البنت المصرية و المشكلة الأزليه...!

[crossfield]

نيجي نتكلم عن نقطة الزواج السيار 

انا لا احب تعقيد الأمور وتسميتها 

باسماء مختلفة 

هوا زواج رسمي لكن خفى 

وفي احيان كتير بيكون خفي عن الأهل فقط!! 

منين خفى أو سرى أو عرفى و منين جواز.بالله عليكم بلاش نردد ألفاظ من غير ما نبقى مدركين ان فيها شبه اعتراف أو قبول ضمنى منا للعلاقات المشبوهة تحت أى مسمى بقى مش مهم .المهم انها علاقة مشبوهة و خلاص.

[yassoo]

ممنوع الكتابة بغير اللغة العربية

برجاء مراجعة قواعد الكتابة المنتدى

الادارة

[احمد]

الاخcrossfield

اظن ان إسمه زواج المسيار واعتقد انه زواج علنى الفرق فقط فى انه زواج بلا اى تبعيات معيشية على الطرفين على إفتراض ان للزوجة دخل خاص بها

فى راى ان هذه الإباحة احد التجليات الرائعة للقياس فى الدين الإسلامى بعد ان تم إختزاله فى امور شكلية ابتعدت عن المفهوم الحقيقى للرسالة

دا كان ردا على ان هذا الزواج خفى ثم ان هذا الكلام يتم تداوله منذ الاف السنين كونه لم يصل اليك بعد لايمنعنا من مناقشته ثم ان الشيخ القرضاوى افتى بأنه حلال

ثم لماذا لاتتعرف عليه اولا قبل ان تقرر انه علاقة مشبوهة و خلاص ام لا .حتي لو افتى بذلك احد كبار علماء المسلمين فهذا من حقك

[crossfield]

نيجي نتكلم عن نقطة الزواج السيار  

انا لا احب تعقيد الأمور وتسميتها  

باسماء مختلفة  

هوا زواج رسمي لكن خفى  

وفي احيان كتير بيكون خفي عن الأهل فقط!!  

أخ أحمد:

أنا كنت بتكلم على بندين أساسين يجب توافرهم فى الزواج أياً كان المسمى لكى يطلق عليه زواج أصلاً :الإشهار و موافقة الولى.ازاى علنى و الأهل (فقط)!!!!!!همه اللى ميعرفوش؟؟؟؟؟؟؟؟؟ لو بند من الأتنين دول مكانش متوفر تبقى علاقة مش جواز و أعتقد إن الأخ الطفشان فهم نفس اللى أنا فهمته من كلامك. و ده شرع ربنا اللى أنا أعرفه .مين بقى اللى هيصرف على مين ما كانتش هيه دى القضية اللى أنا بتكلم فيها.

[Elham]

على فكره يا جماعه حكايه التفرقه بين الولد و البنت موجوده فى كل المجتمعات حتى هنا فى امريكا و عكس ما هو شائع فى بلادنا العربيه ان المرأه هنا واخده حقوقها كامله بالعكس المرأه هنا مظلومه و مهانه جدا و العنف تجاه المرأه كبير جدا , و اذا كان يوجد سلبيات فى مجتمعاتنا تجاه تربيه البنات فده بسبب اننا رقصنا على السلم فلا نحن احتفظنا بعاداتنا و تقاليدنا و لكن اخذنا فقط العادات و التقاليد التى لا تناسبنا من الغرب.

[احمد]

احمد كتب:

نيجي نتكلم عن نقطة الزواج السيار

انا لا احب تعقيد الأمور وتسميتها

باسماء مختلفة

هوا زواج رسمي لكن خفى

وفي احيان كتير بيكون خفي عن الأهل فقط!!

لم اقل ذلك حاولت فقط ان ارد على هذا الكلام و اوضح انه علنى وفلت بالحرف

اظن ان إسمه زواج المسيار واعتقد انه زواج علنى الفرق فقط فى انه زواج بلا اى تبعيات معيشية على الطرفين على إفتراض ان للزوجة دخل خاص بها

فى راى ان هذه الإباحة احد التجليات الرائعة للقياس فى الدين الإسلامى بعد ان تم إختزاله فى امور شكلية ابتعدت عن المفهوم الحقيقى للرسالة

وفى راى الشخصى ان هذا النوع من الزواج قد يحل كثيرا من المشاكل الكثيرة الان والتى تمنع الكثيرين من التمتع بإحتياجاتهم الاساسيه خصوصا ان هذا الموضوع يتم مناقشته منذ فجر الاسلام ودا موضوع يطول شرحه

[ابو يوسف]

أعتقد انه على المجتمع ان يتوقف على النظر للمرأة على انها مجرد وعاء !!! و انها ماكينة لتفريغ توترنا :!: :!: و للانجاب !!!

و عن نظرية الماكينة ...

دعونا نرجع للبدء عندما تولد الفتاة ....

اولا : يتمنى الجميع لو كان ولد !!! (من ينكر ذلك ؟؟؟؟ فالولد ماكينة أكثر تطوراً )

ثانيا : على البنت ان تتفهم ان جسدها حرام - محرم عليها هى شخصياً و تتوالى التحذيرات !!! (و لا يحدث ذلك مع الولد !! فهو ماكينة صلبة غير قابلة للخدش !!!! ) لأن الفتاة ماكينة يجب ان تظل Intact لا تمسسها يد حتى تصل الى المستهلك !!!

ثالثاَ : وقت الصبا و عندما تبدأ امكانيات الماكينة فى الظهور :) ... يجب ان تظل قدر الامكان بعيدة عن ايدى و اعين المستهلكين حتى تصل صاغ سليم للمستهلك !!!

رابعاً : يتم تجميل الماكينة و تهيئتها ... حيث اقترب وقت العمل ..

