البحث عن عروسه !!

[eastsoul]

اولا ... عيزاكوا ترحبوا بيا .. :) نرحب بالعضو الجديد eastsoul

انا متفقه تماما معاكي يا مصرية الهوى في ان الموضوع دا ..اعقد واصعب واتعب قرار يمكن الواحد يتخذه في حياته ...

يعني مثلا انا اتولدت و عشت برا مصر فا عشان افكر في موضوع الصالونات .... مش هينفع خالص في بلاد الغربه اللي انا اتعودت عليها... كمان دوامت الشغل و الحياة وخده الواحد فا مفيش وقت للتعارف و الاجتماعيات مثلا... و حتى في نطاق العمل صعب الواحد ياخد على الناس بسهولة.

و زي ما قلتي ا الموضوع ده .. شاغل تفكير كل واحد منا بيدور على الاستقرار .. :D

[سيزيف]

عندكو حل تاني ؟

اعتقد يا استاذ احمد انك مش المفروض بتجوز لمجرد الجواز انت بتجوز عشان دي حياة فيها عشرة وحب وثقه وقدرة على التفاهم مش مجرد انى شفت واحد عجبنى شكله واسلوب كلامه يبقى اتجوزه خصوصا الى وضعهم زي حضرتك بيسافر ....انا معرفش ايه الحل التانى بس احنا ممكن نعمل هنا فى المنتدى جواز منتديات انت تنقى واحدة وتفضل تكلمها لحد ماتنزل اجازة مش فكرة :) انا بهزر على فكرة ....مقصدش حاجه بجد انا شايفة ان الجواز فعلا فى النهاية بيبقى قسمة ونصيب ومش كل الى عرفوا بعض قبل الجواز استمرو ومش كل الى معرفوش بعض انفصلو

ازا كان نور الشريف طلق بوسي بعد 35 سنه جواز احنا بقى هنعمل ايه؟؟؟؟؟ :D

<{POST_SNAPBACK}>

---------------------------

واللهى يا ريهام جايز يكون جواز المنتديات فكره مش وحشه

بس مشكله النت - بعكس جواز الصالونات - مش مضمون فيه جديه الطرفين

ثانيا نور و بوسى مش معيار

لانه فى النهايه جواز فنى

ما يعنينى هو الناس العاديه اللى زيى و زيك

[سيزيف]

الجواز [

الله يا شاينر، يعنى هتديها جواز صالونات ولا مش هتديها، إرسالك على بر :D

<{POST_SNAPBACK}>

--------------------

و ده برضه سؤال يا نور ؟

طبعاااااااااااااااااااااااااااااااا

هديهااااااااااااااااااااااااااااااااااااااا

:)

[سيزيف]

والله يا شاينر .. موضوع الزواج ..

او قرار الزواج .. اعقد واصعب واتعب قرار يمكن الواحد يتخذه في حياته ..

يعني الواحد يتعب فعلا في محاولة اتخاذ مثل هذا القرار ..

هل البني ادم اللي قدامي هيبقى جوزي فعلا ؟

يعني يشاركني حياتي وعمري وفرحي وحزني .. وهيبقى نصي التاني وتوأم روحي وكله كله ..

هل ينفع لحاجة زي كده ؟؟ .. او هل هو الانسان المناسب ؟؟

هل هنقدر نتفاهم ونعيش سعداء ..

فكرة الجواز او موضوع الجواز متعب للبنت اكثر من الولد ..

الشاب حتى لو بقى عنده ستين سنة وهو متجوزش .. محدش يقدر يقوله حاجه ..

بس فعلا الموضوع ده .. شاغلني ومتعبني ومزفت نفسيتي وخاصة اليومين دول ..

مش عارفه بصراحة حاسه اني مش قادرة اتخذ قرار زي ده .. او يمكن اكون خايفة اتسرع في اتخاذ قرار زي ده ..

وكمان يعني نفسي اعرف ايه الشروط اللي ممكن الواحد يتنازل عنها .. وايه الشروط اللي تعتبر اساسيات .. بجد نفسي اسمع رايكم في الموضوع ده !!

مثلا: انا السن مهم عندي جدا .. عايزه واحد اكبر مني اقل حاجه 4 سنين وممكن نمشيها 3 والماكسيمم 8 سنين .. ويمكن نمشيها 10 - ولو انها كتير اوي - لو كان واحد يستاهل فعلا ..

والنهارده كنتي باحكي لصاحبتي على الموضوع ده .. وشخطت فيا بجد .. وطب وماله لما يكون اكبر منك بكم شهر .. قلتلها : انتي بتتكلمي جد .. بس انا لو اتجوزته هأحسه انه فيه حاجه ناقصاني .. قالتلي: انت اللي معقدة وشروطك غريبة ..

هل فعلا انا غلطانة ومعقدة  :D ؟؟!!!!

انا مش طالبه ياربي الا انسان طيب ومحترم يحبني واحبه ويفهمني وافهمه ..

