداء المدرسات للحجاب.
ونقل متحدث عن كورتس قوله "لأن هناك (في المدارس) الأمر يتعلق بتأثير القدوة على الصغار. النمسا دولة متسامحة مع الأديان لكنها أيضاً دولة علمانية."
وقال كورتس إن ارتداء الصليب – وهو أمر شائع في النمسا المتمسكة بالكاثوليكية – يجب أن يسمح به في الفصول معللاً ذلك "بالثقافة الراسخة تاريخياً" في البلاد، وفق تبريره.
وكان مستشار لمحكمة العدل الأوروبية قد قال في آذار/مارس الماضي إن الشركات 
يجب أن يسمح لها بمنع الموظفات من ارتداء الحجاب، لكن فقط في إطار حظر عام على الرموز الدينية والسياسية.
وقالت متحدثة باسم المجتمع الإسلامي في النمسا، وهي أبرز جماعة معبرة عن المسلمين هناك إن التفرقة في أماكن العمل على أسس دينية مخالفة للقانون النمساوي، وقالت "بعد مثل هذا البيان الثقة اهتزت بشدة".
وقالت دزدار لرويترز إنه يجب ألا يكون المرء عرضة للتمييز في مكان العمل على أساس ديانته وإنها تريد انتظار الحكم النهائي من محكمة العدل الأوروبية قبل إرسال مشروع القانون للبرلمان.

تم تعديل 13 يناير 2017 بواسطة Believer

[Grandma]

مش فاهمة ليه الحظر في اتجاه واحد .. اللي هو الحشمة ؟  ليه مافيش  حظر للملابس اللي بتكشف أكتر ما بتغطي ؟ وكمان للأسف الليى بيشارك في التفرقة دي واحدة تنتمي للاسلام و للعرب  ... الست بتجامل بلد معروفة بالعنصرية . 

[Believer]

5 ساعات مضت, Grandma said:

مش فاهمة ليه الحظر في اتجاه واحد .. اللي هو الحشمة ؟  ليه مافيش  حظر للملابس اللي بتكشف أكتر ما بتغطي ؟ وكمان للأسف الليى بيشارك في التفرقة دي واحدة تنتمي للاسلام و للعرب  ... الست بتجامل بلد معروفة بالعنصرية . 

ويمكن قناعتها

لأن في لقاء لها علي صحيفة ألمانية قالت انها لادينية وأن لها صديق خارج مؤسسة الزواج

 

 

تم تعديل 14 يناير 2017 بواسطة Believer

[عادل أبوزيد]

كم الأحداث الإرهابية  زادت كثيرا  و كلها  أو تقريبا كلها تتم بإسم الإسلام  و قام بها مسلمون   ........  أي مواطن مخلص لبلاده في الغرب  سيناصر بشدة  منع الحجاب و منع النقاب  ربما حتى في البيوت  و ليس فقط في المؤسسات العامة.

رائحة الدماء تزكم الأنوف   و كله بإسم الإسلام

[Grandma]

منذ ساعة, Believer said:

ويمكن قناعتها

لأن في لقاء لها علي صحيفة ألمانية قالت انها لادينية وأن لها صديق خارج مؤسسة الزواج

طيب اهي طلعت لادينية ..ليه بقى نقول مسلمة ونستغرب 

9 دقائق مضت, عادل أبوزيد said:

أي مواطن مخلص لبلاده في الغرب  سيناصر بشدة  منع الحجاب و منع النقاب  ربما حتى في البيوت  و ليس فقط في المؤسسات العامة.

دي خطوة جريئة يخاف ان يفتي بها أي مسلم لانه هيشيل ذنبه وذنب غيره .. ومع ذلك المرأة المسلمة ممكن هي بنفسهاتتحجب بطريقتها الخاصة في بلاد الافرنجة  بدون ان ترتدي زي الحجاب المعروف في الغرب _اي قبعة تفي بالغرض _ اعرف نساء  مسلمات كتير عايشين في الخارج ومازلن محجبات و أخريات خلعن الحجاب و الضرورات تبيح المحظورات .

[أبو محمد]

اليهوديات المحافظات يرتدين "البونيه"
ده فى أوروبا وأمريكا والدول المتقدمة

[herohero]

كل دولة من حقها تفرض قوانين تناسبها او تراها مناسبة وعلى القادم اليها مراعاة هذه القوانين

واظن الناس ده عندهم مؤوسسات  هتناقش وهتطرح مثل هذا قانون للنقاش وموافقة اعضاء البرلمان 

وفي هذه الحاله لا يستطيع احد ان يخالف القانون 

من يرى انه لايستطيع العيش بدون ارتداء الحجاب فالقصه بسيطة عنده دول اسلامية كثيرة يشد الرحال اليها ويستمتع بارتداء الحجاب هناك وكمان ممكن العباية السوداء كمان 

[اغابي]

الصورة الحضارية الراقيه لمصر فى فترة الخمسينات والستينات كانت النساء بدون حجاب لان النساء لها دور مهم فى المجتمع وليست عورة لنحجبها فهو اهانة لكل سيدة بالاضافه الى ان الحجاب وجه من اوجه العنصرية والتفرقة بين الشعب الواحد على اساس الدين .. وهناك انواع من التميز الشديد فى  الوظايف وحتى الاولويات فى المواصلات تفوز المحجبة عن غير المحجبة وحدث معى بالفعل عند زيارتى الاخيرة لمصر .. الخلاصة ان الحجاب وجه غير حضارى وعنصرى فلماذا تصرون علي تطبيقه فى الغرب ايضا . الا اذا كان هناك من وراؤه افكار مخطط لها .. هل تريدون للغرب ان يصبح عنصرى ومتخلف ..

