الدنيا كلها ورد أحمر و دباديب و هنا صم بكم

[Fahman]

مسمعتوش عن حاجة إسمها الحب  و إن الخلق كلها تعرفه

مقلناش  إدونا دبدوب و لا صحبة ورد       سمعونا بس أغنية تفرح

[أبو محمد]

ولا يهمك

[أبو محمد]

كوبرى ستانلى أمس .. جسر التنهدات
بصراحة كل حاجة بقت أوفر أوى .. حتى فى المشاعر
واخد بالك انت من السيلفى اللى تحت ؟
أيواااااا .. أبو فستان احمر جنب البلوفر الجاكار
وهتلاقيهم يفركشوا بعد اسبوع
عشان كنسل عليها أو ما عملهاش لايك

[suma]

مساؤكم كله حب.

غريبه وكأن الحب منع من الأرض ولا يصرف  الا في هذا اليوم !!

كل حاجة عندنا بناخدها بزياده عشر شويات مش شوية ! لم اتذكر في طفولتي ولا شبابي انه كان هناك ما يسمى بعيد للحب ! 

فهل فقدنا الحب في تعاملاتنا وحياتنا حتى نتحايل ونوجد له يوما؟ يبدو أنه كذلك فعلا وبنظرة واحدة لطريقة التعامل مع الزوجين ونظرتهم للحياة والأمور نعرف أن الحب تغير فعلا لم يعد احساسا عاليا يأخذ صاحبه إلى عنان السماء وينشر العطر حوله الي  دفتر حسابات وارقام وخد وهات للأسف بعدما كانا كل منهما يخاف على احساس شريكه من أي لحظة الم اصبح يعد عليه هفواته .

لذا كان انتظار هذا اليوم ليتجردا من كل ما سبق ويقنعان النفس بأنها تحب وان هناك من يبادلها الحب .

اما عن الشبان والشابات المخطوبين لا حرج عليهم خلوهم .لكن الغير دا صعب بنتي تقولي انا بحب ياماما! او الدبدوب ده من....يالهوتيني يوم بني على اللي في البيت كله حتى اخوتها اللي لم ينطقوا.

 لكن نتوقف قليلا هل فعلا هذا هو الحب ..لون  أحمر ناري ودبدوب بكرش أحمر وكارت ومقال زي ده باللون الأحمر؟!!! وممكن زيادة ويكون فسحة ايضا.لا أظن فالنرجع الى أيام زمان بيت من الشعر سماعة يمنع النوم ليالي. وردة جافه مازال عبقها بين طيات الكتاب ،رسالة بخط مرتعش وسط الدفتر أو كتاب...

  كل عل كل سنة وانتم طيبين  وعيد حب جميل عليكم .

 

 

                             سومه

[عادل أبوزيد]

أيوة يا ستي  دي مظاهر الحب في الألفية الثالثة واللي مش عاجبة يكتفي بمحطة الأغاني و بلاها حب 

بذمتكم  الا ترددون ليت الشباب يعود يوما ؟

زمان  التعبير عن الحب - حتى لطفل صغير - كان عيب !

[أبو محمد]

2 ساعات مضت, عادل أبوزيد said:

أيوة يا ستي  دي مظاهر الحب في الألفية الثالثة واللي مش عاجبة يكتفي بمحطة الأغاني و بلاها حب 

بذمتكم  الا ترددون ليت الشباب يعود يوما ؟

زمان  التعبير عن الحب - حتى لطفل صغير - كان عيب !

نعم ليت الشباب يعود يوما
فأخبره بما فعله أولادنا بالحب .. بصراحة بهدلوه .. رخَّصوه
هو حضرتك مش بتسمع كلمات أغانى الحب فى هذه الأيام
أعتقد انها خرجت من نطاق الأداء العلنى إلى نطاق السب العلنى

مطربة شابة أحبها جدا .. آمال ماهر
هى من أكثر إن لم تكن أكثر المطربات احتراما فى الوقت الحالى
لها أغنية جعلتنى اتوقف عن متابعة أداءها الجميل لأفكر فى الكلمات
تقدر تقول عليها "عركة" أو أى حاجة تانية غير أغنية حب
بتقول
يالا بالسلامة رد الباب وراك
هاعيّشك دراما حبيبى بلاش اعملها معاك
هو انت ما حدش قالك على قلبتى ؟
فى العند تعالى يامعلم ودى حتتى