بجد يا جماعة انا عايزه نتناقش في الشروط .. اللي ممكن الواحد يتنازل عنها والشروط اللي تعتبر اساسيات ..!!!!!!

<{POST_SNAPBACK}>

----------------------

عزيزتى جيجى

طالما انك فتحتى الموضوع الى هو يعتبر الجزء المكمل لزواج الصالونات او الزواج بوجه عام فانا قررت افتح لك قلبى و افضفض شويه :)

اولا موضوع تاخير الولد ف الجواز برضه مش بيعدى بالساهل لاسيما و اذا كان الشاب جاهز للزواج ماديا لان الحكايه مش مقتصره ع البت وبس

لا ده البيت و الجيران و القرايب حتى البعيدين منهم و الاصحاب و الزملاء و حتى طوب الارض

و خدى عندك من عينه : ايه ياعم ؟ ايه الحكايه ؟ انت ايه اللى ماخرك لحد دلوقت ؟ يللا بقى ؟ مافيش حاجه قريب ؟

المشكله انه لا احد يعتبر ان الزواج موضوع خاص فتلاقى كل الناس بتكلمك حتى اللى علاقتك بيه سطحيه

ثانيا - من حيث فرق السن انا معاكى تماما ان فرق السن مش لازم يزيد - فى العاده - عن 10 سنوات بحد اقصى و لايقل عن سنتين كحد ادنى و ان كان لكل قاعده استثناءات فانا مثلا اعرف رجاله متجوزين ستات من سنهم او اكبر منهم شويه و سعداء والعكس ممكن يكون صحيح يعنى ممكن تلاقى واحده متجوزه واحد اكبر منها بخمستاشر سنه و سعدا

ثالثا - وده الاهم

مشكله الاختيار نفسها

ايه هى معايير الاختيار

طبعا فيه معايير عامه مش ممكن هنختلف عليها زى الاخلاق و الدين و التكافؤ الاجتماعى و المادى

لكن المشكله ف المعايير الشخصيه اللى بتختلف من بنى ادم للتانى

لان كل انسان عنده ف دماغه صوره معينه لشريك حياته

مواصفات معينه يتمنى ان يجدها

وانا بصراحه خايف ادى لكم مثال عن نفسى بس هتوكل على الله و هعملها

انا مثلا بحلم ان شريكه حياتى تكون انسانه قادره على جمع صفات قد تبدو للناس - للوهله الاولى - متناقضه

يعنى مثلا تكون حنينه و رقيقه بس ف نفس الوقت قويه و قادره على اتخاذ قرار

مرحه و خفيفه الدم ولكن تاخذ المواقف بجد عندما تتطلب الامور ذلك

مثقفه واسعه الافق قادره على التواصل بنفس القدر الذى تعتنى فيه بنفسها و اناقتها

رومانسيه حالمه و فى نفس الوقت ام و زوجه حكيمه

المشكله اننى اصطدمت باراء العديد من اصدقائى المتزوجين حديثا - يا دوب من سنتين ثلاثه - الذين يرون اننى انسان حالم وان الافلام الاجنبى اكلت دماغى و انى طول مابفكر بالطريقه دى يبقى عمرى ماهتجوز و بصراحه مش عايز اكمل رايهم ف الجواز و الستات احتراما لمشاعر الاخوات بالمنتدى :D

و احيانا بفكر

طب يا ترى انا بغالى ف متطلباتى ؟

مزودها حبتين ؟

واحيانا تانيه بحس ان مش ممكن هكون سعيد ف حياتى لو ماخدتش الانسانه اللى بدور عليها

وانى لو اتجوزت اى واحده و خلاص - مستوفيه للمواصفات العامه للزواج التقليدى - يبقى ظلمتها و ظلمت نفسى

حيره 00000مش كده ؟

تم تعديل 28 فبراير 2006 بواسطة shinercorner

[مسافر زاده الخيال]

الى البنت العزيزة د.GG

كان الله في عونك.............ولكي بعض النصايح ارجوا من الله ان تفيدك

ان مسأله العمر وحدها ليست بتلك الاهميه من دون بعض العوامل الاخرى مثل

العمر+الحالة الصحية

العمر+الحالة الثقافية

العمر+الحالة المادية (لا تقولوا الماده مش مهمه)

وبشكل اقل قيمه ولكن لها قدر من الاهمية الشكل العام من وسامة وخلافه........