تم تعديل 16 يناير 2017 بواسطة اغابي

[herohero]

4 hours ago, اغابي said:

الصورة الحضارية الراقيه لمصر فى فترة الخمسينات والستينات كانت النساء بدون حجاب لان النساء لها دور مهم فى المجتمع وليست عورة لنحجبها فهو اهانة لكل سيدة بالاضافه الى ان الحجاب وجه من اوجه العنصرية والتفرقة بين الشعب الواحد على اساس الدين .. وهناك انواع من التميز الشديد فى  الوظايف وحتى الاولويات فى المواصلات تفوز المحجبة عن غير المحجبة وحدث معى بالفعل عند زيارتى الاخيرة لمصر .. الخلاصة ان الحجاب وجه غير حضارى وعنصرى فلماذا تصرون علي تطبيقه فى الغرب ايضا . الا اذا كان هناك من وراؤه افكار مخطط لها .. هل تريدون للغرب ان يصبح عنصرى ومتخلف ..

ممممممممم حضرتك في تمييز والاولوية للمحجبة ؟؟؟

حضرتك الكلام ده في مصر ؟؟؟

غريبة جداااااااااا مع ان اعرف اماكن كبيرة وعليها العين الاولوية لغير المحجبة وصاحبة الاقدام الملفوفة ،يعني لو غير محجبة ولا ترتدي الجيب القصير ،فهي متخلفة ورجعية 

وبالنسبة لموضوع الحجاب وانه يصيب المراة بالتخلف وسمة من سمات التخلف
كم اتذكر الاخوات الفضليات في المستشفى القبطي وهرمل وغيرها من المستشفيات والاماكن اللي فيها راهيات وهم طبعا محتشمات لم اراهم متخلفات 

هل الغرب اصبح متقدم جدا بسبب عدم ارتداء الحجاب ؟؟ وهل اصبحنا متخلفين بسبب ارتداء الحجاب ؟؟؟

اظن مكنش حد غلب والحمد لله وقت ماكان الحجاب شئ نادر في مصر لم يكن هو السبب في تطورنا والعكس لما اصبح شئ منتشر لم يكن هو السبب في تخلفنا 

 

 الحجاب والنقاب اللي بيسبب التخلف هو حجاب العقل والفكر مش حجاب الوجه والشعر

عموما كل دولة يجب احترام قوانينها والالتزام بها وليس من حق الاقلية فرض رايهم على الاغلبية فمن يرغب في ارتداء الحجاب والنقاب يلتزم بما هو موجود في قانون الدولة المضيفة ان لم يكن فعليه مغادرتها 

[Grandma]

عودا حميدا ست أغابي .. منورة المحاورات 

4 ساعات مضت, اغابي said:

الصورة الحضارية الراقيه لمصر فى فترة الخمسينات والستينات كانت النساء بدون حجاب لان النساء لها دور مهم فى المجتمع وليست عورة لنحجبها فهو اهانة لكل سيدة

مين قال الحجاب اهانة ؟ ما يمكن العري هو اللي اهانة للمرأة كل شخص له وجهة نظر مين اللي يحكم .  النساء بيقوموا بدورهم في المجتمع وهن محجبات مافيش مشكلة .. وبعدين دا فرض ديني على المسلمات اشمعنى بنسمح للراهبات و اليهوديات انهم يرتدوا الحجاب وبنستنكر دا على المسلمات ؟ من ينادي بالحرية لازم يطبق الحرية على الكل . اذا كان الغرب بيحترم الزي الشعبي للهنود و الافارقة مش هيحترم الزي الديني للاسلام ؟ طب اشمعنى ؟ 

شياكة المصريات في الخمسينات و الستينات مش سببها عدم ارتداءهن للحجاب لان السيدة الخليجية بترتدي الحجاب وهي قمة في الذوق و الاناقة. فيه أسباب كثيرة اخرى ادت الى تراجع ذوق وشياكة ولياقة المصريات ومع ذلك تبقى المصرية مميزة بشخصيتها وفكرها وصبرها وقوة تحملها 

 

4 ساعات مضت, اغابي said:

. الخلاصة ان الحجاب وجه غير حضارى وعنصرى فلماذا تصرون علي تطبيقه فى الغرب ايضا . الا اذا كان هناك من وراؤه افكار مخطط لها .. هل تريدون للغرب ان يصبح عنصرى ومتخلف ..

المسلمين اضعف من انهم يفرضوا على الغرب اي حاجة واذا كان قصدك الجماعات الارهابية فدول من صنع امريكا و الكل عارف وفاهم الهدف.

