اللقاء الدرامى بين اعضاء منتدى محاورات المصريين

[سيزيف]

تحذير :

المؤلف يود ان يلفت نظر القارىء بدايه الى ان تشابه بين احداث هذه الروايه و اى احداث قد تقع مستقبلا هو من قبيل الصدفه البحته و المؤلف غير مسئول عنه

جميع حقوق الطبع و النشر او تحويل هذا المصنف الى عمل درلمى مسموع او مراى محفوظه للمؤلف " بعد دفع النسبه المقرره للاداره " :wub:

------------------------------------------------

الزمان : وقت ما فى المستقبل القريب

المكان : احدى قاعات فنادق الفايف ستارز بالقاهره

----

الاستاذ عادل ابو زيد يصل الى القاعه اولا و اثناء دخول القاعه يقابل سى السيد الذى يسلم عليه بحراره

س0س : ازيك يا استاذ عادل يعنى جيت بدرى ؟

ا0عادل : ماهو كان لازم اجى بدرى يابو السيد عشان استقبل الاعضاء 0 الا قوللى هو شاينر كورنر لسه ماجاش ؟

س0س : لسه بس اكيد مش هيتاخر

و اثناء وقوفهما تبدا وفود الاعضاء فى الحضور فيظهر طارق المحلاوى و شريف عبد الوهاب و ماركيز و ناصر و من الجنس اللطيف ريهام مرتديه القبعه الحمراء الشهيره و جىجى بمداعباتها للاعضاء يمينا و يسارا و اخيرا فيروز و هى تشاكس كل من تقابله من الاعضاء

و بعد فتره يدخل مهيب دخولا مسرحيا فى خطوات وئيده يرتدى معطفا داكنا و نظارات شمسيه سوداء تحجب عينيه و يقابل بنت مصريه فيشتبكان فى حوار ادبى لا ينتهى

و بعد ربع ساعه يدخل الحاج زهيرى و فى يده لفه صغيره داخل كيس بلاستيك و ما ان يراه س0س حتى يهرول نحوه مسلما و يميل على اذنه فيهمس له ببضع كلمات الا ان زهيرى ترتسم على وجهه علامات الضيق و عدم الموافقه و عندما يلح عليه س0س يصيح زهيرى فى وسط القاعه : ما هو مش معقول كده يا سى السيد ماهو مش كل ماجيب معايا سندوتشين فول تهبش منهم واحد 0 هى ضرايب يا اخى ؟ ولا عشان ماهو انت مشرف ف المنتدى يعنى ؟

يقوم س0س باسكاته بسرعه قبل ان تصل تلك الكلمات الى اسماع ا0عادل و تبقى فضيحه بجلاجل

وبعده يدخل ايهاب سالم وهو يلهث متلف حوله متسائلا :

ماحدش شاف مهيب ؟

يرد عليه هشام الجناينى : ايوه هو كان هنا دلوقت 0 انت عايزه ف حاجه يا بوب ؟

ايهاب يرد بغيظ : ايوه يا سيدى مهيب ضارب نضاره الشمس بتاعتى و مش عايز يرجعها

و فجاه يلمح ايهاب مهيب فى اخر القاعه فينادى عليه و لكن مهيب عمل نفسه مش واخد باله

و يدخل عمنا الافوكانو ممسكا بعصاه الابنوس ذات المقبض العاجى و يلتف حوله الاعضاء مرحبين و ينتحى به حلاوه العنتبلى جانبا : كويس انى لقيتك يا عمنا ده انا محتاجلك قوى

الافوكاتو : خير ؟

حلاوه : اللى حصل انى اتكلمت ف موضوع جواز المسيار على اساس ان الفكره مش وحشه و بعدين يظهر ولاد الحلال وصلوا المعلومه دى لام يوسف مراتى و من ساعتها وهيا عامله حاله طوارىء و الظاهر ناويه ترفع عليا قضيه خلع

