حقيقة أبو تريكة

[Grandma]

6 ساعات مضت, herohero said:

يعني الاخوان بيطلعوا يقولوا اننا الي عملنا كذا وكذا ؟؟

طب مش دا اللي بيحصل فعلا 

دايما 3 جهات اللي بتعلن عن مسؤليتها عن اي عمل ارهابي في مصر .. اما داعش او حماس او الاخوان 

6 ساعات مضت, herohero said:

طب مادام كده ازاي احنا كدولة مش قادرين نغير من خطتنا في مواجهة الاهاب ومصممين ع اننا نمشي بنفس الاسلوب واللي نتيجته شايفينها 

مالها النتيجة ؟ احنا في خير ونعمة الحمد لله و الحرب لابد لها من ضحايا .. الجيش و الشرطة هما اللي شايلين الشيلة . 

6 ساعات مضت, herohero said:

ده شئ ممل عاوزين شوية تغيير واثارة في الاحداث

طيب ايه الحل من وجهة نظر حضرتك ؟ 

[Grandma]

6 ساعات مضت, herohero said:

موضوع التضامن مع غزة لان باختصار غزة محاصرة من فتح ومن اسرائيل وبتتضرب 

طبيعي التعاطف يبقى معاها ،انما الجزء بتاع فتح او الضفة فهو عادي وزي الفل او ع الاقل ماشوفناش شكوى

وخضرتك اكيد عارف السيناريو بتاع غزة وقصة حماس وفتح وهو خلاف طبعا داخلي لكن تاثيره كلنا حاسين به

ماشي بس الشعب المصري كان دايما متعاطف مع فتح مش حماس .. وفي النهاية كله صراع على السلطة واحنا عارفين ودايما بنتهم  قادتهم بالمتاجرة بقضية فلسطين . 

[tarek hassan]

10 ساعات مضت, herohero said:

موضوع التضامن مع غزة لان باختصار غزة محاصرة من فتح ومن اسرائيل وبتتضرب 

طبيعي التعاطف يبقى معاها ،انما الجزء بتاع فتح او الضفة فهو عادي وزي الفل او ع الاقل ماشوفناش شكوى

وخضرتك اكيد عارف السيناريو بتاع غزة وقصة حماس وفتح وهو خلاف طبعا داخلي لكن تاثيره كلنا حاسين به

فتح محاصرة عزة وهو مع الغزاوي ضد الفتحاوي والضفة زي الفل ومفيش شكوى 

دا ملخص تبريرك لأبو تريكة وهو من وجهة نظري مش صحيح

 

 

[herohero]

17 hours ago, Grandma said:

طب مش دا اللي بيحصل فعلا 

دايما 3 جهات اللي بتعلن عن مسؤليتها عن اي عمل ارهابي في مصر .. اما داعش او حماس او الاخوان

الاخوان مابيطلعوش يعترفوا بحاجه اصلا ،اللي بيعترف وده كله كلام الله اعلم بصحته تنظيم بيت المقدس وولاية سيناء وحاجات خزعبلية طلعت فجاة وهتختفي فجاة  

مالها النتيجة ؟ احنا في خير ونعمة الحمد لله و الحرب لابد لها من ضحايا .. الجيش و الشرطة هما اللي شايلين الشيلة . 

حضرتك نبقى في خير ونعمة لما يكون ماشيين في الطريق الصح انما حضرتك انت بتفضي سيناء من اهلها وبتخليها جاهزة لناس جديدة 

لازم تكسبي ود اهل سيناء غير كده مفيش حل

طيب ايه الحل من وجهة نظر حضرتك ؟ 

الحل ان الناس تصفي لبعض عشان تعرف تشتغل وتنتج للبلد

 

[herohero]

17 hours ago, Grandma said:

ماشي بس الشعب المصري كان دايما متعاطف مع فتح مش حماس .. وفي النهاية كله صراع على السلطة واحنا عارفين ودايما بنتهم  قادتهم بالمتاجرة بقضية فلسطين . 

