مصر تطلب تفسيرا بعد تصفية 9 من سجنائها فى البصرة

[م الغزالى]

الخبر

ذكرت مصادر أمنية (عراقية) أول امس أن مسلحين يرتدون زى الشرطة العراقية اقتحموا سجن فى مدينة البصرة وأخرجوا 12 سجينا إلى مكان فى ضواحى المدينة وقتلوهم.وأبلغت المصادر أن المحتجزين هم تسعة مصريين وسعودى واحد وعراقيان

وذكرت وزارة الخارجية المصرية فى بيان لها أنها تجرى اتصالات مع الجانب العراقى لتحرى حقيقة ما نشر بشأن مقتل مصريين كانوا مسجونين فى البصرة فى إطار ردود الفعل التى توالت بعد حادث تفجير الضريح الشيعى فى سامراء.وقال أحمد أبو الغيط وزير الخارجية فى البيان

"إننا ننتظر تفسيرا رسميا من السلطات العراقية"

التعليق :

- بالله عليكم تتبعوا معى ماذا سيحدث بعد ذلك هذا بفرض أن الحكومة الموقرة ستتابع هذا

الموضوع (أكيد اللوم سيقع على هؤلاء المساكين)

- ياترى لو لم يكن حدث ماحدث هل كنا سنعلم عنهم شئ ؟

- ياترى كم من مصريين أخرين مفقودين أو سجناء يبحث عنهم اهلهم ؟

- فى رقبة من دماء هؤلاء المساكين ؟

- ياترى هل حسن حظ هِؤلاء المساكين أن قتلوا حتى على الأقل يعرف ذويهم أين هم ؟

- هل منكم من يتذكر الجاسوس الإسرائيلى عزام وما فعلته دولته من أجله !!!

- 1000 + 9 راحوا مش مشكلة عندنا منهم كتير واهى مجرد أرقام

اخر الكلام ...

سامحونى نسيت ...... هى دى مصر ... التى لم تستطع إنقاذ القائم بأعمالها فى العراق ... أى رمزها مابالكم بعامة الشعب

لكم الله يا أهل مصر

[last_Samurai]

اخىKoenig der Loewen

التهاون من زمان اوى

افتكر ملف الاسرى المصريين فى 73 بعد ما اسرائيل دفنتهم احياء وداسوا عليهم بالدبابات

عمر المصرى ما حيكون ليه سعر طول ما الناس دى مخليين ولادهم بعيد عن اداء الخدمه العسكريه وما الى ذلك

بالله عليك حرب الخليج فيه حد من اللى فى السلطه بعت ابنه اتحدى!!!!!!!!!!

الى الان الصينيين يقاضون اليابانيين عن المجازر اللى عملوها فى الحرب العالميه الثانيه

والدكتور حسين ممكن يحكى عن الكلام ده

يا عينى عليك يا مصرى!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

:(((((((((((((((((((((((((((((((((((((((((((((((((((((((((((((((((((((((((((

[mohmaher]

مش بس الحكومة العميلة هي المسئولة عن رخص ثمن المصري في بلده وخارجها ...

كمان الشعب اللي نايم .. و عايز حقوقه تجيله لغاية باب البيت .. ده أصلا اذا كان عارف ايه هي حقوقه !!!

بجد يا جماعة أنا متشائم اوي للي بيحصل في البلد كل يوم .. هم الناس مستانيين ايه اكتر من كده علشان ننتفض و نكنس العالم الزبالة اللي كبسين على نفسنا دول ..

حتى المثقفين نايمين و اللي صاحي فيهم عددهم قليل والباقي معظمهم عامل نفسه يا اما مش سامع يا اما مش شايف .. يا اما بينتقد على استحياء شديد ..

ربنا يتوب علينا و يهدي الناس و تفوق و تعرف مصلحتها .

[se_ Elsyed]

أرجو من السادة الزملاء الأفاضل أن يكفوا على هذا الخبر ماجور .. فلا داعي لإثارة مزيد من القلاقل ..

فحكومتنا يا سادة لديها كثير من المشاغل .. كما أن لديها تارجت أو كوتا مُعينة بتتحرك بعدها

وحسب علمي من مصارد موثوق بها إن الكوتا دي هي ( 1000 شخص ) فما فوق

فلما يتقتل 1000 شخص في العراق يبقى لكم حق تتكلموا وتلوموا الحكومة ..

---

وبعدين إنتوا يا شعب ما تملوا نفسكوا شوية .. هي الحكومة هاتعملوكوا إيه ولا إيه ؟!!!!

هاتحاول تسد الأخرام بتاعت العبارة ولا تمشي نكشه شعرها في الشارع وتقول لناس إوعى الكتاكيت .. ماحدش ياكل فراخ ....ولا هاتبعت قوات تدحر أمريكا وحلفاءها وتنتزع من أيديهم المصريين هناك ؟