الافوكاتو يرد عليه و يطمئنه بشرط ان يتجنب التهور و الكلام ف السياسه مستقبلا

و فى هذا الاثناء ينادى استاذ عادل على س0س و يساله بقلق :

هو شاينركورنر ماجاش لحد دلوقت ليه ؟

س0س : الغايب حجته معاه يا ا0عادل 0الله 0 يا ريتنا افتكرنا مليون جنيه 0 اهو المعلم شاينر وصل

يدخل شاينر كورن و يسلم على الاعضاء و يبدا الاجتماع بكلمه للاستاذ عادل

ا0عادل : الساده الاعضاء

ارحب بكم فى اول اجتماع لاعضاء المحاورات

و هى فرصه طيبه جدا للقاء و التواصل

و ابدا الاجتماع بتوجيه الشكر و التحيه للاخ الفاضل شاينر كورنر الذى يرجع اليه الفضل فى اجتماعنا

تتجه انظار الحضور فى القاعه ناحيه شاينر كورنر و تبدا موجه حاره من التصفيق بينما تظهر على شاينركورنر علامات عدم الفهم و الدهشه

ا0عادل : فالاخ شاينر هو الذى تبرع بايجار القاعه و هو الذى عرض استضافه الاعضاء و هو الذى اقترح فكره اللقاء

يقاطعه شاينر كورنر : يا استاذ عادل000000000

ا0عادل : ارجوك يا شاينر ماتقاطعنيش سيبنى انسب الفضل لاصحابه

شاينر : ايوه بس انا عايز اقول00000000

ا0عادل : ايوه يا سيدى مفهوم مفهوم مبتحبش الشكر بس العمل الجميل ده مايعديش كده من غير شكر التواضع مايبقاش فى كل حاجه يا شاينر

شاينر : بس انا عايز اقول0000000

ا0عادل : مفيش بس

تعال هنا الى المنصه عشان توجه كلمه الى الاعضاء

شاينركورنر يتجه الى المنصه فلا ذهول و عندما يمسك بالميكروفون يقول : اخوانى انا متشكر جدا على مشاعركم

بس انا عايز اقول حاجه صغيره000

انا ماحجزتش القاعه

و ماعزمتش حد

ولا بعتت دعاوى

انا جاى النهارده لان الاستاذ عادل بعت لى دعوه على الايميل بتاعى

تسرى همهمه بين الحاضرين و يتسال ا0عادل : امال مين اللى بعت الدعاوى ؟

ولا يكاد يكمل السؤال حتى تندفع الى القاعه اعداد كبيره من قوات الامن المركزى مدججين بالعتاد و بعض افراد القوات الخاصه يتدلون من السقف و تسمع فى السماء صوت الطائرات الهيليكوبتر التى تؤمن الغطاء الجوى للعمليه و تبدا قوات الامن فى تزيين معاصم الاعضاء بالكلبشات و تعبئتهم داخل السيارات الزرقاء الكبيره بينما الافوكاتو يصرخ باعلى صوت : اللى بيحصل ده غير قانونى 0 القبض ده اجراء غير مشروع و باطل

و يردد اعضاء المحاورات وراءه فى صوت واحد :

بااااااااااااااااااااااااااااااااااااااااااااااااااااطل

" تمت "

:blink:

تم تعديل 17 فبراير 2006 بواسطة shinercorner

[الأفوكاتو]

برافو ,

قصة , و لكن قد تحدث تماما كما تخيلها الميتر "الركن اللامع", إلا إذا كان ذكاء رجال الأمن من مستوى ذكاء "بوش"

تحياتى.