[herohero]

25 minutes ago, Grandma said:

عودا حميدا ست أغابي .. منورة المحاورات 

مين قال الحجاب اهانة ؟ ما يمكن العري هو اللي اهانة للمرأة كل شخص له وجهة نظر مين اللي يحكم .  النساء بيقوموا بدورهم في المجتمع وهن محجبات مافيش مشكلة .. وبعدين دا فرض ديني على المسلمات اشمعنى بنسمح للراهبات و اليهوديات انهم يرتدوا الحجاب وبنستنكر دا على المسلمات ؟ من ينادي بالحرية لازم يطبق الحرية على الكل . اذا كان الغرب بيحترم الزي الشعبي للهنود و الافارقة مش هيحترم الزي الديني للاسلام ؟ طب اشمعنى ؟ 

شياكة المصريات في الخمسينات و الستينات مش سببها عدم ارتداءهن للحجاب لان السيدة الخليجية بترتدي الحجاب وهي قمة في الذوق و الاناقة. فيه أسباب كثيرة اخرى ادت الى تراجع ذوق وشياكة ولياقة المصريات ومع ذلك تبقى المصرية مميزة بشخصيتها وفكرها وصبرها وقوة تحملها 

 

المسلمين اضعف من انهم يفرضوا على الغرب اي حاجة واذا كان قصدك الجماعات الارهابية فدول من صنع امريكا و الكل عارف وفاهم الهدف.

صح لسانك والنعم فيكي 

[اغابي]

اهلا وسهلا ...

مين جاب سيرة العرى !!!  انا قلت الحضارة مش عرى 

افتح دولاب جدتك ومامتك هتلاقى ملابسهم استايل هادى وحضارى ومكنش فيه اى عرى وهذه هى الحقبة الزمنية اللى كانت فى مصر وانا استهليت كلامى بيها .. وبعدين كلمة العرى دى كلمة كبيرة شوية ومعناها كبير ومش موجودة فى مصر لا زمان ولا حاليا 

ازياء بدو الصحراء موديل 1400 سنة للخلف در .. واللى وردوهالنا مع العمالة المصرية لما كان كل مصرى مسكين يروح يشتغل كم سنة فى الخليج ويرجع يحجب نساء بيته مش بتتفق اطلاقا مع تاريخ مصر وثقافتها احنا برضوة لينا تاريخ حضارى مختلف 

وبعدين فين الاناقة دى اللى فى ازياء الخليجيات . انا عشت فى الخليج واللى بتحب تبقى انيقة بتقلع الحجاب وبنات العاءلات الكبيرة فى الكويت مستحيل يتحجبو ولا اى واحدة من اسرة الامير محجبة .. وغالبا الخليجيات بيقلعوه لما بيسافرو سياحه للنمسا وتركيا وامريكا  ولما كنت نازلة فى فندق فى تركيا سياحه .. شفت الخليجيات اللى دخلو بحجاب وعبايات سودا خرجو من الفندق قالعين الحجاب ولابسين استايلات لا تدل الا على الكبت والاستغفال .. اعتقد نسبة كبيرة منهم مجبرين من المجتمع اللى هما عايشين فيه وبعدين فين الاناقة دى فى عباية سودا ؟ انا بحكى معاك عن اناقة وحضارة تقولى مثال الستات الخليجيات والعبايات السودا .. فين الاناقة .. ولعلمك خصوصا الخليجيات لو خيروهم بدون تهديد هيقلعو الحجاب فورا اول شعب فى المنطقه 

المراه المصرية عانت بسبب الحجاب واهملت وزنها وشعرها وبشرتها وريحتها واناقتها والحجاب اصبح حجاب فكر ليس فقط مجرد قماشة تغطى الراس بالوان غريبة ومستفزة .. لان المراه لها دور مهم فى المجتمع والحجاب بياثر فى سلوكها بقت بعد الحجاب كل الازياء غريبة والالوان غريبة وغير متناسقة ومبقتش تفكر غير ازاى تتجوز وامتى تخلف وهتطبخ ايه وعندها سلبيه غريبة وتنازع بين الحلال والحرام ومشوشة 

لو رجعتا لزمان هنشوف استايل للمراه مختلف تماما وهنعرف نقارن بين حجاب العقل مع الراس وعدم الحجاب .. 

بالمناسبة علشان اللى هيدخل يقولى جنة ونار وحلال وحرام لو عملنا احصاء لعدد اللى داخلين النار قبل الحجاب وبعد الحجاب هنلاقى ان الاجداد والامهات هم الاقل ذنوب من عصر التدين اللى احنا فيه ..

 

[Grandma]

2 ساعات مضت, اغابي said:

اهلا وسهلا ...