حضرتك الشعب المصري لا كان بيفرق بين فتح ولا حماس والمظاهرات كانت بتطلع تدين حصار غزة او الاعتداء على غزة وكلنا عارفين ان حصار غزة حصل لما كسبت حماس الانتخابات والصراع اللي حاصل بين الضفة وغزة وكلنا عارفين ان الانفاق كانت مفتوحه بنصيحه عمر سليمان وبرضا مبارك كورقة ضغط ع اسرئيل وحاليا تم اغلاقها لارضاء اسرائيل 

اما موضوع ان حماس الشعب لم يكن متعاطف معاها بالعكس اعلاميين مصر كانوا معتبرين قادة حماس ابطال والدليل اهو 

 

ومازلت المخابرات المصرية تستقبل قادة حماس وتتعاون معاهم والكلام ده معروف فمنين هم ارهابيين ومنين بيدخلوا مصر بدعوات رسمية ؟؟؟

 

[Grandma]

10 ساعات مضت, herohero said:

الاخوان مابيطلعوش يعترفوا بحاجه اصلا ،اللي بيعترف وده كله كلام الله اعلم بصحته تنظيم بيت المقدس وولاية سيناء وحاجات خزعبلية طلعت فجاة وهتختفي فجاة  

ازاي بقى يا أستاذ هيرو ؟ دا حتى لسه امبارح  مجموعة اخوان اسمها باين جماعة ( حسم ) مش فاكرة  اعترفوا انهم قاموا بشوية عمليات ارهابية واتقبض عليهم واتصوروا  .. كان ممكن حد يطلع من معارفهم او اهلهم ويقولوا انهم مش اخوان .. رغم ان هما نفسهم معترفين انهم اخوان ..دا كان أقرب اعتراف وسبقه اعترافات كتير اوي .

لكن انا ممكن اتفق مع حضرتك واقول ان مش كل اللي بيقوموا بعمليات ارهابية إخوان .

10 ساعات مضت, herohero said:

حضرتك نبقى في خير ونعمة لما يكون ماشيين في الطريق الصح انما حضرتك انت بتفضي سيناء من اهلها وبتخليها جاهزة لناس جديدة 

لازم تكسبي ود اهل سيناء غير كده مفيش حل

ما دام العمليات الارهابية قل عددها على الاقل داخل المدن نبقى ماشين في الطريق الصح 

أهل سينا على عينا وراسنا بس انت شايف مافيش حروب منغير خسائر .. غير ان كتير من الاسر دي بيكون داخلها شاب او اتنين منتمين للخلايا الارهابية .. ما نقدرش ننكر دا .

10 ساعات مضت, herohero said:

الحل ان الناس تصفي لبعض عشان تعرف تشتغل وتنتج للبلد

الحل دا مثالي لكن صعب تحقيقه .

 

[Grandma]

10 ساعات مضت, herohero said:

حضرتك الشعب المصري لا كان بيفرق بين فتح ولا حماس والمظاهرات كانت بتطلع تدين حصار غزة

لا الشعب ما كانش مستريح لفتح وحماس و لا للاخلاف  بينهم وعارفين انه نزاع على السلطة .. بس كنا متعاطفين مع غزة .

10 ساعات مضت, herohero said:

وغزة وكلنا عارفين ان الانفاق كانت مفتوحه بنصيحه عمر سليمان وبرضا مبارك كورقة ضغط ع اسرئيل وحاليا تم اغلاقها لارضاء اسرائيل 

أغالبية الشعب ولا تعرف حاجة عن الانفاق واللي يعرف كان يفتكرهم نفقين تلاتة عشرة بالكتير .. ما حدش كان يتصور حجم البيزنيس اللي بيدور عبر الانفاق 

10 ساعات مضت, herohero said:

اما موضوع ان حماس الشعب لم يكن متعاطف معاها بالعكس اعلاميين مصر كانوا معتبرين قادة حماس ابطال والدليل اهو

دي مجرد شوهات اعلامية .. احنا ماكناش متعاطفين مع ياسر عرفات نفسه ومعتبرينه ضيع القضية هنتعاطف مع حماس ؟

10 ساعات مضت, herohero said:

ومازلت المخابرات المصرية تستقبل قادة حماس وتتعاون معاهم والكلام ده معروف فمنين هم ارهابيين ومنين بيدخلوا مصر بدعوات رسمية ؟؟؟

لا الكلام دا عادي جدا في العلاقات الدبلوماسية .. اذا كنا بنعمل كدا مع اسرائيل نفسها . 

على اي حال ياما حصل خلافات بين دول زي الخلافات اللي بينا كدا وبين قطر وتركيا ..واما بتتغير القيادات بيرجعوا يحضنوا بعض ويبقوا سمن على عسل . ما تاخدش في بالك .