مبروك كأس الأمم الأفريقيا

[KANE]

مبروك الكاس

برغم المستوى السيئ

وبرغم البنلتي المجامله اللي ماجبناهوش علشان عدالة السماء

[هادي]

مبروك للناس الغلبانه انها وجدت سبب عشان تفرح وتنبسط

مبروك لكل لعيب راح يهبد له 100 الف لحلول بالراحه

ويارب يفتكر الغلابة بجزء بسيط منهم

ويارب اشوف يوم يتجمع فيه فنانين مصر ولعيبه الكورة

ويعملوا مهرجان كبير

يلم له كام مليون

ويعملوا مؤسسات ضخمة لها فروع ف كل مصر ، عشان تحل مشكلة اطفال الشوارع

المنتخب مستواه لا يسر عدو ولا حبيب

نفس مدرسة العك الكروي

مفيش خطة

مفيش لعيبه

مفيش اي نيله منيله بستين نيله

حصلنا على كأس لا نستأهله

و لكنها إرادة الله الذي لا راد لقضاءه

مبروك للجميع

[Reham]

مباااااارك برده

وياريتنا فالحين في حاجة عدله

[سيزيف]

والله العظيم يا جماعه حرام عليكم

انتو مستكترين على نفسكوا الفرحه ؟!!

منتخب مصر - فى هذه المباراه بالذات لعب افضل مبارياته

و استحق الفوز على كوت ديفوار و هى ليست بالفريق السهل

و بينما نحن امام شاشات الكومبيوتر الاف الشباب المصرى و القلوب العطشى الى الفرحه تجوب الشوارع فى فرحه جماعيه حقيقيه من القلب

[nashwa]

:P مبروك يامصر :D

[مصري المصري]

برضه الفرحة مطلوبة يا جماعة الخير ... :P :D

مبروك لمصر ..

حضررررررررررررى .. حضرررررررررررى ... أوووو ... أووووو .... :D :D :D

تم تعديل 10 فبراير 2006 بواسطة مصري المصري

[مصرية الهوى]

مبرووك لكل المصريين كأس الامم الأفريقية ..

وتساهلوه ..

:D

بس فيه حاجه كده جوايا لازم أقولها .. استحملوني بقى :P

يعني مش كان المفروض إنهم يأجلوا الماتش عشان خاطر الناس اللي لسا جثث اهاليهم في البحر ..

عشان الناس تحس انه فيه حد واقف معاهم .. مش بيتألموا لوحدهم :D

دي الكارثة مافاتش عليها اسبوع لسا ..

يعني ازاي هيكون احساس اللي ماتوا اهله في عرض البحر بسبب الاهمال ..

وهو بيشوف الناس دلوقتي فرحانة ومبسوطة .. عشان خدوا الكأس ..

ده هيخليه يموت الف مرة ويتعذب اكثر من فقده لأهله وحبايبه ..

معلهش والله انا مش عايزه انكد عليكم ..

ومش مستكتره عليكم الفرحة ولا حاجة ..

بس ياريت نحس بالمساكين الغلابة ..

وياريت الفرحة مجتش في قلب المأساة ..

عشان تكون فرحة كاملة ..

مش فرحة نحس بالذنب واحنا بنفرحها ..

[dr khaled]

اقدر اقول مبروك لما:

نحل مشكله البطاله ---------------------والاف الشباب يلاقوا عمل

نحل مشكله الاسكان---------------------والف الشبان يعرفوا يتجوزوا

نحل مشكله الطرق و المواصلالت------------------و ننقد الاف الارواح

نحل مشكله التعليم----------------------و يبقي عندنا شعب فاهم و متعلم

نحل-----------نحل------------نحل-------------

يا تري في امل نقول مبروك قريبا----------

لا اظن

[الطائر المحب]

