حقيقة أبو تريكة

[herohero]

On 1/20/2017 at 9:16 AM, tarek hassan said:

أبو تريكة ومرسي

 

محمد ابو العينين 

[herohero]

On 1/21/2017 at 0:46 AM, Grandma said:

لازم في البداية نتفق على مفهوم الخيانة 

الخيانة هي خيانة الوطن مش أشخاص معينة 

اذا اتفقنا على كدا يبقى ابو تريكة مش خاين لانه في الفيديو الاولاني كان بيقول انه (  حاسس ) ان الاخوان لو حكموا مصر دا حيكون فيه فايدة للوطن يعني هو بيبحث عن  ( مصلحة مصر ) . 

دا غير انه لم يتلقى اموال لخيانة الوطن او التجسس عليه . 

خائن وعميل انما اللي يفني وقته ومجهوده في اثبات ان في ارض مصرية مش تبع مصر ده يبقى بطل قومي 

[herohero]

On 1/20/2017 at 10:15 AM, اغابي said:

انا مش فاهمه ليه زعلانين على ابو تريكه .  من زمان وكلنا عارفين انه اخوانى .. بس دلوقتى اكتشفته انه بقى ملاك برىء ؟؟ 

بيمول الاخوان وبيشاركهم ب مشاريع وعلاقته بقطر وقناه الجزيرة قوية وقصص كتير .. 

ونفس الل كانو بيهاجموه ايام مرسي . حاليا زعلاتين عليه ايام السيسي ..  عندهم مرض نفسي 

بيدافعو عن واحد خاين وكل خيانته متوثق بالصوت والصورة 

م. نجيب ساويريس  مصر بحاجه الى وزارة فيها 20 موهوبا مثل أبو تريكة

 

[herohero]

12 hours ago, اغابي said:

 

مفهوم الخيانه ملهوش معنيين

عزيزتى

اى احد مع الاخوان او ساعدهم

او حتى طاابور خامس فهو اخوانى

 ""خاين للوطن ""

Done 

واللي مموت نفسه عشان يثبت ان ارض مصرية هي ملك السعودية يبقى وطني شريف 

الخيانة هي خيانة الوطن وبيع اراضيه 

 

[herohero]

11 hours ago, Grandma said:

وايه الدليل ؟ 

 

الدليل قالولوا .....

اه الاخوان خونة ووحشين وفرطوا في الارض وباعتراف الدكتور معتز بالله لما اتكلم عن اننا لبسنا في مادة في الدستور معمولة لمرسي عشان كان هيبعي الارض دلوقت لبسنا فيه

يبقى الاخوان خونة يبقى الاخوان خونة عشان التسريبات الكثيرة لمرسي 

الاخوان خونة فعلا 

[herohero]

سؤال بسيط ،هل المدرجين على قوائم الارهاب جميعهم اخوان ؟؟؟

هاني سوريال  -الناشط القبطي المقيم في سيدني ، اخوان ؟؟

صفوان ثابت - مصانع جهينة ؟؟ 

ماهو معيار انضمامك للاخوان او تعاطفك معاهم ؟؟

بالنسبة لمن هو ليبرالي وعلماني وموضوع على قائمة الارهاب ياترى كان اخوان ازاي ؟؟ والمسيحي اللي هواه اخواني ده عرفتوه ازاي ؟؟

أبو تريكة لو كان شخلل جيبه كان هيعدي ، ولنا في محمد صلاح اسوة حسنة 

شخلل عشان تعدي شعار المرحلة 

تم تعديل 22 يناير 2017 بواسطة herohero

[اغابي]

Just now, herohero said:

واللي مموت نفسه عشان يثبت ان ارض مصرية هي ملك السعودية يبقى وطني شريف 

الخيانة هي خيانة الوطن وبيع اراضيه 

 