أعتقد مفيش داعى أقارن بين كلمات أغانى مواقف متشابهة فى أيامنا الغابرة
أكيد حضرتك عارفها .. تذكر مثلا للصبر حدود لأم كلثوم .. عايز جواباتك لنجاح سلام
شوف حضرتك التغيرات التى طرأت على أساليب التعبير

أنا أحسن لى افتح الراديو على محطة الأغانى
 

[herohero]

4 hours ago, أبو محمد said:

نعم ليت الشباب يعود يوما
فأخبره بما فعله أولادنا بالحب .. بصراحة بهدلوه .. رخَّصوه
هو حضرتك مش بتسمع كلمات أغانى الحب فى هذه الأيام
أعتقد انها خرجت من نطاق الأداء العلنى إلى نطاق السب العلنى

مطربة شابة أحبها جدا .. آمال ماهر
هى من أكثر إن لم تكن أكثر المطربات احتراما فى الوقت الحالى
لها أغنية جعلتنى اتوقف عن متابعة أداءها الجميل لأفكر فى الكلمات
تقدر تقول عليها "عركة" أو أى حاجة تانية غير أغنية حب
بتقول
يالا بالسلامة رد الباب وراك
هاعيّشك دراما حبيبى بلاش اعملها معاك
هو انت ما حدش قالك على قلبتى ؟
فى العند تعالى يامعلم ودى حتتى

أعتقد مفيش داعى أقارن بين كلمات أغانى مواقف متشابهة فى أيامنا الغابرة
أكيد حضرتك عارفها .. تذكر مثلا للصبر حدود لأم كلثوم .. عايز جواباتك لنجاح سلام
شوف حضرتك التغيرات التى طرأت على أساليب التعبير

أنا أحسن لى افتح الراديو على محطة الأغانى
 

بشمهندس ياترى من السبب ؟؟ ع فكرة انا متعجب من امال ماهر ازاي تقبل تغني كلمات بالمنظر ده والالبوم اصلا كله خناق

يبدو ان المشكلة في ذوق فعلا المؤلفين المصريين الحاليين ورغبات الجمهور اللي تفتقد الى الطرب والكلمات الجميلة 

عموما لامال ماهر الكثير مما يغفر لها الالبوم الاخير

 

 

 

 

قد كان حُبك كوكبًا يتألقُ
يُضفي على الدنيا أريجًا يعبقُ
يَنْتابُني في صحوتي , في غفوتي
فَأهيمُ في حُلمِ الهوى وأحلقُ

عودتني أهواك حتى في الكَرى
ولغيرِ حُسْنكَ في الورى لا أعشقُ
و وعدتني أن الحياة جميلةٌ
مادمتَ تُوليني الحنانَ وتشفِقُ

فأخضلّت الدنيا معاني بالرُؤى الخضراء
بالأغصان تنمو وتُورِقُ .. بالفجر بَسّامًا يُباركُ حُبنا .. بالطير يَشدو تارةً ويُصفِقُ
واليومَ تتركني وتهجرني
فهل من عودةٍ أوَ هل وعودكَ تَصدقُ

حتى ما أبقى في متاهات الهوى
أرجو الوِصال .. وبابُ وصلِكَ مُغلق
ولئن ذكرت سأذكرُ الحب الذي
قد كان لي دومًا يضيءُ ويشرِقُ

قلبي الذي بالأمسِ كان مُنعّمًا
اليومَ باتَ من الأسى يتحرقُ
إرجع وأنقذني وخلصني 
فَهَا أنا زورقٌ في بحر حبك يَغرقُ

[suma]

صباحكم كله خير .

فعلا كلمات رائعة تتيح العقل والوجدان يحلقان في أفق عالى من النشوة الجميلة ..بس ياترى لو تغنت تلك الكلمات في وقتنا الحالى هل سعيجب بها شبابنا !!؟ كما كنا نسمع روائع القصيد  في زمانا والزمن الذي قبله عندما كان بائع الترمس يستمع الى عبد الوهاب من مذياع صغير جدا على عربته.النيل اسمر نجاشي؟؟او قصيدة اقبل الليل او اراك عصي الدمع؟؟ لا اعتقد.

