حقيقة أبو تريكة

[Grandma]

في 22/01/2017 at 08:36, herohero said:

م. نجيب ساويريس  مصر بحاجه الى وزارة فيها 20 موهوبا مثل أبو تريكة

معليش الموهبة و العبقرية مالهاش علاقة بالأخلاق و الوطنية .. انا بدافع عن ابو تريكة علشان على خلق مش علشان موهوب او علشان حقق انتصارات لمصر .. لان المفروض الانسان الخلوق ما يخونش.

[Grandma]

في 22/01/2017 at 08:39, herohero said:

يبقى الاخوان خونة يبقى الاخوان خونة عشان التسريبات الكثيرة لمرسي 

الاخوان خونة فعلا 

شوف حضرتك لو الاخوان قدروا يثبتوا انهم مش هما اللي بيقوموا بالتفجيرات داخل مصر وان مش هما اللي بيقتلوا ضباط الجيش والشرطة يبقى هنصدق انهم مش خونة لكن المصيبة ان هما اللي بيعلنوا بعد كل عملية انهم اللي ارتكبوها . 

يعني قبل ما الشرطة تتهمهم بيعترفوا على نفسهم وزي ما بيقولوا ( الاعتراف سيد الأدلة ) 

وأكيد أنا مش بعمم .. أكيد فيهم مواطنين صالحين و وطنيين . 

[tarek hassan]

53 دقائق مضت, Grandma said:

من وجهة نظرنا كان غير قانوني ومن وجهة نظر الاخوان قانوني 

لأ

دي محتاجة قاضي من نوعية خاصة تتعامل مع روح القانون لكن الاجابة : 

لأ

بتحصل لكن لا يجوز 

الله أعلم بنوايا الناس ولكن كل شىء جايز 

هو يوم مارفع التي شيرت بتاعه وأظهر تضامنه مع غزة في الملعب انا ما استريحتش وشعرت ان دا استعراض لكن لومت نفسي على ظني  السيء بعد كدا . 

الإجابات كلها موفقة 

لكن تسمحي لي بالتعليق على الجزء الأخير  .... اللي بيتضامن فيه مع غزة ..... 

المعتدل يتضامن مع كل فلسطين ....

ولكن مع الجزء الواقع تحت سيطرة حماس ( إخوان فلسطين ) فهذا دليل إخوانيته وتطرفه على اعتبار أخذ الأمر من الطرف فالقضية ليست عزة ولكنها كل فلسطين 

فيمكن للبعض أن يجد تشابه بين غزة ورابعة 

فهو كما يقال مول اعتصام رابعة وهو غير قانوني كما وضحت حضرتك

ونحن في انتظار نتائج التحقيق وفي بيان السبب لإدراجه ضمن الشخصيات الإرهابية لأن الكلام كتير ومنه

http://www.arabdream.net/Main/NewsDetails.aspx?PID=17888

[Grandma]

4 ساعات مضت, أبو محمد said:

وشكرا لقناة الجزيرة وحرامى سيارتى الإرسال

طيب قناة الجزيرة وفهمناها 

حرامي سيارتك ايه معناها 

4 ساعات مضت, أبو محمد said:

وان كنت ناسى .. أفجرك

 

الحمد لله على نعمة النسيان 

و الحمد لله ان فيه ناس لسه فاكرة 

[أبو محمد]

1 دقيقه مضت, Grandma said:

حرامي سيارتك ايه معناها 

أنا ما كانش لى سيارات إرسال مسروقة وبتُستخدم فى رابعة .. إنتى عاوزة تودينى فين ؟
"سيارتَىْ" مثنى مؤنث مجرور لأنه معطوف على مجرور وعلامة جره حذف حرف النون
وأصلها "سيارتين" بتوع إرسال وبث تليفزيونى سرقهم وزير الإعلام الإخوانى من ماسبيرو
وحطهم فى رابعة واستخدمتهم الجزيرة فى البث المباشر
(أكيد عارفة عبمقصود الوزير المتحرش بتاع إبقى تعالى واقولك فين .. وبتاع الأسئلة السخنة زى المذيعة)

 

[Grandma]

4 ساعات مضت, أبو محمد said:

أخى الأكبر - يرحمه الله - كان منهم وكان يشترك مع كتائبهم فى مهاجمة معسكرات الانجليز بالاسماعيلية
والحمد لله تركهم قبل محاولة اغتيال عبد الناصر عام 1954

هو انتو كلكم اخوان ولا ايه 

عموما قدر ولطف 

والا كل واحد كان هيوصل لعائلته طرد زي بتاع سيد فايز يوم ما يفكر يلعب بديله .

[Grandma]

5 ساعات مضت, أبو محمد said:

على فكرة اليومين دول فيه هاشتاج مولع الدنيا
إسمه "الهضبة" خط احمر

بذمتك شوفتى أحمر من كده ؟

 شوفت تي شيرت النادي الأهلي 

[أبو محمد]

2 دقائق مضت, Grandma said:

هو انتو كلكم اخوان ولا ايه 

عموما قدر ولطف 

والا كل واحد كان هيوصل لعائلته طرد زي بتاع سيد فايز يوم ما يفكر يلعب بديله .

