MZohairy بتاريخ: 27 فبراير 2006 تقديم بلاغ مشاركة بتاريخ: 27 فبراير 2006 أخواني عندي رأي وعايز أعرف تعليقكم الناس دي أو الجماعه دول داخلين و في نيتهم الدعوه والارشاد بمعنى حث المسلمين على التمسك بالدين أكثر وتحبيبهم فيه هم يعتقدون أن هذه هي طريقة الدعوه (حفظ للقرآن الكريم و بعض الأحاديث الشريفه و طرحها في كل مكان ) لكن الطريقه التي يستعملوها طريقه في غاية الاستفزاز والتنفير بمعنى اني أرى انهم يخطئون الطريق والطريقه فالداعي يجب ان يعرف اين سيدعوا و من سيدعوا و ما هي طريقة الدعوه التي تناسب المخاطب !!!! فبالتأكيد المستوى الثقافي والاجتماعي والمادي والفكري والعلمي يختلف من انسان لآخر و من مكان لآخر فعندما تدعوا للدين في نادي الجزيره لابد أن تختلف طريقتك في الدعوه في الأحياء الشعبيه مثلا فلكل مقام مقال أما أن يدخل الى أي مكان مرددا لبعض الأحاديث الشريفه أو لبعض الفتاوى القديمه كالببغاء فهذا هو سر تراجع نتائج الدعاه في السنوات الماضية حسب تصريح أحد أعضائها في اذاعة القرآن الكريم بالرياض فسبق و ان اشرت الى أن المبشرين عددهم في العالم 6 و نصف مليون مبشر (وأغلبهم من حملة شهادات الدكتوراه في علوم مختلفة بالاضافه للعلوم الدينية المسيحيه) شكرا Vouloir, c'est pouvoir اذا كنت لا تقرأ الا ما يعجبك فقط فإنك لن تتعلم ابدا Merry Chris 2 all Orthodox brothers Still songs r possible رابط هذا التعليق شارك المزيد من خيارات المشاركة
حرفوش بتاريخ: 27 فبراير 2006 تقديم بلاغ مشاركة بتاريخ: 27 فبراير 2006 عزيزى الأستاذ زهيرى, المشكلة ليست فيمن يكتب عن الإسلام, و لكنى أتكلم عن من يكتبون فى كال شيئ, و يهاجمون شخصيا كل من خالفهم فى الرأى. التحاور المُنفّر قد يدفع المحاور المعتدل إلى ترك الساحة, و هذا أخطر ما يمكن أن يحدث, حيث سيتحكم فى المنتدى غليظو القلب, و القلم, و اللسان. و يصبح المنتدى منتديا ساقطا هايفا, سمته طول اللسان, و إنغلاق المخ. تحياتى لأصحاب اللسان العفيف, و القلوب السمحة. رابط هذا التعليق شارك المزيد من خيارات المشاركة
حسام الدين بتاريخ: 28 فبراير 2006 تقديم بلاغ مشاركة بتاريخ: 28 فبراير 2006 عارفين الموضوع ده بيفكرني بإيه ؟؟ ببرنامج حالة حوار .. اللي ما فيهوش ريحة الحوار .. كل الآراء المكتوبة تتكلم في جانب واحد .. ولا يوجد رأي مقابل . مش عارف إيه مشكلتكوا بالضبط .. وليه ما بيردش عليكم واحد من الإرهابيين اللي مزعلينكو دول .. اللي بيقولوا الكلام الوحش من نوع ( جزاك الله خيراً) اللي مزعله الطفشان .. شدوا حيلكم وربنا معاكم .. والسلام ختام . رابط هذا التعليق شارك المزيد من خيارات المشاركة
لخبطه بتاريخ: 28 فبراير 2006 تقديم بلاغ مشاركة بتاريخ: 28 فبراير 2006 الاستاذ طفشان ............. المحاورون المشاركون أولا أسف لأني لسه النهارده بس منتبه للموضوع . طبعا الاستاذ طفشان بيقول أنه بالمشاركه دي بيستفز الناس اللى داخلين جداد دول علشان يقرا أفكارهم وكان أولى بيه يرد على موضوعاتهم زي ما ردينا كلنا الشىء الثاني انا في الموضوعين كره القدم وخطرها عيد الحب وعيد الأضحي كنت مشارك وكنت مؤيد لصاحب الموضوع الأصلى فهل أفهم من كدا أني مقصود بكلام الاستاذ طفشان ولو أنا مقصود طيب يتفضل الاستاذ طفشان يجيب لى كلمه واحده تكفيريه من ردودي الكثيره في الموضوعين أو حتى يرد على كلامي ويثبت خطأه هل يتوجب علينا مع كلام أي أحد في الدين أو حثنا على خلق معين أننا نتهمه بالتشنج والعصبيه ونقوله لا أنته راجعي متخلف وابعد عننا ولا نشوف هو بيقول ايه ونقتنع أو لا نقتنع وأخذ من كلامه الثمين ونترك الغث التريقه