مصرى عايش فى الصين

[last_Samurai]

السلام عليكم

اخوكم محمد موجود فى الصين واى حد محتاج اى حاجه او اى سؤال انا موجود

[الرافعي]

السلام عليكم

اخوكم محمد موجود فى الصين واى حد محتاج اى حاجه او اى سؤال انا موجود

<{POST_SNAPBACK}>

الأخ العزيز محمد

أهلاً وسهلاً بك بين أهلك وأحبابك، وفي انتظار مشاركاتك القيمة التي نستفيد منها جميعاً ..

بس الله يخليك تكون مشاركات أصلية .. مش صيني يعني يومين وتتمسح -_-

أول سؤال لك يا عزيز محمد ...

إيه اللي رماك يا اخويا في بحر الظلماااااااااااات mfb:

تم تعديل 11 فبراير 2006 بواسطة حلاوة العنتبلي

[wagdi]

طب ساموراي إزاي وفي الصين...هما مش الساموراي دول يابانيين...حتى الساموراي فيه منه صيني... mfb:

يا سيدي أهلاً بك وسهلاً بين إخواتك وأهلك... وعايزينك بقى تشد حيلك معانا...إنت بقيت عينينا إلى في الصين...يعني أول ما يعملوا حاجة جديدة تبلغنا على طول...

علشان نبعت نستوردها...

-_-

تحياتي...

[MZohairy]

الله يخليك يابو حميد وبشكل عاجل

محتاج طقم 34 قطعه ضد الكسر

وياريت لو من غير الوان

اسود بس

أهلا وسهلا بيك

وعلى رأي الشاعر....

الصيني صيني

اوعى عليه تو صيني mfb:

[last_Samurai]

اخى حلاوة العنتبلي اللى رمانى فى بحر الظلمات انى بحب التكنولوجيا اصل العبد لله بيحب المغامرات اوى وكمان مهندس حاسبات وتحكم الى

اخى wagdi ان شاء الله حكتب عن كل جديد على فكره التطور هنا سريع جدا جدا والشهر اللى فات الصين انتجت اول CPUومن يومين شفت اول انتاج للمصنع والكمبيوتر كله صنع فى الصين وان شاء الله حكتب على كل جديد

اخى mzohairy شكرا على كلامك ومن عنيا احلى طقم ضد الميه ضد النار هههه ان شاء الله نتواصل جميعا مع بعض

تم تعديل 11 فبراير 2006 بواسطة last_Samurai

[الرافعي]

اخى حلاوة العنتبلي اللى رمانى فى بحر الظلمات انى بحب التكنولوجيا اصل العبد لله بيحب المغامرات اوى وكمان معندس حاسبات وتحكم الى

<{POST_SNAPBACK}>

الأخ الكريم محمد

أرجو لك كل التوفيق في عملك وسعيك وراء العلم .. ، وأرجو أن تذكر نفسك دائماً أنك مطالب بأن تنفع وطنك وأهلك بما تعلمت، وأرجو الله أن يحفظك من كل سوء.

السؤال الجاد هنا ... لقد قرأنا وسمعنا عن الجالية المسلمة الموجودة في الصين، ورأيت بعض البرامج التسجيلية عنهم وأماكنهم ومساجدهم كذلك .. فهل لك تجربة شخصية مع مسلمي الصين ومجتمعهم ؟

وشكراً لك مقدماً على الفوائد ..

يا ساموراي

[الأفوكاتو]

تحية و ترحيب بالأخ محمد آخر السوماراى,

يسعدنا وجودك معنا, و ستجد أن هذا المنتدى من أكثر المنتديات صداقة, و شفافية,

و جميع إعضائه مصريون أصلاء, يحبون بلدهم, و يصادقون الجميع,

مرحبا بك مرة أخرى.

تم تعديل 11 فبراير 2006 بواسطة الأفوكاتو

[last_Samurai]

شكرا اخى حلاوة العنتبلي على ترحيبك وكلماتك الرقيقه

عموما المسجد الذى اصلى به فى مكان مشهور يسمى كوان تا لو والمسلمين الصينيين طيبين وتعرفهم عن طريق الطاقيه البيضاءوالبعض تستطيع معرفتهم عن طريق اختلاف ملامحهم عن الصينيين والمسلمين الصينيين تمركزهم فى مقاطعه نينشيا بنسبه 99% ولكن على ما اعلم ان المسلمين مضطهادون فى الصين

شكرا اخى لأفوكاتوعلى ترحيبك وكلماتك الرقيقه

وشكراً لكم

[drhusseinali]

ساموراي باشا

اخوك حسين في اليابان

فركة كعب يعني

اهلا و سهلا بيك

و اي خدمة

حسين

[last_Samurai]

اهلا drhusseinali

هههههههه اه والله فركه كعب

شكرا على ترحيبك اخى

[مصرية الهوى]

تاو شو جان .. يعني سالخير B)

تشو مشان تو ... يعني ازيك يا ادلعدي ؟ ;)

أهلا وسهلا بحضرتك ..