اولا ..  المذيعين رغيهم كتير  وانا حقيقي مش متابعه حد منهم ولا اعرف غير ابراهيم عيسي من زمان وكمان كنت بتابع زمان منى الحسينى فقط حتى ليا فترة مش متابعه حد فهو لو كان مول او باع او خان مصر اكيد يبقى خاين للوطن هو يعنى الخيانه للوطن فقط قاصرة على الاخوان لاء فيه جواسيس وخونه ناس كتير .. الموظف اللى بياخد رشوة برضوة خاين .. اما المذيع وظيفته رغى وكمان متنساش ان الشو الاعلامى والفرقعه فى الكلام بتجبلهم اعلانات اكتر .. يعنى بيزنس .. لكن مسمعتش انه مثلا سقى ظابط كرداسة ميه نار او عذب الظباط وحرق الاقسام او حرق كنايس او اتفق مع عصابه حماس يديهم سيناء او جند اطفال فى رابعه وعرضهم للقتل او قتل وعذب ناس وخباهم تحت منصة رابعه او مول الاخوان ودفع للناس فلوس 200 جنيه للى يطلع مظاهرات او حرض الطلبة يقلعو استاذتهم فى جامعه الازهر عريانه فى مكتبها ويضربوها ويصوروها الى اخر القصص دى .. 

تم تعديل 22 يناير 2017 بواسطة اغابي

[herohero]

44 minutes ago, اغابي said:

اولا ..  المذيعين رغيهم كتير  وانا حقيقي مش متابعه حد منهم ولا اعرف غير ابراهيم عيسي من زمان وكمان كنت بتابع زمان منى الحسينى فقط حتى ليا فترة مش متابعه حد فهو لو كان مول او باع او خان مصر اكيد يبقى خاين للوطن هو يعنى الخيانه للوطن فقط قاصرة على الاخوان لاء فيه جواسيس وخونه ناس كتير .. الموظف اللى بياخد رشوة برضوة خاين .. اما المذيع وظيفته رغى وكمان متنساش ان الشو الاعلامى والفرقعه فى الكلام بتجبلهم اعلانات اكتر .. يعنى بيزنس .. لكن مسمعتش انه مثلا سقى ظابط كرداسة ميه نار او عذب الظباط وحرق الاقسام او حرق كنايس او اتفق مع عصابه حماس يديهم سيناء او جند اطفال فى رابعه وعرضهم للقتل او قتل وعذب ناس وخباهم تحت منصة رابعه او مول الاخوان ودفع للناس فلوس 200 جنيه للى يطلع مظاهرات او حرض الطلبة يقلعو استاذتهم فى جامعه الازهر عريانه فى مكتبها ويضربوها ويصوروها الى اخر القصص دى .. 

الاعلام دوره كبير جدااااااااااا استاذه اغابي وبصراحه في وجود نسبة امية مرتفعة وانعدام الثقافة اصبح التلفاز هو الوسيلة السهلة والسريعة للمعلومات 

[tarek hassan]

يا أستاذ : هيرو توهتنا 

مداخلاتم كلها خارج الموضوع اللي هو عن أبو تريكة 

فمداخلة 

1- عن محمد أبو العنيتين 

2-مداخلة عن تيران وصنافير 

3- مداخلة عن نجيب ساويرس 

4- عودة لتيران وصنافير وتعليق أحمد موسى  

وما تلاها كده الموضوع تشتت ..

 وبما إنه موضوعي فأرجو ألا تخرج عن سياقه حتى نشاركك الحوار

[herohero]

17 hours ago, tarek hassan said:

يا أستاذ : هيرو توهتنا 

مداخلاتم كلها خارج الموضوع اللي هو عن أبو تريكة 

فمداخلة 

1- عن محمد أبو العنيتين 

2-مداخلة عن تيران وصنافير 

3- مداخلة عن نجيب ساويرس 

4- عودة لتيران وصنافير وتعليق أحمد موسى  

وما تلاها كده الموضوع تشتت ..

