حوار مع مغترب مصري في زيارة سريعة لمصر

[herohero]

هو حضراتكم بتتكلموا بجد ؟؟؟

ع فكرة سؤالي مش من باب التهكم ولاشئ ، اصل لما يبقى الاسلوب ده متبع من زمااااااااان وحصلت كوارث وبرده نفس الاسلوب مستمر يبقى ايه لازمتها ؟؟

ياسادة هو التفجير اللي حصل جنب مديرية الامن افتكر بتاعت الدقهلية ، واللي حصل لموكب وزير الداخلية واللي حصل مش عارف فين والكاميرات مكنتش شغالة  وكارثة الكوارث ما يحدث في كمائن الجيش!!!!

بعد كل ده حضراتكم بتسالوا وبتقترحوا ؟؟ راجعوا الكلام اللي اتقال قبل كدة هتلاقوا نفس الكلام والمقترحات ومحدش بيسمع ونفس الكوارث بتكرر

 

ياريت يبقى فيه تغيير ، عاوزين الارهابيين يطوروا من نفسهم وياريت الامن يساعدهم ياجماعة العملية بقت مملة جدااا

 

[herohero]

On 4/10/2017 at 2:07 AM, suma said:

مساء الخيرات على الجميع.

   حظي أنني لم أسمع بالكارثة التي حدثت بمصرنا إلا بعد ساعات طويلة ..بسبب استيقاظي المتأخر دوما فأنا لا أنام إلا بعد صلاة الفجر....وعليه لم استطع تصورها ومرت مدة ليست بالقصيرة حتي جمعت كل ما قيل من النت والأخبار ومن هنا وهنا ولم أنطق بكلمة حتى بعدما رأيت في صفحتي صور المغدورين ..لعلهم شهداء عند ربي...

 

 ونفس الحوارات والأصوات الغاضبة وكم من التهم التي تكال للأمن والداخلية وظهر ألف خبير أمني وخبير عسكري ،منهم من يذكر مناطق ضعف في المنظومة الأمنية ..ومنهم من يتهم الرئاسة كلها بالتقصير؛ أي والله زي ما أقول لكم ..

 ولأني تعودت على المشهد هذا لم أغضب وأيضا استعجب فذا حال المصريين دوما. ثورة وثورة ثم هدوء ونسيان ،حتى يأتيهم حدث جديد ليعاد السيناريو من جديد.

ولكن هنا اتساءل هل القوانين التي بين أيدينا تكفي ؟ هل الرقي الذي تتعامل به الحكومة والريس خاصة مع الجميع يصلح في هذا الوقت وتلك الظروف؟؟ أنا لا أعتقد ٱنها تأتينا بنتيجة عكسية مائة في المائة..والدليل انك تستمع لفسل من البشر يصيح قائلا: حكومة فاشلة أمن فاشل..دولة فاشلة..طيب أنت كفرد ما دلائل نجاحك؟!!! 

لقد اتضحت الرؤى وعلمنا من أين تأتينا الطعنات وتأكدنا من المؤامرة على المحروسة فعلام نبقي على  ود  أو جيرة أو أي شيء من هذا القبيل؟! حماس عدو ولا خلاف..فتح المعبر جريمة في حق المصريين بلاشك....بقاء رموز الإرهاب في السجون وتسمينهم ماهو إلا تزكية للنيران والإرهاب..بقاء القوانين على ماهي عليه الآن كأنها عودة للعصر الحجري بالتمام فماذا نحن فاعلون؟!!

 

               بجد أنا تعبت لم تعد عندي طاقة لكتابة كلمة عزاء ولا ترحم على مغدور وكإن كل ما بي يختنق .

هذا الإحساس اليائس جاءني من آيام بعدما رأيت إعلامينا يصرون على جذب الإنتباه والمعلن  بنوعية المواضيع التي يناقشونها والضيوف الذين يأتون بهم. ؛ أكم من مرة يأتينا سلفي او ما شابه ويناقش..حرمة يوم الميلاد...يوم الام ...يوم شم النسيم ..أنتم تعرفون آرائهم فلم تناقشوهم إلا إذا كان لتأجيج الغضب.  ؟!!

 

            كفاية بقى قلبي واجعني وأشعر بالعجز عن الكتابة  والتفكير  ولا حتى الحلم بغد آمن.

 

 

                  سومه

 

 

معلش الدولة بتتعامل برقي مع المواطن ؟؟؟

بصراحه جملة اتمنى تنتشر ونشوف راي المواطن المصري عن الرقي اللي بيتعامل به

 

هههههه ده من اول مابنزل المطار بحس برقي جدااااااا مادام معايا الباسبور المصري 

ع العكس طبعا في حالة اي جواز سفر اخر

اموت في الرقي الحكومي والرئاسي

احب اعرف حضرتك ان اللي بيحصل ده مش رقي حكومي ولا رئاسي

ده محن وكهن وقلة حيلة 

[إبن مصر]

2 hours ago, herohero said:

معلش الدولة بتتعامل برقي مع المواطن ؟؟؟

بصراحه جملة اتمنى تنتشر ونشوف راي المواطن المصري عن الرقي اللي بيتعامل به

 

هههههه ده من اول مابنزل المطار بحس برقي جدااااااا مادام معايا الباسبور المصري 

ع العكس طبعا في حالة اي جواز سفر اخر

اموت في الرقي الحكومي والرئاسي

احب اعرف حضرتك ان اللي بيحصل ده مش رقي حكومي ولا رئاسي

ده محن وكهن وقلة حيلة 

عفوا .. ربما يحدث هذا معك ... ولكنه لا يحدث معى وكثير مثلى.. فارجو عدم التعميم واتعجب من شىء اخر...ماذا تعنى كلمه محن وكهن؟؟؟؟؟؟؟؟؟؟؟؟؟ اعذر جهلى ولكن لم اعتد هذه اللغه هنا.. ربما لانى غبت وقتا طويلا ولكنى بحق لا اعرف معناها

وهل هذا لا يعتبر مخالفا لقواعد الكتابه فى المنتدى؟

1. الإلتزام بتعاليم الأديان السماوية وذلك بعدم الكتابة أو التلميح بما يمس أو يسيء بصورة مباشرة أو غير مباشرة للديانات السماوية الثلاثة أو وصف الطوائف أو المذاهب أو الأفراد المختلفة بالكفر أو النفاق أو ما يسيء الي الكتب المقدسة و الأنبياء و الرسل .. والالتزام - عند مناقشة التاريخ أو التفاسير أو الفقه الدينى - باحترام وتوقير الأئمة من أهل البيت و الصحابة و أمهات المؤمنين والشخصيات الدينية الأخرى ، وعدم استخدام الألفاظ البذيئة أو الرديئة أو أساليب الاستهانة أو السخرية التي لا تقبلها الأخلاق الدينية والتى تتنافى مع التقاليد العامة ..

والمقصود هنا بالافاظ ليس فى المواضيع الدينيه فقط ولكن فى النقاش عموما والحوار .......

وشكرا لسعه صدرك

تم تعديل 14 أبريل 2017 بواسطة إبن مصر

[herohero]

On 4/14/2017 at 3:26 PM, إبن مصر said:

عفوا .. ربما يحدث هذا معك ... ولكنه لا يحدث معى وكثير مثلى.. فارجو عدم التعميم واتعجب من شىء اخر...ماذا تعنى كلمه محن وكهن؟؟؟؟؟؟؟؟؟؟؟؟؟ اعذر جهلى ولكن لم اعتد هذه اللغه هنا.. ربما لانى غبت وقتا طويلا ولكنى بحق لا اعرف معناها

وهل هذا لا يعتبر مخالفا لقواعد الكتابه فى المنتدى؟

1. الإلتزام بتعاليم الأديان السماوية وذلك بعدم الكتابة أو التلميح بما يمس أو يسيء بصورة مباشرة أو غير مباشرة للديانات السماوية الثلاثة أو وصف الطوائف أو المذاهب أو الأفراد المختلفة بالكفر أو النفاق أو ما يسيء الي الكتب المقدسة و الأنبياء و الرسل .. والالتزام - عند مناقشة التاريخ أو التفاسير أو الفقه الدينى - باحترام وتوقير الأئمة من أهل البيت و الصحابة و أمهات المؤمنين والشخصيات الدينية الأخرى ، وعدم استخدام الألفاظ البذيئة أو الرديئة أو أساليب الاستهانة أو السخرية التي لا تقبلها الأخلاق الدينية والتى تتنافى مع التقاليد العامة ..

