إنتظروا إغتيال إسلام بحيري كما تم إغتيال فرج فودة

[عادل أبوزيد]

بمنتهى البساطة و اليسر  بكلمتين عفو خاطر من رئيس جامعة الأزهر تم إهدار دم إسلام بحيري  .... ، قال ببساطة "إسلام بحيري مرتد"  و غسل يديه و تناول طعامه هنيئا مريئا و ربما دعا أقاربه و أصدقائه  ليسمعوا حواره في التليفزيون........    و لا تندهشوا عندما تجدونه في مقدمة المشيعين لجثمان إسلام بحيري الذي ربما إغتالته يد بائع سمك أمي  دفاعا عن دين الله  تلبية لمن صرح أنه مرتد.

نفس السيناريو حدث مع الدكتور فرج فودة  و كاد يحدث مثله مع الدكتور نصر أبوزيد ... عفوا حدث ما هو أكثر  لقد إستصدروا حكما قضائيا بأنه خارج عن الملة و فرقوا بينه و بين زوجته  بالقانون  و خرج من مصر هائما على وجهه.

أنا نفسي من أسبوعين في صلاة الجمعة قرب إنتهاء الخطبة  سمعت الخطيب يقول "ماذا فعلتم لنصرة الإسلام" و إنتهت الخطبة و دار في رأسي حوار  نحن هنا في مدينة نصر  ماذا يطلب الرجل و ماذا ينتظر منا ؟ و ماذا لو وقع هذا السؤال الإستنكاري  على رجل بسيط متحمس و جاهل مثل ذلك الذي إغتال الدكتور فرج فودة أو الذي حاول قتل نجيب محفوظ  أو الذي ذبح  صاحب مقلة اللب في شارع خالد بن الوليد منذ أسابيع.

[tarek hassan]

من هنا كانت خطورة الكلمة .... خطورة الفتوى .... دور الأزاهرة إيجابا وسلبا .... أنا عايش في وسط الأزهر .... ما قاله رئيس جامعة الأزهر كان بمثابة عقيدة وليس زلة لسان

 الفرق بينه وبين غيره أنه جهر بها يعني الخلاف كان على السرية والجهر أو على التصريح أو التورية 

أغلب الأزهريين أصبحوا على مسافة واحدة في كثير من الأمور مع السلفيين والإخوان وربما الدواعش 

كثيرون يعتقدون أن حبس إسلام بحيري غير كاف وأنه يستحق الإعدام على حسب فتاوى الارتداد وقتل المرتد 

وهل يكفي إقالة رئيس والجامعة وهناك الآلاف في الأزهر مثلة تماما 

 

[herohero]

اغتيال مين بس يا استاذ طارق ،هو الناس ف مصر فارق معاها يولع اسلام البحيري ع غيره معرفش هو حضرتك بجد متصور ان الناس فارق معاها 

استاذي الفاضل الاوضاع الاقتصادية الممتعة مش هتخلي حاجه تحصل اطمن الا لو حد من النظام حب يعمل كده عشان يمتص غضب الناس 

استاذي الفاضل ابقى امشي ع كوبري اكتوبر وشوف اعلانات بنك مصر والفائدة ب26% 

 

ياراجل كبر مخك قال اسلام البحيري قال

[tarek hassan]

أيهما فعلا زلة لسان ؟ 

قال إسلام البحيري، كاتب وباحث إسلامي، إن رئيس جامعة الأزهر

أعتبر أن الدواعش مؤمنين وأنه كإسلام البحيري مرتد وأنه أخطر علي الإسلام.    وأضاف "البحيري"، خلال مداخلة هاتفية ببرنامج "كل يوم"، المذاع علي فضائية "on-e"، اليوم السبت، أنه قبل إعتذار رئيس جامعة الأزهر المقال برغم يقينه أنها لم تكن ذلة لسان وأنه مقتنع بما قاله وإعتذاره كانت بالإجبار، معقبا: "أنا سامحت في حقي من قبل اعتذار رئيس جامعة الأزهر المقال وأنا لا أتصيط الكلمات مثلما يفعل الازهريين".   