 وبما إنه موضوعي فأرجو ألا تخرج عن سياقه حتى نشاركك الحوار

ما شاركت به يصب ف صلب الموضوع وهو الخيانة لان مشاركاتكم تركزت ع خيانة ابو تريكة 
وبالتالي وضعت تهنئة محمد ابو العينين للرئيس مرسي وقتها ، وبنفس القياس يعتبر  ابو العينين من انصار مرسي مثلا او مؤيد له ؟؟؟

مداخلة تيران وصنافير الهدف منها الربط بين الخيانة في الانتماء لتوجه سياسي نختلف معه وان هناك خيانة اخطر وهي التفاني في اثبات عدم ملكية ارض واثبات انها ملك دولة اخرى

مداخلة نجيب ساويرس وهي شهادة من طرف نجيب ساويرس في حق ابو تريكة واظن ده راجل مش اخوان 

عموما بعتذر ان وجدت فيما طرحته تشتيت للموضوع 

[Grandma]

في 21/01/2017 at 22:49, أبو محمد said:

وهذا - فى رأيى - جميل ولكن لا يعفيه من شبهة تمويل جماعة ارهابية
إزاى ؟
بالتوسط وتسهيل تمرير الأموال إلى الجماعة الإرهابية أثناء قيامها بأعمال الإرهاب
 

برضو دي وجهات نظر يا ابو محمد هقولك ليه 

هو من وجهة نظره مش بيمول عصابة( مافيا ) مثلا .. هو بيعتقد انه بيساعد رئيس دولة انه يستعيد شرعيته

لازم نفكر زي ما بيفكر الطرف الأخر او نحط نفسنا مكانه .

علشان ما نظلمش حد .. ابشع حاجة الظلم 

في 22/01/2017 at 01:44, أبو محمد said:

عدد كبير جدا من تلك التصنيفات "جاهل" بحقيقة تنظيم الأخوان
كل ما جذبه وأبهره هو الدروس والندوات الدينية والوجه السمح الخارجى لـ "كوادر" الجماعة
وعدد كبير منهم منجذب إلى الجماعة ومنبهر بها لروح التعاون والمساندة الظاهرة له

للعلم انا مش من دول لسبب بسيط .. صديق لوالدي حكى لي عن محاولة تجنيد الاخوان له وهو طالب وازاي صدقهم في بداية الامر وبعدين اكتشف انهم عاوزين يلغوا مخه وشخصيته تماما فتركهم بسرعة . والحقيقة هو مش كان بيحكيلي وحدي القصة .. كان بيحكي لحفيده اللي متعاطف جدا مع الاخوان لان كان له استاذ اخواني في الجامعة لم يرى منه الا السماحة و التدين وفجأة اتقبض عليه فشعر انه مظلوم ولازم يقف جنبه وجنب كل اخواني .. عائلة هذا الشاب سيساوية حتى النخاع وهو لا يجد متنفس الا الفيس بوك ليدافع به عن الاخوان .. الشاب و عائلته بيضربوا بعض من تحت الحزام عن طريق بوستاتهم على صفحات الفيس لانه ممنوع الشاب دا يتكلم في السياسة داخل البيت بأمر والدته اللي بيعزها وبيخاف على زعلها جدا لكن بيختلف مع فكرها ... والدته صديقتي وبتقولي ابني دا (حمار ) عمره ما قرأ سطرين ولا يفهم في السياسة وعمال يدافع عن الاخوان وبيستفزني اوي اما بيكتب على الفيس .. قولتلها سيبيه يتنفس زي باقي الشباب .. مش هيحصل حاجة . اعتقد ان فيه شباب كتير زيه . 

[Grandma]

في 21/01/2017 at 22:49, أبو محمد said:

الشبهات قوية جدا .. ومن حق الأمن والقضاء التحقيق (إلى النهاية)
وليس من حق أحد التشكيك بدون دليل يرقى إلى مستوى الاتهامات
يعنى مش لمجرد إنه كان لاعب فذ وإن أخلاقه - فى الملعب- كانت عالية
إن يكون له حصانة وإن يتدخل أى شخص لا يعلم الحقيقة فى عمل الأمن والقضاء

أهم حاجة إقامة العدل .. وماحدش بيشكك ... احنا بس مستغربين وبنحاول نجد الاعذار لشخصية نعتقد انها على خلق ..  لكن لو هو  مذنب فعلا لازم  ياخد جزاءه . 