يعني في رأيي المتواضع مثلا لنفترض ان العمر المثالي هنا للفتاه (20)سنه

فان عريسا يبلغ 35 -40ومثقف و ثري وصحيا ممتاز وشكله مقبول قد يكون افضل من عريس 25 سنه وصحيا ممتاز ولا زال امامه مستقبل مهني

قد يكون هذا الرجل يستطيع تدليل زوجته ويفهم في الاتيكيت ال........خ

وبالطبع لا يعنى ذلك ان الشاب في بداية العشرينات انه طفل ومتسرع فكم ممن هم حتى في 17 او 81 ممن لهم عقل راجح يفوق الاكبر سنا

اذا يا GG اذا تقدم لك عريس اكبر منك ب 12 فانظري الحاله الصحية(فكم من كبار السن هم اكثر صحة من شباب اليومين دول ممن تغذى على المعلبات والعكس صحيح)+الفكريه +الماديه

وحذار مما نتخيله حب حسب طريقه القصص والافلام الرومنسيه فان اغلب العلاقات العاطفية الرومانسيه فاشله منذ قيس وليلى وعنتر وعبله وعطيل وديدمونه مرورا بالفنانين شرقا وغربا (الامثلة كثيره)

واعلمي ان غريزه الامومه هي اقوى من ذلك..........

لا اريد ان ابدو كرجل كبير وبيخرف

وفقك الله ان والاعضاء الباقين...................

[tarek_almeghallawy]

شاين العزيز

انا متزوج من 13 سنة..شفت صامد ازاي... والحمدلله اعتبر زواجي ناجح

الكلام عن مواصفات الاختيار وكيفيته بالنسبة لي يعتبر ماضي تليد

واتكلم من منطلق ادعاء الخبرة

اقصد الا ختلاف بين المسيحيين المصريين و المسلمين في ظروف الاختيار

المسيحيين عندهم ترابط ولقاءات عائلية ومناسبات اجتماعية في الكنائس مما هو ليس متاح للمسلمين..اخذت هذا الانطباع من اصدقائي المسيحيين ..كذلك هناك زيارات للكنائس منظمة على مستوى جميع المحافظات..يعني فرصتك يا عم في الاختيار تمتد لتشمل القطر المصري كله

تفصيل المواصفات على المازورة او الباترون اعتقد انه غير واقعي وغير عملي

هناك شئ اسمه ...القبووووووووول...

احساس عام ينتابك انك تقبل هذا الشخص سواء من اول نظرة او من اول جلسة في الصالون او من خلال التعامل الطويل او القصير..تقبله قبولا عاما بما فيه من عيوب ومميزات بما فيه من صفات احلم بها وصفات ارفضها

ولابد ان اضع في اعتباري اختيار الشخص المقابل هل انا بالنسبة له امثل الحلم الوردي

كانت الممرضة الفلبينية التي تعمل معي تقول لي يا دكتور لازم يحصل shock

وعندما يحدث هذا ال shock فذاك الاختيار

لا اقصد بالتاكيد الحب من اول نظرة ولا اغفال الاختيار العقلي

ولكن هذا الsock الذي يجعلني اقبل شخص ولا اقبل الآخر

اتمنى لكم جميعا التوفيق والاختيار المناسب

وحياة زوجية سعيدة وهنية

[سيزيف]

اولا ... عيزاكوا ترحبوا بيا ..   :D نرحب بالعضو الجديد eastsoul

انا متفقه تماما معاكي يا مصرية الهوى في ان الموضوع دا ..اعقد واصعب واتعب قرار يمكن الواحد يتخذه في حياته ...

يعني مثلا انا اتولدت و عشت برا مصر فا عشان افكر في موضوع الصالونات .... مش هينفع خالص في بلاد الغربه اللي انا اتعودت عليها... كمان دوامت الشغل و الحياة وخده الواحد فا مفيش وقت للتعارف و الاجتماعيات مثلا... و حتى في نطاق العمل صعب الواحد ياخد على الناس بسهولة.

و زي ما قلتي ا الموضوع ده .. شاغل تفكير كل واحد منا بيدور على الاستقرار .. :D

<{POST_SNAPBACK}>

--------------------

عزيزتى روح الشرق

اولا مرحبا بيكى ف المحاورات و نورتى المنتدى كله

:)

انا اعرف كثيرا من المصريين و المصريات ممن ولدوا و عاشوا بالخارج و مع ذلك يلجاون الى زواج الصالونات

يمكن مش بنفس الصوره اللى ف مصر لكن باساليب شبيهه

بالعكس ده يمكن المصريين فف الخارج اشد احتياجا لجواز الصالونات لان الجاليه المصريه عاده بتبقى محدوده و مش دايما يتلاق الشخص المناسب

------------

ملحوظه

انا شفت لك رد على الموضوع ده بس انتى حاططاه ف موضوع تانى

مش نركز بقى ولا ايه ؟ :D

تم تعديل 28 فبراير 2006 بواسطة shinercorner

[سيزيف]

شاين العزيز

انا متزوج من 13 سنة..شفت صامد ازاي...  والحمدلله اعتبر زواجي ناجح

الكلام عن مواصفات الاختيار وكيفيته بالنسبة لي يعتبر ماضي تليد

واتكلم من منطلق ادعاء الخبرة

اقصد الا ختلاف بين المسيحيين المصريين و المسلمين في ظروف الاختيار

المسيحيين عندهم ترابط ولقاءات عائلية ومناسبات اجتماعية في الكنائس مما هو ليس متاح للمسلمين..اخذت هذا الانطباع من اصدقائي المسيحيين ..كذلك هناك زيارات للكنائس منظمة على مستوى جميع المحافظات..يعني فرصتك يا عم في الاختيار تمتد لتشمل القطر المصري كله

تفصيل المواصفات على المازورة او الباترون اعتقد انه غير واقعي وغير عملي

هناك شئ اسمه ...القبووووووووول...