وأشار إلى أنه رفض أن يرفع قضية ضد رئيس جامعة الأزهر مقابل قضية شيخ الأزهر ضده قائلا: "أنا لا أفعل مثلما يفعلون"، علي حد زعمه.   

 واستطرد أنه سعيد بقرار شيخ الأزهر بعزل رئيس جامعة الأزهر لأنه حاسم وحازم برغم الخلاف بينه وبين شيخ الأزهر، معقبا: "هذا القرار يعتبر تطهير داخل الأزهر من هؤلاء وقادات لديهم فكر متطرف".   

وتابع: "أنا سعيد بحدوث هذا الموقف لانها واقعة كاشفة، قائلا: "أقدر ما فعله الدكتور الطيب والبلد مش ناقصة أي مهاترات وأتمني من شيخ الأزهر أن يكمل في تطهير الأزهر". 

[MZohairy]

4 hours ago, herohero said:

اغتيال مين بس يا استاذ طارق ،هو الناس ف مصر فارق معاها يولع اسلام البحيري ع غيره معرفش هو حضرتك بجد متصور ان الناس فارق معاها 

استاذي الفاضل الاوضاع الاقتصادية الممتعة مش هتخلي حاجه تحصل اطمن الا لو حد من النظام حب يعمل كده عشان يمتص غضب الناس 

استاذي الفاضل ابقى امشي ع كوبري اكتوبر وشوف اعلانات بنك مصر والفائدة ب26% 

 

ياراجل كبر مخك قال اسلام البحيري قال

حقيقي مش فاهم ايه علاقة ردك بالموضوع

التكفيريين موجودين وماليين الدنيا

والراجل اعلن ان البحيري مرتد

وبالتالي التكفيريين والجهاديين هيبقى كل همهم هو قتل المرتد بطبيعة الحال

تقوم انت تقول كوبري اكتوبر والفايده متزايده؟؟؟؟؟؟

عجبا لمن يريد ان يضخم امور ويبسط امور حسب المزاج!!!!!! سبحانك يا رب

[herohero]

19 hours ago, MZohairy said:

حقيقي مش فاهم ايه علاقة ردك بالموضوع

التكفيريين موجودين وماليين الدنيا

والراجل اعلن ان البحيري مرتد

وبالتالي التكفيريين والجهاديين هيبقى كل همهم هو قتل المرتد بطبيعة الحال

تقوم انت تقول كوبري اكتوبر والفايده متزايده؟؟؟؟؟؟

عجبا لمن يريد ان يضخم امور ويبسط امور حسب المزاج!!!!!! سبحانك يا رب

استاذي الفاضل حضرتك ف كندا وانا ف السعودية لما تنزل اجازة وتشوف حال الناس واستثني منهم فئة 5% هتلاقي انهم ولا فارق معاهم اسلام بحيري ولااسلام النيلي 

الناس دماغها ف اكل العيش 

اسلام البحيري ده ولا انا عارف ايه مؤهلاته ولا ايه الهدف منه

مش شايف انه هيغير حاجه ف البلد حضرتك وانا بنتكلم واحنا بعيد انما لماتنزل ف مصر ف المعجنه هتعرف ايه اللي يهم الناس 

 

انا لا ببسط ولا بضخم انا بقول حال الناس 

 

كلنا اسلام البحيري رائد التطوير 

اريحك اسلام البحيري هيبقى من العشرة المبشرين بالجنة 

وياسلام ع فتحة القميص .... صحيح اسلام وسطي لذيذ وكيوت

[tarek hassan]

5 ساعات مضت, herohero said:

كلنا اسلام البحيري رائد التطوير 

اريحك اسلام البحيري هيبقى من العشرة المبشرين بالجنة 

وياسلام على فتحة القميص .... صحيح اسلام وسطي لذيذ وكيوت

حد قالك إن الأستاذ : زهيري تعبان .... وسيادتك بتتريق على ايه 

ومش عارف كلامك دا في مقابل إيه .... هل زعلان مثلا إننا مش مع اغتيال إسلام بحيري ..