مين جاب سيرة العرى !!!  انا قلت الحضارة مش عرى 

افتح دولاب جدتك ومامتك هتلاقى ملابسهم استايل هادى وحضارى ومكنش فيه اى عرى وهذه هى الحقبة الزمنية اللى كانت فى مصر وانا استهليت كلامى بيها .. وبعدين كلمة العرى دى كلمة كبيرة شوية ومعناها كبير ومش موجودة فى مصر لا زمان ولا حاليا 

ازياء بدو الصحراء موديل 1400 سنة للخلف در .. واللى وردوهالنا مع العمالة المصرية لما كان كل مصرى مسكين يروح يشتغل كم سنة فى الخليج ويرجع يحجب نساء بيته مش بتتفق اطلاقا مع تاريخ مصر وثقافتها احنا برضوة لينا تاريخ حضارى مختلف 

وبعدين فين الاناقة دى اللى فى ازياء الخليجيات . انا عشت فى الخليج واللى بتحب تبقى انيقة بتقلع الحجاب وبنات العاءلات الكبيرة فى الكويت مستحيل يتحجبو ولا اى واحدة من اسرة الامير محجبة .. وغالبا الخليجيات بيقلعوه لما بيسافرو سياحه للنمسا وتركيا وامريكا  ولما كنت نازلة فى فندق فى تركيا سياحه .. شفت الخليجيات اللى دخلو بحجاب وعبايات سودا خرجو من الفندق قالعين الحجاب ولابسين استايلات لا تدل الا على الكبت والاستغفال .. اعتقد نسبة كبيرة منهم مجبرين من المجتمع اللى هما عايشين فيه وبعدين فين الاناقة دى فى عباية سودا ؟ انا بحكى معاك عن اناقة وحضارة تقولى مثال الستات الخليجيات والعبايات السودا .. فين الاناقة .. ولعلمك خصوصا الخليجيات لو خيروهم بدون تهديد هيقلعو الحجاب فورا اول شعب فى المنطقه 

المراه المصرية عانت بسبب الحجاب واهملت وزنها وشعرها وبشرتها وريحتها واناقتها والحجاب اصبح حجاب فكر ليس فقط مجرد قماشة تغطى الراس بالوان غريبة ومستفزة .. لان المراه لها دور مهم فى المجتمع والحجاب بياثر فى سلوكها بقت بعد الحجاب كل الازياء غريبة والالوان غريبة وغير متناسقة ومبقتش تفكر غير ازاى تتجوز وامتى تخلف وهتطبخ ايه وعندها سلبيه غريبة وتنازع بين الحلال والحرام ومشوشة 

لو رجعتا لزمان هنشوف استايل للمراه مختلف تماما وهنعرف نقارن بين حجاب العقل مع الراس وعدم الحجاب .. 

بالمناسبة علشان اللى هيدخل يقولى جنة ونار وحلال وحرام لو عملنا احصاء لعدد اللى داخلين النار قبل الحجاب وبعد الحجاب هنلاقى ان الاجداد والامهات هم الاقل ذنوب من عصر التدين اللى احنا فيه ..

 

اهلا بالست اغابي 
احنا بنستنكر وبنستعجب  ان الغرب بيتقبل العري ولا يتقبل الحجاب ولم نقل ان جداتنا وامهتنا كانوا ( عاريات ) اكيد طبعا احنا  فاهمين ان مش كل واحدة خالعة الحجاب عارية .. وعارفين ان فيه سافرات  ملابسهم اكتر حشمة من المحجبات . دا غير ان مافيش علاقة بين عفة المرأة  وحجابها بمعنى أخر مش كل محجبة امرأة فاضلة ولا كل سافرة  ست ساقطة.. دي بديهيات . ومع ذلك الدين الاسلامي أمر المرأة بالحجاب وعلى الغرب او البلاد المتحضرة ان تحترم الشريعة الاسلامية .
مش مظبوط ان المرأة المصرية بتعاني بسبب الحجاب وانما هي بتعاني  من الفكر الذكوري و الضغوط الاجتماعية و المعيشية ونظرة المجتمع للمرأة .. المرأة المصرية تعيش في ظروف صعبة جدا وهو ما تسبب في اهمالها لنفسها وجسمها وشكلها واناقتها  ..المرأة الخليجية مقارنة بها  تعيش حياة مترفة مرفهة جدا .. سواء ماديا او على المستوى الاجتماعي و العملي بل هي أكثر رفاهية من المرأة الاوروبية و الامريكية  . 
العباءة السوداء التي ترتديها المرأة الكويتية من الطبقة المتوسطة  قد يصل ثمنها ل 3 او 4 الاف جنيه وهي تقتني منها عدد كبير تغير بينهم يوميا دا غير العباءات المميزة للزيارات العائلية و السهرات  دا بالنسبة لمن يرتدين العباءة السوداء واغلبهن الان من السيدات المسنات. العدد الاكبر من النساء سواء كن من الطبقات الفقيرة او المتوسطة او الغنية يرتدين ملابس المحجبات العادية و لديهم ذوق رائع جدا .. أما النساء المتحررات و عددهم كبير في الكويت فمعظم ملابسهم انيقة ، راقية و محتشمة.
و الشىء الجميل ان كل أمرأة بتختار زيها حسب قناعتها مش مفروض عليها ..السيدات الكويتيات اغلبهن مستقلات وصاحبات رأي ..الا طبقة البدو فالنقاب مفروض عليهن في بعض الاحيان وهؤلاء هن من يمكن ان يخلعن حجابهن اذا سافرن اما باقي فئات المجتمع فهم محجبات عن اقتناع .
وبلاش بقى موضوع التمسح في اصحاب حضارة ال 7 الاف سنة اللي مش لازم يتأثروا بالبدو الرعاة لانه عيب  .. اصحاب الحضارة الفرعونية ماتوا وشبعوا موت ومن يوم ما ماتوا واحنا مستعمرين واساسا لا احنا زي الفراعنة ولا لغتنا لغتهم ولا ديانتنا ديانتهم ولا نقدر نوصل لنص حضارتهم .
الخلاصة ان الزي الاسلامي (  فرض)  على المرأة المسلمة و على المجتماعات الغربية_ لو كانوا متحضرين حقا _  تقبله كما بيتقبلوا كافة الازياء الاخرى سواء كانت دينية او تراثية . 
( المسلمات  ما وقعوش من قعر القفة )
 