احساس عام ينتابك انك تقبل هذا الشخص سواء من اول نظرة او من اول جلسة في الصالون او من خلال التعامل الطويل او القصير..تقبله قبولا عاما بما فيه من عيوب ومميزات بما فيه من صفات احلم بها وصفات ارفضها

ولابد ان اضع في اعتباري اختيار الشخص المقابل هل انا بالنسبة له امثل الحلم الوردي

كانت الممرضة الفلبينية التي تعمل معي تقول لي يا دكتور لازم يحصل shock

وعندما يحدث هذا ال shock فذاك الاختيار

لا اقصد بالتاكيد الحب من اول نظرة ولا اغفال الاختيار العقلي

ولكن هذا الsock الذي يجعلني اقبل شخص ولا اقبل الآخر

اتمنى لكم جميعا التوفيق والاختيار المناسب

وحياة زوجية سعيدة وهنية

<{POST_SNAPBACK}>

--------------------

عزيزى طارق

كلامك فيه شىء من الصحه بس مش على اطلاقه

بدليل المعاناه اللى انا فيها :D

اما عن ال shock

فانا اعتقد انه مش شرط تحصل

و ممكن الحب يبتدى هادى

و ممكن تقابل و احده متعجبكش لاول وهله و لما تتعرف عليها اكتر تبقى متيم بيها

اعتقد انه فى الحب

كل الاحتمالات مفتوحه

[مصرية الهوى]

اهلا بيكي معانا يا eastsoul

ربنا يوفقك يا رب ويوفقنا ونلاقي عيال الحلال .. اللي مامتهم دعيالهم في ليلة القدر وهي ساجدة عند الكعبة :) ..

شفتي بقى احنا غاليين قد ايه :D

بص يا شاينر ..

قصص الهوى قد أفسدتك فكلها ..

غيبوبة وخرافة وخيال ..

:P

اكيد الزن يبقى للشاب والبنت .. وتقدر تقريبا تقول ان انا احيانا بعذر الأهل لأنهم عايزين يتطمنوا على عيالهم قبل ما يموتوا زي ما بيقولوا ..

بس المشكلة ايه ؟ .. إن الأهل ساعات لما يتقدم عريس للبنت أو لما يقابلوا بنت يشوفوا انها يمكن تنفع لابنهم .. نظرتهم للمسألة دي .. بتختلف عن نظرة الشاب والا البنت .. فاهمني ؟؟

يعني ساعات لما اقول مواصفات عايزاها في شريك حياتي .. ماما وبابا بيشوفوا انها حاجات تافهة .. بس انا بشوف انها حاجات مهمة .. فكده الحكاية بتتعقد بين الأهل وأولادهم ..

ومسألة السن .. اكيد الحكاية بتختلف من شخص للتاني .. اقرب مثال بنت خالتي عندها 17 سنة .. امنيتها تتجوز واحد عنده 42 سنة :o .. !! .. دايما بقولها: ماشي بس خلي بالك في صباحية فرحك من مواعيد دوا الضغط والسكر !! ..

أما بالنسبة لمعايير الاختيار ..

حط معاييرك على راجل .. ده يطلع شريك حياتي :D ..

بس ايه .. اصلنا مزودينها حبتين على فكرة ؟؟

بصراحة ان جينا للواقع .. لأ .. مواصفاتي بتبقى معقولة جدا .. وأنا عارفه انه مفيش انسان كامل ( ومواصفاتك كاملة كاملة ).. بس اهم حاجه انا عايزاها المستوى الفكري الواحد .. وطريقة التفكير المشتركة .. عشان ميحصلش تصادم بيني وبينه .. يعني مش يجيلي واحد تفكيره في الشرق وتفكيري في الغرب .. بالتاكيد انه لازم يكون فيه اختلاف في بعض وجهات النظر .. بس انا بقصد بشكل عام .. تفكيرنا متقارب ..

عشان كده .. انا قلت انه فيه اشياء اساسية .. واشياء ممكن التنازل عنها ..

وبالنسبة لأصحابك الحلوين دول .. عادي كمل قول رأيهم .. واديني كمان العناوين وأنا هأتصرف :D ..

طبعاً أنا مش هاقول اني فاهمة الزواج 100% .. بس فاهمة حاجات كتير فيه ..

عارفه انه مش زي اللي في الأفلام والمسلسلات وقصص الهوى ..

مش زي ما بنات وشباب كتير فاهمين ان الجواز .. شموع عطرية .. وقعدات رومانسية وطول الوقت يا روحي .. يا حياتي .. وكل يوم يجي يقولك غمضي عينيك .. ويلبسك عقد والا خاتم .. والا يجيبلك بوكيه ورد ..