على كلمه جزاك الله خير غير مقبوله بالمره \الناس دي أو الجماعه دول داخلين و في نيتهم الدعوه والارشاد بمعنى حث المسلمين على التمسك بالدين أكثر وتحبيبهم فيههم يعتقدون أن هذه هي طريقة الدعوه (حفظ للقرآن الكريم و بعض الأحاديث الشريفه و طرحها في كل مكان ) لكن الطريقه التي يستعملوها طريقه في غاية الاستفزاز والتنفير دا كلام محمد زهيري وهو الاقرب للمنطق والقبول الشاب من دول داخل نيته خير لكن اسلوبه غلط قرينا كلامه وردينا عليه وانا عن نفسي ايدتهم في الكلام اللى شوفته أنه يرضي ربي وعارضت في الحاجات اللى شوفتها شارده وصادف أن كان التأييد أكتر ........ الاستاذ shinercorner مع تقديي الكبير لك ليسوا عمله ردئية هما دعاه بطريقة خطأ أنا لا أكتب الأشـــعار فالأشعـــــــــار تكتبني أريد الصمت كي أحيا ولكن الذي ألقاه ُينطقني رابط هذا التعليق شارك المزيد من خيارات المشاركة
حسام الدين بتاريخ: 28 فبراير 2006 تقديم بلاغ مشاركة بتاريخ: 28 فبراير 2006 يا لخبطة .. حرام عليك .. أنا لسه عضو جديد .. وزي مانت عارف الغريب أعمى ولو كان بصير .. والجماعة كتر خيرهم حذرونا من الناس الإرهابيين الوحشين اللي هنا في المنتدى .. وخلاص أنا كنت قررت اني لو شفت واحد منهم بدقن وجلباب وفي نيته والعياذ بالله ( الاستشهاد بآيات من كتاب الله أو بحديث شريف ) .. ما أسمعش لكلامه .. هو فاكر نفسه إيه الإرهابي ده .. هيعلمنا ديننا ولا إيه ؟ .. وأروح أبلغ إدارة المنتدى بسرعة عشان تحذف مداخلته . جيت انت دلوقت ولخبطني يا لخبطة !! وبتقول انهم ناس كويسين . بقى ده كلام .. يعني أصدق مين دلوقت ؟؟؟؟؟؟؟؟؟ والسلام ختام . رابط هذا التعليق شارك المزيد من خيارات المشاركة
se_ Elsyed بتاريخ: 28 فبراير 2006 تقديم بلاغ مشاركة بتاريخ: 28 فبراير 2006 عارفين الموضوع ده بيفكرني بإيه ؟؟ببرنامج حالة حوار .. اللي ما فيهوش ريحة الحوار .. كل الآراء المكتوبة تتكلم في جانب واحد .. ولا يوجد رأي مقابل . مش عارف إيه مشكلتكوا بالضبط .. وليه ما بيردش عليكم واحد من الإرهابيين اللي مزعلينكو دول .. اللي بيقولوا الكلام الوحش من نوع ( جزاك الله خيراً) اللي مزعله الطفشان .. شدوا حيلكم وربنا معاكم .. والسلام ختام . <{POST_SNAPBACK}> يا أستاذ حسام الدين .. أولاً مرحباً بك معنا ثانياً : شربت حاجة ولا لسه ماحدش ضيفك . ثالثاً : من إسم المنتدى تستطيع أن تستشف هدفه .. فإسمنا " محاورات المصريين " يعني هات وخد .. يعني قول رأيك وأنا أقول رأيي من غير شد شعر . نيجي بقى للموضوعات الدينية بالذات ... كثيراً ما تجد أحد الإخوة فاتح موضوع ذو عنوان رنان وجذاب وتدخل حضرتك تلاقي مقالات منقولة ييجي أربع خمس صفحات .. بدون أي تعليق عشان بس نفهم هو عايز يوصلنا إيه ... تصور حضرتك كده روحت خطبة جُمعة مثلاً لقيت الإمام راح نازل من على المنبر وراح مفرق ورقتين تلاتة على كل واحد من الحضور .. ومروح ... هايبقى إيه إحساسك ؟ بالإضافة إلى إدراجهم لفتاوى لا تتماشى مع المجتمع المصري ... إوعى حد يهجم قبل ما أشرح بالتفصيل - على سبيل المثال ... طريقة التعامل مع الغير مسلمين هو إحساس مفقود في دول الخليج وخصوصاً السعودية .. لإن طبيعة المجتمع هنا هي إن فيها مسلمين فقط يعني مُجتمع أُحادي .. أقصد مواطني البلد الأصليين ... والغير مُسلم اللي موجود عندهم هو مجرد شخص جاء ليعمل فترة مؤقتة وراجع بلده الأصلي وبالتالي فليس له حق المواطنة .. وبالتالي ففتاوى معاملة الغير مسلمين التي تصدُر في السعودية لا نستطيع أن نُطبقها في مصر اللي فيها حوالي10 مليون مسيحي واكلين وشاربين معانا ومشاركننا أفراحنا وأحزاننا .. ودماءهم سالت على أراضيها عندما دافعنا عن إستقلالنا على مر العصور . ... أنا هنا أتكلم عن فتاوى إجتهادية لا يوجد فيها نص قاطع في القرآن أو السنة لإنه لا إجتهاد مع وجود نص ... بالإضافة إلى الهجمة الشرسة من البعض لإثارة موضوعات لا تهم مجتمعاتنا من بعيد أو قريب ... كموضوعات الشيعة مثلاً وكيف إننا من الواجب علينا كسُنة أن نسلخ جلودهم ونستحل دماءهم ..... وكإن إثارة الفتن في أوقات حرجة كالتي تمر بها المنطقة الآن هو هواية عند بعض الناس .... وكان نفسي أحد الأخوة الذين دأبوا على إثارة الموضوع ده بالذات ينقل لنا إحساسة بعد ما استطاع بعض عديمي الإيمان أن يوقظوا الفتنة ويوقعوا بين السُنة والشيعة في موضوع تفجير المرقد .. وما ترتب عليه من إراقة دماء مئات من الأبرياء وتدمير عشرات من المساجد للجانبيين .... ونفسي أقول له : هـا مبسوط كده ... والحمد لله حققنا الهدف من سحل الشيعة ؟ وكأن مقولة " لكل مقام مقال " غائبة عن البعض .. مع إن الرسول هو أول من طبقها ولم نجده يصطدم بالكفار مثلاً في بداية دعوتة أو يستفزهم بتحطيم أصنامهم أو حتى الجهر بالدعوة في مرحلة ما .... على جانب أخر نجد إنه عندما ذهب إلى مجتمع المدينة لم يبدأ معهم جوانب الأحكام والعقوبات والتغليظ و و و .. بل بدأ بترسيخ مفهوم المواطنة وبناء المجتمع وطمئن اليهود - أخس خلق الله وقتلة الأنبياء - والمشركين وحتى المنافقين على أنفسهم وأموالهم وأعراضهم وحذر من التعرض لهم .. لا لخوف منهم ولكن لإنهم شركاء في وطن ومجتمع المدينة ... آسف للإطالة .. وأرجو أن أكون قد أوضحت هدفي . الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
حسام الدين بتاريخ: 28 فبراير 2006 تقديم بلاغ مشاركة بتاريخ: 28 فبراير 2006 (معدل) بداية يا سي السيد يا أخويا أنا من ساعة ما دخلت المنتدى ده وأنا على لحم بطني .. وبعدين أنا داخل لا ليا ولا عليا لقيت موضوع بالكامل نازل هجوم على ( أصحاب النزعات الدينية ) على طريقة أخرجوا آل لوط من قريتكم ( لا أقصد المعنى الوحش ..! ) كل اللي بيتكلموا نازلين طحن فيهم .. قلت جايز ده سلو البلد دي .. بزمتك مش زي برنامج حالة حوار !! لأ وكمان بتقول من غير شد شعر .. بقى ده كلام .. أمال بتعرضوا وجهة نظركم لبعض إزاي ... :D شوف ياسيدي .. وجهة نظري أن من حق الجميع أن يعرض وجهة نظره .. حتى ولو كانت متطرفة في نظر البعض الآخر .. لأن المسالة نسبية .. فقد أكون أنا متطرف في نظر واحد هو نفسه يُعتبر متطرف في نظري وهكذا ... طبعاً مع خضوعنا جميعاً للقواعد الثابتة المعمول بها من عدم إزدراء للأديان وعدم احتقار آراء بعضنا البعض . والسلام ختام . تم تعديل 28 فبراير 2006 بواسطة حسام الدين رابط هذا التعليق شارك المزيد من خيارات المشاركة
se_ Elsyed بتاريخ: 1 مارس 2006 تقديم بلاغ مشاركة بتاريخ: 1 مارس 2006 وبعدين أنا داخل لا ليا ولا عليا لقيت موضوع بالكامل نازل هجوم على ( أصحاب النزعات الدينية ) على طريقة أخرجوا آل لوط من قريتكم ( لا أقصد المعنى الوحش ..! ) كل اللي بيتكلموا نازلين طحن فيهم .. قلت جايز ده سلو البلد دي .. بزمتك مش زي برنامج حالة حوار !! طالما ذممتني .. يبقى خد عندك B) س : ما هو تعريفك لأصحاب النزعة الدينية ؟ س : وإذا كانوا هما أصحاب نزعة دينية .. يبقى أحنا أصحاب نزعة عدوانية ... صح ؟ بس قولي الأول إنت معانا ولا مع الناس التانيين ؟ :D س : هل قال لك أحد إن الموضوع ده ملبسينه طاقية الإخفا وبالتالي لا يراه أصحاب النزعة الدينية وعشان كده مش قادرين يردوا ؟ ... نقول كمان يا عزيزي حسام كل اللي إتقال هنا نقصد به .. طريقة عرض الأفكار .. فإذا كان الشخص ذو نزعة دينية أو عدوانية أو علمانيه فالمعيار هنا هو طريقة عرضه لأفكارة .. يقوم بقى لما واحد يحب يدعو الناس أو يُنير لهم الطريق .. فما يعملش فيها ملك أوحد للدين .. أو هو المُتدين الحقيقي على وجه البسيطة والباقون هم الكفار المشركين حتى لو كانوا من بني دينه وعقيدتة ... لإن كده بقى هاندخل في مواضيع التكفير والهجرة .. واخد بالك .. وأنا لوحدي اللي مؤمن وهادخل الجنة والحكومة واللي بيشتغلوا عندها وبتوع البنوك والشيعة والصوفيين هايدخلوا النار ----- وبسم الله معانا .. لقمه على ما قُسم .. فتة كوارع بالخل والتوم من اللي وصى عليها داود في التذكرة ... وإوعى تقولي إن الفتة حرام :D الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
إبن مصر بتاريخ: 1 مارس 2006 تقديم بلاغ مشاركة بتاريخ: 1 مارس 2006 أولا كى نرتب سياق الحوار فى هذا الموضوع الممتع .. لابد أن نجيب أولا على الهدف الاساسى من الموضوع ثم الهدف المبطن من الزميل صاحب الموضوع.. الهدف الاساسى هو التحذير من غزو المحاورات .... وهذا بالطبع أجاب عليه الاخوه بما يكفى ولكن لى اضافه واحده ان المحاورات باعضائها قبل ادارتها لن تقبل بأى نوع من أنواع الغزو سواء دينى أو علمانى فكما وقفت الاداره فى وجه المغالين من المتزمتين فى الدين وقفت بنفس القوه أمام من سفه افكارهم وارادها علمانيه بلا هويه. اذا فالامر أولا ونهايه بيد ابناء هذا المكان. ثانيا اذا عدنا الى الهدف المبطن الا وهو استدراج اصحاب الفكر المتزمت من وجهه نظر الزميل الكاتب فان نقاشهم لم يتم لعدم وجود أى منهم الان هنا فأصبح حديثنا من جانب واحد فقط يظهر للمراقب من بعيد وكأنه نقاش حسم لصالح المتحاورين دون ان يشاركهم أصحاب الفكر الاصلى. وكما تفضل أخى وصديقى سى السيد باثاره بعض النقاط الخاصه باختلاف الاساليب الفقهيه المعتمد عليها عند الخوض فى أى نقاش واختلاف المجتمعات التى تطبق عليها الفتاوى بغض النظر عن مدى جدواها طالما هى اجتهاد كلى وليس جزئى فان النقاش دائما ما يصطدم برفض كل طرف ادله واسانيد الطرف الاخر. ولكنى اختلف فى شىء واحد فقط الا وهو..... ارجو الا يوحى كلامنا هنا أن الالتزام الدينى أصبح تهمه تستحق ان يدافع صاحبها عن نفسه وان الانتماء العقائدى لم ولن يكون ابدا اساس الحكم على الاشخاص بينهم وبين بعضهم انما هو الاساس امام الله .... وما هو امام الله فلله الامر فيه من قبل ومن بعد. وشكرا ابن مصر إن ربا كفاك بالأمس ما كان.... يكفيك فى الغد ما سوف يكون رابط هذا التعليق شارك المزيد من خيارات المشاركة
حسام الدين بتاريخ: 2 مارس 2006 تقديم بلاغ مشاركة بتاريخ: 2 مارس 2006 (معدل) انت عارف يا سي السيد يا أخويا ان الناس معادن !! فيهم اللي عايش حياته كلها من أجل الدين في أكله وشربه وشغله وجوازه برضه .. واخدلي بالك انت .. مش كده وبس ده عايز يمارس حقه الطبيعي كمسلم في الأمر بالمعروف والنهي عن المنكر (( ليس منا من لم يرحم صغيرنا ويوقر كبيرنا ويأمر بالمعروف وينهى عن المنكر )) يعني منشن على الدرجات العليا من الجنة عدل . . وده نقوله ربنا يوفقك وشد حيلك .. ولو غلط في طريقة توصيله للنصيحة نحاول نبينله الطريقة الصح برفق ولين على أساس إن الراجل بيحبنا وعايز مصلحتنا بس مش عارف يوصل المعلومة لنا إزاي .. يعني في جميع الأحوال الراجل كتر خيره حضرتك بتقوللي ((يقوم بقى لما واحد يحب يدعو الناس أو يُنير لهم الطريق .. فما يعملش فيها ملك أوحد للدين .. أو هو المُتدين الحقيقي على وجه البسيطة والباقون هم الكفار المشركين حتى لو كانوا من بني دينه وعقيدتة ... )) بصراحة تابعت الموضوعات المثارة من الأخ طفشان فملقتشي واحد من الجماعة دول كلامه بيدل على صحة الاتهام ده .. معلش انت مشرف آه .. على عيني وراسي لكني أقول الحق ولو على رقبتي .. !! شكلي كده هلحق قطر الساعة 5 ونص .. كويس عشان معوقشي على العيال في البيت .. !! :P وناس تانيين شايفيين ان تطبيق الدين يكون في الجامع وبس يعني لا نطبق شريعة .. ولا حتى نيجي نحيتها .. عشان ما نبقاش رجعيين ومتخلفين ويا عيني عايزين تعملوا إيه ؟؟ تقطعوا رقبة القاتل .. وكمان في ميدان عام قدام الناس .. إيه الوحشية بتاعكم دي بقه مش حرام الأطفال اللي هيتعقدوا لما يشوفوا المناظر دي بتاع القرون الوسطى :D وطبعاً شايفين ان الأخذ بالقوانين الوضعية هو قمة العدل .. إلى آخر هذه الأفكار العلمانية التي تنادي بفصل الدين عن الدولة .. وما بين دول ودول .. فيه درجات ألوان كتيرة .. وهتلاقي كل واحد فينا واخد درجة لون مختلفة .. ( أحياناً بقول كلام كبير قوي ) B) :D يا سي السيد .. الخلاصة زي ما قولتلك قبل كده .. أنا نفسي زي ما الأخوة العلمانيين من حقهم يقولوا رأيهم سواء اتفقنا عليه أم اختلفنا فمن باب أولى ان الناس دول يقولوا رأيهم من غير سخرية منهم ولا تجريح ولا لامؤاخذه صاحب الموضوع يقول أنا بكتب الموضوع ده عشان أستفزهم .. وأحد المشاركين الأفاضل يقول ان العملة الجيدة تطرد العملة الرديئة من الأسواق .. وده بالذات يخليني أسأل .. أي الرأيين هو عملة رديئة وأيهما عملة جيدة .. ؟؟؟ والسلام ختام . تم تعديل 2 مارس 2006 بواسطة حسام الدين رابط هذا التعليق شارك المزيد من خيارات المشاركة
حسام الدين بتاريخ: 2 مارس 2006 تقديم بلاغ مشاركة بتاريخ: 2 مارس 2006 (معدل) أستاذ / أحمد محمود تقول حضرتك ((ان المحاورات باعضائها قبل ادارتها لن تقبل بأى نوع من أنواع الغزو سواء دينى أو علمانى فكما وقفت الاداره فى وجه المغالين من المتزمتين فى الدين وقفت بنفس القوه أمام من سفه افكارهم وارادها علمانيه بلا هويه. )) تسمحلي أستفسر من حضرتك عن معنى (( المغالين من المتزمتين في الدين )) واسمح لي بالتحديد أن أحصر سؤالي في عدة نقاط : -هل تعتبر المنادين بتطبيق الشريعة الإسلامية في مصر بدل القوانين الوضعية من المتزمتين ؟ - هل من يؤدي واجبه كمسلم في الأمر بالمعروف ( بالحسنى ) والنهي عن المنكر ( برضه بالحسنى ) من المتزمتين .. وأوضح سؤالي بشكل أكثر .. فهل من ينادي بالحجاب للمرأة أو نصيحة اخوانه في المواظبة على الصلوات في المساجد مثلاً أو الابتعاد عن قنوات العري في التليفزيون .. يعتبر من المغالين في الدين ..؟ لقد غالينا يا أخي الفاضل في إطلاق لفظ التزمت على كل شيئ حتى بدأت أخشى أن يتم اعتبار من يتنفس الهواء متزمتا .. والسلام ختام . تم تعديل 2 مارس 2006 بواسطة حسام الدين رابط هذا التعليق شارك المزيد من خيارات المشاركة
لخبطه بتاريخ: 2 مارس 2006 تقديم بلاغ مشاركة بتاريخ: 2 مارس 2006 يا أستاذ حسام حرام عليك هو فيه أجمل من كدا حالة حوار B) السجال بينك وبين سي السيد والناس اللى موجوده جو جميل والحمد لله أن كلاكما بيوضح وجهه نظره بشكل جميل ومبسط وبدون تعصب لى ملاحظة كتبتها قبل كدا وهيا انه الناس بتعتمد على الردود الجاهزه ودا اللى وقع فيه سي السيد لما قال س : وإذا كانوا هما أصحاب نزعة دينية .. يبقى أحنا أصحاب نزعة عدوانية ... صح ؟