خامساً : عندما تصل الماكينة للمستهلك ... تتوالى الاسئلة - من ثانى يوم - للاطمئنان عن انه قد تمت عملية التشغيل المبدئى بسلام و انه لا يوجد اى عطل :) :lol: :)

سادسا : يظل المستهلك و الاهل فى انتظار الانتاج الاول ... و يا ويل الماكينة لو تأخر الانتاج ...

سابعاً : يتوالى الانتاج ... حتى تصبح الماكينة قديمة و مستهلكة و ينتهى عمرها الافتراضى .. ووقتها قد يبحث المستهلك عن أخرى !!!

و هكذا ....

تعليق ....

هذا الرأى لا يجب ان يصطدم مع حرص الاسلام على طهر و عفة الفتاة و على دورها الهام جدا فى الحياة ... و لكننى انتقد النظرة التى ينظر بها المجتمع الى امى و اختى و ابنتى

[MKG]

امير قال

ياتري فية حد عندة أفكار جديدة غير طبعا غض البصر و التعفف ...عايزين أفكار واقعية و ليست ملائكية .

و الله اى واحد مسلم بجد ماشى بالافكار دى (و هى فى قمة الواقعية و الخالق ادرى بخلقه)

و مستريح جداً

كل كلمة بقراها فى هذا المنتدى تثبت لى ان الحل الاسلام

(ييييه و احد من اياهم)

يا عم و ايه يعنى تخيل لو الناس كلها التزمت

(طيب خش فى الحماسيات و الاوهام)

الاب هيصارح بنته و مش يجبرها على زوج بعينه

و هذا ما شهدناه فى سيرة الحبيب(ما تصلى عليه)من تزويج فاطمة بعلى رضى الله عنهما

و رده زواج اخرى زوجت بغير رضاها

(و المهر و الذى منه)

ياريت تقرا كان اثاث بيت ستنا فاطمة كان ايه و مهرها

و المهر اساسا ممكن يكون شىء رمزى جداً حتى لو كان مجرد سورة من قران

و الرسول صلى الله عليه و سلم قال لينا (كمسلمين)

ان نزوج من نرتضى دينه مش من نرتضى جيبه

و البنت لازم توافق

و المرأة عضو هام شكلا و موضوعا فى المجتمع و ليس مجرد مكنة تفريخ كما قال احد الاخوة اذا كان هناك عيب فالعيب فينا نحن

[MKG]

لو كان كلامها صحيح 

والعهدة على الراوي 

تبقى مصييييييييييييييييبة 

اذا كان شـــــيــــــــــــخ وعمل كدا 

امال الشباب الضايع يعمل ايه!!!!!!!!

1 مجرد شخص لا يعبر عن الكل

2 هل التزمت بكل الواجبات الشرعية

غض بصر(ما كنش هيكون هناك اساساً مشكلة)

استخارت (اكيد لأ)

سئلة ناس ثقات ولا (مش شفتى مش انا اعرف شيخ يقدر يجيب النملة ام ودان من بلاد غطفان والله)

و من اطلق عليه شيخ اساساً

وممكن واحد من بتوع ............

يمسك الكلام ده و يسبح بيه

فارجو الحرص يا اخت شنشن على

يعنى محدش شايف اى توكل خالص

___________________________________________________

الحل هو الاسلام

[لماضة مصرية جدا]

السلام عليكم و رحمة الله و بركاته

الموضوع ده ع الرغم انه في موضوعات خفيفة لكن حقيقي بيلمس عصب حاجات كتير

فيه افكرا كتير انطرحت هنا

خلوني اطرح علي حضراتكم حوار سمعته من يومين

هو اشبه بالمونولوج يعني واحدة كانت بتكلم نفسها بس صادف اني كنت واقفة قدامها.....

"احنا بنتربي و احنا عندنا 7 سنين ان احنا نلعب بالعروسة...

و نلبسها و نغيرلها...و نسرح شعرها و نزوقهها.....

احنا بنتوحد مع باربي كنموذج....و لما بنكبر و بيكبر جسمنا بس عقلنا لسه في العروسة الباربي.....اتربينا برضه ان كيانا هيفضل ناقص لغاية ما يجي راجل و يكمله....اه اتربينا انك مهما نجحتي مهما فرحتي...مهما عملتي....لازم يبقي معاكي راجل

و آهه جه الراجل...........طب تعملي ايه (الكلام هنا كان موجه ليا)....لو انتي اكتشفتي ان اللي اتربيتي عليه طول حياتك و فضلت موقفة نفسك عليه.....انه مبقاش راجل..... او ان القناع داااااااب....و بان وش تاني.....وش كائن لا يتحمل مسئولية......حتي لما بنته الوحيدة بتمرض......بيتخلي عن مسئوليته

يا تري مين فينا اتربي علي باربي...الولد و لا البنت

يا تري......لو انا طلبت الانفصال......اهلي هيقولوا ايه.......انا مطلبتوش بالكلام......لكن طلبته و اتوسلته بعينيا مليون مرة..... يا تري......هينفع ارجع احلم زي زمان"

ده حوار بنت........في مجتمع........في دنيا.......قريبة اوي من حد فينا

دمتم بخير

[reemragab]

البنت المصرية

دي حدوتة كبيرة جدا في جميع مراحل حياتها

ففي رحلة الطفولة نبدا ب عيب يا بنت

وفي مرحلة المراهقة نصل الى رايحة فين وجايا منين

وفي مرحلة الشباب تتحول الى لبس البوصة تبقى عروسة وتحتاج عريس

واخيرا نصل الى المقبرة الا وهي بيت الزوجية!!!!

وهذا هو بيت القصيد..

هل صحيح ان البنت المصرية تربى على اساس ان وظيفتها في الحياة اصطياد الزوج؟؟

واذا لم يكن هذا صحيحا

فلماذا يتهمها الأزواج دائما بانها غير مهتمه بنفسها وانها دايما بتتحول لشيء تاني خالص بعد الزواج

شيء اشبه بالألة خالي من الجمال او المشاعر؟؟!

وهل حقا البنت المصرية مذنبة في هذا؟؟ ام مجني عليها؟؟؟

اسمع رايكم عشان عندي ليكم مفاجأة ها تصدمكم :lookaround:  mc:

ممكن فعلا يكون ده تفكير كتير من البنات لانهم بيفكروا انو انا لازم اتجوز عشان استقل ويبقى لى بيتى

او لازم اتجوز بسرعة قبل ما اكبر ويفوتنى القطر والنقطة الاهم هى قلة طموح البنات المصريات مقارنة بالاوروبيات مثلا

كمان اسلوب الحياة بتاعنا المختلف برضه عنهم لانهم عندهم اعتماد عالي اوى على نفسهم ومن سن صغيرة عكس المصرية

اللى بتفضل مع اهلها لقبل الجواز واللى ممكن يتم فى اواخر العشرينات عشان كده التفكير بيكون مختلف

بس دلوقتى انا شايقة ان الدنيا بتتغير شوية بشوية يمكن عشان العولمة او الظروف الاقتصادية بتاعة الشباب مخلتش البحث عن زوج (او اصطياد زوج)

بقى رقم واحد فى حياة البنت

ومذنبة او لا متهيالى دى التنشئة الخاصة لينا ان البنت تخلص وتتجوز او حتى تشتغل وتتجوز برضه فهى مش مذنبة بقدر ما هى متاثرة بالتنشئة

الخاصة بينا كبنات مصريات.

تم تعديل 1 أبريل 2010 بواسطة reemragab

[لماضة مصرية جدا]

السلام عليكم و رحمة الله و بركاته

حلو اوي يا ريم......وقفت عند كلمة انتي استعرضتيها.......البنت بتفكر انها لما تتجوز هتستقل....؟؟؟

يا تري البنت فعلا بتستقل و لا بتنتقل من بيت لبيت بادارة مختلفة

كام راجل مبيحسش بالخطر لو قابل بنت جميلة... عاملة....ذكية....ليها شخصيتها.....و لما بتيجي لحظة الجد.....بيقول اصلها مستقلة......

هو يعني ايه استقلالية البنت....

مش معاكي انها عشان عايشة مع اهلها تبقي مش مستقلة..... الاستقلال بيبقي ف الافكار في الطموحات.....في الاعتماد ع النفس في اتفه القرارات....

كام حد مننا اتربي علي كده كبنات

طب كام حد مننا لما مترباش علي كده و حاول يبقي كده برضه كبنت لقت احترام من الرجل....دون انها تصل معاه لنقطة الصدام اللي فوق......"لا اصلك مستقلة زيادة عن اللزوم".....طب ايه هو حد الزوم عشان نعرف

طب مش المستقلة دي هي اللي بعد الزواج بتدير كافة شئون البيت من انجاب.....من رعاية اطفال...من متابعة مشاكل مالية....نفسية...حتي مشاكل الراجل نفسه بتبقي مسئولة منها

طب مش المستقلة دي.....هي اللي الاسلام قال ان يبقي ليها ذمة مالية خاصة عن الزوج

حد يفهمني البنت لما تبقي مستقلة....بنت شخصيتها بنفسها...لكنها قطعا تعرف انها انثي في ظل رجل حقيقي......يا تري ده ميزة و لا عيب؟؟؟؟

سلام

[مهندس حسام الخواص]

السلام عليكم و رحمة الله و بركاته

حلو اوي يا ريم......وقفت عند كلمة انتي استعرضتيها.......البنت بتفكر انها لما تتجوز هتستقل....؟؟؟

يا تري البنت فعلا بتستقل و لا بتنتقل من بيت لبيت بادارة مختلفة

كام راجل مبيحسش بالخطر لو قابل بنت جميلة... عاملة....ذكية....ليها شخصيتها.....و لما بتيجي لحظة الجد.....بيقول اصلها مستقلة......

هو يعني ايه استقلالية البنت....

مش معاكي انها عشان عايشة مع اهلها تبقي مش مستقلة..... الاستقلال بيبقي ف الافكار في الطموحات.....في الاعتماد ع النفس في اتفه القرارات....

كام حد مننا اتربي علي كده كبنات

طب كام حد مننا لما مترباش علي كده و حاول يبقي كده برضه كبنت لقت احترام من الرجل....دون انها تصل معاه لنقطة الصدام اللي فوق......"لا اصلك مستقلة زيادة عن اللزوم".....طب ايه هو حد الزوم عشان نعرف

طب مش المستقلة دي هي اللي بعد الزواج بتدير كافة شئون البيت من انجاب.....من رعاية اطفال...من متابعة مشاكل مالية....نفسية...حتي مشاكل الراجل نفسه بتبقي مسئولة منها

طب مش المستقلة دي.....هي اللي الاسلام قال ان يبقي ليها ذمة مالية خاصة عن الزوج

حد يفهمني البنت لما تبقي مستقلة....بنت شخصيتها بنفسها...لكنها قطعا تعرف انها انثي في ظل رجل حقيقي......يا تري ده ميزة و لا عيب؟؟؟؟

سلام

عاجبني كلامك وفضلت حاطت ايدي علي خدي وباصص للشاشة كدهو

بس انا مريت بتجربة

وحسيت انا مقدرتش حسيتها جريئة ناجحة قوية ...مستقلة

بصراحة انا مقدرشي انا تعجبني البنت البسيطة الضعيفة المستقوية بيا

متفهمنيش غلط

بس مش عارف انا مقدرتش

[لماضة مصرية جدا]

عاجبني كلامك وفضلت حاطت ايدي علي خدي وباصص للشاشة كدهو

بس انا مريت بتجربة

وحسيت انا مقدرتش حسيتها جريئة ناجحة قوية ...مستقلة

بصراحة انا مقدرشي انا تعجبني البنت البسيطة الضعيفة المستقوية بيامتفهمنيش غلط

بس مش عارف انا مقدرتش

السلام عليكم و رحمة الله و بركاته

و الله انا مش عارفة اشكر حضرتك ازاي انك رفعت التوبيك دوت...يعني جاي في الجون لزم و محتاجة للحوار بتاعه دلوقتي اوي