والمقصود هنا بالافاظ ليس فى المواضيع الدينيه فقط ولكن فى النقاش عموما والحوار .......

وشكرا لسعه صدرك

استاذي عندما اتحدث عن تعامل الدولة مع المواطن برقي وحضرتك تعتبر ان اعتراضي هو من واقع شخصي

فاسمح لي حضرتك لم تستوعب ما اقصده ،هل انا قولت مثلا ان الحكومة ماشية بتضرقب الناس ف الشارع  

استاذي حضرتك وجهت ليا كلام مباشر وبتقول ربما يحدث معك ،ممكن افهم ماذا تقصد ؟؟ انا لا اتكلم ع المستوى الشخصي كلامي عام لان حضرتك وغيرك بتقولوا الدولة بتتعامل برقي مع المواطن وانا كلامي واضح فين هو الرقي ؟؟ هل المواطن لا يتعض لذل ف العلاج الطبي الحكومي هل لايتعرض لذل ومهانة في المواصلات واستغلال من كل جهة ؟؟ هل حضرتك لما بتدخل قسم الشرطة بتجد حرص ع حل مشكلتك هل التقاضي في مصر بيتم التعامل فيه برقي ؟؟ هل الاكل والشرب بيتم التعامل معاه برقي والمواطن يحصل ع طلباته بآدمية 

ده اللي كنت اقصده بالرقي ،عزيزي من يتم الاشتباه فيه يتم التنكيل به ،عزيزي الاعلامي اللي بيعترض او بيقول كلمة مخالفة بيتم التعامل معاه برقي ؟؟

اي رقي اللي بتتكلم عليه حضرتك وبتشخصن الامور ،هو انت عايش في مصر ولا حضرتك معاك جنسية اخرى وبتنزل مصر اجازات بجواز سفرك الاجنبي وبتمارس وطنيتك ع النت ؟؟؟ انا مغترب وبقول لحضرتك بكل اسف لا اجد رقيا ف تعامل الحكومة المصرية مع المواطن واتعجب ان حضرتك وكثيرين مصرين ع انكار ذلك مش عارف ده اسميه ايه

 

وبالنسبة لكلمة كهن ومحن فهي يعرفها الفلاحين المصريين وهي مش كلمة عيب ولا قليلة الادب 

لان ماتقوم به الحكومة اقل مايكون هو محن وكهن وسهوكة كمان !!! واكيد انت مصري وعارف معاني الكلمات ده اللي مش خادشة للحياء ولا بذيئة 

ممكن اعرف ماذا وجهت من اساءة لاي دين !!!ولا هو كلام وخلاص 

هو المطلوب ان امشي ف الزفة السنوية بل الموسمية مع كل حدث  ونقعد نقول نفس الكلام والبكاء والعويل 

وانا بقول لحضرتك هتكرر الحوداث وهتستمر نفس المعالجه الامنية الهبلة والمقصوده

وهنفضل في الاسطوانة المشروخه ده لان القصه مش جديدة 

 

 

[إبن مصر]

العريضة الطويلللللللللله إلى تفضلت بيها... لا علاقه ليها بكلامى..انت أطلقت كلامك عاما على موقف من المفروض انه حصل معاك ومن أجل هذا تعترض...ولكنك تقول لم يحدث يعنى نظام قالولي.. وحكولى....يبقى متعممش.....ثانيا انا مش مغترب وعايش فى مصر وبسافر وبرجع ولا يوجد لدى إلا جنسيه واحده وليس من حقك أن تدعى أن ما أقوله عن تعامل شخصى هو وهم ولم يحدث.... وكل ما تفضلت وذكرت فى عريضتك العصماء التى تصف فيها الذل والهوان الذى يلاقيه المصريين والدليل قالوله...لا يعدو إلا أن يكون رايك الشخصى قد يوافقك عليه البعض وايضا كثيرون يوافقوننى....فدع عنك التعميم....والصوت العالى والبونط الكبير ميفرقش معايا... أما اللغه فأنت واضح مقرتش أن الالفاظ ملهاش دعوه بالدين ولكن بالحوار...... وفى الاخر وجهات نظر كلامك كله لا يعدو إلا أن يكون وجهه نظرك طبقا لانتمائك الفكرى والسياسى والذى احترمه ولكنه لا يعطيك الحق فى التعميم...ولن تشرح لى قواعد الكتابه فبالمناسبه... أغلبها شاركت فى صياغتها بنفسى....وادعو الاداره أن تتدخل لشرح معنى استخدام الألفاظ اللائقه فى الحوار والتى أرى أنها غائبه عن العضو المحترم.