يقوم بقى لما واحد يحب يدعو الناس أو يُنير لهم الطريق .. فما يعملش فيها ملك أوحد للدين .. أو هو المُتدين الحقيقي على وجه البسيطة والباقون هم الكفار المشركين حتى لو كانوا من بني دينه وعقيدتة ... حاجه بقا على وزن انتوا اخوان مسلمين أمال احنا ايه يعني انته مسلم واحنا كفره حاجات من النوعيه دي طبعا مالهاش علاقة بالموضوع وزي ما تفضلت أنته مافيش حاجه في الكلام الناس بتقول دا نيجي لنقطه ثانية اظن سي السيد يتفق معاي فيها وهي أن اللى خلق جوانا دا الإعلام هو اللى قعد يعزز فكره التطرف وفكره أنه كل داعي متطرف وكل ملتحى إرهابي صحيح كلنا أكبر من انه يتأثر بفيلم أو مسلم لكن ما من شك أنه بيزرع حاجه جوانا ولو كانت صغيره لكن ما التراكمات بتكبر وتلاقينا طوالي نحس بالخواف لما نقابل ملتزم او ملتحي وكانه خلاص هيفجر المكان وبقت شريحه كبيره من الناس تبص لهم بإزدراء وطبعا أنا لا أعفي بعض الملتزمين من التسبب في رسم الصوره دي لكن أيا ما كان الأمر يبقوا مريدي خير أنا لا أكتب الأشـــعار فالأشعـــــــــار تكتبني أريد الصمت كي أحيا ولكن الذي ألقاه ُينطقني رابط هذا التعليق شارك المزيد من خيارات المشاركة
se_ Elsyed بتاريخ: 2 مارس 2006 تقديم بلاغ مشاركة بتاريخ: 2 مارس 2006 أستاذ / أحمد محمودتقول حضرتك ((ان المحاورات باعضائها قبل ادارتها لن تقبل بأى نوع من أنواع الغزو سواء دينى أو علمانى فكما وقفت الاداره فى وجه المغالين من المتزمتين فى الدين وقفت بنفس القوه أمام من سفه افكارهم وارادها علمانيه بلا هويه. )) تسمحلي أستفسر من حضرتك عن معنى (( المغالين من المتزمتين في الدين )) واسمح لي بالتحديد أن أحصر سؤالي في عدة نقاط : -هل تعتبر المنادين بتطبيق الشريعة الإسلامية في مصر بدل القوانين الوضعية من المتزمتين ؟ - هل من يؤدي واجبه كمسلم في الأمر بالمعروف ( بالحسنى ) والنهي عن المنكر ( برضه بالحسنى ) من المتزمتين .. وأوضح سؤالي بشكل أكثر .. فهل من ينادي بالحجاب للمرأة أو نصيحة اخوانه في المواظبة على الصلوات في المساجد مثلاً أو الابتعاد عن قنوات العري في التليفزيون .. يعتبر من المغالين في الدين ..؟ لقد غالينا يا أخي الفاضل في إطلاق لفظ التزمت على كل شيئ حتى بدأت أخشى أن يتم اعتبار من يتنفس الهواء متزمتا .. والسلام ختام . <{POST_SNAPBACK}> يا أستاذ حُسام .. ألتمس لحضرتك العّذر عشان ما تعرفش أحمد محمود يمكن لإنك مسجل في المحاورات قُريب او يمكن متابع من قترة لكن لا تعرف أحمد محمود .. اللي أستسمحه أرد بالنيابة عنه .. وأقول لحضرتك إن أحمد من الناس الدارسي والمتعمقين في الدراسات الدينية الفقهية وفي مقارنة الأديان أيضاً ... وإذا كنت أنا بأجتهد وبأدلي برأيي في موضوع ديني بُناء على قراءات أو محاضرات سمعتها ... فهو لما بييجي يتكلم بيبقى كلماه على أساس علمي .. وبالتالي حضرتك لما تسأل سؤال زي ده هل تعتبر المنادين بتطبيق الشريعة الإسلامية في مصر بدل القوانين الوضعية من المتزمتين ؟ فأعتقد إن إجابته معروفة لنا جميعاً كمسلمين معتدلين .. وهانقولك في صوت واحد .. إننا نتمنى تطبيق الشريعة السمحة المعتدلة وياما في عشرات بل مئات المواضيع ذكرنا هذا الكلام . الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
حسام الدين بتاريخ: 2 مارس 2006 تقديم بلاغ مشاركة بتاريخ: 2 مارس 2006 (معدل) على فكره يا سي السيد أنا لا أقصد بسؤالي هذا أن الأستاذ أحمد محمود ( ابن مصر ) يعتقد بعدم أهمية تطبيق الشريعة في مصر .. بالعكس .. فأنا أعرف قدره وأحترمه وأحترم كتاباته بل أنا أعترف أنني غير متخصص وغير دارس في الشئون الإسلامية .. فقط أخوك قارئ جيد .. الموضوع أني أحببت أن أركز على أن كل إنسان ملتزم بألف باء الإسلام معرض للإتهام بالتهمة الجاهزة والتي هي الإرهاب .. وبالمناسبة هعترفلك بحاجة ( بس متقولش لحد !! ) أنا متابع المنتدى الجميل ده من 3 سنوات بس من بعيد لبعيد وعارف معظم الأعضاء .. واللي كان ولا زال بيشدني ليه هو