ما بتحبش مين فى مصر.مين ارزل الشخصيات المصرية

[nemr111]

مصر أم الدنيا بلاها ربنا في شخصياتها العامة و المسئولين .. و من كترهم اصبحت لا اميز بين الندل و بين المتطفل و الوصولى و الانتهازى .. لكنني استطعت ان احصر بعضهم فى خانة الكراهية و طبعا يأتي صاحبنا الكبير جدا فى المرتبة الاولى و معه افراد العائلة المباركة .. و يليهم الكابتن شوبير و العارف بالله سيدي حبيب العادلي و الموقر سمير رجب و معالي الاستاذ ابراهيم نافع و الفنان مرهف الحس فاروق حسنى و الممثل الكبير سامى العدل الذي يمثل بفلوسه و مكسر الدنيا بهيفاته .. فمن تكره انت شاركني فى الرأي

[bidawy]

بسم الله الرحمن الرحيم

بصراحه موضوع غريب

بس كويس

ممكن اقول اننا بكره كل واحد عامل نفسه فاهم كل حاجه وهو ولا هو فاهم ولا حاجه

بكره كل من يحاول تقليب الامور عل عقبيها

الاخوان المسلمون

لما هما الاخوان وكمان المسلمون

امال احنا العداء الكافرون بقي ولا ايه

[se_ Elsyed]

بسم الله الرحمن الرحيم

بكره كل من يحاول تقليب الامور عل عقبيها

الاخوان المسلمون

لما هما الاخوان وكمان المسلمون

امال احنا العداء الكافرون بقي ولا ايه

<{POST_SNAPBACK}>

أنا مش معاك في دي أبداً ... لإن لو فسرنا الأمور كما تفعل ..

يبقى ممكن نقول إن الحزب الوطني الديمقراطي بيحتكر لنفسه الوطنية والديمقراطية .. وبالتالي أي حد غيرهم لا وطني ولا ديمقراطي ...

والحزب الجمهوري ... لما هو جمهوري يبقى الباقي إيه ؟ ملكيين ..

وهكذا دوخيني يا لمونه ...

الإخوان لم يُجبروا أحد على الإنضمام إلى جماعتهم أو حزبهم أو يفو الآخرين بإنهم ليسوا إخوان ولا مسلمين ...

ولكن هم حركة سياسية ذات صبغة ومرجعية دينية .. زيها زي أي حركة أو حزب موجود ....

بالمناسبة ... أنا لا أطيق أبُص في وش فتحي سرور ، كمال الشاذلي ( فُنطاس ) ، زكريا عزمي ، وحبيب قلبي من جوه أونكل سفوت اللاشريف ، وأختتم كلامي بالحاج سيد طنطاوي شيخ الطريقة الطنطاوية المهلبية .

[MZohairy]

والله يا حاج نمر111 أنا بكره كل اللي فاكر نفسه احسن وافضل واعلى من الآخرين

بكره المتطرفين الدينين اللي فاكرين نفسهم احسن ناس بيعبدوا ربنا

وبكره ظباط البوليس المصريين اللي فاكرين روحهم اقوى خلق الله وخصوصا على الضعفاء والغلابه

و بكره لاعبي الكره في مصر عشان حاسين انهم احرف لاعبي العالم وفي الجد متلاقيهمش

وبكره ممدوح اسماعيل

بشده :D

وبكره اسرائيل واقولها لو اتسأل

انشاله اموت قتيل او اخش المعتقل

اييييييييييييييه

[عصفور طاير]

في الحقيقة أنا باكره السيد الرئيس محمد حسني مبارك، لأنه ضيعنا، ورجال السلطة والحكومة وأعضاء الحزب الوطني جميعا.. من أول الموظف اللي على الباب لغاية رئيسه.. وكل بشوات الداخلية، اللي بيتعاملوا مع الناس على أنهم قوات احتلال مش أمن، ومحنتفين الخارجية اللي مقضيينها علاقات عامة ولو على جثث مواطنيهم في دول العالم، ووكلاء النيابة الشباب االي داخلينها بالواسطة والرشوة، ولعيبة الكورة والممثلين والمتربين الشباب اللي بيتعاملوا مع الحياة من منطلق انهم أبطال قوميين، وباكره هالة سرحان لأنها رقيعة، ومصطفى الفقي لأنه طابور خامس بين المثقفين، وطبعا طنطاوي بتاع الأزهر لأنه عاررنا، ومذيعين ومذيعات ومسئولين ومسئولات التليفزيون الرسمي بكل قنواته الأرضية والفضائية لأنهم وجوه قبيحة شكلا ومضمونا.

ناس كتير يتكرهوا يا عم النمر..

والله مصر باين لها محتاجة ثورة زي الثورة الفرنسية كده.

[mAs]

أنا متهيألي أن السؤال يمون أسهل لو كان بتحب مين في مصر...

أنا مبقيتش عارف أكره مين ولا مين...

أكره سواقين الميكروباصات و التباعين اللي معاهم من بلطجتهم و قله أدبهم و لا أكره الظابط اللي شايف البلطجه قدامه عيني عينك و هو واقف لوح تلج!!..و لا أكره البنى أدم الرزيل اللى مصمم يقف على رجلي في مترو الأنفاق اللي بيجي كل ربع ساعه و أحياناً 20 دقيقة...و لا أكره الموظفين اللي لازم تخد منك حق الشاي (بيطفحوا كام كباية شاي عل الصبح دول !!) . :excl:

ياراااب..

الهمنى و الهم المصريين الصبر.. :D

ماينفعش نجيب رئيس محترف من برة يحكم مصر بعقد أربع سنين! و لو عجبنا الوضع نجددله :D

[سيزيف]

اكتر شخصيات غير محبوبه بالنسبه لى :

فى السياسه : كمال الشاذلى

فى الصحافه : سمير رجب

فى الرياضه : ابراهيم سعيد

فى الاعلام : مفيد فوزى و مؤخرا طارق علام

فى اهل الفن : احمد الفيشاوى " اخلاقيا "

فى التمثيل : ناديه الجندى

و ادعو الله ان يهديهم و يهدينا جميعا

[khedr]

الجاهل..

.

.

.

.

.

.

.

.

الجاهل

[لخبطه]

كمال الشاذلي

عادل إمام( بعد ما تكلم وخرف )

سمير صبري

واد في القناة السادسة مش عارف اسمه ايه بيقدم برنامج عبيط

[Tafshan]

ما تعدش ...

العدد في الليمون

[shazly]

أكره الجهل بكل صورة و السلبية و الخوف و عدم تقدير قيمة الحرية.

[maxpayne_007]

بكره حسنى مبارك (المنوفية)

بكره كمال الشاذلى (المنوفية)

بكره سمير رجب (المنوفية)

بكره محمد عطية (طنطا) ...(جنب المنوفية)

بكره ايمن الظواهرى (المعادى) .... لأ بعيدة شوية

بس كفاية كده

[The-loner]

بكره كل اللى بيكره مصر

[kareka]

بكره حسنى مبارك وبكره كل المسئولين فى الحكومه وبكره كل رؤساء هيئات القطاع العام واكره اى انسان هايف

واكره الفساد وكل من تسبب فيه