أما بخصوص الاسئله إلى وجهتها عن تعامل الناس والدوله فى المستشفى والقسم وكده يعنى.... غريب انك كمغترب عندك اجابتها وبرضه بطريقه قالوللى....اجاببتها انك تقول بيحصل معاك تيه...لأن إلى انا اعرفهم بيتعاملوا كويس...

أما بخصوص ممارسه الوطنيه على النت فتركتها لمن لا يستطيع أن يمارسها لانه...مغترب...وامارس وطنبتى عينى عينك فى بلدى وباسمى وفى كل مكان....تحياتى

تم تعديل 15 أبريل 2017 بواسطة إبن مصر

[herohero]

38 minutes ago, إبن مصر said:

العريضة الطويلللللللللله إلى تفضلت بيها... لا علاقه ليها بكلامى..انت أطلقت كلامك عاما على موقف من المفروض انه حصل معاك ومن أجل هذا تعترض...ولكنك تقول لم يحدث يعنى نظام قالولي.. وحكولى....يبقى متعممش.....ثانيا انا مش مغترب وعايش فى مصر وبسافر وبرجع ولا يوجد لدى إلا جنسيه واحده وليس من حقك أن تدعى أن ما أقوله عن تعامل شخصى هو وهم ولم يحدث.... وكل ما تفضلت وذكرت فى عريضتك العصماء التى تصف فيها الذل والهوان الذى يلاقيه المصريين والدليل قالوله...لا يعدو إلا أن يكون رايك الشخصى قد يوافقك عليه البعض وايضا كثيرون يوافقوننى....فدع عنك التعميم....والصوت العالى والبونط الكبير ميفرقش معايا... أما اللغه فأنت واضح مقرتش أن الالفاظ ملهاش دعوه بالدين ولكن بالحوار...... وفى الاخر وجهات نظر كلامك كله لا يعدو إلا أن يكون وجهه نظرك طبقا لانتمائك الفكرى والسياسى والذى احترمه ولكنه لا يعطيك الحق فى التعميم...ولن تشرح لى قواعد الكتابه فبالمناسبه... أغلبها شاركت فى صياغتها بنفسى....وادعو الاداره أن تتدخل لشرح معنى استخدام الألفاظ اللائقه فى الحوار والتى أرى أنها غائبه عن العضو المحترم.

أما بخصوص الاسئله إلى وجهتها عن تعامل الناس والدوله فى المستشفى والقسم وكده يعنى.... غريب انك كمغترب عندك اجابتها وبرضه بطريقه قالوللى....اجاببتها انك تقول بيحصل معاك تيه...لأن إلى انا اعرفهم بيتعاملوا كويس...

أما بخصوص ممارسه الوطنيه على النت فتركتها لمن لا يستطيع أن يمارسها لانه...مغترب...وامارس وطنبتى عينى عينك فى بلدى وباسمى وفى كل مكان....تحياتى

حضرتك  مصر ان تتبع نفس الاسلوب 

كلامي بسيط جدا ولا عريضة ولا غيره

انا علقت ع رقي الدولة في التعامل مع المواطن وانا مش شايف اي رقي في التعامل ،حضرتك مش مقتنع ومش عاجبك حقك جدا 

اما عن اسلوبي ف الكلام فمش عارف هي كلمة محن وكهن وسهوكة الحكومة كلمة خادشة للحياء !!! عموما ياريت السادة المشرفين يحذفوها مادام خدشت حياء الاخوة هنا ، والغريب ان كثير منهم منبهر بدراما محمد رمضان واللي فيها مافيها من كلمات عموما بكرر اعتذاري 

وياسيدي انا لم اعمم ولكن اقول ان الحكومة لاتتعامل برقي وطلبت من حضرتك صور لهذا الرقي وذكرت مجالات كثيرة ولكن لم اجد رد من حضرتك بدلل ع مواقف للحكومة تعاملت فيها برقي

وياسيدي وطنيتي انا ابسط صورة منها محققها ان وفرت لقمتي ومكاني ووظيفتي لغيري وكمان ببعت فلوس دولارات بتتحط في بنوك مصريه غيري نهب البلد وهربها وهو موظف فيها فالحمد لله المغترب لا يقل وطنية عن ماهو في الداخل والنماذج كثيرة