استاذي الفاضل

عندي تعليق و شجن في نفس الوقت

لو تاخد بالك اني كتبت في المداخلة بتاعتي اللي فوق

ان البنت محتاجة تحس انها "انثي" مع رجل حقيقي

افتكرت كلمة كان قالها دكتور الرخاوي قال ان كل حد فينا جوه منه فيه رجل و امرأة يعني جزء منه بيفكر كامرأة حتي و ان كان جسمانيا ذكر و جزء بيفكر كرجل و ان كانت جسمانيا امرأة

و العلاقة الحقيقية بتكون بين اربعة...مش بين اتنين

احنا بنتخيل ان راجل بيتجوز ست....الحقيقة علشان العلاقة تكون ناجحة لازم يبان في العلاقة دي الاربع ادوار المختلفة

علشان كل حد منهم يقدر يتفهم دماغ اللي قدامه و تصرفاته

لما كتبت فوق و قولت...انثي في ظل راجل حقيقي

انا اعنيها و اعنيها جدا

و مقتنعة ان البنت مهما بدت انها "قوية"...لكنها مش ممكن تستقوي عليه...هي زي ما حضرتك قولت تستقوي بيه علي الدنيا و عمايلها

طب فين المشكلة

المشكلة انك بتخاف

ايون

خبط لزق كدهوت

نموذج البنت الجريئة...القوية من وجهة نظرك...بيعملك حالة "قلق"...لانك متعود ك "ولد" انك تسيطر و متخيل ان العلاقة علشان تبقي ماشية في التراك الصح يبقي لازم سيطرة و السيطرة بتفترض ان فيه طرف اضعف و طرف اقوي

كلام نظري ممكن نبله و نشرب ميته....صح

بس خليني اقول لحضرتك حتة عملية جريئة بقي....(مش انت قولت جريئة...يلا خلينا نلبس في الحيط)

العلاقة الانسانية اللي بتكون بين رجل و امرأة هي علاقة حرية قبل ما تكون سيطرة

لو مقدرتش انت كولد اوكبنت انك تبان في كل حالاتك...

يعني لما تبقي كويس و لما تبقي ضعيف...

و لما ابقي جميلة و لما ابقي منكوشة

و لما تبقي محبط و لما تبقي مهزوم

و لما تبقي الفرحة مش سايعاك

لو العلاقة دي بين الطرفين....مكنتشي طبيعية اوي و عفوية اوي و تلقائية حد النهاية

و كل طرف منهم اتقبل التاني زي ما هو مش بس في لحظات انتصاره....

بالعكس في لحظات انكساره و ضعفه الانساني

صدقني هيبقوا الاتنين بيضحكوا علي بعض

يعني تفتكر ان اي بنت متعرفشي تعمل "دور" الضعيفة الغلبانة المسهوكة

تقدر جدا و اوي كمان

بس السؤال اللي يفرق معايا

انا يوم ما ابين "ضعفي" يا تري ابينه لمين

و اشارك لحظة انكساري كبني آدم هحب اترمي علي كتف مين

و يوم ما هجري علي حد علشان محتاجة رأيه هو....و هو بس...مش عشان يقولي هنعمل ايه...تؤتؤ (ما نا عارفة انا هعمل ايه و ممكن جدا اكون اصلا اخدت قرار) بس محتاجة لوجود "هو" علشان يقولي الجملة التاريخية اللي بتنهار قدامها مقاومة اي استقواء في الدنيا بحالها) و هي

(فداكي كل اللي حصل انتي اهم)

مش ده قمة الضعف

مش ده قمة اللجوء العاطفي و الانساني

مش ده قمة التكامل في العلاقة

بس هو السؤال.....هو مين الراجل الحقيقي...و مين البنت الانثي...و فين اللحظة القدرية الطبيعية الللي بتخلي كل واحد فيهم يبان قدام التاني من غير اي زواق و من غير اي اقنعة

العلاقة السليمة مش محتاجة اقنعة

محتاجة ببساطة تكون بني آدم مع نفسك....علشان تقدر تمارس انسانيتك دي مع بني آدم تاني

و برضه دي وجهة نظري في الدنيا و في الناس

ممكن اكون خطأ

و ممكن اكون صح

و ممكن أكون حد عادي من الناس

عايز يبقي بس بني آدم مش اكتر

تحياتي

صباح حضرتك......"هو"...."هي" ووجهة نظر

[مهندس حسام الخواص]

عاجبني كلامك وفضلت حاطت ايدي علي خدي وباصص للشاشة كدهو

بس انا مريت بتجربة

وحسيت انا مقدرتش حسيتها جريئة ناجحة قوية ...مستقلة

بصراحة انا مقدرشي انا تعجبني البنت البسيطة الضعيفة المستقوية بيامتفهمنيش غلط

بس مش عارف انا مقدرتش

السلام عليكم و رحمة الله و بركاته

و الله انا مش عارفة اشكر حضرتك ازاي انك رفعت التوبيك دوت...يعني جاي في الجون لزم و محتاجة للحوار بتاعه دلوقتي اوي

استاذي الفاضل

عندي تعليق و شجن في نفس الوقت

لو تاخد بالك اني كتبت في المداخلة بتاعتي اللي فوق

ان البنت محتاجة تحس انها "انثي" مع رجل حقيقي

افتكرت كلمة كان قالها دكتور الرخاوي قال ان كل حد فينا جوه منه فيه رجل و امرأة يعني جزء منه بيفكر كامرأة حتي و ان كان جسمانيا ذكر و جزء بيفكر كرجل و ان كانت جسمانيا امرأة

و العلاقة الحقيقية بتكون بين اربعة...مش بين اتنين

احنا بنتخيل ان راجل بيتجوز ست....الحقيقة علشان العلاقة تكون ناجحة لازم يبان في العلاقة دي الاربع ادوار المختلفة