 

[اغابي]

اهلا بيك عزيزى

برضوة انا مقتنعه تماما ان  الحجاب له تاثير سلبي على المراه المصرية بشكل خاص وتفكيرها ومصممه ان تاريخ الحضارة له تاثير هذه ثوابت فى تكوينا يا عزيزى مهما تحاول تتبرا منه او تنكره ..

والمجتمع فعلا بقى ذكورى بجد وقاسي من يوم ما الستات اتحجبت لان الرجالة بقى عندهم كبت اكتر ..  يبقى متجيش تقولى ضغوط ومجتمع ذكورى  عاوزين نقول ان الاساس مش الحجاب وبس لكن كمان ثقافه بدو الصحراء .. 

وحتى الازياء اللى بتشكر فيها و بيلبسوها الكويتيات المحجبات كلها الوان غير متناسقة فين الاناقه دى ؟انت ازاى شايفها اناقه ؟ مع كم من الاكسسورات المبالغ فيها وحجاب منفوخ فوق الراس يشبه برج الخليفة وليس هناك اى رقى او اناقة فى اختيار الازياء والالوان مهما كان ثمنها باهظ .. لانهم بيحاولو يهربو من الحجاب بزيادة فى الالوان والاكسسورات والمكياج والتاتو والنفخ والفيلر والليزر والشد المبالغ فيه بسبب الحجاب ولو خلعو الحجاب هيكون استايل الازياء راقى واهدا من كدا لان جواهم هيكون شعور الثقه بالنفس موجود وان الحجاب ليس له تاثير على مظهرها .. انا عشت فى الكويت 14 سنة وعارفه كويس انا بكتب ايه

وهو مش موضوعنا الكويت لكن الموضوع الاساسي تاثير الحجاب على المراه وثقافتها فى المجتمع وعقدة النقص اللى مزروعه جواها ان شكلها مش جذاب وانها مش مودرن و و الخ .....

واللى عندى كتبته من خبرتى وتعاملاتى ..

[عادل أبوزيد]

المسألة ببساطة  سيدة نمساوية  - بالصدفة من أصل فلسطيني -  شاركت في وضع قانون  في دولة النمسا  يحظر إرتداء زي ديني في المؤسسات المدنية و المدارس  و دولة النمسا علمانية

في 1/13/2017 at 22:35, Believer said:

قال وزير خارجية النمسا، سباستيان كورتس، الجمعة، إنه يريد منع الموظفات في المؤسسات المدنية، بمن في ذلك المدرسات من ارتداء الحجاب.
ويعمل كورتس – الذي ينتمي لحزب الشعب النمساوي المسيحي المحافظ – على إعداد مشروع قانون بهذا الشأن مع منى دزدار وهي وزيرة دولة من الحزب الديمقراطي الاجتماعي النمساوي شريك حزب كورتس في الائتلاف

وجود أناس من أصل أجنبي - في حالتنا مسلمين مثلا - في دولة ما لا يعطيهم الحق في فرض قيمهم و تقاليدهم على أهل هذه الدولة  إلا من خلال الآليات التي تسمح بها هذه الدولة ، و اللي مش عاجبه الباب يفوت جمل.

منذ سنوات ذهب الشيخ طنطاوي  إلى فرنسا  و سألوه عما إذا الحجاب يمثل ضرورة دينية و أجاب بالنفي  و طبقت فرنسا قانونها.

[Grandma]

3 ساعات مضت, اغابي said:

اهلا بيك عزيزى

مرحبا بالست أغابي .. بداية من خلال النيك نيم الخاص بي واضح اني ( عزيزتي ) مش ( عزيزي ) واذا حضرتك اردتي ان استمر في الحوار معك في البوستات القادمة يجب ان تحترمي كوني إمرأة ..  انا مستغربة جدا ان حضرتك اللي بتدافعي عن حقوق المرأة بتنكري وجودي كإمرأة ..فاذا كان هناك رجال تتخفى خلف قلم إمرأة او العكس فتأكدي اني لست منهم  .

3 ساعات مضت, اغابي said:

برضوة انا مقتنعه تماما ان  الحجاب له تاثير سلبي على المراه المصرية بشكل خاص وتفكيرها

حضرتك حرة طبعا في قناعاتك لكن لا علاقة للحجاب بتفكير المرأة وعقلها و الدليل ان كتير من غير المحجبات برضو لديهم خلل فكري .