وكل حلمنا ان بلدنا تبقى كويسة لكن للاسف مازال الكثير من المصريين مصرين ع دفن الرؤوس في الرمال

بعتذر عن الاطالة ومازلت مصر ع ان تعامل النظام المصري فاشل مع العمليات الارهابية وارى انه يغض الطرف عن تصرفات كثيرة مما يستدعي محاولة للفهم والتقصي؟؟

رحمة الله ع كل مصري وكل انسان مات بدون ذنب 

ابناء سيناء - جنود مصر -مصريين ماتوا في رابعة- مصريين ماتوا في 25 يناير - مصريين ماتوا في ماسبيرو- مصريين ماتوا في كنائس مصر من اول القديسين الى ان يشاء الله 

 

والى ان نصل الى الجناة ويتم القصاص منهم ، العزاء مفتوح وغير مقبول اسلوب النظام الفاشل  المتخلف في ادارة الموقف

كفاية يا نظام كهن وسهوكة ومحن 

[إبن مصر]

انت ضربت أمثلة جاوبتك عليها بس واضح انك مخدش بالك...أما وطنيتك انت الى اثرت الموضوع بسخريه غير مقبوله لما وجهت كلامك لشخص المتواضع انى بمارس وطنيتى على النت....فحبيت بس اوضحلك مين الى بيمارسها من النت...

أما صور التعامل يرقى كتيره بس واضح انك مغترب بقالك كتير فمتعرفش أو مش عايز تعرف ايه الى اتغير...

أما بخصوص

ولادسينا

والجنود

ورابعه

وماسبيروا

والكنايس

فأنا كده فهمت..  

وان شاء الله ربنا يخيب ظن كل من يتمنى أن يسيل الدم ليثبت وجهه نظره

وفى النهايه....هو فى رقى فى القضاء اكتر من أن المجرمين إلى حرقوا البلد  وحرقوا الكنايس والاقسام ودبحوا الضباط فى كرداسة وخانوا مصر لسه بيتحاكموا لحد دلوقتى

[herohero]

28 minutes ago, إبن مصر said:

انت ضربت أمثلة جاوبتك عليها بس واضح انك مخدش بالك...أما وطنيتك انت الى اثرت الموضوع بسخريه غير مقبوله لما وجهت كلامك لشخص المتواضع انى بمارس وطنيتى على النت....فحبيت بس اوضحلك مين الى بيمارسها من النت...

أما صور التعامل يرقى كتيره بس واضح انك مغترب بقالك كتير فمتعرفش أو مش عايز تعرف ايه الى اتغير...

أما بخصوص

ولادسينا

والجنود

ورابعه

وماسبيروا

والكنايس

فأنا كده فهمت..  

وان شاء الله ربنا يخيب ظن كل من يتمنى أن يسيل الدم ليثبت وجهه نظره

وفى النهايه....هو فى رقى فى القضاء اكتر من أن المجرمين إلى حرقوا البلد  وحرقوا الكنايس والاقسام ودبحوا الضباط فى كرداسة وخانوا مصر لسه بيتحاكموا لحد دلوقتى

طبعا حضرتك يبدو عليك الريبة والتوجس لان ذكرت ابناء سيناء ورابعة ،حضرتك مطلوب ان اذكر فئات معينة من المصريين !!!! 

وهنا ده المشكلة وهنا ده حل ازمتنا ،النظام اللي حضرتك شايفه بيتعامل برقي معانا هو اللي جعل المصريين فئات ،وكل فرد يزعل لو اللي مات من طرفه فقط 

ومحدش قال ان عاوز اثبت وجهة نظري اتمنى ان افشل في اثباتها ونرتاح من العذاب الللي بيحصل كل فترة بسيطة الدم ده حراااااااام ،بس نقول ايه في ناس مستمتعه باللي بيحصل وانا ذكرت القديسين عشان اعرفك ان من قبل 25 يناير نفس اللعبة بتتلعب والفاعل مجهول 

بالنسبة لرقي القضاء ، حضرتك عارف ان ده مش رقي في القضاء ولا حاجه اللي بيحصل ده اسمه خيبة اسمه ضياع للحقوق 

