يوميات عزيز بك الأليط

[MZohairy]

أمبارح كان الجو عندنا في الرياض أكثر من Merveilleux فأتصلت بصديقي العزيز زُهيري وقلت له تعالى نروح نصطاد بط في البر في الجو الممطر ده .. وطبعاً وافق على طول ما هو بطاوي قديم ..

وما صدقت أخدت عربيتي الهامر الفور باي فايف وجريت أخدته من فيلته اللي في الحي الدبلوماسي ...

المهم نزلنا البر بعدة الصيد .... بنادقنا .. مسدساتنا .. جرابتنا .. بطنا المدبوح واللي متنضف جاهز و كنا جايبين شوية بط محشي برتقان - الصنف ده زهيري بيموت فيه وبيضرب له في المره الواحده بتاع 5 دكوره في بوء واحد ..

أثناء ما أحنا بنصطاد عدا علينا أحد الأصدقاء كان جاي بيصطاد ضببه - جمع ضب - المهم سلم وخد واجبه وتنو ماشي ... بعدها لقيت زهيري فاتح بوءه وفي منتهى الإندهاش ..

سألته

- في إيه يا مون شيري ؟

- قال لي ما شوفتش عدة الموبيل اللي شايلها الجدع ده ؟

- ماخدتش بالي والله !!

- الجدع يا عم شايل نوكيا 9X زي ده

- هو لسه في كده يا سين سين ؟

- والله يا زيزو ممكن تكون بتاعت السواق اللي عنده .. أو يكون معذور ... إنت عارف الظروف في الأيام اللي ما يعلم بها إلا ربنا دي

- لأ مش قصدي يا مون شيغي .. قصدي إني مش متخيل في الزمن اللي إحنا فيه ده ما معهوش I phone 4

- ولا أنا يا صديقي .... لكن للظروف أحكام

- ما تقوليش ظروف .... دي حجج فارغه وأعذار واهيه ... هاقول لك على حاجه

- قول ( وأفقع مرارة أهلي كمان وكمان )

- إنت عارف إني نزلت الأنتخابات الأخيرة ... وعارف كمان إن كان شعار برنامجي هو

Fournir les exigences minimales de la vie pour chaque personne

- لا حول ولا قوة إلا بالله ... حتى الأدوية الحكومة عجزت عن توفيرها ... طب والنبي قولي إنت يا زيزو .. اللي عنده والعياذ بالله شُحار أو سعال ديكي .. وأحتاج الفورنير إكسجانصي ده وراح الأجزخانة مالقهوش .. يموت يعني ولا نرمية للقطط ؟

- سعار إيه ودوا إيه ؟ يا بني أدم بأقول لك إني وعدت الناس بتوفير الحد الادني من متطلبات الحياة الكريمة لهم

- آآآآآآآآآآآآآآآه .. قولي كده بقى .. ومن وجهة نظرك إيه هو الحد الأدني من مستلزمات البيت وكدهوت ؟

- بُص .. برنامجي كان بسيط .. وهو عبارة عن إن كل مصري لازم يبقى عنده أيفونه ... أيباده ... عربيته الجاجور .. أو الموسراتي .. فيلته اللي في الشيخ زايد ...

- آآآآآآآآآآآآآآآآه ( دي وجع مش أه موافقه )

- طب تعرف إني إتصلت بوزير الإسكان وعرضت عليه إقتراح أكثر من خرافي ... وهو إن كل مصر تسكن في الشيخ زايد ؟

- رددت متنهداً : ً طب والشيخ زايد يسكن فين ؟ قصدي مش شايف إننا هانبقى متحشرين جنب بعض والشوارع هاتبقى زحمه ؟

- لأ لأ .. ما هو ممكن نتوسع رأسياً يا مون شيغي .. بُص ... يعني نخلي الفلل دوبلكس ... 4 او 5 ادوار بسلم وطرابزين وأسانسير داخلي ... وكدهوت ... وبكده الشيخ زايد هايسعنا كلنا

- أيوه إذا كان كده .. يبقى ماششششششششششششي ... بأحسبك هاتتوسع افقياً وكل فيلا تبقى بجنينه 2000م وكده يعني

- بُص يا سين سين .. أنا مش باحب البخل ولا البخلاء ... ليه كل واحد يبقى معاه على قلبه قد كده ويستخسر في نفسه حاجه ... بُص أنا ريقي نشف تعالى نقعد على اي كوفي شوب ونكمل ..