ولا زعلان إن الراجل بيجتهد في نصوص دينه وحرام الاجتهاد وحلال النقل والترديد  ...

أو زعلان إننا بنقول إنه لا يجوز تكفيره على الأٌقل أسوة بداعش اللي بيقولوا عليهم من أهل القبلة ... ربنا يرزقك ويرزقنا الاجتهاد والتفكير 

[herohero]

1 hour ago, tarek hassan said:

حد قالك إن الأستاذ : زهيري تعبان .... وسيادتك بتتريق على ايه 

ومش عارف كلامك دا في مقابل إيه .... هل زعلان مثلا إننا مش مع اغتيال إسلام بحيري ..

ولا زعلان إن الراجل بيجتهد في نصوص دينه وحرام الاجتهاد وحلال النقل والترديد  ...

أو زعلان إننا بنقول إنه لا يجوز تكفيره على الأٌقل أسوة بداعش اللي بيقولوا عليهم من أهل القبلة ... ربنا يرزقك ويرزقنا الاجتهاد والتفكير 

طارق بيه .حضرتك ازهري وانت ادرى بالازهر 

بس ملاحظتي هو الاجتهاد بس ف الدين والاسلامي بالاخص!!!!

عاوزين كدة مجتهدين زي اسلام البحيري ف مجالات اخرى لان البلد حاليا مش ناقصها الاجتهاد ف الدين 

اللي هيعمل لنا بلبلة

وانا لا زعلان ولافرحان بس مش قابل ان ازهري زي حضرتك يعتبر اسلام البحيري مجتهد ف الدين 

مش عارف اجتهاد ف الدين ايه اللي يطلع فاتح لي زرارين من القميص 

ياراجل الدين له هيبة كفاية بقى استهزاء 

يغور الاجتهاد من الاشكال ده وكلنا عارفين اسلام بحيري كان ف الكويت بيعمل ايه

[tarek hassan]

10 ساعات مضت, herohero said:

مش عارف اجتهاد ف الدين ايه اللي يطلع فاتح لي زرارين من القميص 

ياراجل الدين له هيبة كفاية بقى استهزاء 

يغور الاجتهاد من الاشكال ده وكلنا عارفين اسلام بحيري كان ف الكويت بيعمل ايه

 

على فرض ..... هو فيه رواية بتقول : من فتح زرارين من قميصه فقد كفر .... أو من فتح زرارين من قميصه فلا يقبل منه اجتهاده .... دا بقى على أي دين وأي ملة 

لا والله كلنا مش عارفين كان بيعمل إيه في الكويت لأننا لا ننبش في حياة الناس الشخصية ولا يهمنا مشاكلهم العائلية لأن ديننا علمنا ألا نهتم بشخص الرسول ولكن بمضمون الرسالة 

﴿وَقَالُوا مَالِ هَذَا الرَّسُولِ يَأْكُلُ الطَّعَامَ وَيَمْشِي فِي الْأَسْوَاقِ لَوْلَا أُنْزِلَ إِلَيْهِ مَلَكٌ فَيَكُونَ مَعَهُ نَذِيراً (7) أَوْ يُلْقَى إِلَيْهِ كَنْزٌ أَوْ تَكُونُ لَهُ جَنَّةٌ يَأْكُلُ مِنْهَا وَقَالَ الظَّالِمُونَ إِنْ تَتَّبِعُونَ إِلَّا رَجُلاً مَسْحُوراً ) 

