انا عندي مشكلة كبيرة

[ريهام]

:) انا مش عارفه ابدأ كلامى ازاى بس انا بجد بعانى من مشكلة كبيرة جدا

انا مش عارفه اعمل ايه فى ناس كتيييييييرجدا بيحبونى وانا بحبهم لكن بحس انى فاقدة القدرة على التواصل معاهم مبقدرش احكى لهم اى حاجه جوايا اوقات كتير بيبقى نفسي اتكلم مع حد واشكيله من همى وا من اى حاجه تعبانى لكن حتى مع اقرب الناس لية بلاقى نفسي مش عارفه اتكلم فى الاغلب بسكت مبتكلمش عن نفسي ممكن اتكلم عن اى حاجه غير الى انا محتاجه اتكلم عنها مع ان فى ناس كتير جدا جدا بيتكلموا معايا انا بالذات عشان بيثقوا في وفى راي ولانى بسمع لكل الناس باهتمام كبير وعمرى والله العظيم ماخذلت حد او مهتمتش بحد محتاجلى لكن دايما لما اى حد بيتكلم معايا عن مشكلته وانا بسمعه بقعد اقول لنفسي انا ليه مبلاقيش حد يسمعنى زى ماانا بسمع الناس دي ...

يمكن حد يتصور انى محاولتش اتكلم لكن انا حاولت انى اتكلم عن الى جوايا لكن بحس ان الى حواليا مش مدينى نفس الاهتمام الى انا بديه فبسكت انا فعلا تعبت اوقات كتير بقعد اعيط لوحدى واتمنى لو حد يحس بيه نفسي الاقى ولو انسان واحد يهتم بيه بجد انا مفتقدة الشعور دا جدا مع انى بقدمه لناس كتير مش عارفه اعمل ايه؟؟الاحساس دا خلانى ابقى متعودة انى ابقى لوحدي وانى افرح او احزن لوحدي لانى فعلا مش لاقية الى يحسسنى بالاهتمام دا المشكلة انى بقيت فاقدة الثقه فى نفسي لدرجة انى بقيت اسكت دايما فى اي مكان فى ناس بسمع بس اتكلم مع الشخص عنه هو وبس بيحب ايه وبيكره ايه يعمل ايه فى المشكله الفلانيه وووووووووووووو فى الاخر بكتشف انى جوايا كمية هموم محدش حاسس بيا غيري انا تعبت بجد فكرت مؤخرا انى اروح لدكتور نفسانى يمكن يكون عندي مشكلة وانا مش عارفه ......انا طولت عليكم بس اهى فرصه اتكلم عن حاجه انا حاسة بيها B)

[se_ Elsyed]

الحل يكمُن في كلمة سحرية وهبها الله لنا وإسمها " الصداقة "

فالصداقة التي لا تقوم على مصالح شخصية أو وقتية هي كنز من كنوز الدُنيا .. والميزة الأساسية فيه هي إن الصداقة لا تُفرض علينا ولكنها تكون بإختيارنا .

أذاً عليكي البحث عن هذا الكنز وستجديه بل بالعكس ده ممكن يكون أمام عينك وأنتي غافلة عنه ... يعني صديقة معاكي في الدراسة أو جارة لكي أو قريبتك ومن خلال معاملتك معها ممكن أن تحكمي هل هي صديقة مخلصة ووفيه وتستطيع أن تسمعك وتخفف عنكي أم أنها تستغلك وتنظر لكي على إنك وعاء أسرار للإستقبال فقط مثلما نرى كثيراً ممن نعتبرهم أصدقاء ؟

[مهيب]

..