وياريت تذكر النقيض زي ما القضاء  سايب اللي حرقوا الكنائس واللي قتلوا الضباط واللي عمل ماسبيرو واللي عمل الكشح واللي عمل القديسين وغيره وغيره 

القضاء الراقي جداااااااااا في تعامله مع المجرمين قبض ع ناس تظاهروا !!!!!! عشان قالوا ان الارض مصؤية !!!! شوفت رقي اكثر من كدة 

ياأخي ده احنا علينا رقي ( كفاية تعاملنا مع قضية تيران وصنافير ،ده احنا بنتحايل ع السعودية تيجي تاخدها 

[إبن مصر]

مش تركز معايا كده فى موضوع واحد وتكمله للاخر......إلى انت ذكرتهم متعرفش انهم يا اما اتعدموا يا بيتحاكموا والا محدش قالك!!!!! انا معنديش ريبه ومصر عندى مش متقسمه ابسلوتلى.....الرقى كان موضوع الكلام وبعدين اللغه وبعدين إثبات الرقى وبعدين وصلنا لتيران وصنافير...ولما نكلم انا هاريحك هانوصل. لتهجير أهل سينا والاقباط وبرضه... كلها سماعى...وده على فكره أسلوب جميل فى التلحين لكن الأصح هو التعليم. ...ان الواحد يتعلم يلحن بالنوته مش سماعى...سماعى.. إنما موضوع من اليمين وموضوع من الشمال... وكلمه من هنا.. وكلمه م هناك لا تكون قضيه... بل تكون جدال...وده ليه ناسه....

تانى... مشكلتنا كانت فى جلسات عرفيه لابد من إلغائها وتطبيق القانون على الكل.. بس.

كل ما اضفته وتكرمت بذكره محتاج انك تراجع التاريخ المعاصر شويه... واضح انك مش متابع حاجات كتير أو مش عايز تتابع........ وفى النهايه. .سوال للسيد المغترب.... هل تجرؤ انت على أن تتظاهر عندك لتقول أن القدس عربيه...مش أن تيران مصريه؟؟؟؟؟ إلى بتعمله وتوافق عليه فى غريبتك ويحترمه وعلى قلبك زى العسل...لاتنتقده فى....بلدك الراقى.

[أبو محمد]

ياترى يا هيرو ألاقى فين انتقادك لشرطة المملكة أو لشرطة الكويت .. لما حصل فيها حوادث إرهابية ؟

معلش أصل فى الحقيقة مش عارف انت فى السعودية والا لسه فى الكويت

  ونو ع الرز اللى فى الكبسة مش واضح .. مش واضح فيه غير الكركم 

[أبو محمد]

فى أوروبا وأمريكا واستراليا .. إسمه إرهاب

فى سوريا .. إسمه معارضة معتدلة

فى مصر .. إسمه تقصير أمنى

هذا ما تعلموه من "مجيدة العمشة"

[herohero]

45 minutes ago, أبو محمد said:

ياترى يا هيرو ألاقى فين انتقادك لشرطة المملكة أو لشرطة الكويت .. لما حصل فيها حوادث إرهابية ؟

معلش أصل فى الحقيقة مش عارف انت فى السعودية والا لسه فى الكويت

  ونو ع الرز اللى فى الكبسة مش واضح .. مش واضح فيه غير الكركم 

المملكة وتركيا وفرنسا وكل العالم فيه ارهاب وفي حوادث 

بس لما يكون بتكرر بنفس الاسلوب وفي فترات متقاربة هل ده مش محتاج اعادة حساب ؟؟

والدول الي بيحصل فيها كدة مش بتمنع دخول سيارات دفع رباعي بحجة ان الارهابيين بيستخدموها 

الدنيا مش بتقف عندهم والدولة كل شوية تقول اننا بنحارب الارهاب 

وياسيدي معلش هنزل بالجملة اياها مش احسن ما نبقى زي سوريا والعراق 

الحمد لله كله تمام ومحدش مقصر وكله زي الفل

 

بالنسبة للرز اسال اللي خده ، ولا اقول لك لماتتنقل ملكية تيران وصنافير 

[أبو محمد]

منذ ساعة, herohero said:

بالنسبة للرز اسال اللي خده ، ولا اقول لك لماتتنقل ملكية تيران وصنافير 

فى صحون الكبسة عند طوال العمر أسهل

"إغبج" من هنا وإلش عليهم من هنا .. عادى مش أعز من البلد اللى بتحمل جنسيتها

[أبو محمد]