علشان كل حد منهم يقدر يتفهم دماغ اللي قدامه و تصرفاته

لما كتبت فوق و قولت...انثي في ظل راجل حقيقي

انا اعنيها و اعنيها جدا

و مقتنعة ان البنت مهما بدت انها "قوية"...لكنها مش ممكن تستقوي عليه...هي زي ما حضرتك قولت تستقوي بيه علي الدنيا و عمايلها

طب فين المشكلة

المشكلة انك بتخاف

ايون

خبط لزق كدهوت

نموذج البنت الجريئة...القوية من وجهة نظرك...بيعملك حالة "قلق"...لانك متعود ك "ولد" انك تسيطر و متخيل ان العلاقة علشان تبقي ماشية في التراك الصح يبقي لازم سيطرة و السيطرة بتفترض ان فيه طرف اضعف و طرف اقوي

كلام نظري ممكن نبله و نشرب ميته....صح

بس خليني اقول لحضرتك حتة عملية جريئة بقي....(مش انت قولت جريئة...يلا خلينا نلبس في الحيط)

العلاقة الانسانية اللي بتكون بين رجل و امرأة هي علاقة حرية قبل ما تكون سيطرة

لو مقدرتش انت كولد اوكبنت انك تبان في كل حالاتك...

يعني لما تبقي كويس و لما تبقي ضعيف...

و لما ابقي جميلة و لما ابقي منكوشة

و لما تبقي محبط و لما تبقي مهزوم

و لما تبقي الفرحة مش سايعاك

لو العلاقة دي بين الطرفين....مكنتشي طبيعية اوي و عفوية اوي و تلقائية حد النهاية

و كل طرف منهم اتقبل التاني زي ما هو مش بس في لحظات انتصاره....

بالعكس في لحظات انكساره و ضعفه الانساني

صدقني هيبقوا الاتنين بيضحكوا علي بعض

يعني تفتكر ان اي بنت متعرفشي تعمل "دور" الضعيفة الغلبانة المسهوكة

تقدر جدا و اوي كمان

بس السؤال اللي يفرق معايا

انا يوم ما ابين "ضعفي" يا تري ابينه لمين

و اشارك لحظة انكساري كبني آدم هحب اترمي علي كتف مين

و يوم ما هجري علي حد علشان محتاجة رأيه هو....و هو بس...مش عشان يقولي هنعمل ايه...تؤتؤ (ما نا عارفة انا هعمل ايه و ممكن جدا اكون اصلا اخدت قرار) بس محتاجة لوجود "هو" علشان يقولي الجملة التاريخية اللي بتنهار قدامها مقاومة اي استقواء في الدنيا بحالها) و هي

(فداكي كل اللي حصل انتي اهم)

مش ده قمة الضعف

مش ده قمة اللجوء العاطفي و الانساني

مش ده قمة التكامل في العلاقة

بس هو السؤال.....هو مين الراجل الحقيقي...و مين البنت الانثي...و فين اللحظة القدرية الطبيعية الللي بتخلي كل واحد فيهم يبان قدام التاني من غير اي زواق و من غير اي اقنعة

العلاقة السليمة مش محتاجة اقنعة

محتاجة ببساطة تكون بني آدم مع نفسك....علشان تقدر تمارس انسانيتك دي مع بني آدم تاني

و برضه دي وجهة نظري في الدنيا و في الناس

ممكن اكون خطأ

و ممكن اكون صح

و ممكن أكون حد عادي من الناس

عايز يبقي بس بني آدم مش اكتر

تحياتي

صباح حضرتك......"هو"...."هي" ووجهة نظر

صباحك وعي صباحك فهم عالي

عاجبني اوي اوي موضوع اننا اربعة بنتكامل مع بعض مش رجل وانثي بس

وعاجبني الفهم العالي اللي (احنا بتمناه وعايزينه)

بس التردد والقلق والعادات والتقاليد و و و و و هيا السبب في ده

مش عارف أعبر بس فعلا شكرا علي تحليلك ده

[لماضة مصرية جدا]

السلام عليكم و رحمة الله و بركاته

استاذنا حسام

ع فكرة علي الرغم انك عجب حضرتك التحليل

بس انا الحقيقة كنت بكتب و بكلم نفسي...(اولي درجات الجنون انا عارفة:)

لما رجعت قريت كلامي مرة تانية اكتشفت اني وقعت في نفس الخطأ اللي انا قولته لحضرتك

او للولد بشكل عام

انا قولت ان الولد بيخاف

و الحقيقة ان زي ما الولد بيخاف علشان مش بيقدر يسيطر...(حتي اعلان الشيبسي عاملينه اكبر و سيطر ..طب ده كلام...وش حد متعجب اوي)

و بعديها حضرتك ضفتلي ان كمان ده بيخاف من لسته طويلة من العادات و التقاليد مع اني مفهمتش يعني ايه علاقة استقلالية البنت بالعادات و التقاليد...؟؟؟ انا كنت بتكلم عن الاستقلال في الافكار في طريقة النظرة للحياة.

بس كمان البنت بتخاف

ايون

انا كبنت بخاف

و بخاف جدا

بخاف علشان نفس لستة الخوف اللي حضرتك اتكلمت فيها

علشان المجتمع و الناس و الكتالوج اللي اتحطينا فيه من قبل ما نتولد و بمجرد ما جينا الدنيا و قولنا واء واء.....لما عروا اني بنت قالولي روحي صفحة بقي الكتالوج البمبي و لما عرفوا انك ولد قالولك خليك يا عم في الكتاب الازرق....(ده شبه كده الكتاب الاخضر بتاع القذافي سعادتك)

بس في لحظة ما

لستة الخوف اللي كنا فاكرين انها معمولة علشان تسعدنا...للاسف مكنتشي هي سبب سعادتنا

و اذا كنا فاكرينها بتحمينا من ان احنا ننجرح و نتأذي.....لا بالعكس اتجرحنا و أتأذينا اوي