أنا عمرى ما كنت إخوان .. أخى الأكبر كان منضم لهم بدافع وطنى أيام الاحتلال الانجليزى
إنما لا أنكر أننى تعاطفت معهم وانا فى أولى هندسة برغم ما أخبرنى به أخى عنهم عندما تركهم
لأن كان فيه اتنين معيدين .. واحد كان إسمه هدايت والتانى كان اسمه حتحوت
كانوا معيدين علىَّ فى إعدادى هندسة واحد كان معيد ميكانيكا والتانى هندسة وصفية
كنا بنصلى وراهم فى الكلية وكانوا فى منتهى الأخلاق (زى ابو تريكة كده)
وفجأة اتقبض عليهم فى المواجهة التانية للأخوان وعبد الناصر سنة 65 (اللى اتعدم فيها سيد قطب)
وماكوناش مصدقين ان الاتنين دول مشتركين فى التخطيط لنسف كبارى وقناطر ومحطات كهربا

 

[Grandma]

18 دقائق مضت, أبو محمد said:

أنا ما كانش لى سيارات إرسال مسروقة وبتُستخدم فى رابعة .. إنتى عاوزة تودينى فين ؟
"سيارتَىْ" مثنى مؤنث مجرور لأنه معطوف على مجرور وعلامة جره حذف حرف النون
وأصلها "سيارتين"

 

يا نهاري عاللفة ... مش قولت من زمان اتكلموا مصري فصيح أسهل 

المحكمة اتنورت 

[أبو محمد]

4 دقائق مضت, Grandma said:

 شوفت تي شيرت النادي الأهلي 

على فكرة أنا مش أهلاوى .. بس باحب الألش على الزمالك والزمالكاوية .. مش عارف ليه
يمكن عشان دايما بيفكرونى بالراجل بتاع "ما تقدرش"
ومش بيهمنى وجود زمالكاوية عتاة فى المحاورات زى سكوربيون والأستاذ طارق وحضرتك كده
الرزق على الله

[Grandma]

2 ساعات مضت, tarek hassan said:

لكن تسمحي لي بالتعليق على الجزء الأخير  .... اللي بيتضامن فيه مع غزة ..... 

المعتدل يتضامن مع كل فلسطين ....

ولكن مع الجزء الواقع تحت سيطرة حماس ( إخوان فلسطين ) فهذا دليل إخوانيته وتطرفه على اعتبار أخذ الأمر من الطرف فالقضية ليست عزة ولكنها كل فلسطين 

ملحوظة قوية انا ما انتبهتش لها 

2 ساعات مضت, tarek hassan said:

ونحن في انتظار نتائج التحقيق وفي بيان السبب لإدراجه ضمن الشخصيات الإرهابية

وانا معك من المنتظرين .. وياخبر بفلوس .. 

[Grandma]

2 دقائق مضت, أبو محمد said:

على فكرة أنا مش أهلاوى .. بس باحب الألش على الزمالك والزمالكاوية .. مش عارف ليه
يمكن عشان دايما بيفكرونى بالراجل بتاع "ما تقدرش"

انا أصلا ماليش في الكورة بس زملكاوية متحيزة ما أعرفش ليه .. وكمان بحب اوي أشجع المنتخب و أغلس عالاهلاوية  

[أبو محمد]

على فكرة بمناسبة انك "مش عارفة ليه" وانا "مش عارف ليه"
أنا كاتب على صفحتى على الفيس بوك من كام يوم كده

اقتباس

من 6 سنين والناس عارفة
هى مش عاوزة إيه
:P
بس مش عارفة هى عاوزة إيه

[Grandma]

12 دقائق مضت, أبو محمد said:

على فكرة بمناسبة انك "مش عارفة ليه" وانا "مش عارف ليه"
أنا كاتب على صفحتى على الفيس بوك من كام يوم كده

صحيح ما هو كل واحد لو عارف هو عاوز ايه هيبقى عنده ( هدف ) 

والأهداف دي عبارة عن طموحات بنحاول نحققها فهنشغل وقتنا وجهدنا وفكرنا فيما يفيد ويدفع بعجلة التقدم _اللي واقفة دي_ الى الأمام ...لكن اللي حاصل اننا تايهين . 

[أبو محمد]

1 دقيقه مضت, Grandma said:

صحيح ما هو كل واحد لو عارف هو عاوز ايه هيبقى عنده ( هدف ) 

والأهداف دي عبارة عن طموحات بنحاول نحققها فهنشغل وقتنا وجهدنا وفكرنا فيما يفيد ويدفع بعجلة التقدم _اللي واقفة دي_ الى الأمام ...لكن اللي حاصل اننا تايهين . 