برضه هربت من السؤال

تقدر تنتقد شرطة طوال العمر ؟

[أبو محمد]

أوفر عليك يا هيرو

إنت هناك متفكرش تفتح بقك بكلمة .. مش مسألة شجاعة أو عدم شجاعة

هى مسألة أكل "عيش" .. وانت عارف إن "الرز" فى الخليج إسمه "عيش"

يعنى تقدر تقول إنها مسألة "أكل رز"

وبعدين إنت يخصك إيه فى صنافير وتيران 

مصر  لوكاندة مش عاجباك .. الخدمة فيها مش على مستواك

ولو راحت الجزر للسعودية فهم فى الفندق الخمس نجوم اللى انت قاعد فيه

يعنى خير وبركة .. وزيادة الخير خيرين

تيك إت إيزى يا راجل .. وكل رز

 

[إبن مصر]

منور الدنيا يا حبيب قلبى يا بومحمد.....معلش يا حبيبى اندفاع الشباب وكده....ومش متابعين برضه مشاغل الحياه.... 

الا تعلم يا صديقى انه فى المملكه صدر حكم بالحبس 9سنوات على شخص لتاييده داعش على الإنترنت مع منع استخدام النت مده مشابهه...وبتتريق على منع استيراد الدفع الرباعى.... ومين قالك انه اتمنى استيرادها؟؟؟؟؟؟؟؟ انا مش عارف المغترب بيجيب معلوماته منين....اما موضوع الرز...معلش ماليش فيه ومهما كان نوع وطنيتى......على النت بقى أو فى الشارع...عمرى ما اتربقت على بلدى...علمونى كده....يمكن المغترب بيبقى عنده مبادئ تانيه...

كده يا بو محمد...

اه صحيح مش انت مشرف قديم... والنبى تفهمه القاعده رقم 1 الخاصه بالالفاظ...المقبوله..والنبى يا شيخ...

[إبن مصر]

7 hours ago, herohero said:

المملكة وتركيا وفرنسا وكل العالم فيه ارهاب وفي حوادث 

بس لما يكون بتكرر بنفس الاسلوب وفي فترات متقاربة هل ده مش محتاج اعادة حساب ؟؟

والدول الي بيحصل فيها كدة مش بتمنع دخول سيارات دفع رباعي بحجة ان الارهابيين بيستخدموها 

الدنيا مش بتقف عندهم والدولة كل شوية تقول اننا بنحارب الارهاب 

وياسيدي معلش هنزل بالجملة اياها مش احسن ما نبقى زي سوريا والعراق 

الحمد لله كله تمام ومحدش مقصر وكله زي الفل

 

بالنسبة للرز اسال اللي خده ، ولا اقول لك لماتتنقل ملكية تيران وصنافير 

يا رااااااااجل فرنسا غيرت الدستور واعلنت الطوارئ وقيدت الحريات الشخصيه وأطلقت مده الاعتقال لما 12 عيل ثبتواباريي وموتوا نص شهداء عمليه ارهابيه واحده.....

بريطانيا

بروكسل

المانيا

بوسطن

اقول كمان... هو أنت مش متابع والا ايه؟؟؟؟ وهى الأعمال الإرهابية بقى ليها أساليب وطرق وبيغيروا موضتها كل شويه؟؟ والا برضه مش متابع علشان مغترب؟؟؟ متعرفش الاحكام على الآراء المنشوره فى النت فى امريكا وبريطانيا وفرنسا وتركيا؟؟؟؟ معلش اصلهم بلاد مش راقيه. و....و..... الكلام إلى انت بتكتبه ده.... معلش مغترب ومش متابع....مش متابع غير مصر..عشان بتحبها...بس متابعتها سماعى...

[tarek hassan]

47 دقائق مضت, إبن مصر said:

اه صحيح مش انت مشرف قديم... والنبى تفهمه القاعده رقم 1 الخاصه بالالفاظ...المقبوله..والنبى يا شيخ...

الدنيا إتغيرت أستاذنا العزيز : ابن مصر ...

ممكن تقول إن القواعد كانت زمان من ثقافات المنتدى وكان الجدل حول اتخاذ إجراءات وفقها بيعلمنا أمور أدبية وثقافية مهمة ....