وطبعا للرسول المثل الأعلى حتى لا نتهم بتشبيه إسلام بحيري بالرسول صلى الله عليه وسلم 

[herohero]

1 hour ago, tarek hassan said:

على فرض ..... هو فيه رواية بتقول : من فتح زرارين من قميصه فقد كفر .... أو من فتح زرارين من قميصه فلا يقبل منه اجتهاده .... دا بقى على أي دين وأي ملة 

لا والله كلنا مش عارفين كان بيعمل إيه في الكويت لأننا لا ننبش في حياة الناس الشخصية ولا يهمنا مشاكلهم العائلية لأن ديننا علمنا ألا نهتم بشخص الرسول ولكن بمضمون الرسالة 

﴿وَقَالُوا مَالِ هَذَا الرَّسُولِ يَأْكُلُ الطَّعَامَ وَيَمْشِي فِي الْأَسْوَاقِ لَوْلَا أُنْزِلَ إِلَيْهِ مَلَكٌ فَيَكُونَ مَعَهُ نَذِيراً (7) أَوْ يُلْقَى إِلَيْهِ كَنْزٌ أَوْ تَكُونُ لَهُ جَنَّةٌ يَأْكُلُ مِنْهَا وَقَالَ الظَّالِمُونَ إِنْ تَتَّبِعُونَ إِلَّا رَجُلاً مَسْحُوراً ) 

وطبعا للرسول المثل الأعلى حتى لا نتهم بتشبيه إسلام بحيري بالرسول صلى الله عليه وسلم 

استاذ طارق اللي بيتكلم في الدين يراعي مظهره وسمته ومادام حضرتك أزهري وشايف ان ده سمت عادي يبقى خلاص حضرتك

ياراجل يا ازهري ده اللي بيكون داخل انترفيو مش بيدخل بالمنظر ده فمابالك باللي طالع يكلم الناس ف الدين الجديد

يااخي اتعجب ان حضرتك ازهري ومتيم باسلام بيك البحيري 

ومثلا مش معتبر ان اسلوب واحد زي الدكتور عبد الله رشدي

مقبول ومحترم بل يمكن حضرتك بتطالب بمنعه من الظهور ع الفضائيات وترك الساحه للمدعي اسلام البحيري 

 

[tarek hassan]

منذ ساعة, herohero said:

استاذ طارق اللي بيتكلم في الدين يراعي مظهره وسمته ومادام حضرتك أزهري وشايف ان ده سمت عادي يبقى خلاص حضرتك

ياراجل يا ازهري ده اللي بيكون داخل انترفيو مش بيدخل بالمنظر ده فمابالك باللي طالع يكلم الناس ف الدين الجديد

يااخي اتعجب ان حضرتك ازهري ومتيم باسلام بيك البحيري 

ومثلا مش معتبر ان اسلوب واحد زي الدكتور عبد الله رشدي

مقبول ومحترم بل يمكن حضرتك بتطالب بمنعه من الظهور ع الفضائيات وترك الساحه للمدعي اسلام البحيري 

مش عايز أدخل معاك في جدل نحو الصور والأشكال لأن ........ بيقولوا دائما : إن الله لا ينظر إلى صوركم وأشكالكم ولكن ينظر إلى قلوبكم 

والراجل أنا شايف إن لبسه محترم جدا ولم يفقد احترامه إن هو فتح زوارين من قميصه فانكشف ماليس فيه عورة 

ومش عايز أقولك تقتلون الحسين وتسألون عن دم البرعوث أو فتح الأزرار مسافة  شبر للرجل اللي عورته ما بين السرة والركبة وفقط 

بصراحة يا هيرو أنت مش لاقي حاجه موضوعية تقولها للأسف ولم تسمع ولم تقرأ للرجل لكن هما اللي قالوا لك 

وأنا لا قلت لك متيم ولا طالبت بمنع عبد الله رشدي لأني عايش ومتعايش في الأزهر والأزهر مش شكل واحد ولا صورة واحده 

وأنت اللي جبت سيرة عبد الله رشدي ولن أتحدث عن مظهره الذي يخصه وحده كما تحدثت أنت عن مظهر إسلام بحيري 

[herohero]

28 minutes ago, tarek hassan said:

مش عايز أدخل معاك في جدل نحو الصور والأشكال لأن ........ بيقولوا دائما : إن الله لا ينظر إلى صوركم وأشكالكم ولكن ينظر إلى قلوبكم 

والراجل أنا شايف إن لبسه محترم جدا ولم يفقد احترامه إن هو فتح زوارين من قميصه فانكشف ماليس فيه عورة 

ومش عايز أقولك تقتلون الحسين وتسألون عن دم البرعوث أو فتح الأزرار مسافة  شبر للرجل اللي عورته ما بين السرة والركبة وفقط 

بصراحة يا هيرو أنت مش لاقي حاجه موضوعية تقولها للأسف ولم تسمع ولم تقرأ للرجل لكن هما اللي قالوا لك 

وأنا لا قلت لك متيم ولا طالبت بمنع عبد الله رشدي لأني عايش ومتعايش في الأزهر والأزهر مش شكل واحد ولا صورة واحده 

وأنت اللي جبت سيرة عبد الله رشدي ولن أتحدث عن مظهره الذي يخصه وحده كما تحدثت أنت عن مظهر إسلام بحيري 

ياسيدي انا كلامي كان بخصوص الظهور في البرامج التليفزيونية ضرورة ان يراعي من يتحدث في موضوع مهم ان يراعي انه ف التلفاز وهو شئ جماهيري

عبد الله رشدي او غيره لو طلع يتكلم في الدين وهو لابس كده مش هقبل ان اسمع منه 

 

معرفش هي موضة قديمة الواحد اتعود ع شكل معين لمن يتحدث في الدين

وعموما انا اسف ان بعدت عن الموضوع وربنا يحمي ويحافظ على اسلام البحيري رائد التصحيح الديني وربنا يجعلنا من مريديه رضي الله عنه وبارك له فيه

 

[tarek hassan]

منذ ساعة, herohero said:

معرفش هي موضة قديمة الواحد اتعود على شكل معين لمن يتحدث في الدين

خلاص نقولهم يلبسوا على مزاجك أنت واللي أنت تعودت تشوفه 

قول لنا تحب المذيعين يلبسوا إيه ويزرروا كام زرار ... وعلى فكرة عبد الله رشدي مذيع برضه ومش لابس منطلون قصير وجلابيه بيضا ودقنه لم يتركها بدون قص

عموما معاداة الناس بسبب مظهرهم أو ملابسهم مش عدل 

 

[tarek hassan]

16 ساعات مضت, herohero said:

اللي هيعمل لنا بلبلة

مش عارف اجتهاد ف الدين ايه اللي يطلع فاتح لي زرارين من القميص 

ياراجل الدين له هيبة كفاية بقى استهزاء 

يغور الاجتهاد من الاشكال ده وكلنا عارفين اسلام بحيري كان ف الكويت بيعمل ايه

يعني لو لو رجعنا لموضوعنا نفهم من كلمة يغور إنك مع قتله زي ما اتقتل فرج فودة وإن الناس دي كفار وكده يعني

[herohero]

18 hours ago, tarek hassan said:

خلاص نقولهم يلبسوا على مزاجك أنت واللي أنت تعودت تشوفه 

قول لنا تحب المذيعين يلبسوا إيه ويزرروا كام زرار ... وعلى فكرة عبد الله رشدي مذيع برضه ومش لابس منطلون قصير وجلابيه بيضا ودقنه لم يتركها بدون قص

عموما معاداة الناس بسبب مظهرهم أو ملابسهم مش عدل 

 

استاذي انا كل اللي فيها زي كثيرين اعتادنا ع وقار واحترام من يتحدث في الدين حتى ان من هو متخرج من الازهر كنا بنعتبره عنده اكثر مننا ،وكنت انا واصدقائي لما حد يتصرف تصرف مش مقبول ويكون خريج جامعة الازهر كنا نستهجنه عن باقي زملاءنا 

القصه قصة قيمة 

عموما انا بعتذر لو كنت خرجت عن اطار الموضوع بس حبيبت اطمنك ان محدش فارق معاه اسلام البحيري ولا اللي زيه 

 

[herohero]

17 hours ago, tarek hassan said:

يعني لو لو رجعنا لموضوعنا نفهم من كلمة يغور إنك مع قتله زي ما اتقتل فرج فودة وإن الناس دي كفار وكده يعني

بالعكس انا عاوزه يتكلم ويطلع اللي عنده حقه وانا عندي الريموت كونترول بغير وخلاص القصة بسيطة

بس انا كل مشكلتي مع المنظومة ان الحرية في التعبير مقتصرة ع حاجات معينة وفي الدين تخص الدين الاسلامي فقط 

يعني اكيد ف ناس لها اراء تجديدية في الدين المسيحي وهو يعني الخطاب الديني الاسلامي بس اللي عاوز تجديد !!!!

والخطاب السياسي مش عاوز تجديد 

انا عاوز اسلام بحيري في الاسلام ،واسلام بحيري ف المسيحية ،واسلام بحيري في الاقتصاد وفي كل نواحي الحياة 

اتمنى تكون الفكرة وصلت فكرة الاجتهاد مطلوبة في كل المجالات وفي كل الاديان مع اعتراضي الشخصي ع سمت اسلام البحيري لكن هو حر ف الاخر 

[tarek hassan]

7 ساعات مضت, herohero said:

بس انا كل مشكلتي مع المنظومة ان الحرية في التعبير مقتصرة ع حاجات معينة وفي الدين تخص الدين الاسلامي فقط 

يعني اكيد ف ناس لها اراء تجديدية في الدين المسيحي وهو يعني الخطاب الديني الاسلامي بس اللي عاوز تجديد !!!!

والخطاب السياسي مش عاوز تجديد 

انا عاوز اسلام بحيري في الاسلام ،واسلام بحيري ف المسيحية ،واسلام بحيري في الاقتصاد وفي كل نواحي الحياة 

اتمنى تكون الفكرة وصلت فكرة الاجتهاد مطلوبة في كل المجالات وفي كل الاديان مع اعتراضي الشخصي ع سمت اسلام البحيري لكن هو حر ف الاخر 

أنت عندك مشكلة يا هيرو باعترافك الواضح جدا 

- إنك بتعتبر حرية التعبير بلوى ومصيبة 

- وإنك بتعتبر الأراء التجديدية كارثة 

بدليل إنك بتقول إشمعنى إحنا .... ربنا يبتليهم هما بحرية التعبير والاراء التجديدية 

ياباشا أكيد هناك أشياء عند إخواننا المسيحيين تستحق المناقشة والحوار والاجتهاد والنقد أو النقض ولكن لكل دين طبيعته وكل ناس ولهم عاداتهم وطبيعتهم وكيفية حوارهم في شئونهم

أنا كنت مستغرب وأنا مشترك في المحاورات إزاي مفيش قسم هدى المسيحية زي قسم هدى الإسلام 

ولكن مؤخرا عرفت السبب وهو يتعلق بالمسيحيين أنفسهم 

وعليه أنا أشغل نفسي بنفسي لأني لا أفهم شيء في دينهم أو هناك أشياء في دينهم كلنا فاهمينها غلط أو إنني لا أحكم عليهم وأحكم على نفسي أو حتى يا أخي على فرض لا يضركم من ضل إذا اهتديتم طالما بتعتبرهم ضالين والإنسان على نفسه بصيرة ولا تزر وازرة وزر أخرى ..... الخ 

