القبض علي فاتن حمامة

[dr khaled]

القبض علي قاتن حمامه

مازال بشير الديك هاربا

بسبب انفلونزا الطيور :D

[MZohairy]

قامت الحكومه باغلاق مستشفى أبو الريش للحد من انتشار انفلوانزا الطيور :rolleyes:

كما قامت بمنع اذاعة أغنية أنا طير في السما للفنان ايمان البحر درويش ;)

خبرين كده على الطاير لغاية مانجيب باقي الأخبار

تم تعديل 24 فبراير 2006 بواسطة mzohairy

[se_ Elsyed]

إدخال تعديل إجباري على مناهج اللغة الإنجليزية بمصر وإلغاء كلمتي But & With

[NoorJehan]

أزالت المطاعم شوربه اللسان عصفور وشوربه عش الغراب من قائمه المقبلات وأكتفوا بشوربه العدس :rolleyes:

[NoorJehan]

خبرين كده على الطاير لغاية مانجيب باقي الأخبار

خليها "على المستعجل" أحرص برضه، وإنت وراك كوم عيال تربيهم :rolleyes:

[مرجانة]

رسالة SMS

في نطاق مجهودات الدولة لمكافحة انفلونزا الطيور- سيتم استبدال النسر الموجود في علم جمهورية مصر العربية بسمكة مشويه-!! :rolleyes:

تم تعديل 24 فبراير 2006 بواسطة مرجانة

[مسافر زاده الخيال]

ايه ده يا مرجانه ........دا جوون بالكعب......

[yasser6666]

قررت الحكومة منع عرض فيلم دعاء الكروان والسمان والخريف وعصفور من الشرق حتي زوال الأزمة والأكتفاء بفيلم أفواة وأرانب

..

أعلان اغلاق منطقة العصافرة بالأسكندرية ومنطقة النعام بعين شمس واعتبارها مناطق حظر صحي

..

وأخيرا محاصرة الزواج (العرفي)

[se_ Elsyed]

- في إطار جهودها لمكافحة إنفلونزا الطيور .. تمكن رجال المخابرات المصرية من كشف خيوط مؤامرة دنئية تقوم بها أمريكا لنشر الوباء في مصر وذلك بمساعدة نائب الرئيس ديــك تشني .

- خوفاً على نفسه وأولاده من بعده من الوباء .. فقد قام السيد الزعيم المُفدى بتغيير لقبه من النسر المصري إلى الحوت المصري ( آه ماحدش يضمن الظروف برضوا وزيادة يعني في الإستحراص ) . عشان كده هانغير الأُغنية الشهيرة إلى ( الحوت المصري شق السما - ماحدش يقولي إزاي .. ما هي الدرافيل ساعات بتعمل شقلبظات برضوا - ورسم وضرب أجدع ملحمه )

يبقى أصبح عندنا دلوقت حوت وملحمه - يعني محل جزارة في اللغة الخليجية - وبكده يبقى بعدنا عن الطيور وقرفها .

في نطاق مجهودات الدولة لمكافحة انفلونزا الطيور- سيتم استبدال النسر الموجود في علم جمهورية مصر العربية بسمكة مشويه

الله ... وطب والله العظيم هايبقى علم يستاهل الأكل ... ويا سلام بقى لو رسمنا في الناحية اليمين من فوق كده طبق طحينة .. وفي الناحية الشمال طبق سلطة خضرا ... والأرضية من تحت صورة قفص عيش بلدي سُخن لسه طالع من الفرن ....

بذمتكم مش ده يشجع على تحية العلم ... أو الناس تموت نفسها من أجل علم بلدها ؟ :D

[se_ Elsyed]

إيقاف أعضاء المحاورات التالي أسماءهم

النسر المصري

عصفور طاير

:D

مش عايزين قلق في المنتدى ونلاقي الناس ماشيه لابسه كمامات ..

خلوا بس الإزمة دي تعدي ونردعهم تاني .

[abofasad]

انتم بقى حتخلوني اغير اسمي

والا انتم مش خايفين مني؟؟؟؟؟؟

[سقراط المصري]

انتم بقى حتخلوني اغير اسمي

والا انتم مش خايفين مني؟؟؟؟؟؟

<{POST_SNAPBACK}>

لا احنا بنفكر ندبحك ونحمرك ونكلك هم هم

:blush: :ninja: :blink: :happy:

[عبدوس الوزير]

أغنية كوكو - واوا تكتسب معنى جديدا

كل كوكو يجيلك واوا

[مسافر زاده الخيال]

يعني خلاص مش ح نسمع اغنية

تعليلي يا بطه؟

وماما مش ح تشيل شنطه فيها وزه و بطه :)

ياترى الفرد هتشكوك في فلم bird كان حاسس بخطر الطيور؟ B)

فعلا

ياطير طاير في السما (تف) طز فيك :sad:

و عجبي..................

بس بصراحه عندنا في السعوديه ولا كأن حاجه حصلت ........الناس بتاكل دجاج بالهبل (الحمدلله)

[se_ Elsyed]

بس بصراحه  عندنا في السعوديه ولا كأن حاجه حصلت ........الناس بتاكل دجاج بالهبل (الحمدلله)

<{POST_SNAPBACK}>

كلام جد

الحكومة السعودية أصدرت قراراً حازماً بإيقاف التعامل في الطيور الحيه .. وأن يقتصر ذلك على بيع الطيور المُبردة ..

وأعطت فُرصة أخيرة لأصحاب محلات بيع الطيور الحية حتى أغسطس القادم لتغيير نشاطهم وتعديل أوضاع العاملين في هذا المجال .

كل ده كإجراءات وقائية ..

أنا اللي صعبان عليه في الموضوع ده أكل البط والحمام .. يعني ممكن أكل فراخ مُبردة ... لكن الحمام والبط والأشياء الأخرى هاتبقى صعبة وبيتهيألي مش هايبقى لها سوق .

---

نعتذر لهذا العُطل ونعود إلى فاتن حمامه اللي في العمبوكة دلوقت .

[حنين]

أعراض أنفلونزا الطيور ، وهي :

- الشعور بالرغبة في الطيران

- هز الرقبة بطريقة غير عادية

- الشعور بالخوف من الصقور والحدايات

- الميل إلى الرقود على البيض من وقت إلى آخر

- الشعور بالرغبة في التقاط الأكل بالفم مباشرة

- الشعور بأنك "مفقوس" دايما أمام الناس

- الشعور بأن بشرتك دايما "بيضة"

- الميل إلى سماع أغنية "كوكو واوا" طوال اليوم

- الشعور بأنك "ديك البرابر"

- أن ترى في الكوابيس دائما أنك "مذبوح" من كلام الناس

أما عن أهم طرق العلاج والوقاية فهي كالتالي :

- "بق بق بق بق" .. كررها كل ثماني ساعات ليصبح لديك مناعة ضد أنفلونزا الطيور.

- تناول حقنة "كا كا كا كا" لعمل مناعة ضد المرض نهائيا.

- الابتعاد عن أكل البقول والعيش الناشف

مع تحيات د. كتكوت الديك - دكتوراة في أمراض القفص الصدري - العنوان : 2 حارة حداية متفرع من شارع الجناح - ورك البلد - القاهرة

منقول

[here _iam]

اعلن المتحدث باسم حركه فرخه ان ما يقول ضدهم هو تحريض ضدهم :D و قررت الحركه مقضاءه الجهات المسؤله عن انتشار تلك الشاعات ضدهم .

و اصدروا نشيد يعبر عن غضبهم و يكون اول الكلمات ينطقها كل كتكوت فى اول ايامه :)

كاك كاك ..كوك كوك...............احنا فراخ حلوين و ديوك

صحتنا بمب و معتبره..............طمنهم لو جم سألوك

احنا فراخ مصر الحروسه........لنا فى الطعم صفات مخصوصه

ليه و بتجرى يا فندى...............اونتى بترمحى ليه يا عروسه

لينا فوايد ياما و قيمه..............غذائيه و صحيه عظيمه

ليه تحروا نفسكوا من النعمه...... ده حرام تزهدوا فرخه سليمه

اجدادنا شبعوا اجدادكم............... و كتبنا بالريش امجادكم

وفى مصر اما بتظهر حاله.......... ليه تكثراشاعات حسادكو

mfb:

[سقراط المصري]

أعراض انفلونزا الطيور عند الأزواج:

تقف قدام مراتك زى الفرخة

تحس معاها انك مكسور الجناح

لما تضحكلك تحس ان على راسك ريشة

ولما تطلب منها حاجة تبقى حتبيض على ما تعملهالك