نورتنا في بيتك ومطرحك ..

بس غريبة والله .. الصين !!

حاسه ان العيشة فيها مرعبة mfb: ..

هو انت لسا متخنقتش .. دول مليار يا ابني .. انت بتتنفس ازاي ؟؟

عندكو اكسجين -_- ؟؟

طيب .. بالذمة بيقولولك ايه لما بيشوفوا عينيك :o

ايه رأيك تعزمني هناك .. عشان نفسي اشوف سور الصين العظيم

و اتمشى عليه :D

اتفقنا؟؟

[drhusseinali]

ساموراي باشا

تعالى بقي

فرصة لقيت واحد في الهم زي حالاتي

انت الاكل عندكم اخباره ايه

الخنزير داخل في كل حاجة?

في اليابان الخنزير موجود في كل حاجة حتى العيش فيه خنزير

اديلي 4 سنين عايش على السمك و الرز هو ده بس المضمون

و بتاكل بالشوب ستيكس ولا لسه

انا اتفضحت مرة في الموضوع ده

كنا مخلصين عملية و الاكل بتاع الدكاترة جه

و اخوك عمال يدور على معلقة و لا شوكة توحد رابنا

ابدا

قمت مرة واحدة سمعت كلام في الميكروفون الداخلي بتاع المستشفى

و اخوك لسه مكنش يعرف ياباني

المهم لقيتلك واحد جاي من بره و بيسال عليا

و راح مديني شوكة

اتاريهم كانوا

بيقولوا في ال Call بتاع المستشفى

عاوزين شوكة للدكتور المصري في العمليات

و اتفضحت على مستوى المستشفى كلها

تاني يوم وحياتك اخدته Practice لما بقيت لهلوبة

و اخبارك ايه مع العجل يا عم

يا سلام لو في مصر شافونا و احنا بنتمختر بالعجل را يحين المستشفى و لا الكلية كنا خدنا احلى تريقة

و عندكوا في الصين بيكرهوا اليبانيين?

هنا في اليابان بيكرهوا الكوريين و الصينيين جدا

و مرعوبين في نفس الوقت من الصين

يللا مطولش عليك

اهلا بيك في رابطة جنوب شرق اسيا في المنتدى

اللي بتتكون من حضرتك و حضرت ي

سلام

[tarek_almeghallawy]

الساموراي الأخير

مرحباً بك في منتدانا الجميل

أريد أن أسألك بعض الأسئلة

كيف أخذت القرار الشجاع المتهور بالسفر للصين

وكيف كانت إجراءات السفر

وكم مدة لك هناك

وهل معك اسرتك إن كنت متزوج

وهل تخطط للإقامة الدائمة

طبعاً الحصول على الجنسية مستحيل همّا ناقصين زيادة

وكيف تقيم التجربة حتى الآن

هل تنصحنا بتكرار تجربتك

وكيف يعاملك الصينيون

وهل هناك مصريين معك

جاوب على أقل من مهلك

.....فيه شوية أسئلة زيها وزيادة عليها أسئلة في الطب الياباني للدكتور حسين علي

لما أحوشهم ها أسألهم دفعة واحدة..

[الاسكندرنى]

السلام عليكم

الصين لا حول الله يارب يا حبيبى فواد المهندس قالك ايه بلها( سوسو و خد ناديه)

يعنى بتدور على تكنولبيا مالها المانيا ولا امريكا ولا .......ولا.............

انا معك الصين دوله عن قريب سوف تصبح نمرا اقتصاديا جسورا بس برده الصين ازى مش قادر افهم

احكى لنا كده جات معك ازىو ايه الاسباب

شكلك كده يا اعجبت بفلم هنيدى( فول الصين العظيم) يا اما كنت فى فريق التصوير وزوغت منهم

يا اخى ده حتى الفلم فشل بسبب الاسم

ده انت غريب يا اخى والله الواحد مش عرف كان يعمل ايه من غيرك مع الاحتفاظ بحق المولف

خلاص كنت بهزر نكلم بجد

مرحبا بك فى المحاورات او فى بلدك بمعنى اخر فى وسط اهل بلدك

اخوك مغترب برده بس فى بلد تسمى شيطان اوربا الاخرس

تم تعديل 12 فبراير 2006 بواسطة الاسكندرنى

[الاسكندرنى]

هى الساعة كام هناك دلوقتى هههههههههههه

تم تعديل 12 فبراير 2006 بواسطة الاسكندرنى

[last_Samurai]

لا والله متخنيأتش خالص والناس هنا مسالمين اوى وكل واحد فى حاله على فكره مساحه الصين 10 اضعاف مساحه مصر والاكسجين موجود ههههه

الناس هنا اما بتشوف اى اجنبى بحس انهم مستغربين وكان الاجنبى ده من كوكب تانى

تشرفى يا اختى بس انا بينى وبين السور 6 ساعات طيران او 24 ساعه فى قطار النوم او ممكن تتمشى لغايه هناك انا كنت جنب بكين ودرجه الحراره كان -12 تحت الصفر يا لطيف اللطف يارب!!!!!!!!!!

لا والله يا دكتره موصلش للعيش بس هنا فيه مطاعم عربيه كتير اوى

طبعا الواحد بياكل بلشوب ستيك علشان يمشى اموره معاهم

طبعا بيكرهوا اليابانيين موت زى ما احنا بنكره اسرائيل

وشكرا على ترحيبك يا دكتور

اخى tarek_almeghallawy

والله القرار اللى ساعدنى فيه اصدقائى فى الصين والزوجه والسفر من مصر الى دبى 3ساعات وترانزيت 13 ساعه وبعدين من دبى الى تايلاند 8 ساعات وترانزيت داخل الطياره حوالى ساعه ثم 5 ساعات الى هونج كونج وبعدين ركبت اتوبيس 3 ساعات الى جوانج جو

يعنى وصلت البيت وانا مدمر ههههههههههههههههههه

لى 3 سنين فى الصين مع الزوجه وابنتى الحبيبه وحكايه الاقامه الدائمه لسه محددتهاش يا طارق

والله اخى التجربه قاسيه وعلى الاقل فى الاكل

الصنيين شعب مؤدب ولكن البعض ينظر نظره مش تمام اما يعرف انك عربى يعنى على اساس ان المسلم بيتجوز 4 وهما عارفين قشور عن الاسلام ولكن فيه ناس منهم يحبوك علشان الهرم وابو الهول والفراعنه هههههه

ايوه فيه مصريين بي مش كتير

الاسكندرنى باشا فرق التوقيت 6 ساعات بالزياده عن توقيت مصر

بلد تسمى شيطان اوربا الاخرس؟؟؟ وين!!!!!!!!!!!!!!!!!!

يا لطيف اللطف يا رب!!!!!!!!!!

[الرافعي]

أخي العزيز ساموراي

تعرف .. دخلتك علينا دخلة عشم وود ، ربنا يديم عليك المودة والقبول في القلوب

ودي في الحقيقة أعرف حكاية الخنزير في كل حاجة دي ... ده شيء مزعج جداً، ولا أعرف لو عشت في بلد غير مسلم كيف أتصرف ؟؟؟

تحياتي ,,

[الاسكندرنى]

فرنسا يا كيبر

[الاسكندرنى]

يا حلاوه بيه انت مطلوب فى جميع الدول الغربيه لتوريد الحوم الحمراء المذبحه اسلاميا لا المشكله مش هنزير و بس الحمه هنا مش مذبوحه على الشريعه ممكن تكون مصعوقه كهربئيا او مخنوقه كده

ارجوا التفكير و على العبد التنفيذ و على ربنا التوفيق

[last_Samurai]

شكرا اخى على كلامك وربنا يجعل بيننا موده ان شاء الله

والله اخى عموما فى شرق اسيا بيطبخوا لحم الخنزير ويدخلواه فى كل حاجه واسهل حاجه انك تشترى اللى انت عاوزه من سوبر ماركت علشان يبقى مكتوب على المنتج المكونات وان كان حتى كتابه المكونات يكتبوها بالصينى يبقى انت لازم تاكل فى مطعم اسلامى اوتطبخ بنفسك