( يا جماعة مطلوب واحد في المواصفات أعلاه على طول :D ) ..

حيرتين يا شاينر .. مش كده ؟

[eastsoul]

شكرا يا شاين و جيجي الامورة على ترحبكم بيا ..

شاين ... بلاش احراج بقه اصل كنت نص نيمه تقريبا...عديها :)

شاين الموضوع في الخارج اصعب بكتير من داخل مصر ... و خصوصا بالنسبه لي علشان عائلتي هنا مثلا مش اجتماعية اوي ... دا انا حتى معنديش غير صديقة وحدة مصرية و البقية من جنسيات مختلفة.. كل اصحابي رجعوا على مصر بعد الثانوية العامة. :D

ففكرة جواز الصالونات بسبب قلة الاجتماعيات من قبل الاهل صعبه و مستبعده و ان كان هناك فرصة فانا برحب بيها.... انا بدأت شويه ابقى اجتماعية بس برده الموضوع صعب عليا خصوصا ان في افكار بدور في راسي قبل و خلال معاملاتي مع الاخرين و خصوصا في العمل...اتعودت احط حدود و ماخدش على الناس بسرعه.. بخاف من ردت الفعل العكسية ..او التفكير السلبيي من قبل بعض الشباب بان البنت اذا اتكلمت مع حد ..تبقى سهلة او تطلع عليها اشاعات ... رغم ان اهلي متفهيمن لفكرة الاختلاط بحدود الحمدلله وواثقين فيا... :D

حبيبتي جيجي ان شاء الله ربنا يوفقك و يوفقني و اسمع خبر خطوبتك قريب ان شاء الله من ابن الحلال اللي مامته دعياله في ليلة القدر وهي ساجدة يا ستي عند الكعبة .. :D

رأيك صادق بخصوص ان مفيش انسان كامل و فعلا من اهم الاشياء ان يكون المستوى الفكري متقارب ... اضافة على ذلك ان يكون عارف دينه كويس و بيقدر الغير و يحترم الاخريين و حنون و عاقل .... مش مجنون زي مثلا و بحيب القطط.. :P

و على العموم الموضوع قسمة و نصيب و مفيش حاليا في ايدنا الا الدعاء لله و ان شاء الله التوفيق من عنده...سبحانه و تعالى.

[مصرية الهوى]

الى البنت العزيزة د.GG

كان الله في عونك.............ولكي بعض النصايح ارجوا من الله ان تفيدك

ان مسأله العمر وحدها ليست بتلك الاهميه من دون بعض العوامل الاخرى مثل

العمر+الحالة الصحية

العمر+الحالة الثقافية

العمر+الحالة المادية (لا تقولوا الماده مش مهمه)

وبشكل اقل قيمه ولكن لها قدر من الاهمية الشكل العام من وسامة وخلافه........

يعني في رأيي المتواضع مثلا  لنفترض ان العمر المثالي هنا للفتاه (20)سنه

فان عريسا يبلغ 35 -40ومثقف و ثري  وصحيا ممتاز  وشكله مقبول قد يكون افضل من عريس 25 سنه وصحيا ممتاز ولا زال امامه مستقبل مهني

قد يكون هذا الرجل يستطيع تدليل زوجته ويفهم في الاتيكيت ال........خ

وبالطبع لا يعنى ذلك ان الشاب في بداية العشرينات انه طفل ومتسرع فكم ممن هم حتى في 17 او 81 ممن لهم  عقل راجح يفوق الاكبر سنا

اذا يا GG اذا تقدم لك عريس اكبر منك ب 12 فانظري الحاله الصحية(فكم من كبار السن هم اكثر صحة من شباب اليومين دول ممن تغذى على المعلبات والعكس صحيح)+الفكريه +الماديه

وحذار مما نتخيله حب حسب طريقه القصص والافلام الرومنسيه فان اغلب العلاقات العاطفية الرومانسيه فاشله منذ قيس وليلى وعنتر وعبله وعطيل وديدمونه مرورا بالفنانين شرقا وغربا (الامثلة كثيره)

واعلمي ان غريزه الامومه هي اقوى من ذلك..........

لا اريد ان ابدو كرجل كبير وبيخرف

وفقك الله ان والاعضاء الباقين...................

<{POST_SNAPBACK}>

مسافر ..

( خلينا نتكلم مصري .. لدواعي امنية :D )

بص .. انت شكلك من النوع اللي عايز العريس الجاهز من مجاميعه ..

واللي فهمته من كلامك انه واحد عنده 35 او 40 ومثقف وثري وووو .. وانه لو اتقدم لبنت عمرها 20 مش لازم ترفضه .. وانه بيكون افضل من واحد عنده 25 وفي بداية مشوار حياته

انا اقولك وجهة نظري ..