يبقي الحل

انك تطبل تخاف

قلوتلك فوق

العلاقة الانسانية لازم تكون قايمة علي حرية

واول طوبة فيها انك تتحرر من خوفك

متقدرشي تحب حد و انت خايف لا يكرهك لو شافك زعلان

متقدرشي تتواصل مع حد و انت خايف يا تري هيقول عليا ايه في عقل بالهو هيفكر فيا ازي

مش بس العلاقات الانسانية بين رجل و امراة ...اي علاقة في الدنيا مينفعشي تبقي علي الخوف...لانه ببساطة ضد الفطرة الانسانية السليمة اللي ربنا خلقنا عليها

طب ربنا قال في كتابة الكريم

"الذي أطعمهم من جوع و أمنهم من خوف"

الحاجة للامان و انك تكسر خوفك جت مباشرة بعد الحاجة لاشباع الجسد بالطعام

طولت علي حضرتك في الكلام

بس دي وجهة نظري

و دي حياتي

و مش هقول اني سبع رجالة في بعض و لا اني مش بخاف

بالعكس انا بحاول اقرا كويس لستة خوفي.....و اتعامل معاها

بحاول

بجتهد

علشان اعرف اعيش.....كبني آدم ع الفطرة

صباح حضرتك......"اكسر خوفك"...تستحق تعيشها مرة واحدة فقط

و طبعا دي وجهة نظر

[مهندس حسام الخواص]

السلام عليكم

استاذتنا لماضة

انا طبعا مفهمتش الاستقلال ان البنت تروح تسكن في شقة لوحدها ههههههههه

انا اقصد بالعادات والتقاليد رمز للافكار والقيود اللي في الغالب بيرجعوها للدين وان البنت المفروض تاخد الكتاب البمبي زي ما شبهتي

وتتبع التعليمات اللتي تؤدي بها في النهاية للسعاده المنشوده التي تتجسد في الرجل والزواج وهكذا

انا معلشي قدامي حالة صعبة جدا لو عندك وقت اسمعيها

انا عندي اخت زوجتي (وهيا بنت عمتي في نفس الوقت) خريجة كلية حقوق

وحالفها الحظ ان تتدرب في مكتب قانوني وتشتغل بالمحاماة وهي تعتبر الي حد ما ناجحة في عملها

وكنت انظر اليها مفتخرا بها وهي تحكي لي عن جولاتها في المحاكم وسعادة هذا وقد انهت مهمتها بنجاح

واهتمام مدير المكتب بعملها ونجاحها عن اقرانها

ولكن..........

سرعان ما رأيت هذه الزهرة تذبل وتذبل وبالفعل تكاد ان يذهب بريقها ورحيقها

فقط من اجل شئ واحد

وواحد فقط

هو تأخر الزواج بسبب عدم توافقها مع اياً ممن تقدم اليها واحجام البعض الاخر للخوف منها

واهملت في عملها الي ان تركته

وانا اتسائل هل اصبحت العاده هي الخوف والقلق من الانثي لهذه الدرجة حتي نتركها

ولم نسأل نفسنا بعد ان تركناها وحيدة وقد تعدي سنها الثلاثين ماذا ستفعل بعد ان غرسنا فيها ان الزواج هو نهاية المطاف

وانها اصبحت عديمة الفائدة

وهل ستظل الانثي تنتظر الفارس المغوار الي ان يأتي وان لم يأتي هل من حقها ان تقتل نفسها كمدا وحسرة وانطوائية مقيته

وبعد عن العالم وتعيش في عالم اخر افتراضي الي ان تنتهي بها الحياة

سامحيني ان شردت عن الموضوع ولكنه في اعتقادي هو النتيجة الطبيعية لعدم فهم الرجل للأنثي مثلما فعلت انا واثرت ان اتزوج ابنه عمتي

للخوف من المجهول والخوف من استقلالية التفكير وقوة المراة الظاهرة التي هي ليست الا ضعف في الحقيقة تخفيه في هذه القوه الظاهرة

ونتج عن ذلك مئات بل الالاف من هذه الازهار التي لم يشم احد بريقها وربما يمتن هكذا دون ان يستمتع احد بحسن عبيرهن

تم تعديل 20 أكتوبر 2011 بواسطة مهندس حسام الخواص

[لماضة مصرية جدا]

سرعان ما رأيت هذه الزهرة تذبل وتذبل وبالفعل تكاد ان يذهب بريقها ورحيقها

فقط من اجل شئ واحد

السلام عليكم و رحمة الله و بركاته

عارف يا استاذي حسام

انت حضرتك جاوبت علي سؤالك بنفسك

ارجع اقرا الجملة اللي فوق

و هتلاقي الاجابة

الوردة دبلت علشان فضلت مستنية المية تيجي من ناحية واحدة

علشان احنا اقتنعنا ان المية هي شكل واحد

مع ان الوردة علشان متدبلشي مش بس عايزة مية....لا عايزة مية و تربة و نور و سماد يعني حاجات كتير اوي

بس احنا اللي ركزنا ان الوردة علشان تفتح يبقي لازم تزهزه كده باتجاه واحد

انا مش بقول انا مش عايزاها تتجوز...او تنسي الجواز....كده هبقي معاقة قلبيا جدا

لاني ازاي اقولها انها تنسي فطرتها اللي ربنا فطرها عليها

لما ربنا خلقنا خلقنا زوجين

لما سيدنا نوح كان بيلجأ للسفينة علشان هيغادر الارض اخد معاه من كل مخلوق زوجين

الفطرة السليمة بتقول.....الكون كله مخلوق في حالة تناغم و تكامل بين رجل و امرأة

السؤال

طب الرجل مجاش

و ع فكرة نفس الحكاية ممكن الست هي كمان متجيش...بس للاسف "احنا" كمجتمع بنركز اوي علي اللي مجاش للبنت اكتر منه للولد

اذا مجاش

ليه فاكرين انه أتأخر؟؟؟

طب التاخير ده بناء علي ايه

بناء علي مثلا احنا واقفين في محطة قطر و اللي هيزق الاول و يزاحم هو اللي هيوصل الاول....ما كلنا هنوصل....و كل واحد فينا ليه كرسيه اللي ربنا حجزه ليه من قبل ما يتولد....و كلنا عارفين بعلم الله هننزل في انهي محطة

طب أتاخر علشان كل اللي حواليا ركبوا و انا لسه واقفة علي المحطة

طب مين قال ان اللي ركب ...وصل....و لقي محطته في السعادة

طب مين اكد لينا ان اللي واقف علي الرصيف لساه.....مافيش قطر تاني جاي يكفيه و يحتويه و يعوضه

طب مين قال ان كلنا لازم نركب مع بعض....طب ايه بقي مافيش غير قطر واحد يعني يسااااع كل العالم ديت...طب ده حتي بعيد عن المنطق

طب مين قال....و مين اللي زرع فينا كل الحاجات دي

ده اكيد حد اتخذ سلما في السماء و صعد اليها و علم الغيب

ده ربنا مداش علمه لحد...احنا ليه عايزين نحشر مناخيرنا في علمه سبحانه اللي اختص نفسه بيه علشان لا يكلفنا ما لا نطيق

طب برضه هتقولي كلام نظري يا بنت يا لماضة و اهم بوقين نقولهم في قعدة ع المنتدي

خليني اقول لحضرتك مثل بسيط جدا

في اسرتي

فيه بنتين

البنت الاولانية مشيت ع الكتالوج بالظبط....بالملي....يعني كانت عايزة تدرس حاجة اهلها رفضوا علشان دي قلة ادب ...و اضطريت تدرس حاجة مش بتحبها علشان تنول رضا الاهل....اتخرجت...طبعا دخلت في الدوري بتاع البنات....اتقدم ليها عريس...واو...لوقطة و حركات و مافيهوش غلطة....واقفت علشان يشيل بقي و تطلع من الدوري و هي واخدة الكاس....قصدي الدبلة

لما سالتها سؤال صغير انتي بتتجوزي البني آدم ده ليه مع اني مش شايفاكي معاه خالص....قالتلي...تعبت....(كان عندها 24 سنة ع فكرة)...و عايزة ابقي ام

مع اني استغربت كلامها الاولاني بس احترمت رغبة الامومة و انا بقول في سري...يا بنتي عيل ايه اللي راح تخلفيه من بني ادم اصلا مافيش اي نقاط التقاء بينكم خالص

حصل الطلاق يا سيدي الفاضل بعد شهر....و مش هقدر اقول الاسباب...و لا هقدر الوم الكتالوج اللي هي برضه مشيت عليه

بس ببص عليها دلوقتي

شابة عندها 26 سنة علشان تتخلص من "وصمة" دخلت في "وصمة" تانية

و لساها ماشية ع الكتالوج

خايفة حتي تحلم

خايفة ترجع تدرس

خايفة تخرج للناس

خايفة....تحب....لانها حست انها خلاص اخدت نصيبها

دي حتي خايفة تموت....(لاني قولتها في لحظة قاسية مني....طب روحي موتي بقي)...قالتلي خايفة

و هفضل وراها لغاية ما هخرجها من دايرة الخوف دي واخدة واحدة

البنت التانية

لا متفتكرشي اني هديلك الجرعة بقي السعيدة اللي ننهي بيها الفيلم اللي اسمه الحياة

البنت التانية....ممشيتشي علي الكتالوج خاااااااالص

في نظر مجتمعها ممكن جدا تكون متمردة مع انها متدينة

رصيدها من القبول المجتمعي زيرو....لانها ببساطة "مختلفة"

لانها ببساطة...زي وردة حضرتك...بس ع العكس..بدل ما تستني المية من اتجاه واحد ابتدت تنكش ع الميه بنواحي تانية كتير

اتعلمت

اجتهدت في شغلها

سافرت

بتطلب بالاسم

يعني الحياة مش وردي اوي

ليها اوقات بتفتقد وجود الونس....(يعني الاسرة...يعني الكتف الي تقدر تتسند عليه)

ليها اوقات بتضطر تقبل فارس الاحلام...اللي بيطلع في الاخر لا فارس و لا يحزنون و اخره عربية حنطور

ليها اوقات بتفتقد انها تكون...أم

الله مش احنا بني آدمين يعني

الفطرة السليمة اللي جوه الواحد لازم تفكره بده

طب الحل ايه

طولت علي حضرتك

هقولك

و برضه ده اجتهادي الشخصي

الحل في بكرة الصوف

عارف بكرة الصوف

لو انا اديتك بكرة صوف...و ابتديت انت تغزل منها بلوفر بس مطلعشي مقاسي

اعمل انا ايه

اروح ارميه...ابدا

هاخده منك....و هبتدي افك الخيوط...واحدة واحدة

و ابتدي اعيد نسجها و غزلها واحدة واحدة

بس المرة دي....هكون عارفة مقاسي صح

و عارفة اللي بيليق عليا صح

قريبة حضرتك.....في حالة ضعف...كل حد فينا بيمر بيها....بس هي لازم تختار هتفضل قاعدة تحت خاضعة لقانون الجاذبية الارضية اللي عمال يشدها تحت....و لا هتقدر تقاوم و تقف

صدقني جوه كل حد فينا فيه قوة مهولة بس هو مش شايفها...حرام انها تنطفي كده

خليها تعافر في الدنيا

ربنا ماخلقهاش علشان تدبل جوه فازة "الخوف" مهما كانت جميلة

خليها تجدد يقينها ان كل واحد فينا هيركب القطر هيركبه

خليها...تفتح شبابيك عقلها و قلبها...يمكن الحب مستنيها في "بلوفر" جديد و هي مش واخدة بالها منه

