النفاق دبلوماسية والخيانة وجهة نظر

[المدهش]

حين تصبح الرشوة مجرد بقشيش أو إكرامية يباركها الناس ويعترفون بفضلها في تخليص مصالحهم ولا يستطيعون أن يعيشوا بدونها في مجتمع كل واحد فيه حاطط ايده في جيب الثاني..وحين تصبح العمالة وخيانة الدين والوطن مجرد وجهة نظر مطلوب منا احترامها والاستماع إليها وإلا فسنتهم بالديكتاتورية ونصبح عديمي العولمة وقليلي الاصلاح السياسي..وحين يتحول النفاق والتملق إلى ديبلوماسية وقدرة عالية على عمل العلاقات العامة والخاصة..وحين يتحول التهجيص والتهييس إلى فن يجلب الشهرة والملايين ..حين يتحول كل معنى جميل ونبيل في بلدنا إلى شئ مبتذل وسخيف ..فقل عليها السلام ..!!!!!!

[se_ Elsyed]

طب بالله عليك يا مدهش .. يبقى العيب في مين ؟

في الدين وتطبيق الشرع اللي الكل مرعوبين منه مسلمين قبل غيرهم ؟

ولا فينا إحنا اللي صنعنا ألهة من القاذورات والأخطاء ثم أصبحنا نسجد لها ؟

وأقصد بتلك الألهة هي الأخلاق - أو بالأحرى اللاخلاق - والمعايير والتقاليد والمفاهيم التي إبتكرناها وتفننا في تزيينها لأنفسنا ...

- الشرع يقول لعن الله الراشي والمرتشي والرائش - الوسيط يعني - وإحنا بكل فهلوة بقينا نتعامل معها بمنتهى البساطة والمرح في كثير من الأحيان .. وأصبحت عرف يقبله الجميع ويحتضننوه وينمونه ...

عارف يا مدهش أنا عايز أقول إيه ؟

هو الزنا مش حرام في جميع الأديان ..

طب ليه في مجتمعنا مثلاً أبو معايير مزدوجة ما بنشفش الموضوع ده منتشر في الشوارع والأماكن العامة على الملاْ ؟ هو موجود طبعاً لكن حالات فردية ..

يعني اللي أقصدة . طالما إحنا قننا الرشوى وحمينها - من الأستحمام والنضافة يعني - وخلينا شكلها حلو وما بقناش نتكسف منها .. ليه بقى ما بنعملش كده مع باقي البلاوي التانية ؟

ولو إن بيني وبينك الموضوع ده موجود وبقوة أيضاً ..

فشوف مثلاً من أول ما طلعت الأفلام السنيمائية والمسلسلات والقص الروائية ... تلاقي شرب الخمره ده حلاوه وكإنه ملبس الناس بتاكله ... وعشان يبقى شكلها حلو ونبعد بقى عن الدين والتعقيدات .. نقوم نسميها " مشروبات روحيه " يا روحي يا روحي ... وحاجات بتقوي القلب وتساعد على إكتساب الشجاعة ....

والمخدرات ... برضوا خدناها تحت الدش ونضفناها وسميناها .. وسائل نسيان ... وواحد بيتعاطاها عشان ينسى ....

أما الفن والتهجيص .. فمش هاسمح لك تتكلم عنه كلمه وحشه .... لإن أهله هم علية القوم .... وأهله هم أصحاب الرسالة السامية - كويس أنهم ما قالوش رسالة سماوية .. أستغفر الله - ولو إن والله يا عم مدهش سمعت محمد نوح بتاع بلدي يا بلدي ووطني يا وطني وشدي حيلك يا بلد والحاجات دي بيقولها ، عن محمد إبن نوح أنه قال " إن التمثيل ذُكر في القرآن - أنا صُعقت قلت إمتى ده ... وأنا كنت مسافر ولا كنت نايم بالليل ؟ - فشوف ربنا قال إيه ( فتمثل لها بشراً سويا ) "

شفت تهجيص أكثر من كده ؟ .. يعني سيدنا جبريل عندما جاء لمريم العذراء ولكي لا تُصعق من رؤيتة على حقيقته كملك من الملائكة المصطفين أصحاب القوة.. فجعله الله على صورة بشر لكي تطمئن ..... راح الأفندي حورها ودورها وقال ما هو التمثيل موجود أهو ..أومال محبكينها قوي كده ليه ؟

وعندما وعندما وعندما ..

يا راجل ... كلنا شركاء في تلك الجرائم ..