لو اتعرض عليا زي ما قلت الحالتين دول .. بصراحة .. بصراحة .. هأختار اللي عنده 25 سنة .. اللي سنه قريب من سني .. وتفكيره قريب من تفكيري .. اللي ابدأ معاه حياتي من الصفر .. يعني نبي حياتنا طوبة طوبة .. مش عايزه واحد متريش ومقتدر وكل حاجه هلاقيها جاهزة .. زي ما اكون في بيت أهلي .. عايزه احس معاه بقيمة الكفاح لبناء الحياة .. زي ما بابا وماما كافحوا في الماضي عشان يبنولنا اللي احنا فيه دلوقتي ..

وبالنسبة على تركيزك على الحالة المادية .. طبعا انا مش هأقولك هاتجوز واحد يسكني في خيمة في الصحرا من فقره .. بس مش عايزه كمان اتجوز واحد غني اوي وبيلعب في الفلوس .. يعني .. واحد ياكلني كويس ويلبسني كويس ويسكني في مكان مناسب ويلبي لي حاجاتي الضرورية وبعض الكماليات .. بس مش زي ما أكون في بيت اهلي كل حاجه اطلبها الاقيها .. لأنه مش معقول واحد لسا بيبدأ حياته هيكون زي بابا اللي بدأ حياته من زمان .. فاهمني ؟؟

ميرسي يا eastsoul على دعواتك الجميله دي ..

ربنا يوفقنا كلنا يارب .. وعقبال ما نفرح بينا :D

[سيزيف]

اهلا بيكي معانا يا eastsoul

ربنا يوفقك يا رب ويوفقنا ونلاقي عيال الحلال .. اللي مامتهم دعيالهم في ليلة القدر وهي ساجدة عند الكعبة  :) ..

شفتي بقى احنا غاليين قد ايه  :D

بص يا شاينر ..

قصص الهوى قد أفسدتك فكلها ..

غيبوبة وخرافة وخيال ..

:P

اكيد الزن يبقى للشاب والبنت .. وتقدر تقريبا تقول ان انا احيانا بعذر الأهل لأنهم عايزين يتطمنوا على عيالهم قبل ما يموتوا زي ما بيقولوا ..

بس المشكلة ايه ؟ .. إن الأهل ساعات لما يتقدم عريس للبنت أو لما يقابلوا بنت يشوفوا انها يمكن تنفع لابنهم .. نظرتهم للمسألة دي .. بتختلف عن نظرة الشاب والا البنت .. فاهمني ؟؟

يعني ساعات لما اقول مواصفات عايزاها في شريك حياتي .. ماما وبابا بيشوفوا انها حاجات تافهة .. بس انا بشوف انها حاجات مهمة .. فكده الحكاية بتتعقد بين الأهل وأولادهم ..

ومسألة السن .. اكيد الحكاية بتختلف من شخص للتاني .. اقرب مثال بنت خالتي عندها 17 سنة .. امنيتها تتجوز واحد عنده 42 سنة :o  .. !! .. دايما بقولها: ماشي بس خلي بالك في صباحية فرحك من مواعيد دوا الضغط والسكر !! ..

أما بالنسبة لمعايير الاختيار ..

حط معاييرك على راجل .. ده يطلع شريك حياتي  :D ..

بس ايه .. اصلنا مزودينها حبتين على فكرة ؟؟

بصراحة ان جينا للواقع .. لأ .. مواصفاتي بتبقى معقولة جدا .. وأنا عارفه انه مفيش انسان كامل ( ومواصفاتك كاملة كاملة ).. بس اهم حاجه انا عايزاها المستوى الفكري الواحد .. وطريقة التفكير المشتركة  .. عشان ميحصلش تصادم بيني وبينه .. يعني مش يجيلي واحد تفكيره في الشرق وتفكيري في الغرب .. بالتاكيد انه لازم يكون فيه اختلاف في بعض وجهات النظر .. بس انا بقصد بشكل عام .. تفكيرنا متقارب ..

عشان كده .. انا قلت انه فيه اشياء اساسية .. واشياء ممكن التنازل عنها ..

وبالنسبة لأصحابك الحلوين دول .. عادي كمل قول رأيهم .. واديني كمان العناوين وأنا هأتصرف  :D ..

طبعاً أنا مش هاقول اني فاهمة الزواج 100% .. بس فاهمة حاجات كتير فيه ..

عارفه انه مش زي اللي في الأفلام والمسلسلات وقصص الهوى ..

مش زي ما بنات وشباب كتير فاهمين ان الجواز .. شموع عطرية .. وقعدات رومانسية وطول الوقت يا روحي .. يا حياتي .. وكل يوم يجي يقولك غمضي عينيك .. ويلبسك عقد والا خاتم .. والا يجيبلك بوكيه ورد ..

( يا جماعة مطلوب واحد في المواصفات أعلاه على طول :D ) ..

