محمد عبد الوهاب (المغني)

[هيثم نافع]

والنهايه بتاعته مبتبقاش راكزه على نفس نغمة البدايه ( بتدي طعم الحيره قوي) كأنك متشعلق و مش راكز

اشكرك ... و لكن لو تلاحظ القفلات في الاغنية جميلة و إنسيابيه .. مش متشعلقة يعني ..

معذرة أنا لست متخصص و لا أفهم كثيرا في المقامات ... و لكن عزائي أنني مستمع جيد للأحان القديمة " سميِّع يعني "

يعني مش شايف اي أوجة قصور في اللحن .... أو يمكن هذا من إبداع الأستاذ عبدالوهاب

على فكره

عبد الوهاب غنى كمان اغنية اسمح و قوللي يانور العين من نفس المقام

لم أكن أدري هذه المعلومة و اشكرك عليها بشده ... ساعيد الإستاع إليها مجددا لنرى الأستاذ

تحياتي و لك جزيل تقديري

[MZohairy]

يعني مش شايف اي أوجة قصور في اللحن .... أو يمكن هذا من إبداع الأستاذ عبدالوهاب

ابدا يا هيثم

مفيش اي قصور

بالعكس

دي بتدي طعم غير عادي للغنوه

يسموها اهل الكار القفله الحراقه :blush:

[أبو محمد]

يعني يقلد كل ملحن ازاي كان ممكن يلحن كلمات معينه و يتصور اللحن لو كان اتعمل كان حيبقى ازاي

قلد فريد الأطرش

و السنباطي

و كمال الطويل

و محمد فوزي

و الكثير

الا عبد الوهاب

لم يقلده ابدا

رحمهم الله معا

أستدلال رائع يا فنان لتدعيم وجهة نظرك عن النمطية والتنوع فى التلحين ..

أذكر أن منير مراد قدم فى إحدى الحفلات فى الخمسينيات فقرة غنى فيها أغنية "لأ مش أنا اللى ابكى " .. ثم قدمها إذا لحنها فريد .. وإذا لحنها محمد فوزى .. ثم إذا غناها صالح عبد الحى ... وفعلا لا تخطئ أذنك أن أغنية "لأ مش أنا اللى ابكى" لن تكون إلا هكذا لو لحنها فريد أو السنباطى أو فوزى (على فكرة هذا يدل أيضا على عظمة منير مراد)

ولا يمكن تقليد ملحن إلا إذا كان له نمط معين ... تسمع اللحن تقول ده السنباطى .. ده محمد فوزى .. ده فريد الأطرش ..

طبعا هذا لا يقلل بأى حال من الأحوال من عظمتهم .. فهم عمالقة بكل المقاييس .. ولا أدل على عظمتهم من خلود ألحانهم التى تستمتع بها كل الأجيال (رحمهم الله جميعا فقد أمتعونا ولا يزالون)

[MZohairy]

كان عندي التسجيل ده يابو محمد و ضاع مني سنة 88

لما قال للجمهور اصحوا معايا كده

انتو مش واكلين ولا ايه

متلاقيهوليش عندك في المغاره ينوبك ثواب؟

تم تعديل 5 ديسمبر 2006 بواسطة mzohairy

[MZohairy]

منذ اقل من عشرة أشهر قمت بكتابة هذا الموضوع

كان هذا استهلالا لابد منه على رأي عمنا عادل ابو زيد :happy:

لم اكن اتوقع ابدا ان يصل عدد القارئين الى قرابة ال 6000 قراءه و في عشر شهور

ليه بقى (على رأي عمنا ابو محمد) -_-

لأني اولا بتكلم على مطرب مات من 15 سنه

ثانيا بطل يغني (لايف) من سنة 54 يعني من 52 سنه

يعني نقدر نقول ان كل مواليد السبعينات و ما بعد ميعرفوش ايه و مين عبد الوهاب

و خصوصا مع انتشار موسيقى الزار و التراكات و الزيطه و الموسيقى الواجب اصطحابها بالرقص لا بالسمع !