والله حرام عليكم ,, ليه كدا

دا منتخب مصر لعب احسن ماتش ليه في البطولة

ياجماعه دا تكتيك عالي قوي ,,

منتخب مصر بيلعب كورة حلوة ,,,,,,

حرام عليكم

ابطال افريقيا

ومستكترين الفرحه

وبعدين تأجيل ايه ؟؟؟ دي بطولة واتحاد افريقي واتحاد دولي

مش بطولة في مركز شباب كفر خضر

دي بطولة عالميه ,, يعني لو الريس نفسه انتقل الى رحمة الله ,, ماتتاجل

الف مبروووووووك لمصر وافرحو بقى

انتو ايه ,, غاويين نكد

[مصرى]

إسمها " لعبة " كرة القدم

ونحن حققنا الفوز فى لعبة

يعنى لعبنا وتمتعنا وانبسطنا .. لكن لا أرتاح لتسييس الموضوع وتحويله الى مشروع قومى وانجاز حكومى .. وسيطرة الهيبز على الشارع والإعلام

[se_ Elsyed]

يعني إحنا كده بقينا شعب يموت في النكد ...

ألف مبروك لمصر ولمنتخب مصر ...

وفرحة الملايين جوه مصر وبرا تساوي كثير قوي قوي ...

بالنسبة لسؤال جيجي عن تأجل المباريات .. فده مُستحيل طبعاً .. لإن البطولة بتضم عشرات المحترفين في أندية أوروبا واللي مرتبطين بمواعيد واللي حياتهم كلها مُنظمة ومحسوبة بالدقيقة .

أما بقى محاولة إفساد الفرحة وربطها بالبطالة وأزمة فراخ الجمعية ... فده ليس مجاله ولا مكانه ... وصلوا عالنبي .

[mo_gho]

انا مبسووووووووووووووووووووووووووووووووووط

معلش بقى لامؤاخذة بالعند في اي حد انا مبسوووووووووووووط وفرحاااان وسعيد

يا جماعة ارجوكوا افرحوا وهيصوا واتبسطوا ماحدش عارف هانفرح تاني امتى.

فعلا يا سي السيد الفرحة للي برة مصر بتبقى حاجة تانية .

مايعكرهاش غير انك مش عارف تهيص وتزقطط وتوقف العربيات في جامعة الدول mfb:

بس الحمد لله على كل حال.

[sentmentality]

بصراحة هو فعلا لو كانت الفرحة جت في وقت تاني كانت هتبقى افضل

بس الفرحة مش هتنفع نأجلها

الف مبروووك و اقولكم حاجة نفرح الاول و بعدين نشوف مستوى المنتخب

وللا ايه رايكم

[مسافر زاده الخيال]

السلام عليكم و رحمة الله وبركاته اما

الف الف مبروك لمنتخب مصر صاحب الروح الاسطوريه وخسارة انه ما تأهل لكاس العالم وتنظيم 2010

لكن مش عارف ليه بعضكم بيقلل من حجم الانجاز ؟؟؟ منتخبكم فاز عاى منتخبات محترفه واجسام صخريه

وخسارة اني معرفتش ان البطولة منقوله مجانا على tv5 الا متأخر من دور الاربعه

ومبروك لمصر

[moody00x]

الحمد لله من هنا لسنتين جايين......

الواحد مش عارف يقول ايه ...بس أحمد حسن أحسن لاعب فى الدورة لخص كل الكلام

لما قال....قد لانكون أفضل فريق ...لكننا أفضل شعب عريق...

والله العظيم البطولة دى دليل على إن ربنا سبحانه وتعالى إذا آراد شيئأ فلا راد لقضائه

أول مرة فى تاريخ كرة القدم فريق يلعب بدون خط دفاع وتقريبأ بدون خط هجوم وربنا

يكرمه ويكسب فى النهاية

[hamdy_hamed_3]

مبروك الكاس يارجالة :D وسبكم من الكلام الكتير ;) معلش انتم لعبتم بخطة شدى حيلك يابلد ;) بس مايضرش مادام الكاس عندنا :D عقبال كاس العلم 2010 :D ويارب نتاهل :P .وكل عام ونحن منتصرين ;)

hamdy_hamed_3@hotmail.com

تم تعديل 12 فبراير 2006 بواسطة hamdy_hamed_3