ترامب يضع العالم في حيص بيص

[herohero]

مش شايف ان ترامب هيختلف عن بوش الابن نفس التوجهات 

ومش شايف ان ترامب هيمثل خطر ع دول الخليج ومصر بالعكس ترامب وحزبه بيعشقوا الحكومات غير الديموقراطية وبالاخص الغنبية ناس تجار وبتوعم فلوس 

ترامب هتكون علاقته كويسة مع الخليج ومصر وهيدعم نظم الحكم فيهم وبالنسبة لبترول الخليج فهو مهم لامريكا حتى الان لان ماتملكه السعودية مثلا هو ورقة ضغط ع روسيا وبالتالي امريكا حريصة ع ان تحتفظ باوراق ضغط ع روسيا وايران 

لا ارى ان ترامب يمثل خطر  وميزته انه كاراكتر ظريف ومسلي ويبدو ان المرحلة الحالية هي مرحلة رؤساء كاركترات وهيكونوا ماده مسلية للكوميكس 

[herohero]

55 minutes ago, اغابي said:

مايقدرش ترامب ينقل سفارته للقدس يا استاذ ابو محمد ..  لان داه مخالف لقرارات الامم المتحدة .. وهو مجبر على احترام القرارات الدولية 

وبعدين هو دخل بهاله جامدة مترتبلها من الاول لانهم قاصدين يقدمو للعالم نموذج لرءس امريكى مختلف عن اوباما وكلينتون يعنى نظام ترهيب

القضية الفلسطينية مش هيكون فيها جديد وبعدين اى رءيس امريكى سواء اظهر او اخفى نيته بيكون فى صف اسراءيل لانها حليف لامريكا

ومنتوقعش اى حلول من اى رءيس امريكى للقضية الفلسطينية .. لاننا احنا كعرب كنا اولى نحلها وعندنا الامكانيات اللى تخلينا نحلها من زمان .. لكن فيه ناس يهمهم ما تتحلش وتفضل حرب فى المنطقة من استمرار القضية الفلسطينة  .. واولهم حماس نفسهم .. نظام لوى دراع للغرب ومصالح 

هو اكيد مختلف عن اوباما وكلينتون 
ولكنه زي بوش الابن وبقية اعضاء الحزب 

هم رجال اعمال لا يجيدون لغة السياسة ويعشقوا التصرفات الغريبة وجميعنا نعلم عشقهم للنظم القمعية في العالم العربي 

وهم صريحين  في العداء للعرب والمسلمين وجميعنا نعلم ذلك لكن في النهاية الجمهوريين والديموقراطيين هم وجهان لعملة واحده 

وفي النهاية امريكا هي الاهم لهم ونحن كشعوب عربية مفعول به لا اكثر ولا اقل 

 

اما عن القضية الفلسطينية لو تم حلها ،هنعمل ايه ف الانظمة الحاكمة اللي بتعلق اي تقصير ع التهديدات الخارجية 

بالعكس انا ارى ان الارهاب والصراع العربي الاسرائيلي ومايحدث في سوريا يخدم دول المنطقة القمعية 

خلونا نتخيل مفيش اسرائيل ،مفيش مشاكل 

ياترى ازاي هيتم ترهيب الشعب ويتقال له انظر من حولك ؟؟ لازم يبقى فيه واقع اسود حوالينا عشان يجي الحاكم ويقول لنا شايفين ماذا يحدث من حولكم احمدوا ربنا 

نفسي مرة اسمع حاكم عربي يقول عاوزين نشتغل وننتج ونتوحد زي ما الهند نجحت زي ماماليزيا نجحت زي ما الصين نجحت زي ماتركيا نجحت 

انما لاسف الاسطوانة المشروخه احمدوا ربنا احسن مانكون زي .....

تم تعديل 25 يناير 2017 بواسطة herohero