- اوك

- المهم يا سونسون .... يعني ليه تستخسر في نفسك تذكرة طيران وتروح تركب القطر الفرنساوي لحد إسكندرية ... ليه تنزل تاخد تاكس لما ممكن تأجر عربية بشوفير لابس رسمي ويفتح لك الباب ويشيلك من عالارض شيل ... ليه تاكل عيش برده لما ممكن تاكل توست

- والله عندك حق .. وليه تدفع أكتر لما ممكن تدفع أقل .. الجُملة دي سمعتها من صديقي أحمد بهجت بتاع جولدي الله يمسيه بالخير

- شوفت .. يعني مش أنا لوحدي يا سون سون اللي بأفكر كده ؟ ..

- كمان اللي غايظني ... ليه تروح مارينا أو ماربيلا لما ممكن تروح سويزرلاند أو موناكو ..

- صح .. والله العظيم ناس قرايبي راحو جمصه السنة اللي فاتت إتهروا ناموس ورجعوا وشهم متنفخ من القرص .. تخيل فعلاً لو كانوا راحوا سورينام دي أو شيكاغو ..

- برافو عليك .. إنت كده مخك إبتدى يتفرمت ويتقسم بارتشن صح الصح ..

وهنا قاطعنا الجرسون صائحاً : حساب المشاريب والشيشة يا فنديه ...

زهيري وهو ينظر إلى الفاتورة : بتقبلوا هنا ترافيلر تشيك أو كريديت كارد ؟

الجرسون : نعم ياخويا ؟ هنا كله توتو على كبوته وكاش أند كاري ..

زهيري ملتفتاً إلي : طب إدفع له يا سين سين أحسن نسيت المحفظه عالكومودينو في الفيلا

سين سين وهو يشيح بوجهه : أيوه . أيوه يا أسماعين أنا جاي أهو ثواني .... عن إذنك إسماعين بينده عليه

معاك ربنا يا حبيبي وقابلني في موناكو

جو سوي فاشيه يا دوبل سين و الله :sad:

قعدت مستنيك في الروستورا امبارح و سايب بلنت السان بيرنار بتاعي بره المطعم لغاية ما نشف من كتر البرد

سيه فريه عند الشدائد تعرف الفريرات

المهم و انا قاعد الصبح و بشرب الناين اوكلوك تي بتاعي :coffeenews: فكرت في حل للأزمه الايكونوميك اللي شايفها الشعب المصري والله يا دوبل سين

الناس فعلا في مصر تعبانه... احكيلك ايه ولا ايه؟؟؟؟:cry:

تخيل الناس في نادي الجزيره ما بقتش تشتري كاسكروتات من المطاعم اللي في النادي و بقت تعملها في البيت علشان يوفروا !!

حتى مقابر الكلاب في نفس النادي مابقتش زحمه زي زمان و اللي بيموتله كلب ما بقاش يدفنه في النادي و بيرميه علشان مايدفعش للنادي ايجار مقبره !!

حتى الناس اللي ساكنين في القطاميه و الشيخ زايد بتوعك...تقدر تقولي كام واحد فيهم قادر يصيف في اوروبا كل سنه؟؟

لذلك ان فكرت في فكره فورميدابل امبارح

انت عارف ان عندنا في كندا الآي فون 4 سعره حوالي 700 دولار يعني ما يعادل 2600 ريال في السعوديه عندكم

في حين انه بيتباع في السعوديه ب 3600 ريال

يعني الف ريال فرق

فكرتي الفانتاستييك ان الشعب المصري يسافر كندا مره كل شهر و كل مواطن يشتري آيفون 4

و يرجع على السعوديه يبيعه هناك و ياخد ال 1000 ريال الفرق في جيبه

و بكده يبقى كل مواطن مصري عنده دخل ثابت يقارب 1500 جنيه

ده غير الفسحه و خصوصا لو كل شهر يروح ولايه كنديه مختلفه مره تورونتو و مره اوتوا و مره موريال و مره كالجاري و مره فانكوفر

يعني حيهيص و يتفسح و يشتغل و يكسب

الأفكار موجوده يا دوبل سين و كتيره

بس اللي ينفذ

اورفوار و اتوتالور شيري