[se_ Elsyed]

انا ساعتها بقى ويا روح ما بعدك روح

ولا اعرفكم

وهاقول في محضر النيابة : يا باشا انا لا ليه في محاورات ولا مظاهرات ، انا راجل سريح على باب الله وبأجري على كوم عضم قصدي لحم

وفي يوم من ذوات الايام جالي ميسد من اخويا الحاج زهيري فكلمته فقال لي تعالى قابلني يا سين سين في قاعة الاحتفالات الرئيسية بسمير قميص ( سميراميس ) قلت له ليه ؟ فقالي في بالو كبير هناك والاكل هايبقى للركب ، فتعالى بر نفسك بلقمتين ماحدش واخد منها إني سينج

واول ما دخلت القاعة يا باشا لقيت ناس كثيرة من اللي بنشوفهم على التليفزيون شبه بتوع المظاهرات والسياسة وفي الواكع وفي الحكيكة

وعشان انا راجل في حالي قلت لنفسي اكيد انا تهت ودخلت مكان غلط

ولسه باتدور عشان ارجع يا باشا الا والاقي واحد من رجال الامن المركزي البواسل بيناولني بونيه فى مراخيري ونزل فيه عزق بالشومه اللي معاه وكإنه بينجد مرتبة قطن وهو عمال يقولي " خربتو البلد ياولاد الـ ... " وانا باحاول افهم في اهله واقوله انا مش معاهم ، انا ماليش دعوه ولكن ذهبت صرخاتي ادراج الرياح واغمئن عليه ولما فُقت لقيت نفسي متعلق من رجلي جنب شين كونري ( شاين كورنر ) اللي كانوا موصلين له ايلاك كهربا كثير وكإن عندهم فرح وعايزين المسكين ينور لهم القاعدة

[MZohairy]

و طبعا ساعتها انا حمسك الميكروفون واغني بأعلى صوتي

واول الراقصين المطروبين بشده حيكون اخي سين سين اللي حيحب الغنوه بكل جوارحه

تفتكروا حغني اييييييه؟ :wub:

يا....

يا معلي راية الحريه

يامقوي الوحده الوطنيه

غالي علينا وجوه عنينا

يحميك ربي لمصر ولينا

عشت ياغالي جبينك عالي

باراده حره مصريه

واراده حره وطنيه

mzohairy

مش هاني شاكر

[سيزيف]

اعزائى الافوكاتو و س0س و زهيرى

ارجو ان تكون القصه قد اعجبتكم

و اعدكم انه فى حاله تحولها الى واقع حقيقى سوف امد يد المساعده اليكم بما لى من صلات و علاقات كثيره

" كلام ف سركم انا مظبط امين شرطه ف قسم النزهه بس ولد "

و ماتقلقوش من ناحيه العيش و الحلاوه

اللى انا قلقان منه فعلا س0س لانى حاسس انه هيعترف علينا مع اول قلم :wub:

[مصرية الهوى]

فجأة ..

تقفل أبواب القاعة ..

و تطفأ الأنوار ..

وتغرق القاعة في أضواء الشموع ..

وتبدأ الفرقة الموسيقية بالعزف ..

تتعالى أصوات الهمهمات بين الأعضاء : فيه ايه ؟؟ .. فيه ايه ؟؟

تفتح الأبواب ..

يدخل العريسان .. العروس بفستانها الأبيض .. من تصميم ايلي صعب (دي اهم حاجه B) ) .. والعريس ببدلته السوداء و كرافتته الحمراء ..

ترتفع أصوات الزغاريط في القاعة ..

تتعالى اصوات الأعضاء المجتمعين في طربيزات متقاربة .. مش ده جيمي برضه ؟؟ .. بس مين دي ؟؟ ..

يصرخ أحدهم : أه دي جيجي .. يا بنت الايه يا جيجي وعملتيها سكيتي كده :blink: .. من غير ما تقولي لنا .. وكنتي بتلمحي بس .. واتاريكي تشتغلي من ورانا :angry: !!!

ويتفاجأ الجميع بأن اليوم هو فرح جيجي على جيمي :wub: .. وأن الايميلات التي وصلتهم كانت مرسلة من القصر الملكي .. قصدي الجمهوري .. وان جيجي قررت ان اول من تعزمه هم اعضاء المحاورات .. وكانت عايزاها مفاجأة ليهم ..

المهم في وسط الزفة ...

فجأة ....