لكني فوجئت ان عبد الوهاب لسه في ناس بتقدره و بتفهم شغله و بتحسه!

وناس كتير

كتير أوي

اشكر كل من قام بمداخله في هذا الموضوع

و كل من قام بقراءته

اذا فضل الفن الراقي بخير حاجات كتير حتفضل بخير

اشكركم

[Ahmad Farahat]

ما دمت سيدي لا تنوي تقديم السنباطي وأعماله إلى جيلنا الشاب كما أردت أنا ..........

فخلينا في عبد الوهاب.........

وهو كما قلت أفضل المطربين على مر العصور............

أرجو أن يتطرق لك حديث حول أغنية بلبل حيران .......

إنها واحدة من أروع ما غنى عبد الوهاب.........

وياريت تحكي لينا شويه عن (يا ناسية وعدي)...........

وكيف كان يتحرك عبد الوهاب في الإيقاعات بختلف أشكالها..........

وأشكرك على جهدك المبذول ...........

ولك التحية أستاذي العزيز...........

[MZohairy]

ما دمت سيدي لا تنوي تقديم السنباطي وأعماله إلى جيلنا الشاب كما أردت أنا ..........

فخلينا في عبد الوهاب.........

وهو كما قلت أفضل المطربين على مر العصور............

أرجو أن يتطرق لك حديث حول أغنية بلبل حيران .......

إنها واحدة من أروع ما غنى عبد الوهاب.........

وياريت تحكي لينا شويه عن (يا ناسية وعدي)...........

وكيف كان يتحرك عبد الوهاب في الإيقاعات بختلف أشكالها..........

وأشكرك على جهدك المبذول ...........

ولك التحية أستاذي العزيز...........

اوعدك اني اعمل موضوع عن العظيم رياض السنباطي

و حجتهد في بلبل حيران و يا ناسيه وعدي (خلفتي ليه الميعاد ايه اللي نساكي مواعيدي) :)

و مش عايزك تزعل مني و حياة عمنا كلنا رياض السنباطي :)

[Ahmad Farahat]

اوعدك اني اعمل موضوع عن العظيم رياض السنباطي

و حجتهد في بلبل حيران و يا ناسيه وعدي (خلفتي ليه الميعاد ايه اللي نساكي مواعيدي) :sad:

و مش عايزك تزعل مني و حياة عمنا كلنا رياض السنباطي :closedeyes:

أنا مش زعلان أبدا...........

أنا كنت عايز أستفيد من خبراتك الكبيرة من أجل الشباب.........

وأشكرك على استجابتك أستاذي العزيز.........

[MZohairy]

http://www.BLOCKED77/file/7293472/1a6432...tichguilni.html

ياللي نويت تشغلني

طاوعني و ابعد عني

ان حبيتك يبقى يا ويلك

من حبي

اغير عليك لو اسمك يخطر على بال غير بالي

و خاف عليك لو رسمك لاح في خيال غير خيالي

عايزك تكون ليا انا وحدي

ميكونش قبلي ولا بعدي

وإن جيت في يوم تشغلني

طاوعني و ابعد عني

ان حبيتك يبقى يا ويلك

من حبي

اللي تشوفه عينيا لازم تشوفه عينيك

و تحن دايما ليا ساعة ماحن اليك

تسعد هوايا و القلب ان شكا يوم تداويه

وتعيش معايا في الجو اللي اعيش انا فيه

راح اشغل فكري و بالي عليك

و احبك وافضل اعيش في هواك

لحد ماييجي يوم والاقيك

آمنت بحبي و جيت برضاك

عايزك تحقق ظني

و اعيش معاك متهني

وإن جيت في يوم تشغلني

طاوعني و ابعد عني

ان حبيتك يبقى يا ويلك

من حبي

طبعا كلمات جميله و غريبه في وقت صدور الغنوه في اوائل اربعينات القرن الماضي

والمقام المستخدم من الأستاذ هو مقام الماجير او العجم مع بعض الحودات على مقام الحجاز

اللحن يا جماعه سهل ممتنع على ايقاع المارش (دوم تك دوم تك)

