اوقات بحس الكون ضيق ....

[Tafshan]

اوقات بحس الكون ضيق

لافف حولين

قلبى بيعصر ..

حابس في العين

دمعه و اثنين

و الاهه في صدري بتزيق

ساعتها بحس الكون ضيق !

زامت و مقرّط ..

و سنين العمر بتتفرط

الفرح غريب ..

و الجرح قريب ...

و احباب على حبي بتتريق

ساعتها بحس الكون ضيق !

الحب .. تراب

و الخِل سراب ..

و بخيبتى بدور ع الاحباب

بقى ده معقول ؟

يشد جبال حبل رُقَيّق

و ساعتها نقول الكون ضيق !

لازم ح يضيق ..

ما دام بتطيق ..

و بتغفر جرح اي صديق

احكم بالعدل ..

سيبك م الندل ..

و كل وهم بيتهيأ ..

و عمر الكون ما يكون ضيق !

[shahd]

جمييييييييل سلمت اناملك

[Tafshan]

جمييييييييل سلمت اناملك

<{POST_SNAPBACK}>

متشكر يا فندم

[هشام الجنيدى]

جميل جدا اخى طفشان بسيط وفى بساطته الابداع

استمر ولا تحرمنا من نبع ابداعك ابدا :rolleyes:

وشكراااااااااااا

[Tafshan]

جميل جدا اخى طفشان  بسيط وفى بساطته الابداع

استمر ولا تحرمنا من نبع ابداعك ابدا  :rolleyes:

وشكراااااااااااا

<{POST_SNAPBACK}>

متشكر يا هشام باشا .. بعض ما عندكم :happy: