مين بيبتدي الكلام: إنت ولا اللي حواليك؟

[Sherief AbdelWahab]

فيه حاجة محيراني نفسي أسألكم فيها ..

لما بيبقى فيه كلام أو حوار خارج السايبر سبيس ، مين بيفتح الموضوع ويبتدي الكلام؟ انت ولا غيرك ؟

لما بتبتدي الحوار ،غيرك بيقبل بسهولة ،ولا بيطنش؟

ولما غيرك بيبتدي ، بتتحمس للكلام ولا بيفتر حماسك بسرعة؟

خلص الكلام

[se_ Elsyed]

ده حسب اللي إنت بتكلمه

يعني لو صديقك الآنتيم .. يبقى ما بتفرقش مين اللي يبدأ ..

أما غير كده فحسب وزنه .. يعني دمه ثقيل على قلبك يبقى ما بأحاولش أفتح معاه كلام وبأدخل في المفيد ..

وهكذا ...

إنت بتسأل أسئلة غريبة يا أخي ومن خارج المقرر ....

مونكن أعرف ليه ؟

[فــيــروز]

لأ انا مش بابتدى الكلام فى الغالب :D

وده بيشعرنى بتوتر فظيع لأن بافضل اقول اكيد الناس اللى حولى -خصوصا لو مش اصحاب قريبين منّى- بيقولوا هى كبّه كده ليه !! :sad:

و احيان احاول ابتدى انا الكلام بس بردو باكون متوتره اوى لأنّى مش حابّه ابتدى الكلام انا باحب اسمع الاول فتره قبل ما اتكلم ..

من فتره قصيره كنت فى صحبة مجموعه من الناس جديده علىّ و حاولت ابتدى كلام .. بس بعد فتره لقيتنى خلّصت الاسئله التقليديه اللى بتتقال لفتح موضوعات .. و لقيتنى باقول فى نفسى : انا ليه ماقريتش كتاب "كيف تكسب الاصدقاء و تؤثر فى الناس" بجديّه اكبر عشان الاقى حاجه اقولها :sad:

[سيزيف]

اعتقد ان المقصود هو من يبدا الكلام عندما تكون فى مجتمع جديد

لان من المنطقى ان هذه المشكله لن تثار طبعا بين الاصدقاء

و عموما عندما اكون مع ناس لا اعرفهم جيدا فانا بوجه عام اميل لترك الفرصه لهم للبدء بالحديث حتى اعرف اهتماماتهم و ميولهم و استطيع ان اختار موضوع يجذبهم للحديث

و لكن فى بعض الاحيان قد يكون الناس الذين تلتقى بهم خجولين فهنا يجب ان ابدا انا بالكلام حتى اكسر حاجز الصمت

[nemr111]

فى بعض الحالات السكوت افضل من الكلام .. لأن الانطباع الاول فى ظروفنا .. يودى فى داهيه .. يعنى لو واحد بيتكلم مع رئيسة فى العمل .. يقال عليه ملقوف أو لو بيكلم بنت زميله ليه يقال مدلوق .. و اذا سكت يقولوا شارب نشا ,, الكلام يكون على درجة مقربتك من المحاور و ربنا يجعل كلامنا حفيف عليهم

[Sherief AbdelWahab]

شاين كورنر :

أنا قصدي عموماً ، مش المجتمع اللي الواحد جديد عليه ، لإن في أي مجتمع جديد بيبقى فيه نوع من أنواع الرهبة والحذر ..

وكلامي عن الكلام عموماً جه لإني مستشعر إن بقى فيه حالة من الخرس في مجتمعنا خارج السايبر سبيس ، أو يمكن أنا لوحدي اللي بحس بيها..

خلص الكلام

[لخبطه]

انا خجول جدا لدرجه مرضيه لذلك بحاول أثبت لنفسي دايما أنى مش كدا يعني اثبت لنفسي اني جرئ لذلك بتعمد أتكلم الاول وافتح حوار مع أي حد أعرفه أو مش اعرفه بس فعلا بعد الكام سؤال التقليدي بتلاقي ( خلص الكلام ) وبيعود الصمت بس فعلا ظاهره الصمت بقت موجوده حتى بين الاصحاب والحبايب

[Hammer]

علي فكره الموضوع دا يختلف في حاله الناس اللي واخده علي بعض زي الاصدقاء عنه في حاله العلاقات الرسميه أو الجديده .

فمع الاصدقاء , يعتمد الموضوع علي نوع الشخصيه .. متحدثه , متحفظه , منطلقه ... و في الاخر هم أصحابك و ماحدش زعلان .