يا ريتها تيجى على كده وبس .. إنما الألعن .. وكما قلت فى موضوع آخر 
إن اللى بيحاول يمشى للأمام
بيلاقى اللى بيرمى فى سكته قشر الموز والبِلىْ

[herohero]

11 hours ago, Grandma said:

معليش الموهبة و العبقرية مالهاش علاقة بالأخلاق و الوطنية .. انا بدافع عن ابو تريكة علشان على خلق مش علشان موهوب او علشان حقق انتصارات لمصر .. لان المفروض الانسان الخلوق ما يخونش.

هنرجع ثاني لمفهوم الخيانة ،حضرتك شايفة ادامك حاليا حاجات بتحصل الناس بتختلف على انها تعتبر خيانة ام لا

ودائما بحب اذكرك بموقف تيران وصنافير

ياترى اللي مع تسليم الجزر يعتبروا وطنيين ولا خونة 

والعكس وطنيين ولا خونة

وهناك الكثير من المواقف اللي مفهوم الحيانة للوطن فيها اصبح ملتبس الان

[herohero]

11 hours ago, Grandma said:

شوف حضرتك لو الاخوان قدروا يثبتوا انهم مش هما اللي بيقوموا بالتفجيرات داخل مصر وان مش هما اللي بيقتلوا ضباط الجيش والشرطة يبقى هنصدق انهم مش خونة لكن المصيبة ان هما اللي بيعلنوا بعد كل عملية انهم اللي ارتكبوها . 

يعني قبل ما الشرطة تتهمهم بيعترفوا على نفسهم وزي ما بيقولوا ( الاعتراف سيد الأدلة ) 

وأكيد أنا مش بعمم .. أكيد فيهم مواطنين صالحين و وطنيين . 

يعني الاخوان بيطلعوا يقولوا اننا الي عملنا كذا وكذا ؟؟

طب مادام كده ازاي احنا كدولة مش قادرين نغير من خطتنا في مواجهة الاهاب ومصممين ع اننا نمشي بنفس الاسلوب واللي نتيجته شايفينها 

مش غريبة شوية ان كلا الطرفين بيتبع نفس الاسلوب 

ده شئ ممل عاوزين شوية تغيير واثارة في الاحداث

[herohero]

10 hours ago, tarek hassan said:

الإجابات كلها موفقة 

لكن تسمحي لي بالتعليق على الجزء الأخير  .... اللي بيتضامن فيه مع غزة ..... 

المعتدل يتضامن مع كل فلسطين ....

ولكن مع الجزء الواقع تحت سيطرة حماس ( إخوان فلسطين ) فهذا دليل إخوانيته وتطرفه على اعتبار أخذ الأمر من الطرف فالقضية ليست عزة ولكنها كل فلسطين 

فيمكن للبعض أن يجد تشابه بين غزة ورابعة 

فهو كما يقال مول اعتصام رابعة وهو غير قانوني كما وضحت حضرتك

ونحن في انتظار نتائج التحقيق وفي بيان السبب لإدراجه ضمن الشخصيات الإرهابية لأن الكلام كتير ومنه

http://www.arabdream.net/Main/NewsDetails.aspx?PID=17888

موضوع التضامن مع غزة لان باختصار غزة محاصرة من فتح ومن اسرائيل وبتتضرب 

طبيعي التعاطف يبقى معاها ،انما الجزء بتاع فتح او الضفة فهو عادي وزي الفل او ع الاقل ماشوفناش شكوى

وخضرتك اكيد عارف السيناريو بتاع غزة وقصة حماس وفتح وهو خلاف طبعا داخلي لكن تاثيره كلنا حاسين به

[Grandma]

13 ساعات مضت, أبو محمد said:

يا ريتها تيجى على كده وبس .. إنما الألعن .. وكما قلت فى موضوع آخر 
إن اللى بيحاول يمشى للأمام
بيلاقى اللى بيرمى فى سكته قشر الموز والبِلىْ

ناس قلبها أبيض يا خال 

[Grandma]

5 ساعات مضت, herohero said:

هنرجع ثاني لمفهوم الخيانة ،حضرتك شايفة ادامك حاليا حاجات بتحصل الناس بتختلف على انها تعتبر خيانة ام لا

ودائما بحب اذكرك بموقف تيران وصنافير

ياترى اللي مع تسليم الجزر يعتبروا وطنيين ولا خونة 

والعكس وطنيين ولا خونة

وهناك الكثير من المواقف اللي مفهوم الحيانة للوطن فيها اصبح ملتبس 

شوف يا أستاذ هيرو اما يبقى فيه انسان كل حياته و تصرفاته بتدل انه وطني وشريف واخلاقه رفيعة ولا يمكن يبيع يبقى لازم يكون عندنا مليون دليل على اتهامه بالخيانة .. احنا ما نعرفش ايه اللي بيحصل خلف الكواليس ... وما هي الضغوطات اللي بيتعرض لها ... و لا مين ورطه وليه .