خليها تحب...نفسها....علشان هي تتحب...لانها مخلوق ربنا

خليها تكون شعاع نور...كل اللي بيعدي جنبه لازم يتدفي

خليها تكون...عايشة بجد في الدنيا دي

محدش هيطبطب عليها غير نفسها

و محدش هيقويها غير ايمانها بربها

خليها تتولد من جديد

خليها تكتشف مساحات ل "حلم" أخر لم يتحقق بعد

خليها تقول لنفسها لو انا مت بعد شهر....يا تري ايه الحاجات اللي نفسي اعملها قبل ما اموت...(صدقني راح تكتب لستة عريضة من الاحلام المؤجلة مافيش اي واحدة منهم ليها علاقة بالجواز...و دي النوكتة بقي)...بس الاهم....مش بس تكتبهم دي تحطهم قدام عينيها و تبتدي تفصفص فيهم واحدة واحدة...مش هي حياة تتعاش مرة واحدة...طب يبقي يلا بقي

خليها تاخد وقتها

و انا متاكده انها مش هتطول

و هتقوم من جديد

و هتشموا في الوردة احلي ممما تخيلتوا

طولت اكثر مما ينبغي

بس فيه مساحات انسانية صعب اوي ان نغادرها دون ان نتوقف عندها

علشان برضه نعرف نبقي بني آدمين...بجد

من القلب سلاما

و من القلب كل الدعاء

[عبير يونس]

اسمحوا لي أشارك مع حضراتكم

أحترم صراحتك يا باشمهندس حسام

حضرتك فاهم نفسك و محدد هدفك و بفضل الله حققته

و بكده حضرتك أفضل من كثير من الرجال الذين يتوجهون للمرأة القوية تحديدا بُغية تحطيمها

على اعتبار ان لديهم خلط بين القوة و الغرور و التسلط ولا يفهمون معنى ان تكون المرأة قوية

دون أن تكون مغرورة أو متسلطة

المرأة القوية مش حاجة عيب ابدا

و لا حاجة تخوّف

بس ما ينفعش معاها غير نموذجين فقط

إما رجل ضعيف يحتمي هو بها و تتحمل هي مسؤوليته

أو رجل أقوى منها

و غيرهما بكل أسف لن يجرؤ على الاقتراب منها

و ذلك في أي مجتمع و ليس مجتمعنا فقط

غاليتي ريهام

كلامك كله صدق

و جميل جدا

بس نصيحة مني

وفري جهدك و ما تقوليهوش كتير

الموضوع ده مفيهوش اقناع

قدرك انك من زمرة النساء القويات

و هو قدر جميل

نصيحتي و دعائي لكي أن تجدي من هو أقوى منكِ كي يحتويك

و هم للأسف نااااااااادرون جدا في هذا الزمن

و اسمحوا لي اضع مفهومي للنموذجين

و هو طبعا مفهومي الشخصي جدا

الرجل الضعيف

ظاهره لا يبدو كذلك أبدا

بل يتباهى بالقوة الجسدية

و هو دوما غضوب و به شراسة

يحاول دائما و أبدا البحث عن نقاط ضعفك ليضربك بها بمنتهى الشراسة

سيجرحك بكل الصور

سيحاول اذلالك بشتى الطرق

و كلما رأى قوتك كلما ازداد عنفا

و سيظل كذلك و سيزداد كلما رأى استجابة من المرأة لما يفعل

و قد تحدث مواجهة و مكاشفة يظهر فيها للمرأة ان رجلها ضعيف

و لا أستطيع أن أتكهن من موقف المرأة حينئذ

هل ستظهر لديها نزعة السيطرة و تبدأ في تسييره

أم تستنكف العيش معه و تتركه

فهذا يتوقف على اختيارها

فالقوة أحيانا ما يغريها نزعة السيطرة

و هنا طبعا فالحياة لا تصبح طبيعية

و لكنها نماذج موجودة و يكتب لها الاستمرار

و هناك الكثيرون جدا من الرجال يستسلمون لتسلط تلك النوعية من النساء

و الذي في نظري يُعد انحرافا لقوة شخصيتها عن المسار الطبيعي

و لكنه غالبا يكون مجرد تبادل أدوار

فالمرأة التي تصل لمرحلة التسلط تكون قد تعرضت للكثير من القهر في السابق

أما المرأة الطبيعية

فلن تنجرف لذلك الوضع بل و لن تقبله

أما الرجل القوي

فلا يخشى نهائيا من قوة المرأة

بالعكس يفتش عن المرأة القوية التي تملك من الوعي ما يناسب تفكيره و نضجه

لن يخشى نجاحها بل سيشجعها على تحقيق المزيد منه

لن يستخدم معها القوة البدنية و التي يتميز الرجل الضعيف باستخدامها متى ما أراد أن يخرسها

سيحتوي آلامها و سيصون مشاعرها و يحافظ على كرامتها

و لن يفرح بامرأة ضعيفة تنتظر منه الحماية

فالحقيقة انه لا أحد يحمي أحد

الله تعالى هو من يحمينا جميعا

و جميعنا مهما بلغت قوتنا لا حول لنا و لا قوة إلا به عز وجل

الرجل القوي

نادر و لكنه موجود

و نصيحتي الغالية جدا ليكي يا ريهام

و لكل أنثى حباها الله بقوة في شخصيتها

أن تتزوج فقط من هذا الرجل

و إلا فإن عدم الزواج أفضل كثيييييييييييرا

تحياتي

[جويرية]

الرجل القوي

نادر و لكنه موجود

و نصيحتي الغالية جدا ليكي يا ريهام

و لكل أنثى حباها الله بقوة في شخصيتها

أن تتزوج فقط من هذا الرجل

و إلا فإن عدم الزواج أفضل كثيييييييييييرا

ليه بس كدة التحريض ده يا عبير :)

انا شايفة ان مش لازم الانتظار كتير

العيل احسن من الراجل ، يعني الامومة احسن من الجواز ، و متفرقش اوي شخصية العريس ، بس المهم ميكونش رزل عشان العيل مايطلعش زيه