تاشيرة عامل عادي بمهنة مهندس..

[hoshos]

السلام عليكم..لو سمحتم..جاتلي تاشيرة عامل عادي..و الجواز مكتوب فيه مهندس ...هل ممكن تتاشر عادي ولا لازم تغير الباسبور من مهندس ل عامل ...علشان يكونوا متطابقين

[Grandma]

أكيد رايح السعودية 

[hoshos]

اكييييد

[herohero]

هتحتاج تغيره ولازم يبقى نفس المهنة في جواز السفر هي مسمى التاشيرة 

طبعا اكيد انت عارف تبعات ان المهنة عامل في الاقامة السعودية 

وموضوع تغيير المهنة لما تروح هناك ده بيكون فيه قولان وحسب الشركة هتلتزم ولا لا

ولو هتغيرها مهندس يبقى لازم تنضم لجمعية المهندسين السعودية وده محتاجه يكون انت متخرج من 3 سنوات فما فوق

وغالبا لما بتدخل بمهنة وتيجي تغيرها موضوع الاستقدام مابينفعش الالكتروني وبيكون ورقي

يعني لازم تبقى واخد بالك من كل التبعات 

[hoshos]

شكرا جزيلا

[Grandma]

وليه ما تتغيرش التأشيرة من عامل لمهندس .. مش كدا يُعتبر تزوير ؟ زي ما بندين المواطن اللي مافيش معاه مؤهل جامعي ويزور ويكتب انه مهندس  لازم يحصل العكس برضو . 

 

[herohero]

16 minutes ago, Grandma said:

وليه ما تتغيرش التأشيرة من عامل لمهندس .. مش كدا يُعتبر تزوير ؟ زي ما بندين المواطن اللي مافيش معاه مؤهل جامعي ويزور ويكتب انه مهندس  لازم يحصل العكس برضو . 

 

لا هقول لحضرتك للاسف الشديد دولة زي السعودية عندها مايعرف باسم السعودة واللي هي ف الكويت -التكويت 

ولكن لان السعودية اصبح فيها كثير من المهن يقوم بها السعوديين فاصبحت هناك قيود ع عدد التاشيرات وايضا لان السعودية التركيبة السكانية عندها مهمة جدا

فاصبح في كثير من الاماكن ان شركة مقاولات استنفدت التاشيرات الخاصة بمهنة مهندس ومتبقى عندها مهنة عامل مثلا فتقوم بالقدوم كعامل مع ان طبيعة العمل هندسية

طبعا ده له سلبياته وطبعا فيه قدر من التلاعب لكن الظروف بتفرض نفسها وكل شخص وله حساباته 

السعودية بتحاول محاربة مثل هذه اوضاع

اما في مصرنا العزيزة فالقصه بسيطة جدا مادام بتدفع الرسوم والحكومة بتقول لك خليه يخف الحمل، وانت شايفه كثيرين حاجزين وظيفة في مصر ومسافرين والحكومة مستمتعة بماتحصله منهم من معاشات وتامينات 

[Grandma]

43 دقائق مضت, herohero said:

فاصبح في كثير من الاماكن ان شركة مقاولات استنفدت التاشيرات الخاصة بمهنة مهندس ومتبقى عندها مهنة عامل مثلا فتقوم بالقدوم كعامل مع ان طبيعة العمل هندسية

غريبة .. وخطر 

الفلوس مش كل حاجة 

ومع ذلك كل واحد فعلا أدرى بظروفه 

ربنا ييسر الحال .