حيرتين يا شاينر .. مش كده ؟

<{POST_SNAPBACK}>

-----------------

عزيزتى جيجى

يبدو اننا فى الهم سواء

فكلانا يحلم بما يظنه الاخرين مستحيلا

ولو عايزه تعرفى راى اصحابى اياهم فانا هقولك :

البنات غير مثقفات و عقولهم ضيقه

رايهم يودى فى داهيه و من ثم فلاداعى لاستشارتهم اصلا ولا داعى للحوار معهم فيما يتجاوز الضروريات " البيت و الاولاد و المصاريف الخ "

الستات نكديين بطبعهم و مافيش اصلا بنت دمها خفيف وان وجدتها فسوف يكون ذلك لفتره قصيره

الستات عنديين جدا ولابد ان تكون اعند منها ولا تحاول استخدام المنطق لانها محاوله فاشله

-----

و على الجانب الاخر

فان البنات رايهم ف الرجاله ماهوش احسن من كده كتير و انا اعرف بنات كتير رايهم ان الرجل انانى بطبعه ولا يهتم الا براحته الشخصيه

الرجل ديكتاتور يصمم على رايه حتى ولو كان غلط

الرجل المتزوج الرومانسى كائن منقرض و ربما لم يكن له وجود

--------------

اما عن رايى الشخصى

كلا الفريقين على خطأ

فالصفات المذكوره اعلاه قد تجدها فى اى شخص رجل او امرأه

المشكله فى ان اصحاب تلك الصفات هم من اعطوا الزواج سمعته السيئه

ولا زال يحدونى الامل فى ان اجد من ابحث عنها

بس و النبى يا جيجى ادعى لى مش انتى و روح الشرق قاعدين تدعوا لبعض و مطنشيننى

:wub:

تم تعديل 1 مارس 2006 بواسطة shinercorner

[NoorJehan]

طيب سؤال هام ذو صله بالموضوع..

بما إن زواج الصالونات بيبقى رسمى حبتين وتقليدى أكثر منه تلقائى...فماذا لو قابلت شخص مناسب جدا بكل المقاييس ولكن تنقص العلاقه تلك الshock زى ما قلتم أو الكيمياء/الإرتياح النفسى...هل تعتقدون إنها قابله للتطور بعد الزواج؟ أم إنها مجازفه إن لم تستشعرها قبله؟(فى إطار حدود تعاليم ديننا بالطبع)

أعتقد أن ناس كثيره تنزعج من زواج الصالونات لخوفهم أن "الشوك" دى ستكون مفقوده للأبد..ولكن كثيرا ما قرأت فى بريد الجمعه عن قصص بدأت تقليديه وإكتشفوا بعدها ذلك الشخص الرائع وذات الجوهره وإنهم طلعوا أنسب ناس لبعض.. :D

أفيدونا يا أهل الخبره..

هى ليه الحياه معقده كده ولا أحنا اللى بنعقدها :D

تم تعديل 1 مارس 2006 بواسطة NoorJehan

[سيزيف]

طيب سؤال هام ذو صله بالموضوع..

بما إن زواج الصالونات بيبقى رسمى حبتين وتقليدى أكثر منه تلقائى...فماذا لو قابلت شخص مناسب جدا بكل المقاييس ولكن تنقص العلاقه تلك الshock زى ما قلتم أو الكيمياء/الإرتياح النفسى...هل تعتقدون إنها قابله للتطور بعد الزواج؟ أم إنها مجازفه إن لم تستشعرها قبله؟(فى إطار حدود تعاليم ديننا بالطبع)

أعتقد أن ناس كثيره تنزعج من زواج الصالونات لخوفهم أن "الشوك" دى ستكون مفقوده للأبد..ولكن كثيرا ما قرأت فى بريد الجمعه عن قصص بدأت تقليديه وإكتشفوا بعدها ذلك الشخص الرائع وذات الجوهره وإنهم طلعوا أنسب ناس لبعض.. :blink:

أفيدونا يا أهل الخبره..

هى ليه الحياه معقده كده ولا أحنا اللى بنعقدها  :blink:

<{POST_SNAPBACK}>

عزيزتى نور

تعالى اولا نحاول ان نشرح و نحلل ما معنى تلك الكلمه الصدمه او الشراره

لا اقصد معناها اللغوى

وانما ما المقصود بها فعلا ؟

و كم من الاشخاص الذين نقابلهم يمكن ان يتركوا فينا مثل تلك الshock

و كم من اشخاص قابلناهم فعلا و تركوف فينا هذا التاثير ثم اتضح انهم ليسوا مناسبين

انا شخصيا لا اؤمن بوجود مثل تلك الصدمه و خاصه فى اللقاء الاول

و لكن ما اعتقد فى اهميته فعلا ان يشعر الانسان بعد فتره مناسبه - ثلاث او اربع لقاءات مثلا - بنوع من الميل للاخر

