طريق الالف ميل بيبتدى بخطوة

[سهيلة]

طريق الالف ميل بيبتدى بخطوة

اكيد كل واحد منا عندة خطوة ف حياتة

والخطوة دى كانت الفيصل ف حياتة اما بالايجابية ف مشوار حياتة يعنى طلعتو فوق واما بالسلبية يعنى نزلتة تحت

يا ريت كل واحد يحكى على خطوة من خطوات حياتة كان لها تاثير ف الخطوات اللى بعد كدة

انا هبدا بتجربتى

ودى كانت ف الدراسة

انا لكل فخر كنت لاعبة كرة طايرة ف ايام ثانوى

وكنت كابتن الفريق ف المدرسة يعنى البريمو

يعنى الجدعنة يعنى الضربة الساحقة الماحقة

المهم اهملت دروسى بس بحمد اللة مدرستى خدت تانى جمهورية :D

مجموعى وقتها دخلنى كلية علوم

ولكن لم يكن هذا طموحى

الخطوة اللى اخدتها وغيرت حياتى كلها انى حسنت ثانوية عامة رغم اعتراض مبداى من الاهل

ودخلت الكلية اللى لاقيت نفسى فيها

لان صعب اوى الواحد يشتغل حاجة مش بيحبها

والحمد للة انا راضية عن نفسى نوعا ما دلوقتى

[khedr]

بارك الله فيكي....

فعلا كنا محتاجين موضوع يطلعنا من اللي حوالينا واللي نازل علي راسنا...

اول خطوه... ...

بيني وبينكم هي حياتنا كلها الاف الاميال وكل فتره نبدأ خطوات جديده

فيه مشروع كل يوم الحكومه بتنادي وتحكي فيه ...

وكان نفسي اساعد لاني كنت مؤمن بالقضيه وكل منا له وجهه نظر

وابتديت اول خطوه لكي اشارك واحاول واتفاعل واكون جدير

تركت اعمالي الاصليه والاساسيه وشاركت ..

وهول ما رأيت عندما شاركت وحاولت

ولكن خبرتي بالاساليب الحكوميه جعلتني من مدمني الجلوس علي الانترنت والمحاورات...

وكانت خطوه اخري في مشوار اخر في الف ميل جديده

[سهيلة]

ف

يه مشروع كل يوم الحكومه بتنادي وتحكي فيه ...

وكان نفسي اساعد لاني كنت مؤمن بالقضيه وكل منا له وجهه نظر

وابتديت اول خطوه لكي اشارك واحاول واتفاعل واكون جدير

تركت اعمالي الاصليه والاساسيه وشاركت ..

medeokhedr مشاركة بتاريخ اليوم, 05:09 AM

[

مشروع الحكومة كل يوم بتنادى بية وسيبت شغلك الاساسى عشانة

عروستى????????

[ريهام]

حلو قوي الموضوع دا لانى بجد موفقاكي ان فى خطوة فى حياة كل انسان يابطلعه السما يابتنزله الارض وطبعا مبتبقاش خطوة واحدة بتبقى خطوات لكل مرحلة خطوة المهم انا بقى من الناس الي خطوتهم رمتهم فى ساااااااااااااااااااابع ارض بصراحه هى مجموعة خطوات اترتبت على بعض فى النهاية سببو كارثة؟؟؟

اولا انا كنت عايشة فى دبي الامارات يعنى ومكنتش فاهمه نظام الكليات هنا ايه فقررت ادخل ادبي لان مستوايا فى القسم العلمى ميزدش عن 95 ودا ميدخلنيش ولا طب ولا هندسة دا طبعا لانى مكنتش فاهمه ان فى صيدلة وطب بيطري وعلوم

المهم دفنت نفسي فى الادبي ونجحت بتقدير كبير لكن للاسف مقدرتش ادخل كلية قمة فى الادبي لانى من الشرقية واهلى رفضوا يخلونى اروح القاهرة لواحدي وقعدو يقنعونى ادخل تجارة انجليزى فى الزقازيق وانا رفضت ودي تانى خطوة غلط ودخلت اداب؟؟؟؟؟من غير اي وعى قالولى ادخلى قسم فرنساوى او انجليزي قلت لا ودخلت اعلام ودي تالت خطوة ولحد النهاردة انا اهو فى سنه تالته الا انى بتمنى انى اعيد حياتى من الاول عشان انا مش لاقيه نفسي بجد بقالى 5 سنين ضايعه وبختار غلط وبقرر كل حاجه غلط واهى خطوات اخدتها فى حياتى لكن اتكربست كلها فوق دماغي......

اسفة عشان طولت :angry:

[se_ Elsyed]

مشروع الحكومة كل يوم بتنادى بية وسيبت شغلك الاساسى عشانة

عروستى????????

تسمين العجول وتوفير اللحمه البتلو :)

يا عم ما توضح .. الدار أمان والمنتدى عليه سيكيورتي وفيه محاميين يطلعوك من أجدعها قضية حتى لو كانت قلب نظام حكم ... لإن الحكم أساساً عندنا مافيهوش نظام عشان يتقلب .