يوميات مصرى فى الصين

[last_Samurai]

بسم الله الرحمن الرحيم

نحكى من اول ما سافرنا من مصر مرورا بدوبى وترانزيت عسل 13 ساعه والواحد يدور على اى مصرى ولا عربى

ولكن لا محاله

لقيت فيه نت فرى بس سلطنه

شاشات ال سى دى واجهزه تيرمنال يعنى عيشه هههههههه

لاقيت جهاز فاضى كلمت الاهل والاصحاب وروح واجى واروح المطعم أكل وارجع للنت وفين وفين ببص فى الساعه لاقيت 7 ساعات عدوا

يا مسهل

بالصدفه عرفت ان فيه رحله رايحه هونج كونج الساعه 3 صباحا يعنى بعد 4 ساعات

قلت اما اطلب اكون فى قايمه الانتظار وفعلا المهم ضيعت الوقت فى النت واللف فى المطار واخيرا الساعه الحاسمه

لاقيت موظف الكوانتر اسمه كارلوس بيقول حضرتك تيجى قبل معاد الرحله ب15 دقيقه علشان طيران الامارات بيطبق نظام الوقت ولو فيه حد تخلف تاخد مكانه قلت وماله كلامه زين

رجعت فى الميعاد ولاقيت 20 شخص فى قايمه الانتظار وواقفين علشان الحاج كارلوس يختار 2

قلت لكارلوس ايه الاخبار قال نو واى

ههههه قلت لنفسى كبر دماغك شكل المعلم كارلوس حيكنسلك وانا واقف لاقيت واحد عربى زى حالاتى واقف ومستنى الفرج

قلت له انت منين قال ليبيا

قلتله اجدع ناس

قلتله سلام انا رايح اشرب سيجاره واستنى للساعه 9 الصبح احسن

روحت ورجعت ولاقيت اخينا مستنى برده

ايه يا عم متوجعش قلبك

لاقيت كارلوس بيقول بليز سير

ايوه يا اخويا تقصدنى انا

قالى يس

قلت يا مسهل يارب

قالى انت اكنوميك

قلت ايوه

وسأل اخينا الليبى

وانت بيزنس

قال ايوه

قال بليز يو كان جو ناو تو ذا بلاين

قلتله شكرا ياحجيج وبالفعل دخلنا الطياره وكنت اخر واحد دخل الطياره هههههههههه

كل الناس كانت بتبص واخوك عرق من شيل الشنطه

واخيرا كان مكانى جانب واد صينى بس عسل اسمه طوا شغال مهندس فى شركه خوربى

ودى اكبر شركه فى العالم فى مجال الاتصالات والحاسبات

وهو شغال فى مشروع فى الخرطوم

ويعرف شويه عربى بس دمه زى العسل

كل شويه يقولى 100 100

اقوله 100 100

تمام

اقوله تمام

قعدنا نتكلم لغايه اما الواحد تعب من الكلام ونمت

صحونا علشان الفطار

بس حاجه تضحك

الفطار بقسماط 6 سم وكوبايه عصير

قلت ياسلام دلوقت لو الواحد قصاده طبق فول بالزيت الحار وكام رغيف سخن وشويه مخلل متحبشين

ماشى يا عم زوهير هههههههههههههههه

المهم اتكلمت انا والاخ طوا لغايه اما وصلت تايلاند

نكمل الحلقه الجايه

علشان الاخبار والمسلسل العربى

[الاسكندرنى]

ههها وبعدين يا تاته

[last_Samurai]

حكمل بعد المسلسل العربى ما يخلص

[last_Samurai]

شكل الموضوع مش عاجب حد 61 قرأه ومفيش اى رد

[drhusseinali]

ساموراي باشا :wub:

مش معنى انه محدش رد انه مش عاجب حد

ده طبيعي جدا في المحاورات على راي استاذ عادل :D

محدش غالبا بيرد غير لو هيضيف جديد

و بعدين يعني انا شخصيا عاوز attraction اكتر :blink:

سعادتك دلوقتي الشباك بتاعنا في الصين

عاوز شوية صور كده على البلد و الناس و المعابد

على شوية اكلات عجب من اياهم

و ابقى سلملي على الnoodles و الجراد :D

حسين

[last_Samurai]