كتابات 4 أعضاء بالذات هم : سكوب وابن مصر وسي السيد وحشيش ! وكان ممكن أن أكتفي بالفرجه بس حتى نهايةالعمر !! لولا هذاالموضوع بالذات .. B) ويا عم لخبطة .. انت اسمك على غير مسمى .. فما شاء الله عليك جبتلي اللي بدور عليه .. ( لما انتم اخوان مسلمين أمال احنا إيه ) فعلاً دي احدى التهم الجاهزة المستعدة للإنطلاق في وجه كل من يحمل رسالة الإسلام على عاتقه .. والسلام ختام . تم تعديل 2 مارس 2006 بواسطة حسام الدين رابط هذا التعليق شارك المزيد من خيارات المشاركة
Scorpion بتاريخ: 2 مارس 2006 تقديم بلاغ مشاركة بتاريخ: 2 مارس 2006 سكوب وابن مصر وسي السيد وحشيش الله ... دي العصابة بقت بتجيب زباين بقي ... حقي 25% من الوارد من غير ما ينقص مليم .... استاذ حسام ... اولا اتفضل نص الساندوتش اللي كنت جايبه للفطار علشان ما تقولش علينا فنجرية بق .. سندوتش جبنة قريش و قوطة عجب ... و بكده بقي بينا و بين بعض عيش و ملح .... مثل العملة الرديئة و مثيلتها الجيدة اللي اتعرض في الحوار .. اعتقد انه لا يخص نوعية واحدة من الأفكار ... فنفس الموضوع اذا اتعرض بطرق مختلفة و تضاربت الأراء حوله ... فقط اسلوب عرضه و التبرير (المقنع) لدوافعه هو الذي يميل كفة عن الأخري ... اتكلم بصفة شخصية : لو اتكلمنا عن الدين ..... لما ييجي عضو عزيز زي براود مسلم و يكتب موضوع او يرد علي موضوع .. فقط لأدبه الجم و تمكنه من عرض فكرته واضحة و بأسلوب سليم فهو يجعلني .. و أنا المختلف عنه في الديانة ... اتفق علي معظم عرضه بأقتناع تام ... و تلك هي العملة الجيدة .. التي بالتأكيد حتطرد عملة عضوآ آخر رديئة لا يقوم بأكثر من اقتباس صفحات ( يتعب صباعي في عمل سكرولنج بالماوس حتي أصل الي آخرها ) حتي افهم ماذا يريد ان يعرضه .. فلا أجد شيئآ أو علي أحسن الأحوال يقوم بالتعقيب علي جملة او رأي يتفق مع هواه بأسلوب أحيانآ يصل لدرجة الجعجعة الفارغة من محتوي مفيد لمجتمعنا الصغير هنا ... و نفس الشيء تستطيع ان تجده في مختلف الأفكار و التوجهات .. كالعزيز الأفوكاتو عندما يتناول امور الحياة بوجه عام .. او الفاضل ابو حلاوة عندما يتكلم عن الدولة المدنية .. او الفاضل وايت هارت عندما يتكلم عن العلمانية ... تلك كانت مجرد امثلة من كنز ضخم تمتلكه محاورات المصريين و الذي يتمثل في اعضاؤها الكرام ..... و دائمآ ستأتي افكار و اراء ... فقط من يملك الحجة و البساطة و أدب العرض فعملته هي التي تبقي دائمآ ...بينما من يأتي بفكرته شاهرآ سيفه فغالبآ لا تطول اقامته معنا كثيرآ .... ما قولتليش .. السندوتش عجبك و الا نبعت نشتري فرخة مشوية :D كل اللي حيلتي زمزمية أمل... و إزاي تكفيني لباب القبر "صلاح جاهين" رابط هذا التعليق شارك المزيد من خيارات المشاركة
tarek_almeghallawy بتاريخ: 2 مارس 2006 تقديم بلاغ مشاركة بتاريخ: 2 مارس 2006 <!--QuoteBegin-Scorpion+Mar 2 2006, 01:04 PM اتكلم بصفة شخصية :لو اتكلمنا عن الدين ..... لما ييجي عضو عزيز زي براود مسلم و يكتب موضوع او يرد علي موضوع .. فقط لأدبه الجم و تمكنه من عرض فكرته واضحة و بأسلوب سليم فهو يجعلني .. و أنا المختلف عنه في الديانة ... اتفق علي معظم عرضه بأقتناع تام ... و تلك هي العملة الجيدة .. و نفس الشيء تستطيع ان تجده في مختلف الأفكار و التوجهات .. كالعزيز الأفوكاتو عندما يتناول امور الحياة بوجه عام .. او الفاضل ابو حلاوة عندما يتكلم عن الدولة المدنية .. او الفاضل وايت هارت عندما يتكلم عن العلمانية :D الأستاذ scorbion ٍاسمح لي أن أختلف معك في نقطة وحيدة ذكرك لأمثلة من الأعضاء المحترمين بالاسم كأمثلة على العملة الجيدة بالطبع