 

3 ساعات مضت, اغابي said:

ومصممه ان تاريخ الحضارة له تاثير هذه ثوابت فى تكوينا يا عزيزى مهما تحاول تتبرا منه او تنكره ..

انا فخورة جدا بتاريخي وحضارتي ومصريتي لكن مش معنى كدا اني أنكر واقعي وأنفخ في ذاتي و اتعالى على أشقائي وجيراني ( عامل غيرك كما تحب ان تعامل ) 

3 ساعات مضت, اغابي said:

والمجتمع فعلا بقى ذكورى بجد وقاسي من يوم ما الستات اتحجبت لان الرجالة بقى عندهم كبت اكتر ..  

منذ بدء الخليقة و المجتمعات ذكورية بس حضرتك مش واخدة بالك .. والكبت له اسباب اجتماعية كتير منها البطالة و الفقر و تأخر سن الزواج و الافلام الاباحية وغيره وغيره

3 ساعات مضت, اغابي said:

يبقى متجيش تقولى ضغوط ومجتمع ذكورى  عاوزين نقول ان الاساس مش الحجاب وبس لكن كمان ثقافه بدو الصحراء .. 

تاني بدو الصحراء ؟ هما البدو هيفضلوا طول عمرهم بدو  كدا مش هيرتقوا  أبدا ؟  انا شايفة ان البدو دول بثقافتهم الحالية  وتعليمهم أصبحوا أرقى من مصريين كتير 

3 ساعات مضت, اغابي said:

وحتى الازياء اللى بتشكر فيها و بيلبسوها الكويتيات المحجبات كلها الوان غير متناسقة فين الاناقه دى ؟انت ازاى شايفها اناقه ؟ مع كم من الاكسسورات المبالغ فيها وحجاب منفوخ فوق الراس يشبه برج الخليفة وليس هناك اى رقى او اناقة فى اختيار الازياء والالوان مهما كان ثمنها باهظ .. لانهم بيحاولو يهربو من الحجاب بزيادة فى الالوان والاكسسورات والمكياج والتاتو والنفخ والفيلر والليزر والشد المبالغ فيه بسبب الحجاب ولو خلعو الحجاب هيكون استايل الازياء راقى واهدا من كدا لان جواهم هيكون شعور الثقه بالنفس موجود وان الحجاب ليس له تاثير على مظهرها ..

برضو دي وجهة نظر حضرتك .. انا شايفة ان الكويتيات قمرات ومهتمين جدا بجمالهم و اناقتهم .. الجمال الخليجي بينافس الجمال اللبناني رغم ان كلاهما  (مصنوع ) بس مش عيب على فكرة ولكي في فناناتنا أسوة . المال بيصنع الجمال و الاناقة .

3 ساعات مضت, اغابي said:

انا عشت فى الكويت 14 سنة وعارفه كويس انا بكتب ايه

حضرتك عشتي في الكويت 14 سنة وواضح انك لا تحملي لشعبها أي ود رغم ان الكويت بلد خير ومضياف

3 ساعات مضت, اغابي said:

وهو مش موضوعنا الكويت لكن الموضوع الاساسي تاثير الحجاب على المراه وثقافتها فى المجتمع وعقدة النقص اللى مزروعه جواها ان شكلها مش جذاب وانها مش مودرن و و الخ .....

حضرتك خليتي المرأة المحجبة عندها  كمان عقدة نقص ؟! مع ان المحجبة مش في دماغها حكاية ملابسها  اوانها مختلفة  وسط مجتمعها اللي اغلبه محجبات 
ومين قال المحجبة مش جذابة ؟ انا هحكي لحضرتك عن حاجة فعلا حصلت كنت مرة بتناول وجبة غداء وكان بجواري الفنانة ميرام فارس وكان معاها صديقة محجبة رائعة الجمال  جمالها نسف جمال ميرام فارس اللي كانت بترتدي بلوزة بتكشف عن اغلب صدرها ولكن هيهات ..الحجاب غلب العري وشطب عليه .
 

3 ساعات مضت, اغابي said:

واللى عندى كتبته من خبرتى وتعاملاتى ..

شكرا لرأي حضرتك لكن واضح انك تحتاجي لمزيد من الخبرة 

تحياتي 

[عطر الجنة]

لو لم نأخذ الحجاب على انه فرض .. فهو فضيلة فى الاديان السماوية ..

و الاديان لا تأتى الا بخير للعباد ..

ايضا حريتى تقف عند اعتاب حريات الاخرين .. و من هذا المنطلق كل انسان له حرية العقيدة و الملبس ..

و لذا لا يجب على الدول التدخل فى الاثنين الا فيما يضر امنها .. و على الدول ايضا احترام الشعائر الدينية لكل الاديان ..

المرأة المصرية بكافة المستويات الاجتماعية و الاخلاقية جربوا تبتسموا فى وجهها و تقولوا لها كلمة حلوة و هى فى قمة الغليان من اى شئ ..