 

 

         سومه

تم تعديل 16 فبراير 2017 بواسطة suma

[أبو محمد]

9 ساعات مضت, herohero said:

بشمهندس ياترى من السبب ؟؟

ليتك سألت إيه السبب بدلا من مَن السبب
أنا رديت على التساؤل مرارا وتكرارا
وإن كنت لم تقرأ "الإجابات المتكررة" فلا مانع عندى للتكرار إن أردت

للأسف .. مسؤولية أولادنا أكبر بكثير من مسؤوليتنا
فالمسؤولية تتناسب طرديا مع الوسائل المتاحة

على العموم إحنا اكتافنا أعرض من اكتافكم
تخففوا كما تحبون .. إرموا المسؤولية علينا زى ما انتم عاوزين
هييجى اليوم اللى تعرفوا فيه الحقيقة
ماهو انتم فى يوم من الأيام هتبقوا آباء لشباب
كله سلف ودين
 

[herohero]

On 2/16/2017 at 5:59 PM, أبو محمد said:

ليتك سألت إيه السبب بدلا من مَن السبب
أنا رديت على التساؤل مرارا وتكرارا
وإن كنت لم تقرأ "الإجابات المتكررة" فلا مانع عندى للتكرار إن أردت

للأسف .. مسؤولية أولادنا أكبر بكثير من مسؤوليتنا
فالمسؤولية تتناسب طرديا مع الوسائل المتاحة

على العموم إحنا اكتافنا أعرض من اكتافكم
تخففوا كما تحبون .. إرموا المسؤولية علينا زى ما انتم عاوزين
هييجى اليوم اللى تعرفوا فيه الحقيقة
ماهو انتم فى يوم من الأيام هتبقوا آباء لشباب
كله سلف ودين
 

بشمهندس هنرجع لنفس الحلقة المفرغة 

الشباب الحالي طلع في جو لقى فيه مفردات كلمات اغاني سيئة ياترى هو له ذنب فيها ؟؟

حضرتك ووالدي لقيته فن راقي وثقافة خدت منها واضفتوا لها ،طيب الجيل اللي بعده  طلع لقى الوضع سئ اتربى ع القبح ماذا تنتظر منه

[أبو محمد]

6 ساعات مضت, herohero said:

ماذا تنتظر منه

ألا يشجع القبيح
لكى لا تطرد العملة الرديئة العملة الجيدة
وأن يبحث عن الجمال وألا يتخذ القبح أسلوب حياة
مرة أخرى .. وسائلكم اكتر وأقوى بمراحل من وسائل آبائكم
لذلك مسؤوليتكم اكبر بكثير من مسؤولية آبائكم
شيلوا انتم بقى المسؤولية .. الأكتاف العريضة تكل وتضعف يوما بعد يوم
على فكرة
على صفحة أحد الأصدقاء (عضو فى المحاورات) وجدت مداخلة لأحد أصدقائه
وهو عضو فى المحاورات لم يعد يدخلها .. فقد انتهى من أداء الدور الذى كان مكلفا به
يقول هذا العضو (وأنا أرى أنه مندوب لجماعتين صنفتهما المحكمة على أنهما إرهابيتين)
"على العموم . الوقت فى صالحنا .. عددنا يزداد .. وعددكم يتناقص"
تأمل فى هذه الجملة .. وخللى بالك من نفسك .. ممكن ابنك يقولهالك لما تكبر

[herohero]

11 hours ago, أبو محمد said:

ألا يشجع القبيح
لكى لا تطرد العملة الرديئة العملة الجيدة
وأن يبحث عن الجمال وألا يتخذ القبح أسلوب حياة
مرة أخرى .. وسائلكم اكتر وأقوى بمراحل من وسائل آبائكم
لذلك مسؤوليتكم اكبر بكثير من مسؤولية آبائكم
شيلوا انتم بقى المسؤولية .. الأكتاف العريضة تكل وتضعف يوما بعد يوم
على فكرة
على صفحة أحد الأصدقاء (عضو فى المحاورات) وجدت مداخلة لأحد أصدقائه
وهو عضو فى المحاورات لم يعد يدخلها .. فقد انتهى من أداء الدور الذى كان مكلفا به
يقول هذا العضو (وأنا أرى أنه مندوب لجماعتين صنفتهما المحكمة على أنهما إرهابيتين)
"على العموم . الوقت فى صالحنا .. عددنا يزداد .. وعددكم يتناقص"
تأمل فى هذه الجملة .. وخللى بالك من نفسك .. ممكن ابنك يقولهالك لما تكبر

 

بشمهندس ابو محمد  حضرتك مش شايف ان المهمة صعب

ياترى في  أمل