أهم حاجة العدالة تتأكد هو كان بيفكر ازاي .. وكل واحد اكيد بياخد على قد نيته . 

[herohero]

2 hours ago, Grandma said:

أهم حاجة إقامة العدل .. وماحدش بيشكك ... احنا بس مستغربين وبنحاول نجد الاعذار لشخصية نعتقد انها على خلق ..  لكن لو هو  مذنب فعلا لازم  ياخد جزاءه . 

أهم حاجة العدالة تتأكد هو كان بيفكر ازاي .. وكل واحد اكيد بياخد على قد نيته . 

انا مش عاوز اخرج عن سياق الموضوع بس ع فكرة القائمة فيها كثير مش ابو تريكة بس 

ده فيها صفوان ثابت -جهينة

وفيها مهندس مسيحي مقيم في سيدني 

غير طبعا شخصيات ليبرالية اصلا 

[أبو محمد]

أرجو أن نكون فاهمين - ونحن نتناقش - أن تهمة المدرجين على القائمة
ليست إنتماؤهم إلى جماعة الأخوان
فلماذ "التطبيل" بوجود مسيحيين فى القائمة ؟
وما ننساش واحنا "بنطبل"
إن نائب رئيس حزب الحرية والعدالة "الإخوانى" كان مسيحيا
إحنا مش ناقصين مناهدة

[أبو محمد]

6 ساعات مضت, Grandma said:

برضو دي وجهات نظر يا ابو محمد هقولك ليه 

هو من وجهة نظره مش بيمول عصابة( مافيا ) مثلا .. هو بيعتقد انه بيساعد رئيس دولة انه يستعيد شرعيته

لازم نفكر زي ما بيفكر الطرف الأخر او نحط نفسنا مكانه .

علشان ما نظلمش حد .. ابشع حاجة الظلم

وهو مسؤول عن صحة وخطأ وجهة نظره
ماكان يحدث فى رابعة كان منقولا على الهواء
وشكرا لقناة الجزيرة وحرامى سيارتى الإرسال

وان كنت ناسى .. أفجرك

 

[أبو محمد]

6 ساعات مضت, Grandma said:

للعلم انا مش من دول لسبب بسيط .. صديق لوالدي حكى لي عن محاولة تجنيد الاخوان له وهو طالب وازاي صدقهم في بداية الامر وبعدين اكتشف انهم عاوزين يلغوا مخه وشخصيته تماما فتركهم بسرعة . والحقيقة هو مش كان بيحكيلي وحدي القصة .. كان بيحكي لحفيده اللي متعاطف جدا مع الاخوان لان كان له استاذ اخواني في الجامعة لم يرى منه الا السماحة و التدين وفجأة اتقبض عليه فشعر انه مظلوم ولازم يقف جنبه وجنب كل اخواني .. عائلة هذا الشاب سيساوية حتى النخاع وهو لا يجد متنفس الا الفيس بوك ليدافع به عن الاخوان .. الشاب و عائلته بيضربوا بعض من تحت الحزام عن طريق بوستاتهم على صفحات الفيس لانه ممنوع الشاب دا يتكلم في السياسة داخل البيت بأمر والدته اللي بيعزها وبيخاف على زعلها جدا لكن بيختلف مع فكرها ... والدته صديقتي وبتقولي ابني دا (حمار ) عمره ما قرأ سطرين ولا يفهم في السياسة وعمال يدافع عن الاخوان وبيستفزني اوي اما بيكتب على الفيس .. قولتلها سيبيه يتنفس زي باقي الشباب .. مش هيحصل حاجة . اعتقد ان فيه شباب كتير زيه . 