ليس لي اعتراض على الأعضاء المحترمين الذين ذكرتهم وليس لي أي اعتراض على اختيارك لمن تحب ومن تحترم إنما اعتراضي على اعطاء الأوسمة والنياشين وصكوك الغفران والبراءة المطلقة لما كتبوه من قبل وما سوف يكتبونه ربما الأمر لا يحتاج إلى هذا الكلام الضخم وتقول أنك تتكلم بصفة شخصية لكن الأحكام فيها شبهة التعميم والإطلاق وغلق باب الاختلاف مع ما ذكرت عنهم أرجو أن أكون قد أوضحت فكرتي ولا إختلاف معك في بقية كلامك تقبل تحياتي رابط هذا التعليق شارك المزيد من خيارات المشاركة
حسام الدين بتاريخ: 2 مارس 2006 تقديم بلاغ مشاركة بتاريخ: 2 مارس 2006 (معدل) ايه يا عم سكوب .. بقى ده كلام .. أقول اني معجب بكتاباتك وأفكارك تقوم تبعت تجيبلي فرخة مشوية .. لا يا عم .. نص السندوتش الجبنة بالقوطة كان زي العسل .. :D وأتفق معك يا أستاذي أن فقط من يملك الحجة و البساطة و أدب العرض فعملته هي التي تبقي دائمآ .. أستاذ طارق .. الراجل لم يعطي نياشين وأوسمة أو صكوك غفران كل ما ذكره كان أمثلة لأفكار مطروحة في المنتدى ولم يغلق باب الإختلاف معهم .. بل العكس هو الصحيح فهم يمثلون فكر معين ويدافعون عنه ومن حقي وحقك أن نناقشهم فيه .. والسلام ختام . تم تعديل 2 مارس 2006 بواسطة حسام الدين رابط هذا التعليق شارك المزيد من خيارات المشاركة
tarek_almeghallawy بتاريخ: 2 مارس 2006 تقديم بلاغ مشاركة بتاريخ: 2 مارس 2006 الذكر كان لأشخاص يكتبون أفكار يعتبرهم النموذج الأمثل للعملة الجيدة مثل نموذج الإجابة للإمتحان من يختلف عنها تنقص درجاته رابط هذا التعليق شارك المزيد من خيارات المشاركة
Scorpion بتاريخ: 2 مارس 2006 تقديم بلاغ مشاركة بتاريخ: 2 مارس 2006 يا استاذ طارق ... توقفت للحظة امام ما كتبته و وجدت ان لديك حق فيه ... فلقد كتبت بصفة شخصية و ما انا مقتنع به دون ان التفت جديآ في اتفاق البعض معي في هذا الرأي ... و لكن عذري يا استاذي العزيز .. أنني أتيت بتلك الأسماء كأمثلة عما يجب ان يكون اسلوبنا في الحوار .. فبالرغم من تباينهم الشديد فيما يؤمنون به من ايدولوجيات او عقائد ... و لكنهم يتفقوا علي اهم شيء في الحوار و هو الأدب الجم و عدم الأنزلاق في الخطأ او الأستفزاز و دون مهاجمة محاورهم بأي اسلوب ... هذا لا يعني ان تلك الصفة تنقص من آخرين .. و لكنهم كانوا مجرد امثلة قفزت الي مخيلتي عندما اردت ان اوضح ما اريد ايصاله ... تحياتي ... اما الفراخ يا عم حسام ... فلازم ناكلها ... فيه عالم اتخرب او حيتخرب بيتها لو فضلنا مقاطعينها ... كفاية انها تتسلق كويس و لو حتي عندها انفلونزا مش حيحصل حاجة .... عالعموم بلاها فراخ يا عم ... عندي في النملية طبق مفتقة عجب يستاهل بقك... اتفضل :D كل اللي حيلتي زمزمية أمل... و إزاي تكفيني لباب القبر "صلاح جاهين" رابط هذا التعليق شارك المزيد من خيارات المشاركة
حسام الدين بتاريخ: 2 مارس 2006 تقديم بلاغ مشاركة بتاريخ: 2 مارس 2006 (معدل) الأستاذ سكوب كتب ( توقفت للحظة امام ما كتبته و وجدت ان لديك حق فيه ... فلقد كتبت بصفة شخصية و ما انا مقتنع به دون ان التفت جديآ في اتفاق البعض معي في هذا الرأي ... ) الكبير كبير برضه .. وهذا هو سر إعجابي بما تكتب يا سكوب باشا .. ويا ريت الناس اللي بالي بالك تتعلم وتستفيد .. :excl: ( أهه شوية حليطة مش هتضر وهو برضه مشرف ويمكن في يوم ينفعنا ) :D :D أما يا سكوب يا أخويا شوية مفتئة .. إنما إيه .. ليهم العجب .. ربنا يبيض وشك زي ما بيضت وشي النهارده ... :excl: :excl: :excl: :D :D تم تعديل 2 مارس 2006 بواسطة حسام الدين رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان