ماذا تفعل لو كنت تملك طاقية الاخفاء؟!

[المدهش]

كنا في جلسة سمر عائلية ، حين طرحت عليهم هذا السؤال على سبيل التسلية..لكني اكتشفت أنه قد يحمل معاني عميقة جدا ويكشف ما بداخل نفوس كثيرين ويسبر غورهم..السؤال هو ماذا لو عثرت على طاقية الاخفاء الشهيرة في السينما المصرية ماذا يمكن أن تفعل بها ..وأطرف إجابة سمعتها من الحاضرين وكان أصغرهم ..طفل لا يتجاوز عمره 10 سنوات ومتأثر ككل أطفالنا بالتليفزيون ووأفلامه ومسلسلاته..قال أحط لأمريكا حتة حشيش في جيبها..الولد بيكره أمريكا وعاوز يؤذيها على طريقة أفلام توفيق الدقن..المهم ضحكنا كثيراً وسمعنا إجابات طريفة وغريبة..فماذا تفعل أنت لو امتلكت سر طاقية الاخفاء.

[MZohairy]

أحقق أمنية حياتي!!!!!!!

أذهب لتقبيل الرئيس محمد حسني مبارك

[المدهش]

أحقق أمنية حياتي!!!!!!!

أذهب لتقبيل الرئيس محمد حسني مبارك

<{POST_SNAPBACK}>

يا راجل..تقصد قبلة.. قبلة ولا ...

[nasr-badr]

الحمد لله وحده والصلاة والسلام علي من لا نبي بعده وبعد:

لو كانت معايا طاقية الإخفاء هأروح أسرق طاقية الإخفاء بتاعة محمد زهيري علشان ما يعملش عملته ;) ;) ;) :D :D

[se_ Elsyed]

..قال أحط لأمريكا حتة حشيش في جيبها..الولد بيكره أمريكا وعاوز يؤذيها على طريقة أفلام توفيق الدقن..

<{POST_SNAPBACK}>

كوفي عنان هايطلعهم منها زي الشعره من العجينة .. بل بالعكس هايقولوا إنهم ظبطوا مساحات شاسعة مزروعة بنبات الخشخاش في إيران وإن طُربة الحشيش دي إتهربت من إيران مروراً بسوريا وإن اللي نقلها عضو في حركة حماس وينتمي إلى تنظيم القاعدة وقد تلقى هذا العضو تدريبات مُكثفة في كوريا الشمالية بأحد معسكراتها في فنزويلا ...

وبكده تبقى قضية متستفة 100 % ضدهم ويستحقوا قرار تفصيل من مجلس الأمن وناخدهم كلهم وش واحد جراء ما فعلوه في أمريكا المسكينة . :D

[لخبطه]

انفض مبارك وولاده من الفلوس

[MZohairy]

أروح أبوسه بوسه تانيه

غير الأولانيه !

[se_ Elsyed]

انفض مبارك  وولاده من الفلوس

<{POST_SNAPBACK}>

اللي هاتنفضه في سنة هايكوموه تاني من دمنا في يوم ....

يا جدعان إرحمونا .. مش عايزينهم يبدأوا من أول السطر تاني ... ده أحنا كده هانمشي من غير هدوم في الشارع ...

عايزين أفكار بناءه وفعالة ... دي طاقة الإخفا مش لعبه .. وبعدين أدي يوم عدا من إمبارح وكل الأفكار لا ترتقي إلى الجدية المطلوبة .. وفاضل 6 أيام ومفعول الطاقية يروح وإحنا عمالين نهجص واللي يقول أروح أبوسه .. وواحد بيتكلم عن قرش حشيش والتاني يقولك أنفضهم وأطبقهم .... بلييييز إقدحوا زينات أفكاركم :angry2:

[khedr]

ايوه انا برضه

ها..ها...ها....( مش حا )

أبوسه

واديله الطاقيه

(هايخدها ...هايخدها..)

[nemr111]

انا بصراحة لو لقيتها .. ها اخدها و اروح عند عمنا الكبير و افضل قاعد كام يوم اشوف الامور ماشيةازاى .. لأن الكل اجمع على ان امور البلد بتدور فى الخفاء و بلا شفافية .. يبقى اكيد هناك بدل طاقية الاخفاء فى حد عنده خيمة الاخفاء.. و ساعتها بدل ما ندور على

طاقية الاخفاء نروح ندور على طرح و مناديل بأوية الاخفاء.. ياعم المدهش و سلم لى ع الشفافية.