ستنسى الامر و حتضحك و تبتسم ابتسامة صابحة بكل خيرها .. ابتسامة تنسى اى حد طبيعة لبسها سواء انيقة او رثة ..

سترى معنى الانوثة بجسد منهك من الايام ..

و يسلام لو دعوت لها ..

بعيدا عن الاديان .. المرأة السوية احد قيمها الخجل .. و الخجل يظهر بطبيعة الملبس ..

 

[Scorpion]

3 ساعات مضت, عطر الجنة said:

لو لم نأخذ الحجاب على انه فرض .. فهو فضيلة فى الاديان السماوية ..

و الاديان لا تأتى الا بخير للعباد ..

ايضا حريتى تقف عند اعتاب حريات الاخرين .. و من هذا المنطلق كل انسان له حرية العقيدة و الملبس ..

و لذا لا يجب على الدول التدخل فى الاثنين الا فيما يضر امنها .. و على الدول ايضا احترام الشعائر الدينية لكل الاديان ..

المرأة المصرية بكافة المستويات الاجتماعية و الاخلاقية جربوا تبتسموا فى وجهها و تقولوا لها كلمة حلوة و هى فى قمة الغليان من اى شئ ..

ستنسى الامر و حتضحك و تبتسم ابتسامة صابحة بكل خيرها .. ابتسامة تنسى اى حد طبيعة لبسها سواء انيقة او رثة ..

سترى معنى الانوثة بجسد منهك من الايام ..

و يسلام لو دعوت لها ..

بعيدا عن الاديان .. المرأة السوية احد قيمها الخجل .. و الخجل يظهر بطبيعة الملبس ..

 

بقالي فترة طويلة يا مدام عطر ما قريتش رد بيعرض وجهة نظره بصورة أنيقة ... سلسة .. بدون مهاجمة الرأي المخالف ... رد كان سمة المحاورات قبل ما نتقسم ....

كل تحياتي و احترامي ....

عفوآ .. لم أضيف ما يفيد الموضوع لأني سأكتفي بالموافقة التامة علي كل حرف كتبتيه في هذا الشأن..

[اغابي]

لاء .. بمناسبة عزيزى او عزيزتى انا بفتح اللينك من موبايل مش كمبيوتر  وفيه مشكلة عندى .. مش كل البيانات بتظهر .. بسبب فيروسات

اما بقى كل ردك بالتفصيص ولاحاجة جذبت انتباهى ارد عليكى والا هنبقى زى اللى داخلين لبعض مناقشة  مفهاش منطق او بنود محددة للنقاش تفيد القارىء

انا مثلا بركز فى نقاط عن تاثير سلبيات الحجاب على فكر المراه وعنف المجتمع وكبته لان الرجل مرتبط بالحاله النفسية للمراه بشكل او اخر  وانتى... تقوليلى  الخليجيات مقارنة باللبنانيات وسوق الخليجيات اجمل من اللبنانيات .. عزيزتى انا مش بحكى فى الجمال ولا مين اجمل .. انا بحكى عن الكبت والخلل الفكرى وبعدين تقوليلى انتى عشتى 14 سنة فى الكويت  ولا تحملى ود للكويت وهذا  شيء لا يخدم الموضوع ولا يخصك احمل ود او كره

وايه حكاية انا لان ليا حضارة لا اعاير جيرانى 

عزيزتى : انا بتكلم بشكل عام عن المراه و

عموما انا لى صديقات هنا جم كندا وكان لهم تجربة خلع الحجاب واتناقشنا كتير فى  عن احساسهم وعن طموحاتهم وما هى العواءق اللى بتشعر بها المراه فترة الحجاب وكانو بيوصفو انهم مخنوقين ومكبوتين ولما بينزلو مصر او فلسطين او سوريا حسب بلادهم بيلبسوه من تانى  .

اخيرا عزيزتى .. بدو الصحراء هيفضلو بدو صحراء

بس الاهم ما يعملوليش غسيل دماغ بفلوسهم وافكارهم وافضل متمسكه بتاريخى

وهنا بقى اسمها // الشخصية القوية  

[herohero]

14 hours ago, اغابي said:

اهلا وسهلا ...

مين جاب سيرة العرى !!!  انا قلت الحضارة مش عرى 

افتح دولاب جدتك ومامتك هتلاقى ملابسهم استايل هادى وحضارى ومكنش فيه اى عرى وهذه هى الحقبة الزمنية اللى كانت فى مصر وانا استهليت كلامى بيها .. وبعدين كلمة العرى دى كلمة كبيرة شوية ومعناها كبير ومش موجودة فى مصر لا زمان ولا حاليا 

ازياء بدو الصحراء موديل 1400 سنة للخلف در .. واللى وردوهالنا مع العمالة المصرية لما كان كل مصرى مسكين يروح يشتغل كم سنة فى الخليج ويرجع يحجب نساء بيته مش بتتفق اطلاقا مع تاريخ مصر وثقافتها احنا برضوة لينا تاريخ حضارى مختلف 

