خالد يوسف .. إنت بتاكل ايه يا جدع انت ؟!

[أبو محمد]

مع حبنا واحترامنا لشبابنا
إنما خالد يوسف المفروض يكون اول من يعرف كلمة "أوفر"
فهى اختصار لـ Over acting وتطلق على الممثل المتكلف الذى يبالغ فى التمثيل

بسلامته القاضى ابو زعزيع .. فى ندوة فى معرض الكتاب .. قالك إيه قالك آه
قالك : "جيل يناير سيخرج منه أشخاص أفضل من نجيب محفوظ وأم كلثوم وصلاح عبدالصبور"
لغاية هنا مش أوفر أوى .. ممكن تعدى
حتى فى جيل هؤلاء العمالقة ربما كان هناك من هم أفضل ولكن لم يلمعوا أو لم تسنح لهم الفرصة
إنما بقى الأستاذ اندمج زيادة .. و .. قالك إيه قالك آه
قالك : "إنه أعظم جيل شهدته مصر فى تاريخ السبع آلاف سنة"
دى بقى مش أوفر وبس .. ده إسمه - يا استاذ - تمثيل بالجامد .. تمثيل بالأوى جدا خالص
اللى يقول كلام فارغ زى ده .. لازم يتحط فى برطمان فورمالين
وتتعمل عليه أبحاث وتجارب ....عشان نعرف اتحدف علينا من أى داهية
خالد يوسف: جيل يناير به شباب أفضل من «محفوظ وأم كلثوم»