من وسط طربيزات بتوع المحاورات – مانا مش عارفه ايه اللي خلاني اعزم الناس البيئة دول :P – نطت ست لابسة جلابية حمراء ومنديل اصفر بترتر :D .. وراحت تجري ناحية العريس والعروس وهي بتصرخ : يا خطافة الرجالة .. يا حرامية .. ده كان المفروض يبقى جوزي .. انت خطفتيه مني .. انا اللي حلمت وانتي اللي نفذتي الحلم .. ياحراااااااااامية .. وهوووووووب الحرس يحيط بالعروسين من كل جهة .. و يقوموا بالقبض على الست ويكلبشونها ويخرجوا بها الى خارج القاعة .. وصوتها يخفت شيئا فشيئا : حسبي الله ونعم الوكيل ..

قلب جيجي يبدأ يخفق بشدة .. دي صفاء حبيبتي ... مكانش المفروض اعمل فيها كده :sad: .. يصل العروسان إلى الكوشة .. وقدما جيجي لا تقويان على حملها .. مهما كان دي صاحبتي برضه .. حرام اعمل فيها كده .. الدموع تتحجر في مقلتيها ..

وفجأة مرة تالتة ..

تصرخ جيجي بأعلى صوتها والدموع بتهطل كالمطر من عينيها :

عاااااااااااااااااااااايزه صاحبتي ... صفاء يا حبيبتي انا اسفة ... وتبص على جيمي .. كله منك انت اللي فرقت بيننا :angry: ... وتنزع الطرحة من على رأسها وترميها على الارض.. وتقلع الكعب – عشان مبتعرفش تجري بالكعب – وتبدأ بالجري في اتجاه الباب وفي عقلها الباطن تقول : الله يخرب بيتك يا ايلي .. مش كان المفروض ان ديل الفستان اقصر من كده :unsure: ... والناس في ذهووول تام ..... محدش يعرف ايه الحكاية ..

فجأة بتوع الأمن المركزي يحيطوا بطربيزات بتوع المحاورات ويحطوا الكلبشات في ايديهم .. عشان الست الي بوظت الفرح كانت قاعدة معاهم ...

اما جيجي فقد اختفت في ظروف غامضة .. ناس بتقول انها هاجرت لانتاركتيكا وبتربي بطاريق هناك .. وناس بتقول لا ..انها في المكسيك ساكنة في بيت على شكل عربية وبتبيع كرات وبصل اخضر لبتوع المسلسلات المكسيكية ...

وناس بتقول لا .. انها تهيم على وجهها في صحاري الربع الخالي .. وهي تقول قصائد واشعار في الفراق والهجر وتبويظ الافراح ..

والله أعلم ..!!

وتوته توته .. خلصت الحدوته ..

:P

[Reham]

لقاء درامي فعلا ....واضح

وتلاقيك انت ياشاين كورنر اللي بلغت عنا

مانت وقعت بلسانك اهه بعلاقاتك مع الولد امين شرطة قسم النزهة

مانت متر

وتلاقيك نفسك تشتغل شغل كبيرقوي وتبقي متر مشهور في البلد يشاوروا عليه ويقولوا اللي وقع الشبكه اهه.....امن دوله ياعم واثارة شغب وكلام من ده

عموما....لك يوم

ياسلام يابت ياريري لوكنتي كملتي دراستك وخدتي الابتدائيه والاعداديه والثانويه ودخلتي كلية الحءوء دانت كنتي بقيتي مصيبة

ويعني ياست جيجي انتي مصممة علي تحقيق الحلم ده ليه بس

عموما نهارك ابيض وعلي رأي المثل القائل....اللي خدته القرعه...........