ههههههههههههههههههههه من عونيا يا دكتور حصورلك المليار و300مليون وكل حاجه عنهم

مع تحيات موفد قطاع محاورات المصريين

الصين -جوانج جو

[last_Samurai]

[move]جارى اعداد الصور[move]

تم تعديل 18 فبراير 2006 بواسطة last_Samurai

[haivi]

مستني تنورني عن حقيقة موضوع الكلاب (الجرو)

هو صحيح بيتاكل ؟ ولا دي أوشاعه ؟

وإشمعنى الصين ؟ وإزاي نطت فكرة الصين للجمجمه ؟

ورحتها من مصر ولا من بره مصر ؟

وناوي على إيه ؟ تبقى صيني ؟ يعني زي جاكي شان كده ولا ملكش ف الكونغ فو ؟

يعني بالعربي كده خليك مراسل المحاورات من خلف صور الصين العظيم .

وقولي إن كان عظيم بجد ويستاهل ولا دي كمان أوشاعه !

وآديني يا سيدي رديت عليك من كندا مونتريال عشان بس متقولش إن الناس هنا حالقينلك

زي ما المعلم كارلوس ما كنسلك mfb:

[haivi]

بعد ما مررت على موقعك عرفت اللي فيها

ربنا يوفقك في إستيرادك الإلكتروني ده لو كان توقعاتي صح !!

[last_Samurai]

السلام عليكم ورحمة الله وبركاته،،

وآديني يا سيدي رديت عليك من كندا مونتريال عشان بس متقولش إن الناس هنا حالقينلك

زي ما المعلم كارلوس ما كنسلك

اشكرك اخى على المرور ولكن ارجو يكون هناك اسلوب احسن من "حالقينلك

زي ما المعلم كارلوس ما كنسلك"

وشكرا

[nancy]

استاذ ساموراى

موضوعك حلو جدا .. ومشوق بس المشكلة انك كتبت جزء واستنيت الرد مع انى لما قراءة حسيت انى عوزة اعرف الباقى لان الاسلوب مرح ساخر على الطريقة المصرية

فاكمل الموضوع اسرع وبموضوعية اكتر وسخرية اقل وسرعة اكبر .. مع جزيل الشكر :D

[haivi]

السيد / last_Samurai

هذه الجمله جائت منك :

ههههه قلت لنفسى كبر دماغك شكل المعلم كارلوس حيكنسلك وانا واقف لاقيت واحد عربى زى حالاتى واقف ومستنى الفرج!!!

وعليه فإضافة حلاقه للكنس ليست بقلة أدب أو أسلوب هابط ولكنه وبدافع الصيغه

المرحه التي أسردت بها موقفك إضطرني للكتابه بنفس الأسلوب ولكني أعتقد أنني أخطأت في حق نفسي بهذا الأسلوب . فأسفي الشديد وسأحاول أن لا أكون مرحاً

بنفس أسلوب الكاتب حتى لا أتهم بدلاً من الشكر على المرور بدون تأنيب وتعليم ماهية المحاورات

[last_Samurai]

اخى haivi حصل خير ويا عم مفيش مشكله دا حتى حلاقه الاجانب مريحه

[last_Samurai]

الاخت نانسى شكرا على المرور وجارى تكمله الموضوع

[last_Samurai]

تم تعديل 20 فبراير 2006 بواسطة last_Samurai

[last_Samurai]

[last_Samurai]

الجامع اللى بنصلى فيه

[last_Samurai]

[سقراط المصري]

أنا كنت مفكر الصين زحمه ولكن الصور وضحت انها

بدون سكان وكنت مفكر كل

سته صنييين بناموا

على سرير واحد من الزحمه وكثافة اليسكان

:D :angry:

[drhusseinali]

باشا

تسلم ايدك على الصور و المجهود اللي عملته

ما شاء الله الجامع عندكم جامع

احنا في البلد اللي انا فيها الجامع عبارة عن بدروم عمارة مشترينه

الاسواق و غابات البامبو شبه اليابان قوي

بالمناسبة بقيت تعرف تفرق بين الصينين و اليابانيي و الكوريين بالوش

ادينا صور كمان و كمان

حسين