تم تعديل 18 فبراير 2006 بواسطة مهيب

[ريهام]

انا عارفه ان الصداقة هى الحل لكن صعب انى افرض نفسي على حد والاصعب انى احس ان الى قدامي مش مدينى الاهتمام الكافي عشان استمر فى حديثى انا حاسة انى انا بعانى من مشكله يعنى العيب جوايا انا لانى انا الى مش قادرة اتكلم فى حاجه بتمنعنى دايما بحاول كتير لكن بفشل يمكن انا بخجل انى اتكلم عن نفسي ويمكن اتعودت اكون انطوائية وبالتالى محدش بيهتم بانه يسالنى لانى مبعرفش ارد انا المشكلة دى ليها ابعاد كتير جوايا انا فشلت فى التواصل مع العالم الخارجى بكل اشكاله سواء فى الدراسة او فى العمل او حتى مع اي حد بيحاول يرتبط بية ودا لانى فى الاغلب بسمع وبرد على الى يخص الطرف الى قدامى وبس دا انا حتى لما بزعل من حد لو ربنا كرمنى وقلتله انى زعلانه مبقدرش اعاتبه باالاسلوب الى ممكن يريحنى وتلاقينى بقى بدات اهون الموقف رغم انه كبير جدا جوايا انا بجد تعبت ومش عارفه اتصرف :)

[الاسكندرنى]

السلام عليكم

انسه ريهام

اسمحي لى ان اتقرب منك لبعض الشئ اخوكى مر تقريبا بنفس الظروف التى قولتيها حلها بسيط جدا انشاء الله

اولا اريد ان اعرف بعض التفصيل

سنك

نوع تعليمك

الحاله الاسريه (الاب موجود الام موجودة )

هل عملتى فى اى مكان سابقا

اظن ديه اسئله عاديه جدا انتظر منك اجابتها

اختى الحاله التى انت عليها الان ليست بعيب فيكى لا انماهى من تاثير بعض المواقف الخارجيه عليكى يعنى

ممكن تكونى شفتى موقف انت مش فيه اساسا بس الموقف حصل امامك و كونتى عنه فكره و الفكرة ديه هة المتحكمه فيكى الان

[ريهام]

:) انا مش عارفه يااسكندرانى انت قصدك ايه بالظبط على كل حال انا عندي 20 سنة فى سنة تالته كلية اداب قسم اعلام والدي ووالدتى ربنا يخليهم ليه لسه عايشين انا عايشة فى جو اسري عادي جدا زي كل الاسر العادية ...لكن فى حاجه احب اوضحها وهى ان المشكلة دي عندي من زمان جدا لكن بدات تزيد لما كبرت ودا يمكن لانى مشاكلى كبرت وبقيت بحتج على صمتى ....مش عارفه على كل حال اتمنى انى الاقى حل اقدر اخرج بيه من حالتى دي

[سيزيف]

الاخت العزيزه ريهام

اولا مرحبا بك فى المحاورات

ثانيا - حضرتك كده هتعملى لنا شويه لخبطه لان فيه ريهام تانيه " و بينى و بينك اتنين ريهام فى اراس يوجعوا " :)

بس عموما ممكن نفرق بينكم لان ريهام التانيه ممكن نسميها ذات القبعه الحمراء و نسمى حضرتك ريهام النجمه B)

-----

بصراحه يا ريهام

بعد الكلام اللى قاله صديقاى العزيزين سى السيد و مهيب مفيش كتير ممكن يتقال

كل اللى اقدر اضيفه

اوعى ف يوم تفقدى ايمانك بالبشر

اكيد ف يوم هتلاقى واحد او اكتر هيفهموكى و يقدروا الصفات الجميله اللى فيكى

و اكيد انك مش لوحدك

و على فكره كتير مننا بيحس ف كتير من الاوقات بنفس مشاعرك

و عموما لما الدنيا بتضيق بيكى خالص

تعالى هنا - فى المحاورات - هتلاقينا كلنا

جنبك و معاكى

على فكره انا مش قديم فى المنتدى

يا دوب من شهر تقريبا

بس بجد انا بحس انى بتكلم مع ناس بحبهم و بعرفهم من زمان

[سقراط المصري]

