يلا بينا نسهر ..

[عطر الجنة]

لو سمحتوا تأنقوا حنخرج نسهر ..

حتودينا فين يا عطر ..

حنحضر حفلة السيدة ام كلثوم ..

اغنية سلطنة لمجال اهل الهوى ..

بيرم التونسى .. زكريا احمد ..

فى رائعتهم ..

اهل الهوى ..

و التى شدت بها عام 1944 ..

أهل الهوى يا ليل فاتوا مضاجعهم 
و اتجمعوا يا ليل صحبه و أنا معهم
يطـولوك يا ليل و يقصروك يا ليل 
من اللى بيهــم 
و أنت يا ليل بس اللى عالم بينهـم
فيهـم كسيـر القلب و المتألـــــــم 
و اللى كتم شكواه و لم يتكلـــــم
و اللى قعد بعد الحبايب وحــده 
و بات حزين يشكى هيامه و وجــده
يشكوا ولا مخلوق سمع شكواهـــم 
إلا الكواكب فى السماء سمعاهـــم
يطولوك يا ليل بالسهد و الأفكــــــار 
و الشمس بعد الليل تطلع عليهـــم نار
و بعد طول الويــل تعود لهم يا ليل
و يقصروك يا ليل فى صحبه هنيــه 
علــى وتـــر رنــــان للصبحيــه
فيهم يا ليل خل عطف على خلــــــه 
و يقول له لحن الشوق و خله يقوله
يا ليل يا ليل يا ليل يا ليل
و يقصروك يا ليل على هنا و سـرور 
و الشمس بعد الليل تطلع عليهم نور
و يسألوك يا ليــل أمتى تعود يا ليل
ناس من قلوبها تقول يا ليـــــل 
و ناس على الأرغول تقول يا ليـــل
و احنا معانا بـــدر طالع فى ليلة قدر
فيها حبيب القلـب وافا و وافا الندر
هو يقول يا ليل واحنا نقول يا ليـل 
و كلنــا بنقــول يا ليــــل اهل الهوى يا ليـــل

 

[Grandma]

يا سلام يا ست عطر هتخرجينا و تسهرينا كمان .. دا كدا احنا محتاجين نشتري فساتين وبدل سهرة تليق بحفلات الست 

ولو اني متعقدة منها ومن حفلاتها من أيام والدي ووالدتي اما كانوا بيسيبوني انا واخويا ويسهروا ويقولوا ممنوع الأطفال ومن يومها وانا مش بحبها ولا بسمعها  .. بس اديكي هتسهريني زيهم وهاخد بتاري منها.

ممكن أنا بقى أسهرك النهاردة مع الموسيقى العربية في مسرح سيد درويش في بلدي الاسكندرية 

 

[عطر الجنة]

واو ..

الحمد لله اشتريتى فستان سواريه ..

و اخدتى بثأرك من ايام ضايقك فيها شئ ..

و حقيقى اختيارك رائع لانى فعلا بحب حفلات الموسيقى العربية ..

و بحضرها كتير لايف ..

و ان شاء الله لو تحسنت صحة ابى سأذهب لحفل يوم الجمعة فى الاوبرا ..

تحياتى و شكرى ..

[عطر الجنة]

4 ساعات مضت, Grandma said:

ممكن أنا بقى أسهرك النهاردة مع الموسيقى العربية في مسرح سيد درويش في بلدي الاسكندرية 

 

 

[أبو محمد]

أنا بقى عازمكم الليلة دى .. ودى ليلة مبروكة زى مانتم عارفين
عازمكم لكى تكونوا جزءا من هذا الجمهور الرائع
الذى أدَّى يكل مشاعره
مع هذه المطربة البريطانية "أديل" كما لو كان متدربا أعلى تدريب
"أديل" هى كاتبة كلمات هذه الأغنية .. يبدو عن تجربة شخصية
لذلك شحنة الإحساس - خصوصا مع مشاركة الجمهور - كانت عالية
روعة .. روعة .. روعة

 

[عطر الجنة]

في 1/24/2017 at 03:30, أبو محمد said:

أنا بقى عازمكم الليلة دى .. ودى ليلة مبروكة زى مانتم عارفين
عازمكم لكى تكونوا جزءا من هذا الجمهور الرائع
الذى أدَّى يكل مشاعره
مع هذه المطربة البريطانية "أديل" كما لو كان متدربا أعلى تدريب
"أديل" هى كاتبة كلمات هذه الأغنية .. يبدو عن تجربة شخصية
لذلك شحنة الإحساس - خصوصا مع مشاركة الجمهور - كانت عالية
روعة .. روعة .. روعة

 

الف شكر يا ابو الكرم ..