طبعا عارفه تكملة المثل

علي ايه يعني ده لاشكل ولامنظر ولا حاجه خالص

شوية فلوس يعني .....مش عارفه اقول برده غير المثل القائل...ياواخد القرد علي ماله يروح المال ويفضل القرد علي حاله.......وعجبــــــــــــــــــــــــــــي

عموما انت برده تستاهلي احسن من كده بكتير سيبك سيبك

بس فكرة اجتماع المحاورات ده حلو اوي ياريت ننفذها كمان السنه دي عشان السنه اللي فاتت ماعرفتش اعتر عليكو في النادي...معلش بقي غشيمة

وكمان فكرة الفرح

والنبي ياجماعة اللي ناوي يتجوز في الصيف يعزمني لحسن بقالي كتير اوي ماحضرتش أفراح والعيال اخواتي الله يهديهم مضربين وكل سنه احضر الشفتشي كله واجهز نفسي من كل اشي وفي الاخر يطلع نأبي علي فاشوش وارجع من غير ماحضر ولا بتاع واهبد السنه من غير اي أفراح

ربنا يكتر افراحكم وتعزمونا :unsure:

ويجعله عامر

[مصرية الهوى]

ايه ياريهام ..

انا مسمحلكيش تتكلمي على جوزي كده :unsure:

انا مصممة ومصرة وكل حاجة .. والا هسيب القطر يفوتني :angry:

لا طبعا يا ريهام انتي عارفة انا احنا بنهزر ..

بس لو جينا للجد بقى .. قولتك لا شكل ولا منظر .. انا في دي مش معاكي ..

متخليش الكره يعمي عينيك :blink:

لا بجد الراجل وسيم والله .. وملامحه عربية جميلة :angry:

ومش انا لوحدي اللي بقول كده ..

شوفي كده :sad: :

وبالنسبة للفرح اللي عايزه تحضريه .. انا عازماكي على احلىىىىىىىى فرح في الدنيااااااااااااا ..

راجعي هذا الموضوع :أحلى فرح ..

[سيزيف]

الاخت الفاضله جيجى

بقى انا تاعب نفسى و قاعد اكتب ف قصه الم فيها اعضاء المحاورات تقومى حضرتك تقلبيها فرح - لا وايه ؟

جيمى حته واحده ؟

و مش بس كده 000000000

ده جنابك كمان بتستعرى مننا

طب يكون ف علمك انا مش حاضر الفرح ده

و هابلغ عنك انك ارهابيه بتحاولى تتسللى لاسره الرئيس لتنفيذ عمليات فدائيه و هقول ان الكوشه كانت متلغمه عشان كده قمتى تجرى منها :unsure:

[سيزيف]

العزيزه ريهام

حمدالله ع السلامه

فينك مش باينه من زمان ؟

اسكتى000000

مش طلعت لنا ريهام تانيه ف المنتدى ؟؟

و بعدين معقوله يعنى يا ريهام اول ماترجعى بالسلامه تخبطى اخوكى شاينر مجموعه اتهامات بالعماله و الخيانه و بيع القضيه و000000 الى اخر الاتهامات التى تزخر بها صحفنا العربيه

بقى معقول انا برضه ابيع اعضاء المحاورات ؟؟

طب لعلمك انا استخدموا معايا كل اساليب الترغيب و الترهيب عشان اعترف عليكو بس انا رفضت و اتعرض عليا مبالغ مهوله تصل الى اتنين جنيه و نص بس انا فضلت صامد و عذبونى باستخدام ابشع اساليب التعذيب00

تخيلى المتوحشين حطونى ف اوضه و فيها تليفزيون بتشتغل فيه القناه الاولى و التانيه و سابونى لمده نص ساعه ؟؟!!

