هل المصري..إبن نكته بطبعه ؟!

[المدهش]

الشعب المصري دمه خفيف..قديمة..وابن نكتة ..شئ معروف عنا في كل الدنيا..الشعب المصري لامبالي يضحك من نفسه وعلى نفسه وأصابه التبلد من كثرة ما مر به من مصائب"يا رب سي السيد ما يزعلش من تبلد دي ويقول لي احذفها يا مدهش" ..لأ بجد والله واحنا من كثرة المصائب والمحن وخصوصا في عهد طويل العمر وش الخير وقدم السعد"مبروك" لم يعد يفرق معنا أو يدهشنا أي شئ..كل شئ قابل للضحك والتهريج من جثث ضحايا العبارة لانفلونزا الطيور للانفاضة الفلسطينية لمأساة العراق للأغذية المسرطنة..كل حاجة ..اديها نكتة واقلب ..ولا فيش حاجة بنقدر ناخدها جد ..ولو خدناها جد يبقى كام يوم وانسى يا عم وندور على مصيبة أو كارثة تانية نضحك عليها..مش عارفة لغاية امتى هنعيش في غيبوبة ..وكأننا محششين بالفطرة ..ولا انا غلطان ولا ايه؟!!!!!!!!

[Alshiekh]

الشعب المصري دمه خفيف..قديمة..وابن نكتة ..شئ معروف عنا في كل الدنيا..الشعب المصري لامبالي يضحك من نفسه وعلى نفسه وأصابه التبلد من كثرة ما مر به من مصائب"يا رب سي السيد ما يزعلش من تبلد دي ويقول لي احذفها يا مدهش" ..لأ بجد والله واحنا من كثرة المصائب والمحن وخصوصا في عهد طويل العمر وش الخير وقدم السعد"مبروك" لم يعد يفرق معنا أو يدهشنا أي شئ..كل شئ قابل للضحك والتهريج من جثث ضحايا العبارة لانفلونزا الطيور للانفاضة الفلسطينية لمأساة العراق للأغذية المسرطنة..كل حاجة ..اديها نكتة واقلب ..ولا فيش حاجة بنقدر ناخدها جد ..ولو خدناها جد يبقى كام يوم وانسى يا عم وندور على مصيبة أو كارثة تانية نضحك عليها..مش عارفة لغاية امتى هنعيش في غيبوبة ..وكأننا محششين بالفطرة ..ولا انا غلطان ولا ايه؟!!!!!!!!

<{POST_SNAPBACK}>

أيه ياعم مدهش !!!

[White heart]

هذه المسألة من وجهة نظرى محصورة فى قيمتين فقط لا غير .. أرى اننا مازلنا نفتقدهم بشدة:

"قيمة الانسان " .......... و " قيمة الوقت ".

و أعتقد اننا لن نكتسبهم الا اذا نجحنا فى ضبط النسبة و التناسب فيما يتعلق بمساحة الأرض القابلة للعيش ( بشكل حضاري ان لم يكن مرفه ) و عدد السكان أنفسهم.

[سيزيف]

عزيزى المدهش

يقولون ان النكته هى سلاح الشعوب فى مواجهه القهر

فعندما لا تستطيع ان تقول رايك صراحه قد تلجا الى النكته التى تهمس بها لصاحبك فى المقهى

ليس ذلك فحسب بل النكته ايضا تعبر عن الراى العام و اتجاهاته فتعتبر اجهزه الامن ان رصد النكات على السلطه من اهم ادوات قياس الراى العام

و الشعب المصرى يا صديقى ليس حشاشا

و لكن ميله الطبيعى للنكته و التهريج هو مجرد محاوله للانتقام من نظام غاشم احيانا او التهوين من حجم كارثه معينه - نكات النكسه او الزلزال مثلا - و من جانب اخر هى ايضا محاوله للتغلب على الاحزان و الاحباطات اليوميه

ماقلتليش بقى 000000000000

هى ايه اخر نكته ؟ :rolleyes:

[se_ Elsyed]

وأصابه التبلد من كثرة ما مر به من مصائب"يا رب سي السيد ما يزعلش من تبلد دي ويقول لي احذفها يا مدهش" ..

<{POST_SNAPBACK}>

لأ أبداً بالعكس .. ده شيء يُسعدني جداً أن أجد الجميع يخرجوا ما في جعبتهم

إحنا في بلد ديمقراطي يكفُل حرية الرأي والتعبير لكل مواطن .. وبما إنك مواطن من المواطنين فمن حقك تقول اللي إنت عايزه

بس أنا سبت لك تبلد .. وغيرت عنوان الموضوع :rolleyes: .. على أساس إيه ؟

عليك نور

إن إحنا في بلد ديمقراطيس

[المدهش]

أيوه ..أهه كده ..الكلام يا سيدي ..وهذه هي الديموقراطيسية على أصولها ..يعني أنا أكتب بحرية شديدة وانت تحذف بحرية أكبر ..وده برضه منطق الحكومة ..انتوا تقولوا اللي انتوا عايزينه واحنا نعمل اللي احنا عايزينه..ومش عارف انت ليه زعلت من كلمة محشش ..على العموم محشش أحسن من حش !!!!!!!!!

[Scorpion]

إذا صارت أولياتنا من باب الطرفة أو النكتة .. فسنصبح و لا شك "نكتة" العالم بأسره يومآ ما ... صحيح أننا شعب معروف بحب النكتة .. و عادة ما يكون لها مضمون فلسفي ... سواء كانت النكتة سياسية أو اجتماعية او درامية ....و كثيرآ ما تعمل عمل الترياق في تخفيف حدة التوترات الأجتماعية ... و تلطيف الأجواء النفسية ... و لكنها اذا انتهت إلي الحط من قدر الأنسان المصري ...أو تهميشه ... أو إثباط همته ... أو وأد طموحه ... أو تجفيف منابع الحلم فينا ... فستصبح سلاحآ نفسيآ بعيد الأثر خطرآ ... و للأسف .. كثيرآ ما تجنح النكتة المصرية الي السخرية بالأنسان المصري نفسه .. مما يثير الدهشة لهذا الأتجاه الذي يجعل المصري يضحك بتمريغ نفسه في المذلة ...

الضحك علي أخطاء الذات .. بداهة .. دليل صحة عقلية و صحوة نفسية ... و لكنه اذا انتهي الي امتهان الذات... و الرضا بدونيتها و هوانها ... و الأستخفاف بالكوارث المتعاقبة ... كأنها قدر مكتوب عليها ... دل هذا فقط علي تفسخ نفسي و تدهور معنوي و أدبي ...

[se_ Elsyed]

... و لكنها اذا انتهت إلي الحط من قدر الأنسان المصري ...أو تهميشه ... أو إثباط همته ... أو وأد طموحه ... أو تجفيف منابع الحلم فينا ... فستصبح سلاحآ نفسيآ بعيد الأثر خطرآ ...

<{POST_SNAPBACK}>

الراجل ده بيتكلم كلام كبير قوي

وده اللي أنا قصدته من تغيير العنوان ... فعندما يقرأ الجيل الصاعد تلك المصطلحات التي تصف الشعب المصري فأول حاجه هاتحصل إنه هايفقد ثقته بنفسه وبمن سبقوه اللي المفرض بعض منهم هم مثله الأعلى .

[المدهش]

... و لكنها اذا انتهت إلي الحط من قدر الأنسان المصري ...أو تهميشه ... أو إثباط همته ... أو وأد طموحه ... أو تجفيف منابع الحلم فينا ... فستصبح سلاحآ نفسيآ بعيد الأثر خطرآ ...

<{POST_SNAPBACK}>

الراجل ده بيتكلم كلام كبير قوي

وده اللي أنا قصدته من تغيير العنوان ... فعندما يقرأ الجيل الصاعد تلك المصطلحات التي تصف الشعب المصري فأول حاجه هاتحصل إنه هايفقد ثقته بنفسه وبمن سبقوه اللي المفرض بعض منهم هم مثله الأعلى .

<{POST_SNAPBACK}>

يعني انت لازم يا سي السيد تفكرني كل شوية انك غيرت العنوان..بصراحة انت غلطان لأنك غيرت العنوان والعنوان الأول كان أحلى ومعبر أكثر وبيحقق الغرض اللي انت بتتكلم عليه بطريقة أقوى..يعني بيفوقنا من غيبوبة التنكيت على كل حاجة حتى مصائبنا وكوارثنا وحياتنا كلها ..وزي ما قال سكوربيون..ده بيبقى كويس لغاية مرحلة معينة بعدها بيتحول لأداة لتنفيس الغضب في غير مكانه..وأعتقد إن ده السبب اللي بيخلينا لا نثور على حكامنا ..لأننا بنسخر منهم بس!