وبعدين فين الاناقة دى اللى فى ازياء الخليجيات . انا عشت فى الخليج واللى بتحب تبقى انيقة بتقلع الحجاب وبنات العاءلات الكبيرة فى الكويت مستحيل يتحجبو ولا اى واحدة من اسرة الامير محجبة .. وغالبا الخليجيات بيقلعوه لما بيسافرو سياحه للنمسا وتركيا وامريكا  ولما كنت نازلة فى فندق فى تركيا سياحه .. شفت الخليجيات اللى دخلو بحجاب وعبايات سودا خرجو من الفندق قالعين الحجاب ولابسين استايلات لا تدل الا على الكبت والاستغفال .. اعتقد نسبة كبيرة منهم مجبرين من المجتمع اللى هما عايشين فيه وبعدين فين الاناقة دى فى عباية سودا ؟ انا بحكى معاك عن اناقة وحضارة تقولى مثال الستات الخليجيات والعبايات السودا .. فين الاناقة .. ولعلمك خصوصا الخليجيات لو خيروهم بدون تهديد هيقلعو الحجاب فورا اول شعب فى المنطقه 

المراه المصرية عانت بسبب الحجاب واهملت وزنها وشعرها وبشرتها وريحتها واناقتها والحجاب اصبح حجاب فكر ليس فقط مجرد قماشة تغطى الراس بالوان غريبة ومستفزة .. لان المراه لها دور مهم فى المجتمع والحجاب بياثر فى سلوكها بقت بعد الحجاب كل الازياء غريبة والالوان غريبة وغير متناسقة ومبقتش تفكر غير ازاى تتجوز وامتى تخلف وهتطبخ ايه وعندها سلبيه غريبة وتنازع بين الحلال والحرام ومشوشة 

لو رجعتا لزمان هنشوف استايل للمراه مختلف تماما وهنعرف نقارن بين حجاب العقل مع الراس وعدم الحجاب .. 

بالمناسبة علشان اللى هيدخل يقولى جنة ونار وحلال وحرام لو عملنا احصاء لعدد اللى داخلين النار قبل الحجاب وبعد الحجاب هنلاقى ان الاجداد والامهات هم الاقل ذنوب من عصر التدين اللى احنا فيه ..

 

تمام يعني حضرتك عيشتي ف الكويت اللي سيداتها فيهم المحجبات وغير المحجبات والحمد لله عيشتي معاهم وما اظنش ان حضرتك اتعديتي منهم باي عدوى في التخلف الفكري ويمكن حضرتك شوفتي حاجات ماشوفتيهاش في مصر واطورتي واستفدتي مع انهم فيهم المحجبات وحضرتك مش محجبة وبعدها لميتي القرشينات وطلعتي مثلا ع كندا 
واكيد لما روحتي هناك لما كشفوا الكشف الطبي ماقالوش لحضرتك انك عيشتي مع ناس محجبة = متخلفة 

وردا ع كلامك في موضوع ان الخليجيات محجبات بالاجبار 

تفسري بايه حضرتك ان اي مواطنة اماراتية بترتدي العباية ؟؟؟

هو في هيئة امر بالمعروف والنهي عن المنكر في دبي !!!! وهو مذيعات تلفيزيون دبي ووزير الاقتصاد الاماراتية والسعاده دول مجبرات على لبس العباية والحجاب 

ممكن اتقبل ده في السعودية انما الكويت والامارات وقطر لا طبعا

 

وبالنسبة لاناقة الخليجيات يكفي حضرتك تشمي البرفانات اللي محطوطة وبصراحه نسبة الجمال والدلع في الخليجيات اكثر من اللي ف مصر، 

واهم نقطة حضرتك ذكرتيها ان المراة في مصر لما اتحجبت اهملت في نفسها ووزنها زاد !!!!!

ده بقى جديدة اول مره اعرف ان الححجاب بيتخن

حضرتك مش بتشوفي الستات في مصر ،ولا بقالك فترة مانزلتيش مصر 

حضرتك ده سمة من سمات المراة المصرية انها بتتخن بعد الجواز  وقبل الجواز برده من اكل المحشي والكشري 

 واكبر دليل السورية في رشاقتها وجمالها ونظافة بيتها وهي مغطيه شعرها عادي ماشوفنهاش تخنت وفشولت 

واكيد عندك في كندا بتشوفي مصريات مش محجبات وتخان ومفشولين 

واظن حضرتك في الكنائس واماكن فيها تجمعات سيدات مش محجبات وصغيرين في السن هتلاقي لهم  بروزات كثير محتاجه ازالة مع انهم مش محجبات 

انا مع حرية ارتداء الحجاب او حتى تمشي عريان ،بس بحب ان الحرية تبقى في كله

يعني حضرتك وانا وكلنا بنطالب بحرية ارتداء الحجاب بس كمان يبقى لنا حرية في الحديث ف الاعلام وحرية المعتقد وحرية انتخاب رئيس وحرية نقده ومناقشته ولا ايه ،اختى الفاضلة  الحجاب كما ذكرت هو حجاب العقل 

وكم كنت اتمنى ان يكون ارتداء الحجاب هو السبب في تخلفنا  كانت بقت سهلة كنا خسرنا الاخرة والدين عشان نكسب الدنيا انما مصيبتنا اننا لا فالحين دنيا ولا اخرة