ولا يفوت عبد الوهاب ابن الشيخ عبد الوهاب شيخ المسجد في ان يتحول الى الشرقيه الصميمه وينقلب بالمقام الى مقام (سيكا غريب) في مقطع تسعد هوايا والقلب ان شكا يوم تداويه

و يستخدم مهاراته الغنائيه الفنيه التطريبيه ويقوم بالتلييل الشديد العذوبه في ختام هذا المقطع

بقى ان اقول شيئ واحد للأمانه التاريخيه :wub:

كانت هذه الغنوه هي السبب في تعرفي على زوجتي و السبب في زواجنا

كنت قاعد بغنيها على العود في البلكونه و سمعتني هي من البلكونه اللي جنبي

و حصل النصيب :wub:

من اجمل ما غنى عبد الوهاب

لنستمع معا

[adelly]

اخواني الاعزاء ابحث من مدة علي اغنيتين للعملاق الاستاذ عبد الوهاب

اغنية حن

واغنية من قد اية كنا هنا علي فكرة لقيتها في صفحة 3 بس طلع التسجيل اغنية اخرى

وياريت كمان اغنية وطني وصبايا واحلامي

[MZohairy]

عدنا

[MZohairy]

يا ورد مين يشتريك

القاهره 1939

كلمات بشاره الخوري

مقام نهاوند

و ألحان و غناء صاحب الموضوع (عبد الوهاب مش أنا) :rolleyes:

غناها في فيلم يوم سعيد (اول فيلم تمثل فيه فاتن حمامه و هي طفله عمرها 7 سنوات)

ارجوا منكم اخواني تخيل الحياه سنة 39 يعني اوائل سنوات حكم الملك فاروق :blush2:

و التفكر في سلاسة و ريتم اللحن السابق لعصره

يا ورد مين يشتريك

و للحبيب يهديك

يهدي اليك الغزل و الهوا والقبل

ياورد

ابيض غار النهار منه خجول محتار

باسه الندى في خده غارت عليه الأزهار

راح للنسيم واشتكى

جرح خدوده و بكى

افدي الخدود التي تعبث في مهجتي

يا ورد ليه الخجل فيك يحلو الغزل

يا ورد

يا ورد يا أحمر قوللي ده مين جرحك

جرح شفايفك و خلى على شفايفك دمك

شقت جيوب الغزل وانبح صوت القبل

على الشفاة التي تشرب من مهجتي

يا ورد ليه الخجل فيك يحلو الغزل

يا ورد

اصفر من السؤم أم من فرقة الأحباب

يا ورد هون عليك

عاد بلبلك ولهان يسأل عليك الربا

و الزهر و الأغصان

يهتف اين اللتي وهبتها مهجتي

يا ورد ليه الخجل فيك يحلو الغزل

يا ورد

لاحظوا أول شعر يخلط بين العاميه و الفصحى في غنائنا المعاصر و ده جديد على الغناء العربي في هذا الوقت

واعتقد ده من الحاجات اللي لفتت نظر الأستاذ للغنوه

عموما الكلام جميل و خفيف و يشجع الملحن على التلحين

نييجي بقى للأسطى عبد الوهاب...

اختار عبد الوهاب مقام النهاوند الرومانسي الناعم الشيك لتلحين اغنيه عنوانها الورد

مقدمه موسيقيه قصيره بالكمنجات ثم يدخل عبد الوهاب بصوته الشجي المقتدر الجبار بتاع 39 و يغني

ويعرج في الاعاده الثانيه على مقام الصبا الحزين في حتة (راح للنسيم واشتكى جرح خدوده و بكى)

التساؤل واضح في اللحن في جملة ياورد يا أحمر قللي ده مين جرحك

ثم البلوى الأخيره في اصفر من السؤم أم من فرقة الأحباب يا ورد هون عليك

و كأن الأغنيه تحولت الى جنازه شيك.....و يتحول الى مقام الراست لزيادة الاغراق في الطبيعه الشرقيه الحزينه

