عيدى عيدكم (مادا)

[bentmasria]

اصغر محاوراتى

طفل كان محور حب واهتمام الكل فى كل وقت

بسمة الامل اللى منورة حياتى

وارق واجمل شقاوة فى الدنيا

واحلى كلمة ماما

وحبى اللى جاى واللى راح

وزى ما شلنا همومه ,,,,,جاب لينا الأفراح

ضى جميل منور سنينى

وساكن ف قلبى وفجرى وحنينى

ولو غبت عنه للحظة وناديت

الاقى ف حضنه بكره ينادينى

عارفينه

حبيبى محمد

بيقولكم جميعا يا خالاتى واعمامى واخوانى

موش انا كبرت وبقى عندى سنتين

وكمان 10 سنات وبعض السمين

ونفسى لو اكبر

وبينكم افكر

اكون محاور فاهم وحاسس

وبيكم اكمل عقلى وعلمى

واكونش هايف

واحرك شفايف

بشىء مافهموش ولا اعرفوش

انا عيدى عيدكم

ولجلى خاطركم

عزومة هدية

لكل الحبايب

ويارب دايما

تكونونوا بخير

وبيتى الكبير يكبر صحابى واهلى وشبابى

على الحب والفرحة والرأى حر

ومهما يمر من ضباب

دايما نكون............

حكاية وهوية وننصر قضية يا اهل الخير

كل سنة وانا طيب بيكم

بحبكم كلكم

ابن البنت المصرية

مادا

:unsure: :angry: :angry:

[الأفوكاتو]

الأخت بنت مصرية

كل سنة و أنت و أسرتك جميعا بخير, و يسعدك الله بهم, و داموا لك.

و تهنئة لمحمد أصغر المحاورين.

تحياتى.

[White heart]

كل سنة و مادا طيب ..

انا وصيت الفريق دة يغنوله غنوة ..... بس راسهم و الف سيف ان مادا هو اللى يديهم أول " زقة " :unsure:

خليه ياخد عصاية المايسترو و يديهم أول اشارة، و هما هايشتغلوا على طول ......

[سيزيف]

كل سنه و مادا طيب و عقبال ماتشوفيه عريس

:unsure:

[الرافعي]

يا حبيبي يا محمد ...

يا رب تكبر وتكون نافع لوالدتك ولينا ولبلدك ... وتكون أفضل مما تحلم والدتك

ويكون الخير على يديك لكل الناس ... آمين

وأتمنى في الحقيقة أشوفك مشرف كده ... لا مشرف إيه يا عنتبلي ... يعني مشرف كبير كده ... لالا

طيب أدف.... (وش حلاوة العنتبلي، وقد تلقى صفعة قوية على قفاه من المخبر الواقف خلفه ...

شكله كده شبه الراجل اللي في صورة عموا أحمد محمود)

نصيحة يا أم حمادة ... بلاش يشوف الصورة دي بالليل ...

كل عام وهو بكل خير

[dr khaled]

انا حجزته خلاص . ليه عندي عروسه بس ايه تحفه خالص

بالا انتي بس كبريه و هاتيلوا الشقة و حوشي المهر

ربنا يحفظهولك

[مهيب]

كل سنة و مادا بألف خير و سعادة ... يكسر موبايلات براحته ... و يبرطع براحته فى كافيهات مصر كلها مش الأوبرا بس ... ربنا يحميه و يحرسه و يبقى زى مانتى عاوزة و أكتر حبتين ..

مهيب

[Tafshan]

كل سنه و انتِ طيبة يا مصرية و يليه لك و يعينك على تربيته ..

عشان ما تقوليش جيت و ايدي فاضية :unsure:

[عادل أبوزيد]

تهنئة قلبية من الأعماق

و أدعو الله أن يسعدك به و دعوة أخرى سمعتها من سيدة لا أعرفها و لم أعرف قيمة هذه الدعوة إلا فى الثلاث سنوات الأخيرة

"ربنا يخليهولك و يكبر و تاكلى من خيره"

أصدقك القول ..... مذاق مختلف

هل ترى تواظبين على كتابة مذكراتك مع الفاضل محمد "مادا" ليس بالضرورة كل يوم ..... ستفاجأين بعد فترة قليلة أنك نسيت الكثير من قصصه الصغيرة و تجدين نفسك تتكلمين عن شاب يبحث عن عروسة ..

هل إهتممت بتصويرة و هو عنده سنتان فقط فى مقدمة أسنانه ....

سارعى و إبدأى بعمل أرشيف و دفتر ذكريات

قبلاتى ل محمد "مادا"

[Sherief AbdelWahab]

كل سنة ومادا بألف خير ، وأنتظر مداخلته الأولى في المحاورات "وإن كان دة حيحسسني إن كبرت شوية صغيرين".. لكن بإذن الله سيكون هذا اليوم قريباً..

عيد ميلاد أصغر محاوراتي هو عيد لكل المحاوراتيين على اختلاف مشاربهم..

كل سنة ومادا بخير والزميلة العزيزة بنت مصرية بألف خير..

خلص الكلام

[مصرية الهوى]

كل سنة وانت طيب يا مادا يا حبيب ماما وحبيبنا كلنا ..

ربنا يخليهولك يا بنت مصرية .. وعقبال ما تشوفيه عريس يارب mfb:

[Scorpion]

سنة و سنة .. و بقم سنتين ...

حتكبر و تتنطط وسطينا .. ما تعرفناش بس حافظين كل لمحة فيك ... عينيك بتملا قلوبنا العجوزة سعادة ....

و بسمتك بتنور حتي لما كل حاجة بتبقي ضلمة ...