شفتى وحشيه اكتر من كده ؟

بس برضه اخوكى فضل متماسك

اما لو عايزه تعرفى التسريب ده جه منين فاحتمال يكون س0س لانى سمعته بيقول للمخبرين و هما بيجروه ع البوكس : انا ماليش دعوه00000000 ريهام هى قائده التنظيم

وكلام زى كده يعنى

بس الله يخليكى متقوليش لحد اتى قلت لك :unsure:

[سيزيف]

اخر خبر

النضاره اللى كان سالفها مهيب من ايهاب سالم

اتحرزت امانات ف القسم الا انها اختفت فى ظروف غامضه

لذا قد يلاحظ الاعضاء مستقبلا انه عندما يشاركنا الصديق ايهاب سالم سوف يظهر بدون النضاره الشهيره

:unsure:

[الرافعي]

و يدخل عمنا الافوكانو ممسكا بعصاه الابنوس ذات المقبض العاجى و يلتف حوله الاعضاء مرحبين و ينتحى به حلاوه العنتبلى جانبا : كويس انى لقيتك يا عمنا ده انا محتاجلك قوى

الافوكاتو : خير ؟

حلاوه : اللى حصل انى اتكلمت ف موضوع جواز المسيار على اساس ان الفكره مش وحشه و بعدين يظهر ولاد الحلال وصلوا المعلومه دى لام يوسف مراتى و من ساعتها وهيا عامله حاله طوارىء و الظاهر ناويه ترفع عليا قضيه خلع

الافوكاتو يرد عليه و يطمئنه بشرط ان يتجنب التهور و الكلام ف السياسه مستقبلا

:unsure:

<{POST_SNAPBACK}>

يا عم شاينر

يعني من ال13 مليون مداخلة الي كتبهم العبد لله ، ما علقش معاك إلا الكلمتين دول ؟؟ يعني لازم بقى تثبت علينا موضوع المداخلة المنيلة دي عشان لو ما كانتش قريتها تقراها ؟؟؟ الله يسامحك

روح يا شيخ ... الله يعمر بيتك (وش زكي رستم في فيلم رصيف نمرة 5)

بس ملحوظة على جنب .. الظاهر إنك مفهمتش قصدي في الموضوع ... أنا ما قلتش إن الموضوع مش وحش ... هو وحش .. وقلت نتفهم المشكلة الموجودة ونحلها صح لكن مش باللي ما يتسماش ده (فاهمة يا حاجة)

شاينر .. الله يخليك إرحمني يا خويا من أول إبداعاتك الدرامية ، يعني اللي يحبنا ما يضربش نار في فرحنا ... ولا إيه ؟؟؟

أقترح تعدل المداخلة ، وتكتب

واختلى المعلم حلاوة العنتبلي بصديقه الأفوكاتو، وقال له أرجو يا أستاذ ... عدم المؤاخذة يعني ، أنا في الحقيقة ودي أسجل شكري واعتزازي بالمرأة المصرية ، اللي لو لفينا الدنيا مش هانلاقي مثيلتها، وكترجمة عملية لهازوها الإعجاب ... قررنا نحن المعلم حلاوة بيه العنتبلي تسجيل نصف ممتلكاتنا والأراضي والأملاك الأخرى باسم حرمنا ....

مش تقول لي مسيار ... يا شيخ روح الله ..... (وش زكي رستم تاني)

[se_ Elsyed]

فجأة بتوع الأمن المركزي يحيطوا بطربيزات بتوع المحاورات ويحطوا الكلبشات في ايديهم .. عشان الست الي بوظت الفرح كانت قاعدة معاهم ...

لأ أنا كده لازم أتدخل

إيه يا جدعان هما أعضاء المحاورات دول بقوا ملطشة ؟

يعني واحده خطفت واحد من مراته ..

وإحنا بمنتهى الوداعة والحنية رايحين نجامل أختنا جيجي ومنا من ضرب أكباد الآبل وقعد 3 شهور في الطريق زي أخونا الفاضل " لاست ساموراي " اللي جاي من مقاطعة شينج وان مشاي على رجليه .... وكان من بيننا اللي شايل بوكية ورد ، واللي جايب في إيده علبة ملبس ( كواليست ستريت ) اللي بتعقد من منظرها لما بأشوفها في البقالة ... واللي شايل في جيبه ظرف وحاطط فيه اللي طلع من ذمته عشان يساعد أخته جيجي في محنتها .. قصدي في جوازتها ..