بس بتكون المشكله فعلا في العلاقات الرسميه أو الجديده , لان لحظات الصمت اللي ماحدش عارف فيها يقول إيه بتكون لحظات ضغط نفسي و توتر علي الطرفين .. زي بالظبط اللحظات التي تسبق ( يا عمي أنا يشرفني أطلب إيد بنتك )

و علي فكره مش معني أن الموضوع معتمد علي الشخصيه إنه ما ينفعش يتطور , فهناك كتب و دراسات عن هذا الموضوع و هو ما يسمي ال (Warm-up ) و تحوي هذه الدراسات علي خطوات محدده تتبع و أبسطها إستخدام أسئله لا تكون إجاباتها نعم أو لا , يعني تكون الاجابه رغي , ومن هذا الرغي تطلع رغي تاني و هكذا دواليك .

و كلما كانت محصله الانسان غزيره في المعلومات و القراءات و الاخبار , تحسنت قدرات ال (Warm-up ) عنده , بس مش أول ما نتعلم الرغي نفتح علي الرابع , فهناك مقوله جيده تقول :

Gog gave us two ears and one tounge, so use them in this portion.

أو بالعربي , لقد أعطانا الله لسان واحد و أذنين إثنين , فإستخدمهم بهذه النسبه .

أو بالعربي أكتر و أكتر ......

إذا كان الكلام من فضه ... فالسكوت من ذهب.

[Hammer]

علي فكره الموضوع دا يختلف في حاله الناس اللي واخده علي بعض زي الاصدقاء عنه في حاله العلاقات الرسميه أو الجديده .

فمع الاصدقاء , يعتمد الموضوع علي نوع الشخصيه .. متحدثه , متحفظه , منطلقه ... و في الاخر هم أصحابك و ماحدش زعلان .

بس بتكون المشكله فعلا في العلاقات الرسميه أو الجديده , لان لحظات الصمت اللي ماحدش عارف فيها يقول إيه بتكون لحظات ضغط نفسي و توتر علي الطرفين .. زي بالظبط اللحظات التي تسبق ( يا عمي أنا يشرفني أطلب إيد بنتك )

و علي فكره مش معني أن الموضوع معتمد علي الشخصيه إنه ما ينفعش يتطور , فهناك كتب و دراسات عن هذا الموضوع و هو ما يسمي ال (Warm-up ) و تحوي هذه الدراسات علي خطوات محدده تتبع و أبسطها إستخدام أسئله لا تكون إجاباتها نعم أو لا , يعني تكون الاجابه رغي , ومن هذا الرغي تطلع رغي تاني و هكذا دواليك .

و كلما كانت محصله الانسان غزيره في المعلومات و القراءات و الاخبار , تحسنت قدرات ال (Warm-up ) عنده , بس مش أول ما نتعلم الرغي نفتح علي الرابع , فهناك مقوله جيده تقول :

God gave us two ears and one tounge, so use them in this portion.

أو بالعربي , لقد أعطانا الله لسان واحد و أذنين إثنين , فإستخدمهم بهذه النسبه .

أو بالعربي أكتر و أكتر ......

إذا كان الكلام من فضه ... فالسكوت من ذهب.

[مصرية الهوى]

موضوع الكلام والرغي ده موضوع مهم لأنه وسيلة الاتصال بين الناس ، وسيلة التنفيس والفضفضة ، وخصوصا بالنسبة للستات :wub: ، لأن حالة الصمت لو طولت ممكن تسبب اكتئاب..

اكتر ناس بتكلم معاهم طبعاً أهلي في البيت وبنات خالاتي وصحباتي في الكلية ، ودول معنديش أي مشاكل في الكلام معاهم يعني كتير انا اللي أبدأ اتكلم معنديش أي مشكلة إني اختار موضوع ، وكلهم بيسمعوني .. تقريبا انا راديو الشلة :blink: .. وساعات حد من أصحابي هو اللي بيبدأ يتكلم .. والكلام اخد وعطا .. يعني رايح جاي .. ومن الموضوع الواحد يطلع ستين موضوع .. يعني احيانا بنتوه في النص ونلاقي مشاكل في الرجوع للموضوع الأول ..

أما بقى الناس اللي معرفهومش ، وخصوصا لو كانوا اكبر مني، أو مثلا ناس تفكيرهم في الشرق وتفكيري في الغرب .. لما اقعد معاهم بتجيلي حالة خرس رهيبة ، وحالة خجل :D ، معرفش اقول كلمتين على بعض ..