أخى الأكبر - يرحمه الله - كان منهم وكان يشترك مع كتائبهم فى مهاجمة معسكرات الانجليز بالاسماعيلية
والحمد لله تركهم قبل محاولة اغتيال عبد الناصر عام 1954
كان ذلك بالتحديد فى أواخر 1953 عندما اعتالوا المهندس "الإخوانى" سيد فايز الذى كان يعرفه
أرسلوا له طرد حلاوة المولد به قنبلة .. إنفجر فيه وفى أخته الصغيرة
كان هذا هو أسلوب حوارهم .. منهم فيهم .. فما بالك بحوارهم مع "الآخر" ؟

[أبو محمد]

6 ساعات مضت, Grandma said:

أهم حاجة إقامة العدل .. وماحدش بيشكك ... احنا بس مستغربين وبنحاول نجد الاعذار لشخصية نعتقد انها على خلق ..  لكن لو هو  مذنب فعلا لازم  ياخد جزاءه . 

أهم حاجة العدالة تتأكد هو كان بيفكر ازاي .. وكل واحد اكيد بياخد على قد نيته . 

والعدالة معصوبة العينين يا سيدتى .. ولا ترى ابو تريكة كخط أحمر
على فكرة اليومين دول فيه هاشتاج مولع الدنيا
إسمه "الهضبة" خط احمر

بذمتك شوفتى أحمر من كده ؟

[Grandma]

في 22/01/2017 at 05:43, tarek hassan said:

مع علمي بأن الأستاذة الفاضلة  Grandma  ليست منهم ولا مؤيدة لهم 

مظبوط  يا أستاذ طارق وكويس ان حضرتك لسه متذكر مداخلاتي 

في 22/01/2017 at 05:43, tarek hassan said:

وأنا معها في كون بعض الإخوان ربما قواعد كانوا سليمي النية وأنا كنت منهم - ربما تعلمين ذلك - وأسرتي كلها وهي كبيرة كلها إخوان وسلفيين عاديين يعتقدون أن السيسي قاتل وخاين وكل ما يقال ....

دا انا بقى اللي ما كنتش أعرف ان حضرتك كنت اخواني ..حمد الله على سلامتك وعقبال باقي الاسرة 

بس حقيقي اننا نعمم ان كل الاخوان و السلفيين قتلة و خونة مش صح .. ربنا يصلح حالهم أو حالنا . 

وتحية لك يا أستاذ طارق على تقبلك الآخر مهما كان دينه او مذهبه و جنسه في الآخر احنا كلنا بني آدميين .

 

[Grandma]

في 22/01/2017 at 05:59, tarek hassan said:

هل اعتصام رابعة كان قانوني ؟ 

من وجهة نظرنا كان غير قانوني ومن وجهة نظر الاخوان قانوني 

في 22/01/2017 at 05:59, tarek hassan said:

هل يتحصل أبو تريكة على البراءة لو تمت تسمية التمويل تبرعا ؟ 

لأ

في 22/01/2017 at 05:59, tarek hassan said:

وهل القانون فيه حسن نية ؟ 

دي محتاجة قاضي من نوعية خاصة تتعامل مع روح القانون لكن الاجابة : 

لأ

في 22/01/2017 at 05:59, tarek hassan said:

وهل يمكن إننا نتبرع لفصيل وهو معلوم إنه ضد الدولة ؟

بتحصل لكن لا يجوز 

في 22/01/2017 at 05:59, tarek hassan said:

ياأستاذة أبو تريكة أخبث من إنك تعرفي حقيقته والشاهد ما كان يحصل عليه من ضربات جزاء بالتمثيل وأهداف بالضحك على الحكام 

الله أعلم بنوايا الناس ولكن كل شىء جايز 

هو يوم مارفع التي شيرت بتاعه وأظهر تضامنه مع غزة في الملعب انا ما استريحتش وشعرت ان دا استعراض لكن لومت نفسي على ظني  السيء بعد كدا . 

[Grandma]

في 22/01/2017 at 08:34, herohero said:

خائن وعميل انما اللي يفني وقته ومجهوده في اثبات ان في ارض مصرية مش تبع مصر ده يبقى بطل قومي 

يمكن حقاني زيادة عن اللزوم .. من زمان ومن أيام الفراعنة والتاريخ بيعظم الحاكم على مقدار ما احتله وضمه من أراضي لوطنه .