و لا ينسى الشيخ محمد عبد الوهاب ابن شيخ مسجد الشعراني ان ينتهز فرصة وجود جملة ( اصفر من السؤم) ليقوم بعمل موال يستعرض فيه امكانياته الصوتيه المذهله في ذاك الوقت

خلونا نستمع مع بعض مع عدم نسيان شروط الإستماع بتاعة زمان

اشكر أخي احمد فرحات على تكرمه بوضع رابط الأغنيه

نستمع سويا؟ :blink:

[Ahmad Farahat]

يا سيدي بس انت ارجع اشتغل واحنا نجيب لك لبن العصفور

أدي الأغنية يا شباب

وبحق من أجمل ما غنى عبد الوهاب

يا ورد مين يشتريك

[MZohairy]

هو الرابط شغال يا حماده؟

[Ahmad Farahat]

هو الرابط شغال يا حماده؟

شغال والأغنية اتحملت أربع مرات لحد دلوقتي

[MZohairy]

تلبية لطلب العزيز احمد شوقي اقصد احمد فرحات نقدم لكم الظلم ده كان ليه

محمد عبد الوهاب

واعتقد احمد رامي والله اعلم

المقام ماجير

القاهره 1937

غناها في فيلمه الثالث يحيا الحب امام الفنانه الرقيقه ليلى مراد

على فكره

اغاني الفيلم ده كله جميله اوي اوي وان لم يفت المكار عبد الوهاب في اغانيه الديو مع ليلى مراد ان يعطي لنفسه الحانا اكثر طربا و اشراق من التي تغنيها معاه ليلى مراد في نفس الغنوه

ومن اغاني الفيلم

يا وبور قولي

يادي النعيم اللي انت فيه يا قلبي

المهم نرجع لموضوعنا

المحبوبه كسرت له العود فيقوم برثاء العود في هذه الغنوه

الظلم ده كان ليه؟

هوا انت ذنبك إيه؟

ياما بكيت بين أحضاني...

ومدمعك لحن شاجي....

يا ما رويت من ألحاني....

وفضلت ويايا تناجي...

أنا كنت أشكي....ترحم أسايا

وكنت أحـــكي....تفهم لغايا

فين صوتك الحلو الرنان....يخــــــفف الأشجان عني

دانت السمير بين الخلان....يرتاح معاك بالي واغني

يا روضة من غير بلابل تشــــــجي الفؤاد العليل

يا غصن ع الأرض مايل...عدمت زهره الجميل

فين صوتك الحلو الرنان....يخــــــفف الأشجان عني

دانت السمير بين الخلان....يرتاح معاك بالي واغني

غير الاداء الجميل لعبد الوهاب نييجي عند اهم حتتين لحنيا وادائيا من وجهة نظري المتواضعه

فين صوتك الحلو الرنان....يخــــــفف الأشجان عني

دانت السمير بين الخلان....يرتاح معاك بالي واغني

اختار لها الاستاذ ايقاع الفالس الرشيق للتعبير عن نوعية المفقود و مكانته الموسيقيه مع موسيقى في غاية الرشاقه و الشياكه و يمكن نستغرب لوجودها اصلا سنة 37 !!!!

ثم يرجع الواعد المتألق لأصله الشرقي في حتة :

يا روضة من غير بلابل تشــــــجي الفؤاد العليل

يا غصن ع الأرض مايل...عدمت زهره الجميل

و يقوم بعمل موال جميل و يظهر فيه جليا تأثره بالشيخ رفعت و الشيخ علي محمود في القفلات الحراقه

ثم تعود الموسيقى الشيك وحدها بعزف قطعة فين صوتك الحلو الرنان بدون غناء ثم يليها غناء عبد الوهاب

يا عبد يا جامد أوي

لنستمع سويا بعد تفضل احمد شوقي فرحات بوضع الرابط

[Ahmad Farahat]

قرررررررررررب قرررررررررب واتمتع

أغنية الظلم كان ليه

تحففففففففففففة

الظلم ده كان ليه

[dimos]