[White heart]

لم يتعرض أحد لنقطة اللغة الأم أم اللغة المكتسبة .... أعتقد انها تلعب دورا هاما فى كثير من الأحيان، فبالنسبه لى كمهاجر، و فى 99% من الحالات التى يتسائل عنها العزيز "شريف " اصبح محاطا بجماعه من أهل البلد الأصليين، اصبح مادة دسمة لهم :unsure: .... للتعرف على عالم مختلف تماما، فتنهال الاسئلة من كل شكل و نوع، و لكن متعتى الشخصيه هى تعمد كل فترة و اخرى و بالمقابل طرح اسئلة حول قضايا مختلفة - أو عن أى أمر يخصهم أو يعنيهم و يكون فى بؤرة اهتماماتهم و يكون لدى شك مسبقا فى اختلافهم حولها، أو تأكد البعض و عدم تأكد البعض الأخر، و بجدالهم و نقاشهم سويا امامى ينفتح كنز ثمين لى، و تظهر معلومات و معلومات ... ( سواء كانوا صغار أم كبار فى السن) ....

و بالفعل مثلما قال بعض الزملاء مسألة من يبدأ الحديث تعتمد بالدرجة الأولى على طبيعة المجموعة المحيطة و تكوينهم النفسى، بل أعتقد ان المكان و المناخ، و الجو العام، قد يلعبوا دورا هاما فى هذه المسألة، على سبيل المثال جماعة من زملاء العمل يقضون سويا عطلة قصيرة فى احدى مرتفعات سويسرا للتزحلق على الجليد، و فى أثناء طعام العشاء فى احدى الأكواخ الخشبية ذات النوافذ الزجاجية الصغيرة و التدفئة بالداخل تنبعث من احدى الأركان بإيقاد قطع من خشب الأشجار، و الإضاءة البسيطة، و هم يأكلون سويا الـــ La fondue Suisse - بكل تأكيد الحديث لن يكون عن العمل أو عن إضراب موظفين الشركة الفلانية أو افلاس هذه .... بالتأكيد سيكون الحديث ( على الأقل الموضوع الأول ) حول المكان و امكانيته و تجارب أو ذكريات كل واحد فى البلدان الأوروبية المشابهة كالنمسا أو فرنسا مثلا .....

الا انه وفقا لملاحظتى الشخصية و بوجه عام فانه هناك دائما من يبدأ الحديث عن أى موضوع ما .... ثم يتشارك الجميع، و رويدا رويدا، تتفرع المواضيع، و تنقسم المجموعه الى أزواج، حتى يأتى أو ينضم طرف جديد ليعود الجميع للحديث سويا عن شئ مشترك، و رويدا رويدا يتفرع الحديث من جديد . و هلما جرا.......

انا شخصيا لم أواجه أى صعوبه حتى الأن فى التأقلم سريعا مع الجماعة المحيطة أيا كان نوعها، و أيا كان الموضع ... و كثيرا ما أتعمد المبادرة بالحديث، عندما أرى انه هناك الكثير ممن هم من النوع الخجول جدا جدا، حتى اذا ما بدأوا فى الحديث اتبع خطتى المعتادة، و بعدها كلى أذان صاغيه ....

[NoorJehan]

ياه يا أخ شريف، موضوعك ده جه على الجرح...

وذلك لأن مؤخرا، ملاحظه إن الناس عامه أصبحت لا تهتم بالقدر الأدنى من آليات الحوار لكى يتم الشد والجذب والتبادل المطلوب فى شتى المناسبات الإجتماعيه..

بإستثناء بعض الأقارب والأصدقاءالحميمين ممن تتسع دائره الحوار معهم بإستمتاع، وجدت الأغلبيه لا تسعى ولا تبادر لخلق الحديث..اى حديث وإن كان سطحيا..

وفى عزومه ما، وجدت إن لم تختلق الحديث مع البعض، مفيش مشاكل، فهم راضين كل الرضا بالجلوس فى صمت ...ويسبب ذلك لى توترا شديدا ويضع على ضغطا لكى أجد اى موضوع نتحدث به...

تناقشت مع بعض الأصدقاء حول هذا فى ذات مره..فنصحونى بأن آثر الصمت أنا الآخرى وأنتظر مبادراتهم...ولكن وجدت فى ذلك صعوبه شديده..فبالرغم من إيمانى الشديد بأن الإستماع خير من التحدث..وإن

تحدثت، فقل خيرا أو لتصمت...إلا وإن هناك حد أدنى من الكلام مطلوب لمواكبه المواقف الإجتماعيه

فى حياتنا... :unsure:

إحساسى الشخصى هو إن ربما تناسينا الحديث فى زمن الإنترنت والرسائل الكتابيه والدش...والصمت السياسى

[nancy]

حكاية انى اتكلم

[nancy]

حكاية انى اتكلم

[nancy]

حكاية انى اتكلم

[nancy]

حكاية انى اتكلم مع حد او مج%C

[Hammer]

طب خدي بق مية الأول يا نانسي :D