لأ .... كده كثير يا محافظ الدقهلية

[se_ Elsyed]

اللهم لا حسد ..

نجوم المنتخب يستاهلوا المكافأت المالية التني تنهال عليهم من كل حدب وصوب ..

لكن توصل لشقق مجانية على حساب الدولة .. فده كثير كثير كثير ..

لإنهم مش محتاجين وبأقل مكافأة حتى للاعب ما أشتركش معاهم في أي مباراة ممكن يتشري عمارة مش فيلا

أنا أتنرفزت وعن إذنكم دلوقت

المسا 15/2

الدقهلية احتفلت بأبطال أفريقيا

المحافظ أهدي السقا وزكي شقتين.. أكاديمية الدلتا استقبلت النجوم بالورود والأغاني

المنصورة- مصطفي عزت-أحمد طه- أحمد المسيري:

استقبل اللواء أحمد سعيد صوان محافظ الدقهلية الجهاز الفني ولاعبي المنتخب الوطني في مكتبه أمس بحضور أعضاء مجلس ادارة الاتحاد سمير زاهر وأحمد شاكر ومجدي عبد الغني وحازم الهواري وسحر الهواري.. وقام محافظ الدقهلية بتكريم اللاعبين عمرو زكي وعبد الظاهر السقا وأحمد فتحي ومحمد أبوتريكة وسمير صبري وكذلك أعضاء الجهاز الفني الذين حضروا الاستقبال شوقي غريب وحمادة صدقي واحمد سليمان وسمير عدلي.

أهدي المحافظ سعيد صوان شقتين لنجمي المنتخب أبناء المنصورة عمرو زكي وعبد الظاهر السقا في الاماكن الراقية بالمدينة تقديراً لجهودهما في فوز المنتخب المصري بكأس الأمم الأفريقية وكان اللاعبان قد طلبا الشقتين فلم يتردد علي الفور بالموافقة.

[mohmaher]

و زغرطي يالي انت مش غرمانة ....

[Sherief AbdelWahab]

شر البلية ما يضحك ..

آه طبيعي إن كل واحد فينا يا جماعة يفرح بالفوز وباللاعبين ، لكن مش للدرجة دي ، كما أن محافظ أي إقليم ، تذكروا تخصص المحافظ كما هو مبين في الدستور المصري 1971 ، لا يملك المحافظة في جيبه ..

تلك الشقة أولى بها دقهلاوي من ضحايا العبارة اللعينة ، أو شخص منزله آيل للسقوط..

نقول إيه..

خلص الكلام

[se_ Elsyed]

تلك الشقة أولى بها دقهلاوي من ضحايا العبارة اللعينة ، أو شخص منزله آيل للسقوط..

<{POST_SNAPBACK}>

كنت عارف إن الموضوع ده هايجيلك على الوجيعة يا شرشر

المنصورة وأدب المنصورة واللي منها .. وأنا وأنت

تعرف يا شريف لو كان نفحهم الحتتين دول بسعر التكلفة مثلاً كنا قلنا ماشي ..

لكن مجاني يا عمده .... فري آوف شارج يا محافظ ؟

الغريب بقى إن السقا محترف في تركيا .. يعني ما شاء الله مش محتاج .

[أبو حميد]

على الأقل دي هدية معلنة وكل الناس شايفها والحسد نزل على دماغهم زي المطر.

المشكلة في العمارات والأراضي الشاسعة اللي بتتوزع على المحاسيب ومحاسيب المحاسيب في كل حتة في مصر والغريبة ان المحاسيب دول أقل واحد فيهم مليونير.

[nemr111]

هى الشقة فى ايد اللاعيب عجبة طب و ايه يعنى ماهو جرى و اتقطع نفسه لحد ما خدها .. ياهم اللاعيبة دول حظهم كويس شوف القدامى منهم .. ما توا و مش لاقيين تمن الدوا و حتى تمن الكفن و قائمة الشئون الاجتماعية مليئة باللاعبين (الرياضيين عموما)و بصراحة همااولى من ولاد الايه الللى سارقين البلد على الاقل الراجل لما ادى لاعب شقة .. احسن ما يخصص له ابعدية يجرى فيها الخيل .. لأنه كان متصور مع عمنا الكبير

[impossible]

طيب ما تقولو لة يفتتح المكتبة (((((((((مكتبة مبارك العظيمة)))))))) احسن خلاص تاريخ صلاحيتها قرب ينتهى

المكتبة دى بداو يحفرو فيها و انا فى 2 ثانوى و افتتحوها مرتين مرة و انا فى اولى كلية و المرة التانية السنة اللى فاتت اهو انا دلوقتى فى رابعة كلية

بدل ما يوزع شقق يشوف شغلة بجد و شغل المحافظة