ريهام ازاي عازه تروحي لدكتور نفساني وسقراط موجود هعملك حجاب يحفظك من العين

المهم وبجد انت مش مريضه نفسيه ولاحاجه

وهذا على مسئوليتي انا سقراط

ولكن الداخل

inputs

عندك كميته اكثر من الخارج

outputs

وطبعا للسلامه النفسيه الامر يتطلب الاعتدال وامامك حلين

الاول تقللي الداخل بمعنى تستمعي الى الاخرين بشروطك انت وليس بشروطهم اي عاوزه تسمعي مشاكلهم اوكيه مش عاوزه يبقى سلام عليكم

والحل الاخر انك تفضفضي مع من تثقي فيه من الاصدقاء او تفضفضي هنا في المحاورات ثم بعد ذلك تقرئي ماكتبتيه هتحسي براحه

تحياتي

سقراط عالم احجبه وبخور

[Alshiekh]

شوفى ياأنسة ريهام

الفضفضة لو كانت فى أمور شخصية ، فأفضل الناس اللى ممكن تفضفضى معاهم هم ماما وبابا أو أختك لو كان لك أخت ، ولا أنصح البنات بالذات بأنهم يفضفضوا بأمورهم الشخصية مع صديقاتهن ، بمعنى أن الأمور التى تخصك شخصيا فالمكان الأفضل لإيداعها هو صدر ماما أو أختك أو بابا، أما الأمور الحياتية التى نتكلم فيها عن العمل او الكلية أو المواصلات أو أى من تلك الأمور فأعتقد أن مجال مناقشتها ينقسم بين الاصدقاء وزملاء العمل والأهل.

يمكن الشبان مابيشعروش بالكلام اللى انتى بتقوليه زى مابتشعر به البنات لأن الشبان خصوصياتهم قليلة وغالبا لن تؤثر على حياتهم المستقبلية.

[مازن الدسوقى]

الاخت ريهام

للعلم الناس كلها بقت مشغوله بتلاهى الدنيا واصبح الكلام الى له معنى مبقلوش معنى والكلام الى ملوش معنى بقت الناس بتشغل نفسها بيه . المهم مبقاش فى حد عايز يسمع مشاكل حد او اوجاع حد . الناس عايزه تنسى الى فكراه عشان مبقاش ليه معنى .

الاخت العزيزه

لولا ربنا انعم علينا بطبق الفول والطعميه الى بينسونا اسمنا كان زمانا مقطعين بعض ومش عارفين نعيش ازاى .

كلنا بنرقص على السلم محدش شايفنا ولا حد سامعنا !

انصحك بالورقه والقلم فهم اعز وائمن الاصدقاء . اغسلى الى جواك على السطور البيضاء .

على فكره احجزى لى معاك عند دكتور نفسى ...

[مصرية الهوى]

مشكلتك يا ريهام يا حبيبتي مشكلة ثقة بالنفس ..

صدقيني أنتي حواليكي كتير مستعدين يسمعوكي زي مبتسمعيهم ويهتموا بيكي زي ما تهتمي بيهم .. بس انتي اللي بتقللي من قيمة نفسي .. في الأول حطيتي في بالك ان اللي حواليكي مش عايزين يسمعوكي .. بس ده بيتهيالك .. بدأتي تخجلي انك تكلميهم عن نفسك .. مع الأيام الفكرة دي اترسخت جواكي .. ومحاولتيش انك تعلاجيها من زمان فكبرت معاكي ..

انا مقولكيش افرضي نفسك على الاخرين .. واتكلمي عن نفسك على طول .. لأ ..

زي ما قال سقراط حاولي توازني بين input و output ..

وهتكتشفي انه فيه حواليكي ناس .. هيفرحوا اوي وهما بيساعدوكي .. زي ما تفرحي وانتي تساعديهم ..

وبرضه حاولي تفضفضي عن اللي جواكي مع ماما زي ما الاستاذ محمد قال .. احنا عندنا اغلى صديقة في البيت .. بس للأسف دايما بنغفل ونروح نتكلم مع ناس برا البيت اكتر من ماما ..

انا اغلى اصدقائي اولاد خالاتي .. كلنا سوا .. كل واحد بيحكي للثاني عن اللي جواه .. وكلنا بنعرف عن بعض كل حاجه .. يعني حياتنا وظروفنا مفتوحة لبعض .. بحكم القرابة .. فعشان كده بنفهم على بعض على طول ..

فانتي حاولي تدوري على قريباتك اللي بتحسي انهم منك وفيكي .. اللي تقدري تفضفضي لهم وانتي مرتاحة ومتطمنة .. وصدقيني يا حبيبتي هتلاقي ..

انتي بس حطي في بالك ان حولك كتير بيحبوكي .. وانك تقدري تتكلمي وهما هيسمعوكي ..

طيب ايه رأيك نتصاحب وانا هعلمك اساليب الرغي على أصول .. :D :blush: :wub:

[ريهام]

:D مرسي قوي ياجيجي على الكلام الجميل دا على فكرة انا مشكلتى فعلا مش فى الناس الى حوالية قد ماهى موجودة جوايا انا انت كان معاك حق انا فعلا الى بنيت المشكلة دي جوايا وكبرتها لحد مابقت حاجز كبير لكن انا اوقات بحس انى محتاجه اهتمام اكبر من الناس بمعنى اني انا لما بهتم بحد بهتم بيه بدرجه عالية جدا جدا وكان مشكلته هى مشكلته رغم انى ممكن اكون بعانى اكتر منه لكن لما انا بحكي مشكلتي مهما كانت كبيرة بحس ان الى قدامي مش مدينى نفس الاهتمام يعنى الواحد دايما بيحب ياخد قد مابيدي مفيش حد بيمنح على طول بدون ماياخد فهمانى ؟؟؟انا بقيت مع الوقت عندي احباط من الناس لانهم مش بيهتمو بيه بنفس الدرجه الى انا بهتم بيها...... :blush: فهمتينى ؟؟؟ وعلى فكرة انا بحكى لماما حجات كتير بس اوقات ببقى محتاجه لحد من سنى وكمان اختى بحكيلها بس انا حاليا بقيت مع نفسي شويه من كتر ماانا محبطه ... :wub:

تعرفي ياجيجي انت بتفكرينى بواحدة صاحبتى عزيزة عليه جدا من الامارات وكانت مصرية الهوى زيك كدة ودايما لما بقراء حواراتك بفتكرها كتير عشان كدة انا بعتبرك صديقتى فعلا..... ;)

[Reham]

الاخت العزيزه ريهام......علي اسمي :blush:

واضح قوي انك من النوع الحساس جدا في تعاملك مع غيرك حتي مع صديقاتك

وواضح ايضا ان معطيات الصداقه عندك بالغة

انا كنت كده زيك بالضبط وبالاخص انني لم أجد سوي صديقاتي لأحكي لهن مايدور في خلدي وأقص عليهن ماحدث لي ....مع ان والدتي ربنا يديها الصحه موجوده مش عارفة ليه لم اكن أحكي لها عن أسراري الخاصة وهي أيضا لم تحاول ان تتقرب مني في ذلك الوقت يمكن عشان كده :D

علشان كده انا بحاول من دلوقتي مع بنتي الصغيرة انني اتقرب منها واكون صديقتها تحكي لي عن أدق أدق اسرار حياتها بدل ماتروح تحكي لصديقاتها اللي من غير خبره

فأنا سوف أعطيها الصداقه والحنان والرأي الصائب في نفس الوقت

انصحك أن تزيدي ارتباطك بوالدتك وأن تشعري نفسك بأنه كما تسمعين للآخرين فهم أيضا يستمعون لك وأن لا تقللي من أهمية نفسك وتخللي عندك ثقة بنفسك انك موضع أهتمام بالنسبة للآخرين أيضا......

