جميلات الكرة ومبارك وعائلته في النيو لوك

[المدهش]

شفتوا البنات الامارات اللي زي الشربات اللي كانوا ماليين الاستاد في مباراة الكأس مع ساحل العاج ..وشفتوا الست سوزان وهيه بترفرف بالعلم المصري وشفتوا علاء وجمال وسمعتوا كلام اللاعبين عنهم وعن انهم لم يتركوهم لحظة واحدة..يا جماعة نظرية المؤامرة بتخليني شامم رائحة خطة مقصودة ومدبرة فإحساسي ان جمهور البنات ده كلهم من جماعة حورس بتاعة الجامعات والحزب الوطني وان الجمهور ده معظمه من الامن أو الحزب أو بتوع السلطة والا كيف يأمن جمال وعلاء في ظل وجودهما هكذا بدون حراسة..والدليل موضوع نفاد التذاكر الغريب ..يا جماعة التذاكر وزعت على بتوع حورس ..ومبارك ضرب أكثر من عصفور بحجر وأكيد الشركة الأمريكية التي تعاقد معها قبل انتخابات الرئاسة علشان تكجوله وتعمله نيو لوك همه اللي نصحوه يركب موجة الكرة وكأس إفريقيا هوه وعائلته وهذا ما حدث..وحسبي الله ونعم الوكيل.

[الأفوكاتو]

فكرة تستحق النظر و التمحيص.

خبراء السياسة الخفية, هل من تعليق؟

[المدهش]

سيداتي آنساتي سادتي..جاءنا البيان التالي ..أخبرني مصدر موثوق به أن معظم هؤلاء الفتيات الجميلات اللاتي بهرن الجميع بطلعتهن البهية في مباريات المنتخب هن من طالبات وخريجات الجامعة الأمريكية ..وحضرن المباريات بناء على طلب من الأخ جمال مبارك من إدارة الجامعة..وهذا للعلم فقط وشكراً!

[MZohairy]

نوع من أنواع تحسين النسل والمظهر الخارجي العام!

[لخبطه]

فكره البنات اللى بتطلع في التلفزيون فكره منحطة لأقصى درجة ومتعرفش ياعمنا مدهش قد ايه حزنت واتقهرت لما بدوا بناتنا - ان كانوا دول يمكن أنهم يمثلوا البلد - يطلعوا يترقصوا في البرامج الجماهريه من نوعيه برامج هاله سرحان لكن السؤال هيا البنات دي مالهش أهل ............ كلامك الظاهر صحيح مدهش فاللى مالوش أهل جمال بيه أهله

[mohmaher]

السلام عليكم

أتمنى ان الكلام ده يكون صح و تكون خطة مقصودة لشد المصريين بعيد عن الكوارث اللي نازلة ترف ترف ...

علشان انا مش قادر استسلم لفكرة ان الشعب المصري أصبح شديد البلاهة لهذه الدرجة .. و في وسط أحداث مأساوية من كل نوع سواء غرق عبارة و موت أكثر من ألف مصري و أهالي متبهدلة و مش لاقية حد يقف معاها .. و اختطاف دبلوماسي .. و طبعا قبل كل ده ما حدث من اساءات لسيد الخلق سيدنا محمد مع تباطؤ مخجل للأزهر في الأخذ بزمام الرفض الا طبعا لما أخد الاذن نزلت المظاهرة من الأخر بلد حالتها زفت ..ده بخلاف المشاكل التي أصبحت عادية يومية من فساد مستشري و خيبة امل راكبة جمل ....

في ظل كل ده الناس بتطبل و بترقص و هتموت نفسها علشان كورة !! معرفش مش فاهم بصراحة ..أصل كارثة لو المصريين فقدوا الاحساس بالمسؤلية والاحساس بقيمتهم ! كارثة ...

وكارثة لو مقولة : " يجمعوهم بثومة و يفرقوهم بشومة" صحيحة مع الفرق ان بعد وفاة أم كلثوم أصبح التجميع مباريات كورة و كاس و اهلي وزمالك و ضحك على الناس و تضييع وقت ..

وماحدش يقول لي رياضة علشان كلنا عارفين ان ده مش رياضة ده بيزنيس قذر ...

الرياضة كانوا اهتموا بالنشء و العيال اللي مش لاقيين حته والا حاجة يلعبوا بيها !!

الخلاصة يارب نصحى و نتغير و يارب تتطلع مؤامرة مش شعب غافل نايم ...

وشكرا

[م الغزالى]

شفتوا البنات الامارات اللي زي الشربات اللي كانوا ماليين الاستاد في مباراة الكأس مع ساحل العاج ..وشفتوا الست سوزان وهيه بترفرف بالعلم المصري وشفتوا علاء وجمال وسمعتوا كلام اللاعبين عنهم وعن انهم لم يتركوهم لحظة واحدة..يا جماعة نظرية المؤامرة بتخليني شامم رائحة خطة مقصودة ومدبرة فإحساسي ان جمهور البنات ده كلهم من جماعة حورس بتاعة الجامعات والحزب الوطني وان الجمهور ده معظمه من الامن أو الحزب أو بتوع السلطة والا كيف يأمن جمال وعلاء في ظل وجودهما هكذا بدون حراسة..والدليل موضوع نفاد التذاكر الغريب ..يا جماعة التذاكر وزعت على بتوع حورس ..ومبارك ضرب أكثر من عصفور بحجر وأكيد الشركة الأمريكية التي تعاقد معها قبل انتخابات الرئاسة علشان تكجوله وتعمله نيو لوك همه اللي نصحوه يركب موجة الكرة وكأس إفريقيا هوه وعائلته وهذا ما حدث..وحسبي الله ونعم الوكيل.

<{POST_SNAPBACK}>

---------------------------------------------

إذا هذا هو التغيير و الفكر الجديد يامرحبا يامرحبا

أخر الكلام .....

أه يابلد

[Abofady]

الله يكرمكم نورتونى , دانا كنت مفكر البنات الحلوه دى , هى زوجات واولاد المدربين الاجانب بتوع الفرق الاخرى اللى طلعت . لان احنا معدناش عيال زى دى , عندنا مثلا ام احمد ,وعيوشة,وست البنات ,وست ابوها . الان فقط عرفت لماذا لم تظهر عيوشة فى الاستاد , كانت ياولداه قاعدة على رصيف ميناء سفاجة تنتظر جثة ابو العيال . اما النسوان المخططه اللى بيقولوا عليهم امارات فكانوا فى الاستاد مع الصفوة . لك الله يامصر

هى كلمة .................. اللى اختشوا ماتوا

[مصري المصري]

ظهور هؤلاء البنات في المدرجات وخاصة في المقاعد الأمامية .. ليظهروا للكاميرا بشكل واضح .. هو أمر دبر بليل ..!!!

وأميل إلى أن كل من حول الننوس وأخوه هم من مباحث أمن الدولة .. وعشان كده ظهرت أزمة التذاكر ....!!!

.

.

.

أظن كفاية كده استنتاجات عبقرية مني .. وأترك الميكروفون للزميل زهيري .. فليتفضل ...