اتكلفت كتير عشانا .. اشى تذاكر رايح .. و اشى فنادق ..

و تذاكر رجوع ..

كان ارخص ست اديل جبتها مصر .. و عملنا كام حفلة فى المنتدى ..

سبوبة ..

اروح ارجع الفستان اللى كنت مأجراه لزوم الحفلة ..

و يجعله عامر ..

 

[Grandma]

بمناسبة ذكرى ثورة يناير وفرحة  فوز منتخبنا على غانا  النهاردة .. أدعوكم سيداتي ، مدموازيلاتي و سادتي للاستماع لأغنية داليدا الشهيرة ( حلوة يا بلدي ) بصوت آمال ماهر و أحمد فهمي 

أوقات سعيدة 

 

 

[أبو محمد]

21 ساعات مضت, عطر الجنة said:

الف شكر يا ابو الكرم ..

اتكلفت كتير عشانا .. اشى تذاكر رايح .. و اشى فنادق ..

و تذاكر رجوع ..

كان ارخص ست اديل جبتها مصر .. و عملنا كام حفلة فى المنتدى ..

سبوبة ..

اروح ارجع الفستان اللى كنت مأجراه لزوم الحفلة ..

و يجعله عامر ..

 

لا شكر على واجب يا باشمهندسة
دى حاجة كده على ما قُسم

[أبو محمد]

طيب .. تقِّلوا فى اللبس شوية
المونتيرة الفنانة مها النجار عازمانا
نسمع "كل ده كان ليه" .. بس على الجليد
فنانة .. بحق .. منتهى الرومانسية ومنتهى الرقة والرقى

 

[عطر الجنة]

11 ساعات مضت, أبو محمد said:

المونتيرة الفنانة مها النجار عازمانا

 

11 ساعات مضت, أبو محمد said:

فنانة .. بحق .. منتهى الرومانسية ومنتهى الرقة والرقى

فعلا اعمالها تستحق المشاهدة و الاطراء و الثناء عليها ..

و بسهرة اخرى ..

 

[Grandma]

الفاضل ابو محمد و الفاضلة الست عطر .. سهرات روعة وراقية بجد  استمتعت بها جدا .. تسلم الاختيارات والذوق الرفيع 

[عطر الجنة]

4 ساعات مضت, Grandma said:

الفاضل ابو محمد و الفاضلة الست عطر .. سهرات روعة وراقية بجد  استمتعت بها جدا .. تسلم الاختيارات والذوق الرفيع 

لعيونك ..

 

[Grandma]

7 دقائق مضت, عطر الجنة said:

لعيونك ..

 

الله .. الله على الروعة 

تسلم عيونك وسهراتك الراقية يا ست عطر 

[أبو محمد]

لما باشوف الموضوع ده بافتكر أغنية نجاح سلام :
الليلة الليلة الليلة .. سهرتنا حلوة الليلة
اسمحولى - للتغيير يعنى - أعزمكم على باليه
::

//

::

//

::

؟؟

//

::

؟؟

//

::

؟؟

؟؟

؟؟

؟؟

؟؟

؟؟

بحيرة البقر

[عادل أبوزيد]

فين إنتم من زمان ؟  حرام عليكم  ما دام بتعرفوا  تعطونا  لحظات من السعادة و الجمال  سايبينا ليه  في حال نكد 

برضه  الفن يا جماعة ده غذاء الروح  حتى لو كان حزايني.

قرأت من كام يوم في عمود "نيوتن  في المصري اليوم" عن دويتو بإسم غربة  لأحمد عدوية و إبنه    .... صراحة الكلام  قطع قلبي :

كل شىء له وقته وظروفه. اليوم وجدتنى أتأثر جدا، بالدويتو الجديد للفنان أحمد عدوية وابنه محمد. أعجبنى. لكلماته. لألحانه. للحالة التى بين الأب والابن. وللشجن الذى أجده فى صوت عدوية.