سنة ورا سنة حتتعرف علي اعمامك و عماتك هنا .... و حتعرف قد ايه بنتشوق نعرف اخبارك من ماما ...

نقلق مع قلقها و نضحك من حكاياتك معاها ...

قدامك عالم مادد ايديه ...

مد انت برضه و خده في حضنك ....

ما يهمكش لو اتكعبلت مرة و الا اتنين و الا عشرة .. حتقوم و حتكمل مشوارك و حييجي اليوم اللي حتشيل من علي كتف ماما حملها .... و تكمل انت المشوار ...

كل سنة و انت طيب ... mfb:

[abofasad]

حبيبي محمد

الفصايدة الصغيرين سمعوني وانا بقول النهاردة عيد ميلاد محمد، فأصروا انهم يغنولوا اغنيتهم الشهيرة

يالله حالا بالا نهني ابو الفصاد

عيد ميلاده الليلة اجمل الاعياد

فليحيا ابو الفصاد

عقبال 100 سنة يا محمد

جدو ابو فصاد

[سقراط المصري]

كل سنة ومادا بألف خير

[bentmasria]

كل سنة وانتم فرحانين زى ما فرحتونا

وبدفاكم واهتمامكم اسعدتونا

وبكل امنياتكم الحلوة رسمتم على شفايفنا احلى ابتسامة

خالو الافوكاتو

بكره اكبر وتعلمنى ازاى على حقى ادور ويارب ما اكون حمل تقيل عليكم

خالو وايت هارت ميرسى خالص مالص بالص الغنوة تجنن ويارب لما اكبر اقدر ارد لكم جمايلكم الحلوة دى ده انا رقصت رقص..........

عمو حلاوه على ايامنا حنشوف اللحمة فى الاعلانات ابقى اتوصى بيا لحسن انا رفيع جداااااااااااااااا بجد والله

دكتور خالد انا مستنى العروسة بس تكون حلوة كده زيى واوعدك انى ححافظ عليها واحطها فى عنيا

خالو مهيب وحشتنى وكل شوية اشوف صورتنا واقولك انا مشيت خلاص موش ححبى فى الاوبرا تانى بس انت تعالى وشوفنى شاب وسيم طحن

هات عمو آسر معاك من فضلك

عمو طفشان هو انت على طول طفشان كده يارب تكون دايما فرحان ميرسى على الهدية الحلوة ويارب اتعرف عليكم قريب ان شاء الله

اونكل عادل ولا اقول خالو ماما دوختنى طول النهار تصور فيا وتكتب عنى مالهاش شغلانة غيرى بس لو تسيبنى العب براحتى شوية بتتحشر ف كل حاجة وحشتنا حضرتك ومدام نشوى لما الدنيا تدفى شوية ان شاء الله ضرورى نتقابل

خالو شريف انا فاضل لى كم يوم افك الخط وحكتب كل حاجة ما تستعجلش هانت خلاص ده انا ناوى اجننك mfb: :D

خالو سكوب فين صاحبى جونيور انا كنت عامل حسابى اشوفه وكمان طنطتى انت مطنشنى خالص انا هديتى الجاية تكونوا معايا مفهوم انا عارف ان امى كل يوم تقولكم حماده راح حماده جه سيبك من الست الرغاية دى احنا لازم نكون اصحاب بجد واوعى تبعد عننا ابدا يا خالو

جدو يا جدو يا اجمل جد

ميرسى ليك وللفصايد الصغننين ربنا يسعدك ويهنيك فرحتنا يا اجمل جد

عمو سقراط

كل سنة وحضرتك طيب

وعلى فكرة بقى انا ريقى جرى على المنيو بتاعك ربنا يرجعك لهم بالسلامةوتاكل كل اللى بتحلم بيه يارب

بحبكم كلكم انا ومامتى

والله انا قاعد على حجرها هى بتبتسم من القلب وانا بحضنها ربنا ما يحرمنى منكم ولامنها يارب

:ninja: :excl: :excl:

ربنا يسعد ايامكم ويجعلها كلخا فرح واعياد يارب

[bentmasria]

:D :ninja:

ازيكم تانى مع الانفلونزا

انا فكرت اوريكم شكلى وانا عندى سنتين

واهو برضه تتابعوا النشوء التطور بتاع داروين على ملامحى

ممنوع الضحك

ماما هى اللى حلقت لى

اصلى صرخت عند الحلاق وعملت افلام

المشط سنه حامى

يوه اقصد المقص

يللى كل سنة وكلكم طيبين

ويارب يبعد عنى وعنكم حكومة نظيف وانفلونزا الطيور والعبارات باشكالها

مادا افندى

[shahd]

كل سنة ومادا بألف خير وعقبال مليون سنة وفي كل سنة سعادة وهنا

تم تعديل 20 فبراير 2006 بواسطة شهد

[أسد]

حبيبنا كلنا .. محمد ..

كل سنة وإنت طيب ..

وربنا يحفظك ويخليك ويبارك فيك يارب ..

وتكون إن شاء الله قرة عين لوالديك ..

أم محمد ..

دعواتي الخالصة وتمنياتي لك ولولدك الغالي علينا كلنا ... والذي سهرنا ودعونا له قياماً .. وسجوداً .. وسجدنا لله شكراً وحمداً على سلامته ..

كل سنة وأنتي ومحمد بألف ألف خير ..

[khedr]

كل سنه وانت بالف خير

[فــيــروز]

إلى حماده

كل سنه و انت طيب .. الايام بتجرى و هانت خالص على ما نلاقيك بتشارك معانا فى المنتدى و تشاكس مامى و أصحابها ..

الى بنت مصريه :unsure:

أرجو ان يسعد الله أيامك و أيام محمد و أن يجعله خير ابن لخير أم