إلاما الخلف بينكم إلاما؟

قصيدة أحمد بك شوقي

تلحين و غناء محمد عبد الوهاب

وتسمى ايضا قصيدة السودان

اربعينيات القرن الماضي

الاما الخلف بينكم الاما

وهذه الضجة الكبرى علاما

و فيما يكيد بعضكم ببعض

وتبدون العداوة و الخصام

واين الفوز لا مصر استقرت على حال ولا السودان دام

طبعا القصيده بهدف اطفاء نيران الصراع بين مصر و السودان وبرع شوقي فيها لأقصى حد

عبد الوهاب بقى

سيبكوا يا جماعه من كل القصيده و تعالوا عند كلمتين (اللي تحتهم خط فوق)

الأغنيه من مقام الكورد التقليدي و يستمر حتى يصل لكلمة ولا السودان

يتحول العبقري من سلم الكورد الى السلم الخماسي للموسيقى الأفريقيه ليعبر عن كلمة السودان!!!!!!!!!!!!!!!!!!!!!!!

السلم الخماسي هو السلم الطبيعي محذوف منه درجتين في وسطه ليكتسب طعم الموسيقى الأفريقية

شيئ معجز

ترقيصه في نص متر زي بتوع الكوره

لنستمع معا

http://www.BLOCKED77/file/5168360/ac6407b5/__online.html

السلام عليكم أخى الفاضل,

حاولت تحميل قضيدة السودان ولكن دون جدوى.

هل ممكن تتفضل بإعادة تحميلها مرة أخرى؟

ولك جزيل الشكر

[إيزيس]

همسة حائرة

عزيز أباظة

أتمنى أسمعها

باشعر إنها نسمة مش أغنية

يا مُنيةَ النفسِ ما نَفسي بناجيةٍ = وقد عَصَفْتِ بها نأيا وهِجرانا

أضْنيتِ أسْوانَ ما تَرْقى مدامِعُهُ = وهِجْتِ فوقَ حَشايا السُّهدِ حَيْرانا

يَبيتُ يُوْدِع سَمْعَ الليلِ عاطفةً = ضاقَ النهارُ بها سَتْراً وكِتْمانا

هَلْ تَذْكُرينَ بشطِّ النيلِ مَجْلِسَنا= نشكوا هَوَانا ونفنى في شكاوانا

تَنْسابُ في هَمَساتِ الماءِ أنَّتُنا = وتَسْتَثيرُ شُجونَ النهرِ نَجْوانا

وحَولنا الليلُ يطوي في غَلائِلِهِ = وتَحتَ أعْطافِهِ نَشْوى ونَشْوانا

لمْ يَشْهَدْ الرَّاصِدُ الفِضِّيُّ قبلهُما= إلْفَيْنِ ذابا تباريحا وأشْجانا

نكادُ منْ بَهْجةِ اللُقيا ونَشْوَتِها = نَرى الدُنى أيْكةً والدهرَ بُستانا

ونحسَبُ الكونَ عُشَّ اثنينِ يجمعُنا= والماءَ صَهْباء َوالأنسامَ ألحانا

لمْ نَعْتَنِقْ..والهوي يُغري جَوارحَنا = وكَمْ تعالتْ روحانا وقلبانا

نُغْضي حيَاءً ونُغْضي عِفَةً وتُقىً = إنَّ الحياءَ سياجُ الحبِّ مُذْ كانا

ثُمَّ انْثَنَيْنا وما زالَ الغليلُ لظىً = والوجْدُ مُحْتَدماً والشَّوقُ ظمآنا

[MZohairy]

نكادُ منْ بَهْجةِ اللُقيا ونَشْوَتِها = نَرى الدُنى أيْكةً والدهرَ بُستانا

ياريت يا إخواني السميعه المتذوقين تسمعوا البيت ده لحنا و غناء و عزفا

لاحظوا العزف المبدع للرائع انور منسي على الكمان في الخلفيه الموسيقيه

و لاحظوا اللحن اللي بينقط فرح و كأنه بيزغرط تعبيرا عن المعنى