[ريهام]

انتو طبعا بتهرجوا ..... :) لان انت لو معاك الطاقية دي بجد هتعمل بيها كل حاجه حلوة ممكن تبسطك بجد ومفتكرش ان الى انتو قلتو دا يبسط,,,,,

عموما انا شخصيا لو لاقيت الطاقية دي هاستخدمها عشان اعرف الحجات الى مستخبية عنى لكن مش هاروح ابوس حد ولا انفض حد ياسيدي ربنا يسهلهم بعيد عنا

[Reham]

انا بقي لو معايا طاقية الخفاء

ياسلام ياولاد

كنت انزل مصر كل يوم علي الطيارة اللي تعجبني

وأروح اقعد مع أهلي شويه وارجع في نفس اليوم

دي تبقي حاجه حلوه اوي

هاخد السكة قياسه

ولكن

ليس كل مايتمناه المرء يدركه

تم تعديل 22 فبراير 2006 بواسطة Reham

[se_ Elsyed]

انا بقي لو معايا طاقية الخفاء

ياسلام ياولاد

كنت انزل مصر كل يوم علي الطيارة اللي تعجبني

طلبك موجود يا مدام ريهام .. وولا تدوري على طاقة الإخفاء ولا زعبوط الغفير ..

بصي يا ستشي .... شايفة البرنيطة الحمرا بتاعتك اللي إنت معقدانه بها دي ؟

إنتشي يا أختشي تجيبي حله .. بس تكون حلة كبيرة من اللي بتسلقي فيها لحة الراس والكوارع .... وتملي نصها ميه ونصها خل ... وتنقعي البرنيطة في الحله طول الليل .. بس تكوني مغطياها وتلفي الغطا بأي مفرش قديم أو بطانية عندكوا .. وده لمدة 24 ساعة ...

وبعد كده تدخلي على طراطيف صوابعك وتفتحي الحلة وتشهقي شهقة زي بتاعت طشت الملوخية .. وتروحي واخده البرنيطة نشراها على حبل الغسيل لمدة 10 ساعات لا يزيدوا ولا ينقصوا ...

وخلصت العملية ...

تلبسي وتتشيكي وتاخدي شنطة السفر الصغيرة وتقومي ضاربة البُرنيطة وطالعة على مطار الملك خالد .. صالة كبار الزوار - ما هو ماحدش شايف حاجة - وفي رحلة للخطوط السعودية بتطلع كل يوم الساعة 3 العصر .. نقول تروحي قبلها بـنص ساعة .. مانتي معديه بقى ولا بوردنج ولا خروج وعودة ولا دياولو .. واساساً ما معاكيش وزن ... وأطلعي يا ستي على الدرجة الأولى كمان أم كراسي واسعة واللي ناس لما بييجوا ياكلوا فيها يقوموا فاردين ستارة عشان ما نبصلهمش في اللقمة اللي بياكلوها ....

وإدعي لسين سين وإبقى إفتكري تجيبيلي معاكي نص كيلو لب سوبر من المقلة اللي في ميدان الجامع .

-------

يا سلام ... قد إيه بأكون مبسوط لما بأحس إني بأسعد اللي حواليه .

روح يا شيخ ... ربنا يقدرك على فعل الخير ...

[Reham]

طلبك موجود يا مدام ريهام .. وولا تدوري على طاقة الإخفاء ولا زعبوط الغفير ..

بصي يا ستشي .... شايفة البرنيطة الحمرا بتاعتك اللي إنت معقدانه بها دي ؟

إنتشي يا أختشي تجيبي حله .. بس تكون حلة كبيرة من اللي بتسلقي فيها لحة الراس والكوارع .... وتملي نصها ميه ونصها خل ... وتنقعي البرنيطة في الحله طول الليل .. بس تكوني مغطياها وتلفي الغطا بأي مفرش قديم أو بطانية عندكوا .. وده لمدة 24 ساعة ...

وبعد كده تدخلي على طراطيف صوابعك وتفتحي الحلة وتشهقي شهقة زي بتاعت طشت الملوخية .. وتروحي واخده البرنيطة نشراها على حبل الغسيل لمدة 10 ساعات لا يزيدوا ولا ينقصوا ...

وخلصت العملية ...وخلصت الشغلانة دستوركوا ياللي معانا

تلبسي وتتشيكي وتاخدي شنطة السفر الصغيرة وتقومي ضاربة البُرنيطة وطالعة على مطار الملك خالد .. صالة كبار الزوار - ما هو ماحدش شايف حاجة - وفي رحلة للخطوط السعودية بتطلع كل يوم الساعة 3 العصر .. نقول تروحي قبلها بـنص ساعة .. مانتي معديه بقى ولا بوردنج ولا خروج وعودة ولا دياولو .. واساساً ما معاكيش وزن ... وأطلعي يا ستي على الدرجة الأولى كمان أم كراسي واسعة واللي ناس لما بييجوا ياكلوا فيها يقوموا فاردين ستارة عشان ما نبصلهمش في اللقمة اللي بياكلوها ....

وإدعي لسين سين وإبقى إفتكري تجيبيلي معاكي نص كيلو لب سوبر من المقلة اللي في ميدان الجامع .

-------

يا سلام ... قد إيه بأكون مبسوط لما بأحس إني بأسعد اللي حواليه .

روح يا شيخ ... ربنا يقدرك على فعل الخير ...

<{POST_SNAPBACK}>

الوصفة سهله

الوصفه هايله

روح ياشيخ الهي ......................

ولب ايه اللي هجيبهولك ده انت تستاهل قنبلة ذرية