لكن أحيانا ( من وجهة نظري ) تعطل مخافة شعور الآخر بالاضطهاد 

فمع أعضاء رحلوا كانت تقرأ عليهم القواعد وتحدد لهم المخالفة واضحة وصريحة ومع ذلك يكون الاعتقاد أن السبب هو المخالفة في الرأي أو السبب أن المنتدى علماني ليبرالي وهلم جرا من الاتهامات 

الغالبية من الجيل الحالي يجب أن تعامل معاملة ..... فيسبوك

[herohero]

8 hours ago, أبو محمد said:

أوفر عليك يا هيرو

إنت هناك متفكرش تفتح بقك بكلمة .. مش مسألة شجاعة أو عدم شجاعة

هى مسألة أكل "عيش" .. وانت عارف إن "الرز" فى الخليج إسمه "عيش"

يعنى تقدر تقول إنها مسألة "أكل رز"

وبعدين إنت يخصك إيه فى صنافير وتيران 

مصر  لوكاندة مش عاجباك .. الخدمة فيها مش على مستواك

ولو راحت الجزر للسعودية فهم فى الفندق الخمس نجوم اللى انت قاعد فيه

يعنى خير وبركة .. وزيادة الخير خيرين

تيك إت إيزى يا راجل .. وكل رز

 

حضرتك برده مصر ع شخصنة الامور ، عموما الحوار مالوش لازمة وللاسف حضرتك واللي زيك عاوزين توصلوا لنتيجه واحده وهي ان اللي يتكلم يتكلم ع مزاجكم بس غير كده يبقى لا

عموما ياسيدي انا بحلم ان اتعامل نص معاملة الداخليه السعودية انا بحلم لما عربيتي تعطل الاقي عسكري يقف معايا ،انا بحلم وانا ماشي ف طريق 400 كم من الرياض للدمام الاقي دوريات امن الطرق موجودة ع طول وبتوفر لي الخدمة ولما البنزين يخلص مني نتيجه اهمالي يروح يعبيلي بنزين ويدفعني غلاامة 100 ريال

انا بحلم ان اجدد رخصتي من ع النت وبقمة السهولة والراحه 

انا بحلم ادفع مخالفاتي بكل شياكة ،انا بحلم ان رجل المرور لما يلاقي زوجتي معايا ممكن لا يحرجني امامها 

انا بحلم بشارع منظم ما اسمعش فيه كلمة انت ماتعرفش انا ابن مين 

انا بحلم ان عربيتي اسيبها مفتوحه ومحدش يجي ناحيتها 

الكلام ده انت واللي زيك عاشوه ف حتت كثيرة ومعرفش ليه مصر ان المصريين في مصر يتحرموا منه

 

عموما اللي زي لما بياكلوا عيش فدولاراتهم بتصرف ع كثير والدولة كل شوية تترجي ف تحويلات المصريين في الخارج ،اللي بياكلوا رز ولا عيش بيصرفوا ع بلدهم مش قاعدين عوالة وبيدخلوا دخل للبلد مش بيسرقوا البلد 

اللي زي موفرين مكان للي زيكم

 

ع فكرة انا مازلت مصر اراعي فرق السن بس اللي زيك  مصر ع استفزاز الاخرين 

[herohero]

2 hours ago, إبن مصر said:

منور الدنيا يا حبيب قلبى يا بومحمد.....معلش يا حبيبى اندفاع الشباب وكده....ومش متابعين برضه مشاغل الحياه.... 

الا تعلم يا صديقى انه فى المملكه صدر حكم بالحبس 9سنوات على شخص لتاييده داعش على الإنترنت مع منع استخدام النت مده مشابهه...وبتتريق على منع استيراد الدفع الرباعى.... ومين قالك انه اتمنى استيرادها؟؟؟؟؟؟؟؟ انا مش عارف المغترب بيجيب معلوماته منين....اما موضوع الرز...معلش ماليش فيه ومهما كان نوع وطنيتى......على النت بقى أو فى الشارع...عمرى ما اتربقت على بلدى...علمونى كده....يمكن المغترب بيبقى عنده مبادئ تانيه...

كده يا بو محمد...

اه صحيح مش انت مشرف قديم... والنبى تفهمه القاعده رقم 1 الخاصه بالالفاظ...المقبوله..والنبى يا شيخ...

معلش حقكم عليا كملوا ومع نفسكم ماهو ده اسلوبكم