الجنة..هل هي حكر على المسلمين؟!

[أحمد سيف]

الجدال في هذه النقطه سيطول يا إخواني دون الوصول لنتيجه مغيره للآراء

استسمحكم في الانتقال الى نقطه أخرى

شكرا

والله أنا مراقب الحوار ده من زمان عم زهيري ومش راضي أتدخل علشان متوقع النتيجة

شوف أنا هقولك الخلاصة في الموضوع ده من وجهة نظري

المسلم مؤمن إنه هيدخل الجنه وغيره مش هيدخلها

والمسيحي مؤمن إنه هيدخل الجنه وغيره مش هيدخلها

واليهودي كذلك

وفي ناس مش مؤمنه إن فيه جنه ولا آخره أساسا فمش فارقه معاها

كل واحد متصور إنه بيعمل الصح وإن الآخرين ماشيين غلط ... لإنه بكل بساطه لو شايف إنهم ماشيين صح كان ساب دينه والتحق بهم

فيه نقطه بعض إخوانا مش واخذين بالهم منها ... ما فيش واحد هيبقى عارف إن اللي بيعمله غلط وهيؤذيه وهيفضل مصمم يعمله ... ده يتعارض جملة وتفصيلا مع طبيعة الإنسان الساعي دوما الى مصلحته ... لو طبقنا المبدأ ده على موضوع الدين فمافيش واحد هيعتنق دين معين وهوا معتقد إن الدين ده هيدخله جهنم ... الكلام ده لا يعقل

وفي نفس الوقت ما ينفعش طريقين متعارضين هيوصولك لنفس الهدف (انسى شويه إن الأرض كرويه) ... ممكن أي طريق تبقى له تفريعات ومسارات مختلفة ... لكن كلهم في النهاية بيسيروا بك في نفس الاتجاه ... الكلام ده ينطبق أيضا من وجهة نظري على الأديان ... فيه دين واحد هيوصل الإنسان الى الجنه ... وبما إني مسلم فأنا مؤمن أن هذا الدين هو الإسلام ... وغيري له الحق في أن يعتقد أن دينه هوا اللي هيدخله الجنه

أنا معاك إن النقاش في الموضوع مش هيوصل لنتيجة ... وشايف إننا نسيب موضوع دخول الجنه من عدمه لرحمة الخالق عز وجل ومشيئته ... وكل واحد يعمل اللي هوا شايفه صح ويحقق مصلحته دنيا وآخرة ... الأجدى أن نتناقش حول كيف نعيش في هذه الدنيا بتناغم وسلام بين كل الناس بغض النظر عن معتقداتهم ... الكل يحترم حرية المعتقد للآخرين ويتعامل معهم بالحسنى كإخوة له في الإنسانية ... والآخرة علمها عند الله

تحياتي

تم تعديل 19 أكتوبر 2009 بواسطة أحمد سيف

[تامر السعدني]

فيه نقطه بعض إخوانا مش واخذين بالهم منها ... ما فيش واحد هيبقى عارف إن اللي بيعمله غلط وهيؤذيه وهيفضل مصمم يعمله ... ده يتعارض جملة وتفصيلا مع طبيعة الإنسان الساعي دوما الى مصلحته ... لو طبقنا المبدأ ده على موضوع الدين فمافيش واحد هيعتنق دين معين وهوا معتقد إن الدين ده هيدخله جهنم ... الكلام ده لا يعقل

عفوا أخي الفاضل أحمد الكلام ده بيحصل فعلا

زي ما قلت لحضرتك ناس كتير عارفة إن ترك الصلاة هيؤدي بهم للعذاب ومع ذلك بيتركوها

وناس كتير عارفة إن التدخين ضار وحرام وبيدخنوا

ومافيش مدمن غير وعارف إن الإدمان أضراره جسيمة ومع ذلك هو مدمن

وغيره كتيييييييير

والكلام اللي حضرتك بتقول إنه لا يعقل ربنا ذكره في القرآن

فهل ممكن ربنا يقول كلام لا يعقل؟؟؟؟؟؟؟؟؟

قال تعالى (وجحدوا بها واستيقنتها أنفسهم)

والأمر مش جدل ولكن أسأل الله ان يشرح صدري وصدرك للحق

تحياتي

تم تعديل 20 أكتوبر 2009 بواسطة تامر السعدني

[Egypt]

(يا ايها الذين امنوا عليكم انسكم لايضركم من ضل اذا اهتديتم)

انا كمسلم ايه اللى يشغلنى انا هادخل الجنه انا لوحدى ام مع غيرى

انا اشغل نفسى بدخول الجنه

[تامر السعدني]

كان الرسول حريص على الدعوة حتى قال الله له

(لعلك باخع نفسك الا يكونوا مؤمنين)

ونحن نتمنى تعبيد كل أهل الأرض لله ولكن كما ذكر الأخ الفاضل egypt كما في الآية الكريمة

دورنا ان ندعو بما اوتينا من قدرة ثم الله يفعل ما يشاء

يهدي من يشاء ويضل من يشاء

(وانك لاتهدي من احببت ولكن الله يهدي من يشاء)

[om marawan]

الفاضل احمد سيف قال

أنا معاك إن النقاش في الموضوع مش هيوصل لنتيجة ... وشايف إننا نسيب موضوع دخول الجنه من عدمه لرحمة الخالق عز وجل ومشيئته ... وكل واحد يعمل اللي هوا شايفه صح ويحقق مصلحته دنيا وآخرة ... الأجدى أن نتناقش حول كيف نعيش في هذه الدنيا بتناغم وسلام بين كل الناس بغض النظر عن معتقداتهم ... الكل يحترم حرية المعتقد للآخرين ويتعامل معهم بالحسنى كإخوة له في الإنسانية ... والآخرة علمها عند الله

ياااااه كانت فين المداخلة دى من بدرى

سبحان الله اذا كان ربنا فى الحديث القدسى يقول لم اطلب منك عبادة الغد فلم تطالب برزق الغد ... الغد مش الاخرة

وان كنا نسأل من سيدخل الجنة فهذا معناه بادىء ذى بدء اننا نؤمن بان هناك اخرة

اما من لا يؤمنون بوجود الاخرة فهذا وحده عذاب لهم ولافكارهم

فوجود الاخرة والحساب والثواب والعقاب هو من تمام العدل لله سبحانه وتعالى

ودخول الجنة للمسلمين او لأى بشر هو برحمة الله وحديث رسول الله صلى الله عليه وسلم واضح

بانه لن يدخل الجنة احد بعمله فكما ذكرت فى مداخلة سابقة مهما كان الشخص صالحا عابدا زاهدا فاعماله لاشىء بالنسبة لعطايا الله له ونعمه

بالتأكيد الجنة ليست حكرا على المسلمين ..

انما هى حكر على المؤمنين العاملين لنيل رضا الله .. من المسلمين .. ومن تاريخ وصول العالمين انه هناك دين اسمه الاسلام ..

الله يرضى عليك يا استاذ بندق وعلى الجميع والله

ياجماعة ماحدش فينا يجزم بدخوله الجنة او دخول اى شخص وسيدنا عمر بن الخطاب وهو المبشر بالجنة عندما علم ان الرسو ل صلى الله عليه وسلم

أسر الى احد الصحابة باسماء المنافقين عشان لا يصلى عليهم بعد وفاتهم انطلق للصحابى وسأله ان كان هو منهم

يعنى خاااااااايف يكون حتى بعمله وصلاحه فيه ذرة من نفاق

سبحان الله امال احنا نعمل ايه ؟؟؟؟؟

انا رأيى لما نطمن على نفسنا هنروح الجنة الاول نبقا نشغل نفسنا بغيرنا وتاكدوا ان كل شخص عرف الحق او ظنينا انه مايعرفوش عليه حجته زى ماعلينا حجتنا

يارب استرها علينا واهدينا وثبتنا نحن وايااااكم جميعا

[dr/alfa]

الجنة ليست حكرا على المسلمين ,

فمن آمن بالمسيح فهو فى الجنة وذلك فى عصر نزول المسيح

ومن آمن من اليهود بموسي فهو فى الجنة , وذلك فى عصر نزول موسي عليه السلام

ومن آمن بمحمد(صلى الله عليه وسلم) فهو فى الجنة إن شاء الله

والله تعالى يقول إن الدين عند الله الاسلام , فالاسلام جاء ناسخا للأديان من قبله , فمن لم يؤمن بمحمد وقد سمع به فهو فى النار لا محالة ولا منجي له من عذاب الله , ولا شفيع له يوم القيامة .

الجنة ليست حكرا لى المسلمين ولكن هي فضل الله تعالى على من آمن به وبرسله وكتبه من أهل الإسلام , ومعني هذا أن كثيرا من أهل الاسلام لن يدخل الجنة ابتداءا -إلا من رحمه الله- ولكن سيعذب على أفعاله ومعاصيه ثم بعد ذلك يكون مآله الى الجنة .

ومن أهل الإسلام من لا يدخل الجنة على الاطلاق لأن ظاهر هؤلاء الإسلام ولكن باطنهم الكفر والجحود والنفاق والنكران , وهؤلاء لا يعلمهم إلا الله عز وجل .

فالاسلام ليس مجرد الشهادة باللسان فقط وإنما الاسلام إيمان القلب وقول باللسان وعمل الأركان والجوارح .

[MZohairy]

والله تعالى يقول إن الدين عند الله الاسلام , فالاسلام جاء ناسخا للأديان من قبله , فمن لم يؤمن بمحمد وقد سمع به فهو فى النار لا محالة ولا منجي له من عذاب الله , ولا شفيع له يوم القيامة .

.

هذا الكلام صحيح طبعا من وجهة النظر و المعتقد الاسلامي فقط