قدر من الاعجاب مثلا

فاذا لم يتوفر ذلك فربما يكون من الافضل عدم اكمال الموضوع

فى اعتقادى

ان المدخل الصحيح الى القلب هو العقل

اى لابد ان يقتنع عقلى بالانسانه حتى يمكن ان يتحرك قلبى ناحيتهاو لكن من ناحيه اخرى ليست كل انسانه تقنعنى عقليا قادره على دخول قلبى بالضروره

فالمشاعر ضروريه بشرط ان تكون مبنيه على اسس منطقيه

----

فاهمه حاجه ؟؟؟ :blink:

لو فاهمه ابقى فهمينى

:blink:

[yasser6666]

بصراحة عاوز اقول كلمتين بأختصار في موضوع الزواج بصفة عامة

لو نويت تتجوز وحاسس انك (رجل أو فتاة) مستعد نفسيا وماديا للاقدام عليه فتوكلوا علي الله

وربنا بيسهل كل شئ من حيث الاختيار

أما لو كنت/كنتي غير مستعد فالأفضل الأنتظار شهور أو سنين حتي تستعد

انما تقولوا عايزين نحسبها بالمسطرة وبالورقة والقلم علشان ما نندمش بعد كده يبقي كان غيرك أشطر ومحدش اتجوز وماسبق له حسابات من كل نوع

المهم تكون النية خالصة في بناء أسرة وحياة مستقرة

....

وأكيد كلنا نعرف امثلة كتيرة لزيجات تمت عن حب وهيام لسنين طويلة ولكن تنتهي بمأساة والعكس أيضا صحيح هناك زيجات (صالونات) وبتكون هادئة وسعيدة ومتوفقة ومستمرة للأبد

....

وأذكركم بصلاة الأستخارة قبل الأقدام علي خطبة أو زواج وربنا بيوفق بعد كده حتي ولو كانت كل المؤشرات تدل علي صعوبة اتمام الزواج

[مصرية الهوى]

يا سلام يا شاينر على اصحابك الحلوين دول :) ..

بس على فكرة الواحد بيكون نظرة عن الجنس الآخر ..

من الناس اللي يعيش معهم ..

فلو واحد مراته نكدية .. يفتكر ان كل الستات نكديين ..

ولو وحده جوزها اناني ... تفتكر ان كل الرجاله انانيين ..

يعني ..

:D

خلاص ماشي يا شاينر هأدعيلك من عينيا ..

هأدعيلك تطلع دكتور ..

أو واحد فنان مشهور..

أو بحار بيعدي بحور ..

وبيخطف قلب البنوتة .. :o

[سيزيف]

خلاص ماشي يا شاينر هأدعيلك من عينيا  ..

هأدعيلك تطلع دكتور ..

أو واحد فنان مشهور..

أو بحار بيعدي بحور ..

وبيخطف قلب البنوتة .. :)

<{POST_SNAPBACK}>

----------------------

عزيزتى جيجى

ميرسى جدا على الدعوه

بس يا ستى مع كامل احترامى للدكاتره و البحاره و الفنانين انا كفايه عليا قلب البنوته :D

بس بشرط انها كمان تخطف قلبى

[مصرية الهوى]

بس يا ستى مع كامل احترامى للدكاتره و البحاره و الفنانين انا كفايه عليا قلب البنوته  mfb:

بس بشرط انها كمان تخطف قلبى

<{POST_SNAPBACK}>

ياسيدي .. ما هو لازم تبقى دكتور والا بحار والا فنان ..

عشان تقدر تخطف قلب البنوتة ..

امال قلبها هيتخطف عشان سواد عيونك :)

ماشي ندعيلك كمان انها تخطف قلبك ..

يعني اخطف قلبها وتخطف قلبك ..

ده مبقاش حب .. الموضوع بقى متاجرة في الأعضاء :D ..

[مسافر زاده الخيال]

منتكلم بصراحة ووضوح اكتر.................(وياريت الاخوة والاخوات المتزوجون من مده طويلة يساعدونا ضروري)

هل هناك او من الضروري لعملية الزواج حكاية (الحب) بشكلها الروائي والسنماوي والرويات.

ام ان المسألة هي استعداد عقلي ونفسي وبدني ومادي بالدرجة الاولى وبعدها او خلالها او اثنائها يأتي الحب الحقيقي المتين؟

وبالنسبة للفتيات (اللي على وش جواز) هل لو جائك رجل مقتدر وذو خلق من مجاميعه تفضلي الارتباط بيه؟

ولا حيكون رأيك (محبوش مشعرش بناحيه بمشاعر)؟

بصراحه رأيي (رغم اني اعزب ولم اعرف الحب او احب وحده) ان فكرة الحب بالطريقه الرومنسية الروائيه عبط وتخلف والزواج مشروع اكبر جديه واعقد-بالنسبة لنا نحن الشرقيين_ اما في الغرب فالمسألة زاطت وبقت ملهاش وش من رجلين حيث ان الحب (المتوهم) اصبحت هي الغاية سواء مع زوج او عشيق او شريك من نفس النوع والعياذ بالله ....................

والسلام