الابن – هلم الهدوم والهموم واللعب، وصورة حبيبتى اللى بين الكتب وهاكتب لصاحبى اللى سافر جواب، هأقوله ان صاحبك حبيبك تعب.. وقرر يسافر

الأب– مسافر وفاكر هترتاح هناك، وتاخد صحابك وحلمك معاك، ومامتك وأختك وخالتك، وأوضتك، هينفع تسيب اللى حبك وراك

الابن– هسافر واجرب

الأب– بتكدب بتهرب.

الابن– ما يمكن هتضرب

الأب – ما تسأل مجرب؟

الابن– أنا جبت آخرى.

الأب– يا واد لسه بدرى.

الابن– ما توجعشى راسى.

الأب– وليه تبقى آسى.

الابن– وإيه اللى فيها؟

الأب– دا فيها وفيها.

الابن– بطالة ومشاكل.

الأب– دا بجنيه بتاكل.

الابن– فكرك هينفع؟

الأب– دا ينفع وينفع.

الابن– أنا نفسى تسمع.

الأب– وأنا نفسى ترجع.

الابن والأب– دا فيكى يا بلدى اللى مش عند حد.. دفا وسط عيلة، ومشاعر بجد، هتتعب تلاقى اللى ياخدك فى حضنه، دا فيكى الطيابة اللى فوق كل حد.. ومن تانى تسمع يا عينى يا ليل.. الله..

يا بلدى بحبك.. بناسك وأهلك.. وحقك عليا. أرد الجميل.

أغنية موجعة إذا ما سمعتها. لا أتوقف عن التأثر. أخجل أن أقول إنها تكاد تبكينى

اقتباس

http://www.almasryalyoum.com/news/details/1085221

 

[أبو محمد]

منذ ساعة, عادل أبوزيد said:

فين إنتم من زمان ؟  حرام عليكم  ما دام بتعرفوا  تعطونا  لحظات من السعادة و الجمال  سايبينا ليه  في حال نكد 

برضه  الفن يا جماعة ده غذاء الروح  حتى لو كان حزايني.

قرأت من كام يوم في عمود "نيوتن  في المصري اليوم" عن دويتو بإسم غربة  لأحمد عدوية و إبنه    .... صراحة الكلام  قطع قلبي :

يبدو أنه قدر جيل الآباء أن يبعث الأمل فى جيل الأبناء
بدلا من العكس
هذا حوار آخر - بالفصحى - بين لطفى بوشناق وابنه
يستلم الأب من الإبن رصده للحالة المأساوية المفروضة علينا
يوافقه فى أول الأمر .. ثم يبدأ فى بث الأمل
المهم أن الإبن - فى آخر الحوار - يستبدل الطاقة .. لتحل الإيجابية محل السلبية
حوار غنائى .. شعرى .. رائع

 

[Grandma]

يبدو ان الرجالة ما بتعرفش تسهر 

قلبتوها نكد ليه ؟ 

الأغاني فعلا تحفة لكن دي مش سهرات .

روحوا ناموا أحسن 

[أبو محمد]

5 دقائق مضت, Grandma said:

روحوا ناموا أحسن 

يعنى ينفع ننام ودمعتنا على خدنا ؟

شوفيلنا سهرة فرايحى كده والا كده اعملى معروف

[Grandma]

5 دقائق مضت, أبو محمد said:

يعنى ينفع ننام ودمعتنا على خدنا ؟

شوفيلنا سهرة فرايحى كده والا كده اعملى معروف

صعبتوا علىّ يا جماعة 

ما ينفعش اسيبكم في البؤس دا 

اتفضلوا معايا بس البسوا اللي عالحبل 

 

[عطر الجنة]

بعدما اخذنا وجبة رائعة من مشاعر ذات شجن ..

و استمتعنا بالموسيقى فى رائعة ثالثة ..

اسمحولى اليوم نروح سينما ..

اليوم خميس يعنى ممكن  شوية سهر ..

فيلم اول مرة حشوفه معاكم ..

الفيلم اسمه ..

من 30 سنة ..