وعموما انا بالرغم من كثرة صديقاتي ألا انني أشعر براحة عند دخول هذا المنتدي بالذات

زي مايكون عارفاهم كلهم من قبل كده وتعايشي كده مع اللي حواليكي ومعانا كمان وأي مشكله مضايقاكي ياريت تفضفضي بيها هنا هتلاقي ميت من يدلك علي الطريق من غير تضليل وده لان كل اللي هنا بينهم حب في الله ليس الا ...وهتلاقي حد يضحكك ويطلعك من همومك وحد يعقدك باللي بيحصل في بلدنا وكده يعني هتلاقي من كل فيلم أغنيه زي مابيقولوا

انا اسفه للاطاله واسفه انني مش رديت عليكي في موضوعك التاني بتاع نبدأ من جديد لاني لم أشاهد البرنامج اللي قصدتيه

اسفه مره اخري للاطاله وارجو ان تقبليني أخت كبيره( مش كبيره قوي يعني (اكبر منك بكام سنه يعني مش كتير حوالي...........................................................................

.................................................................................

.................................................................................

.................................................................................

.................................................................................

.................................................................................

.................................................................................

....سنة ضوئيه

اختك الصغننه ريهام

[nancy]

يا حبيبى انت صغيرة جدا على %C

[nancy]

يا حبيبى انت صغيرة جدا على الشعور بالوحدة دة وبتهايئلى انك صعب فى سنك دة يكون عندك مشاكل كبيييييييييييييرة لسة الدنيا قدامك واجمدى لسة المشاكل الى بجد جية وفرم الدنيا جاى وهمها جاى دلوقت استمتعى وحبى كل الى حواليكى ربى جواكى مقاومة الاحزان ولما تتعبى اوى اكتبى كل الى جواكى لينا كلنا لو كان عادى ولنفسك لو كان صعب تبوحى بية واقرية مرة واتنين وعشرة لحد ما تصغر مشكلتك ادام عنيكى وتوصليى لحل واكيد حتلاقية كل ما تخرجى من مشكلتك وتقريها انها لغيرك حتلاقى الحل

جربى

[مصرية الهوى]

فاهماكي يا حبيبتي يا ريهام ..

بس فيه نقطة لازم تاخدي بالك منها .. إن للعطاء حدود ..

ساعات الواحد لما يكون بيحب حد بيعطيه حب واهتمام بدرجة كبيرة وعالية .. ويكون عطائه من غير حدود .. بعدين لما هو بيبقى محتاج اهتمام من الشخص اللي بيحيه .. ميلاقيش اهتمام بالدرجة اللي هو كان بيديها للشخص ده ..

كويس انك تحبي الناس وتسمعي لهم وتحاولي تساعديهم .. بس ده ميكونش على حساب نفسك .. يعني اقولك لو واحدا من صاحباتك وقعت في مشكلة .. ساعدتيها ووقفتي جنبها للآخر .. لحد ما اجتازت المشكلة بسلام ... بعد فترة وقعتي انتي في مشكلة .. لقيتي صاحبتك أقصى حاجه عملتها معاكي مكالمة تليفونية فاترة .. وخلاص .. وبقيتي انتي لوحدك بتعاني .. بتعاني من قلة اهتمامها اكتر من مشكلتك .. صاحبتك متدكيش الاهتمام اللي انتي اديتهولها .. في الحالة دي انتي لازم تراجعي درجة اهتمامك بيها .. تهتمي بيها زي ما تهتم بيك ... مش معقول انك تديها كل حاجه .. وهي متدكيش ولا حاجه .. عشان برضه انتي متتعبيش ..

وبرضه لما تقعدي مع صاحبتك وتبدا تحكي لك عن نفسها ومشاكلها وتشاركك فيها .. انتي برضه حاولي تشاركيها في مشاكلك .. عشان متتعودش انها تاخد ومتديش ..

بس برضه حاولي قدر الامكان .. ان خصوصياتك الخاصة جدا .. متحكيهاش الا لأقرب الناس ليكي ..

يا ستي يشرفني اني اكون صديقتك :D .. واني افكرك بصديقتك التانية مصرية الهوى :blush: