السيدة الاولى الحى ابقى من الميت..و اللى غرق غرق

[nemr111]

اصدرت سلسة القرأة للجميع كتيب صغير جدا .. يتناول موضوع الموت و تم تصنيفه كالتالي

اذا كان الميت فنان مشهور .. يلف فى علم مصر و يدفن بمسيرة مهيبة يتخللها رجال الامن و ممثلى رجال الدولة.. و يقبل المسئولين ابناء الراحل و دموعهم تفضح حنية و انسانيهم و طبعا الموت حسم الامر بعدما صرفت الدولة من خزينتها ما يقارب تكاليف انشاء مستشفى حكومى لعلاج الفقراء.. لأن المرحوم اتعالج فى الخارج على نقفة الدولة بتاعت الراجل جوز الست.

اذا كان الميت فقير و معدم و غلبان يلف فى كيس زبالة و فى اقرب حفرة يدفن و اصله ما كانش له لزمة فى الدنيا .. دا كان شغال فلاح و لا عامل فايد البلد فى ايه .. ما يروح فى ستين داهيه .. ماهو واحد من اللى كانوا عبء على الدولة و ميزانيتها .. اصل كل ما البلد تعمل قرشين ما واحد زى الراحل يروح مخلف كام عيل و يخلصهم لنا

و كمان يذكر الكتاب فى تنويه و احتجاج .. أن الست مش فاضية و مش عمالة حسابها فى تعيين طقم ندابات يروحوا العزاء ويرقعوا كام صوت على طريقة ياللى ميت و نفسك فى اللحمة .. ياللي ميت و عليك اقساط الفول و الطعمية و اصل الله يرحمه أكل بيضة ممششة و صحتك كانت زى الفل و ايه يعنى ان فيروس سي طايح فى العيلة و مبهدلها ..

و تؤكد صفحات الكتاب أن هناك فارق كبير بين الموديلات التى تم اختيارها فى حضور مباريات كأس الامم الافريقية .. اصحاب البشرات البيضاء و القبعات الملونة بعلم مصر (موزز) و بين اصحاب الوجوه الكئيبة و الاشكال التى تنتمى للبشرية من خلال الاسماء فقط .. فا بالله عليك ايها القارئ الكريم ايهما افضل لنا جميعا أن نجلس مع الموزز و نهيص و لا نروح نعزىالنسوان اللى قاعدين على مرسى المينا فى سفاجة و قاعدين يلطموا و يندبوا .. طبعا دى حاجة تقرف .. هوا احنا ناقصين .. مش كفاية لما الواحد يحى من النوم ما يلا قيش شوية مية يغسل بيها وشه و الموزز اتوزع عليهم علب مكياج .. علشان تبيض وجه مصر ... و سلامات يا

انا مش خايف منك ياعم و

لاها اسكت الا تموت أو تتلم

لو كان فى وشك نقطة دم

ارحل بقى و خد معاك الهم

[الأفوكاتو]

لا مؤاخذة,

ما دخل هذا الموضوع بالسياسة الدولية؟

و ما هو إسم هذا الكتيب؟ و متى تم نشره؟

مجرد إستفسار.