وعموما مش إحنا اللي طلعنا إسلام بحيري ... هو الراجل طلع لوحده من اللي شافه

[herohero]

3 hours ago, tarek hassan said:

أنت عندك مشكلة يا هيرو باعترافك الواضح جدا 

- إنك بتعتبر حرية التعبير بلوى ومصيبة 

- وإنك بتعتبر الأراء التجديدية كارثة 

بدليل إنك بتقول إشمعنى إحنا .... ربنا يبتليهم هما بحرية التعبير والاراء التجديدية 

ياباشا أكيد هناك أشياء عند إخواننا المسيحيين تستحق المناقشة والحوار والاجتهاد والنقد أو النقض ولكن لكل دين طبيعته وكل ناس ولهم عاداتهم وطبيعتهم وكيفية حوارهم في شئونهم

أنا كنت مستغرب وأنا مشترك في المحاورات إزاي مفيش قسم هدى المسيحية زي قسم هدى الإسلام 

ولكن مؤخرا عرفت السبب وهو يتعلق بالمسيحيين أنفسهم 

وعليه أنا أشغل نفسي بنفسي لأني لا أفهم شيء في دينهم أو هناك أشياء في دينهم كلنا فاهمينها غلط أو إنني لا أحكم عليهم وأحكم على نفسي أو حتى يا أخي على فرض لا يضركم من ضل إذا اهتديتم طالما بتعتبرهم ضالين والإنسان على نفسه بصيرة ولا تزر وازرة وزر أخرى ..... الخ 

وعموما مش إحنا اللي طلعنا إسلام بحيري ... هو الراجل طلع لوحده من اللي شافه

انا مع حرية التعبير وهتقبلها مجبرا ف امور الدين

بس بكررها حرية التعبير ف كل الاديان وفي كل الامور السياسية والاقتصادية وكافة مناحي الحياة

[tarek hassan]

10 ساعات مضت, herohero said:

انا مع حرية التعبير وهتقبلها مجبرا ف امور الدين

بس بكررها حرية التعبير ف كل الاديان وفي كل الامور السياسية والاقتصادية وكافة مناحي الحياة

يا هيرو  هما عندهم نقاشات بالتأكيد في بعض أمور دينهم وأراها علنية في بعض الأحيان وربما تصل بعض الأمور الاجتماعية للمحاكم ولكن الغالب في طبيعتهم أنهم لا يخرجون بها 

وإزاي هتفرض على غيرك كيفية النقاش وأنت بتؤمن بحرية التعبير 

ألا تعلم أن لكل دين طبيعته الخاصة 

ولكن في أدياننا السماوية الثلاثة ليس هناك خلاف في أصول الدين وإنما الخلاف يكون في أمور نراها بعيدة عن الدين ويرى البعض إدخالها في الدين 

[herohero]

3 hours ago, tarek hassan said:

يا هيرو  هما عندهم نقاشات بالتأكيد في بعض أمور دينهم وأراها علنية في بعض الأحيان وربما تصل بعض الأمور الاجتماعية للمحاكم ولكن الغالب في طبيعتهم أنهم لا يخرجون بها 

وإزاي هتفرض على غيرك كيفية النقاش وأنت بتؤمن بحرية التعبير 

ألا تعلم أن لكل دين طبيعته الخاصة 

ولكن في أدياننا السماوية الثلاثة ليس هناك خلاف في أصول الدين وإنما الخلاف يكون في أمور نراها بعيدة عن الدين ويرى البعض إدخالها في الدين 

استاذ طارق انا مع حرية التعبير في كافة شئون الامور  في مجتمعنا لكن 

أمور الدين شايف ان مش وقتها دلوقت ،استاذ طارق احنا مش ناقصين اختلاف وانشقاق كفاية اختلافاتنا السياسية عاوزين نلتف ونتوحد عشان نعرف ننهض بالبلد