يقوم بعد ده كله نتلم كلنا في البوكس عشان مشاكل عائلية بين واحده وضرتها ؟

عجبتوا لك يا زمن

[سيزيف]

<{POST_SNAPBACK}>

يا عم شاينر

يعني من ال13 مليون مداخلة الي كتبهم العبد لله ، ما علقش معاك إلا الكلمتين دول ؟؟ يعني لازم بقى تثبت علينا موضوع المداخلة المنيلة دي عشان لو ما كانتش قريتها تقراها ؟؟؟ الله يسامحك

روح يا شيخ ... الله يعمر بيتك (وش زكي رستم في فيلم رصيف نمرة 5)

بس ملحوظة على جنب .. الظاهر إنك مفهمتش قصدي في الموضوع ... أنا ما قلتش إن الموضوع مش وحش ... هو وحش .. وقلت نتفهم المشكلة الموجودة ونحلها صح لكن مش باللي ما يتسماش ده (فاهمة يا حاجة)

شاينر .. الله يخليك إرحمني يا خويا من أول إبداعاتك الدرامية ، يعني اللي يحبنا ما يضربش نار في فرحنا ... ولا إيه ؟؟؟

أقترح تعدل المداخلة ، وتكتب

واختلى المعلم حلاوة العنتبلي بصديقه الأفوكاتو، وقال له أرجو يا أستاذ ... عدم المؤاخذة يعني ، أنا في الحقيقة ودي أسجل شكري واعتزازي بالمرأة المصرية ، اللي لو لفينا الدنيا مش هانلاقي مثيلتها، وكترجمة عملية لهازوها الإعجاب ... قررنا نحن المعلم حلاوة بيه العنتبلي تسجيل نصف ممتلكاتنا والأراضي والأملاك الأخرى باسم حرمنا ....

مش تقول لي مسيار ... يا شيخ روح الله ..... (وش زكي رستم تاني)

<{POST_SNAPBACK}>

---------------------

صديقى العزيز الحلو حلاوه

مش تحمد ربنا و تبوس ايدك دقن و شعر - على راى اللمبى - انى جبتك فى القاء الدامى - اقصد الدرامى لاعضاء المنتدى ؟ :unsure:

وبعدين يا سيدى انا كنت بهزر معاك

انما انا من موقعى هذا اوجه نداء الى جميع الساده الاعضاء بان السيد المحترم حلاوه العنتبلى ليس من مؤيدى زواج المسيار و يعارضه يكل شده

و يا ريت لو سمحتم ماحدش يتكلم ف الموضوع ده تانى تجنبا لاى كوارث عائليه

كويس كده يا باشا ؟ mfb:

[khedr]

عمو انت نستني لكن انا جااااااااااااااااااااااااااااااااي

بعد الحفله

الله يسامحكم وانا كان مالي

[سيزيف]

اعزائى القراء

سقط سهوا من القصه ان اذكر لكم

ان العضو المحنك الداهيه ميدو خضر اشتم رائحه الخيانه ف الموضوع و انه كان مختبئا عندما قامت قوات الامن بالقبض على اعضاء المحاورات و تمكن من الفرار باعجوبه

و تقول بعض المصادر ان العضو ميدو خضر بعد ان تمكن من الفرار كان هو القائم بامداد اعضاء المحاورات المحبوسين بالعيش و الحلاوه بالتعاون مع العضو ابو حلاوه

:D

[khedr]

كلنا وراكم ومش ممكن نتخلي عنكم

لكن اروح ادبح لكم البتاع ده واهي لقمه بدل العيش والحلاوه

[khedr]

و انه كان مختبئا

<{POST_SNAPBACK}>

الدعوه وصلت متأخره

[سيزيف]

كلنا وراكم ومش ممكن نتخلي عنكم

لكن اروح ادبح لكم البتاع ده واهي لقمه بدل العيش والحلاوه

<{POST_SNAPBACK}>

يا سلام عليك يا معلم خضر

انا من زمان و انا نفسى ف ملوخيه بالانارب

:angry2: