تجربة شخصية .... مع الحجامة

[se_ Elsyed]

أخوكو سين سين مُبتلى بداء غريب جداً وهو ( الفضول وحب خوض المغامرات ) ولو على حساب حياتي وكذا مره كنت هاموت قبل كده بالذات وأنا صغير سواء من الكهربا أو الغرق وساعتها ماكنتش بأعرف أعوم .. يالله ما علينا

المهم ما أطولش عليكوا ...- قولو طول -

لي صديق طبيب متخصص في علم التغذية والطب البديل .. ورجل نحسبه عند الله من الملتزمين ومن الناس اللي تشوفهم ترتاح نفسياً من غير حتى ما تتكلم معه ... المهم قاعدين بنتكلم في مره فجت سيرة الحجامة .. فقلت له بصراحة أنا ما عرفش حاجة عنها .. او كل اللي أعرفه إني شفت في كذا فيلم - ومنها الزوجة الثانية - الليلة يا عمده - العمدة صلاح منصور رابطين دماغه بمنديل وعمالين يلفو ويزنقوا المنديل على راسه لحد ما كانت هاتفرقع وبعدين الحلاق - عم حسن البارودي - راح واخده بشلة ونزل دم من دماغه وبعدين خف ...

الراجل طبعاً بص لي شذراً :D وقالي حسن منصور مين وصلاح البارودي مين ؟ يا عم اللي إنت بتتكلم عنه ده إسمه "الفصّد " وده عامل زي التبرع بالدم كده ... أما الحجامة فحاجة تانية ... بأقولك إيه ما تجيلي العيادة أعمل لك حجامة وأعلمك كمان تبقى حجام معتبر ... وأهي إسمها أحياء لسُنة النبي وممكن بعد كده تبقى حجام أد الدُنيا ؟

فقلت له معقول ممكن أتعلمها بسهولة ... فقال لي بسهولة ويُسر كمان دي سهلة جداً ..

فقلت له بس أنا ما بأشتكيش من حاجة والحمد لله يا دكتور .... اللهم إلا إني عايز أزيد بتاع 10 كيلو إذا أمكن يعني ... فقال وماله ده الحجامة برضوا وقاية وبتنشط الدورة الدموية ... فقلت في عقل بالي ( طالما ببلاش يا واد يا سين سين ما تجرب .. وأهو إذا جت على الصحة ... فالصحة بتروح وتيجي أما الريال فإذا راح فما بيجيش تاني :D )

وقال بس عشان خاطري لو عندك حد من أصدقاءك عايز يعمل حجامه تجيبه معاك وأخدكوا كلكم وش واحد عشان وقتي بس وكده ..

فأول واحد جه في بالي هو صديقي العزيز المهندس " هاندي كرفت " اللي بأحب أجرب عليه كل ما هو جديد ومفيد ... بس كعادته فطن إلى ما أخطط له وقالي كلمتين بس " مع نفسك " ... قلت له يابني ما تخافش : قالي برضوا مع نفسك أنا عندي عيال عايز أربيهم ... المهم ربنا ما بينساش حد .. خدت 3 صعايدة من زملائي :D الأعزاء اللي بيعاني من إلتهاب مُزمن في الجيوب الأنفية عشان جو الرياض الجاف ... واللي عنده صداع ما بيروحش وبقى مُدمن بنادول ... وواحد تالت عايز يخس لإن كرشه كبر وما بقاش يقدر يهرش فيه حتى :D وروحنا للراجل العيادة وهو على فكرة مدير أحد المستشفيات وزوجته أيضاً تعمل في نفسي المجال وكانت رئيسة قسم الحجامة بالمستشفى السعودي الألماني لكن مع وجود أطفال محتاجين رعاية ففضلت رعايتهم وتركت مجال الطب مؤقتاً .

المهم روحنا يوم الخميس الماضي للراجل ... ومن أولها لقيت العيال اللي معايا عايزين يفلسعوا ... ليه وليه لإن الدكتور مالقاش غرفة فاضية إلا عيادة " الأمراض النفسية والعصبية " فمتنا على نفسنا من الضحك وقالوا يفتح الله .. ده من أولها التجربة لا تُبشر ..

فتشجعت أنا وقلت لهم تعالو ما تخافوش ده بس تلاقيه مالقاش مكان فاضي ..

فقال نبدأ بمين ؟... فكلهم في نفس واحد قالوا ... باللي جابنا هنا طبعاً وصاحب الشورة... وبالفعل بقيت عامل زي الضفدعة اللي بيشرحوا عليها لبتوع سنة أولى طب ... وإبتدا الراجل يحجمني ...

وبين وبينكم التجربة مُثيرة لكن مُتعبه وبتترك أثار على الجسم لمدة لا تقل عن 3 أيام لدرجة إن قفايا بقى فيه لُطع عامله زي القطايف كده وحمراااااااااا وعمال أدهن مراهم وأداريه لاحسن حد يظُن إني إتأفأف لي في قسم الشرطة ... وتأكدت ساعتها إن القفا ده بيسحتمل بلاوي وماحدش حاسس به .. على عكس العيون والمناخير والشفايف اللي الكل عمال يتغزل فيهم وهما ما بيعملوش حاجة مقارنة بالقفا ..

لكن موضوع الحجامة ده بالظبط عامل زي ما يكون الواحد كده ما بيلعبش رياضة وبعدين يبدأ بشوية سويدي ويجيب كام كوز أسمنت ويعملهم زي الحديد ويبتدي يمرن عضلاته ... فبعدها بيوم يحس إن جسمه مدغدغ وكإن واحد نازل عليه بشومه مكسر عضمه ... لكن يومين تلاتة بيشعر بإنتعاش غررررررريب وكإنه عمل عملية مساج وعضلاته كلها فكت ..

وعلى فكرة جبت منه كام ورقه كده بأصورهم دلوقت وفيهم المُختصر المفيد وكمان أسامي مواقع على الإنترنت فيها معلومات مُفيدة جداً ... واللي عايزهم يبقى يبعت لي رسالة عشان أبعتهم له على الميل ... لإنها سهلة جداً وادواتها كمان متوفرة عند محلات المسلزمات الطبية بسعر زهيد للغاية ( العدة كلها بـ 25 ريال هنا ) وكمان بتبقى سهلة الواحد يتعلمها ويُجري عملية الحجامة لنفسه .

يُتبع

[se_ Elsyed]

عودة الحجامة تهز عرش الطب الغربي!!

ميَّادة الصباغ

--------------------------------------------------------------------------------

الحجامة ممارسة طبية قديمة، عرفها العديد من المجتمعات البشرية، من مصر القديمة غربًا التي عرفتها منذ عام 2200 ق.م مرورًا بالآشوريين عام 3300 ق.م، إلى الصين شرقًا، فالحجامة مع الإبر الصينية أهم ركائز الطب الصيني التقليدي حتى الآن، وقد عرف العرب القدماء الحجامة - ربما تأثرًا بالمجتمعات المحيطة - وجاء الإسلام فأقر الممارسة؛ فقد مارسها رسول الله (صلى الله عليه وسلم)، ففي الصحيحين أن النبي (صلى الله عليه وسلم) احتجم وأعطى الحجَّام أجره، كما أثنى الرسول (صلى الله عليه وسلم) على تلك الممارسة، فقال كما جاء في البخاري: "خير ما تداويتم به الحجامة".

ومن ثَم فقد مثَّلت الحجامة جزءاً أساسيًّا من الممارسات الطبية التقليدية للعديد من المجتمعات العالمية، إلا أنه بعد أن استشرى الطب الغربي "الاستعماري" في بلاد العالم أجمع، وصار هو "الطب" وما عداه خرافة ودجل، وبعد أن انتشرت شركات الأدوية وتغوّلت، تراجعت تلك النظم والممارسات الطبية التقليدية إلى الظل، فظلت بقايا هنا وهناك في بعض بلدان الخليج العربي - كممارسة تقليدية غير رسمية - وفي الصين ومجتمعات شرق آسيا -كجزء من المحافظة على التراث الطبي التقليدي -، وظل الأمر كذلك حتى بدأ الناس في الغرب يكفرون شيئًا ما بالطب الغربي، ويتراجعون عن تقديسه، ويرون أنه يمكن أن تتواجد نظم أخرى من الطب بديلة أو مكملة؛ ومن ثم بدأت تنتشر العديد من الممارسات التقليدية مرة أخرى في دول الغرب والشرق هنا وهناك.

وأخيرًا بدأت الحجامة تدخل على استحياء ووجل إلى بعض مجتمعاتنا، ففي مصر مثلاً وفي أحد أحياء شرق القاهرة، يوجد الآن مركز يقوم بتعليم الحجامة وممارستها مجانًا كنوع من إحياء السنة، وإلى هذا المركز بدأ بعض الأطباء يحيلون بعض مرضاهم لعلاجهم من بعض الأعراض، أما في الغرب والشرق فتُمارس الحجامة ويتم تعليمها وتصدر عنها الكتب وينشر عنها على صفحات الإنترنت كجزء من حركة الطب البديل، فهل يمكن أن تشهد بلادنا عودًا حميدًا للحجامة؛ لتُمارس في النور كجزء نعتزُّ به من الممارسة الطبية التي تحتاج لإعادة اكتشافها واختبارها بأساليب البحث والتجريب الحديثة؛ حتى نفهم أسرارها وطريقة عملها حتى لا تظل أسيرة التفسيرات القديمة أو الوافدة؟ سؤال كبير ستجيب عنه الأيام القادمة.

وفي السطور التالية نتعرف على تلك الممارسة عن قرب

أدوات الحجامة

كأس (أو برطمان صغير) بفوّهة قطرها 5 سم به ثقب من جانبه، موصول به خرطوم، والخرطوم له محبس.

ويُغطَّى فوهة الكأس ببالون مطاط، ويستعمل الحجّام قفاز طبي ومشرط معقّم.

أنواع الحجامة وطريقتها

هناك نوعان من الحجامة: 1 - الحجامة الجافة 2 - الحجامة الرطبة.

1 - الحجامة الجافة:

أ - يتم وضع الكأس على المكان المحدد (طبقًا لنوع المرض أو العرض).

ب - يتم شفط الهواء من خلال الخرطوم حتى يتم تفريغ الهواء، (ويتم الشفط إما عن طريق الفم أو باستخدام شفاط أو سرنجة).

ج - يتم شفط قطعة من سطح الجلد داخل الكأس.

د - يُحبس الهواء عن طريق غلق المحبس.

هـ – يُترك الكأس هكذا لمدة تتراوح من 3 – 5 دقائق.

و - ثم ينزع الكأس فنجد دائرة حمراء على سطح الجلد مكان فوهة الكأس. وتسمى هذه الطريقة بكأس الهواء Cupping.

الحجامة الرطبة:

يضاف إلى ما سبق:

أ - تشريط الطبقة الخارجية من الجلد بعمق قليل جدًّا حوالي 0.1 مم يشبه الخدش وبطول حوالي 4 مم وبعدد 1 شرطة أو أكثر أو أقل موزعة على 3 صفوف، يتم وضع الكأس ثانية فوق الدائرة الحمراء، وتتم عملية الشفط وحبس الهواء ثانية، مما يؤدي لخروج كمية من الدم تختلف بحسب المرض، ثم تُنزع الكأس بحرص شديد مع وضع منديل أسفل الكأس ويفرغ الهواء تدريجيًّا من خلال المحبس، ويتم وضع منديل آخر داخل الكأس لامتصاص الدم، ثم يتم مسح الدم بالمنديل الموضوع أسفل الكأس في اتجاه من أسفل إلى أعلى، وإذا لاحظنا خروج الدم ثانية من الشرط يتم تكرار العملية.

ونستطيع التكرار خمس مرات حتى نلاحظ عدم خروج الدم. وبعد آخر مرة يجب تطهير مكان التشريط مباشرة بعسل النحل أو حبة البركة أو بأي مطهر عادي.

ويمكن تغطية المكان بـ"بلاستر" وبالنسبة لمرضى السكر والسيولة في الدم يستخدم الوخز بالإبر الطبية المعقمة بدلاً من التشريط، ويحذر على الحامل بعض الأماكن حسب شهر الحمل.

ملاحظات ومحظورات:

وللحجامة شروط فلا نستطيع أن نقوم بها في أي وقت ولأي شخص:

* ورد في كتب الطب القديمة، والسنة أن وقتها هو السابع عشر والتاسع عشر والحادي والعشرون أو في الربع الثالث من كل شهر عربي يقول ابن القيم في زاد المعاد: لأن الدم في أول الشهر لم يكن بعد قد هاج … وفي آخره يكون قد سكن، وأما في وسطه وبعيده فيكون في نهاية التزيد، وينقل عن كتاب القانون لابن سينا قوله: "ويؤمر باستعمال الحجامة لا في أول الشهر؛ لأن الأخلاط لا تكون قد تحركت وهاجت، ولا في آخره؛ لأنها تكون قد نقصت وقلّت، والأخلاط في وسط الشهر تكون هائجة بالغة في تزايدها لتزيد النور في جرم القمر.

أورد ابن القيم قولاً أن الحجامة على بطن فارغة أفضل من بطن ممتلئة فهي على الريق دواء، وعلى الشبع داء.

وتكون الحجامة في الصباح والظهر أفضل من الليل. وهي مستحبة في أيام الإثنين والثلاثاء والخميس، ومنهيّ عن أيام السبت والأربعاء، ومكروهة في الجمعة. ينقل ابن القيم في زاد المعاد عن ابن سينا قوله: أوقاتها في النهار الساعة الثانية أو الثالثة ويجب توقيها بعد الحمام إلا فيمن دمه غليظ، فيجب أن يستحم ثم يستجم ساعة ثم يحتجم.

يقول ابن القيم: واختيار هذه الأوقات للحجامة فيما إذا كانت على سبيل الاحتياط والتحرز من الأذى وحفظًا للصحة، وأما مداواة الأمراض فحيثما وجد الاحتياج إليها وجب استعمالها.

وفي فصل الصيف الحجامة أفضل من فصل الشتاء (يمكن تدفئة الغرفة). وفي البلاد الحارة أفضل من البلاد البادرة، يقول ابن القيم في زاد المعاد: والتحقيق في أمرها (أي الحجامة) وأمر الفصد أنهما يختلفان باختلاف الزمن والسكان والأسنان والأمزجة، فالبلاد الحارة والأزمنة الحارة والأمزجة الحارة التي دم أصحابها في غاية النضج الحجامة فيها أنفع من الفصد بكثير، فإن الدم ينضج ويرق ويخرج إلى سط

[se_ Elsyed]

الحجامة

دي مش صورتي طبعاً

[Diab]

موضوع جميل

[akramgroup]

فعلا انا نفسى اعمل حجامه بقالى فترة وبصراحه مش جايلى قلب اعملها

وفى نفس الوقت خايف من موضوع العلامات اللى بتكون فى الجسم وخصوصا انى بشوف

بعض اللى بيعملوها بيكون حالقين شعرهم من ورا بالموس مش فاهم ليه

طسب ياريت يا س س تبعتلنا اللنكات والشرح عشان نحاول باذن الله

وربنا يجعله فى ميزان حسناتك

تم تعديل 2 أبريل 2011 بواسطة akramgroup

[se_ Elsyed]

بصراحة بعد 5 سنوات على التجربة أنا وزملائي .. إتضح إن ليس لها أي فائدة ...

مش عارف يمكن تكون افادت ناس تانية

[hOuSsAm]

بصراحة بعد 5 سنوات على التجربة أنا وزملائي .. إتضح إن ليس لها أي فائدة ...

مش عارف يمكن تكون افادت ناس تانية

هو انت كنت مستنى منها ايه بالظبط ومحصلش؟

اتعشمت فى ايه؟؟؟؟؟

[عبير يونس]

المثل بيقول:

اللي يعتقد في الحجر يشفيه

أساس الشفاء هو ( قوة الاعتقاد) اليقين

ربنا سبحانه و تعالى خلق الداء و الدواء

و من رحمته سبحانه ان الشفاء حقيقته انه بداخلنا

يعني ستشفى حتى و لو لم تتعاطى أي عقار

أو تأخذ أي علاج

يقينك في الشفاء يجعله يحدث حتى بدون تناول دواء

و قد اكتشف العلماء ان الجسم يفرز المورفين ذاتيا بدون تدخل منا عند الاحساس بالألم الشديد

و عند الحوادث و الاصابات الشديدة - عافانا الله و إياكم- يحدث إغماء فوري للانسان

كأنه فصل بطارية سبحان الله

و العسل و الحجامة و الكي علاجات مؤكدة من الهدي النبوي الشريف

و عن نفسي جربت الحجامة عندما كنت حامل في طفلي الأول و كانت عندي آلام مبرحة في الظهر و الحوض

و كانت تؤثر على ساقي حتى انني كنت أفضل قطعها على الألم الذي كنت أصرخ منه حتى انهار من التعب و أنام

ظللت شهرين على هذه الحالة و فقدت الكثير من وزني

من قلة الأكل و النوم

و زرت أكثر من 8 أطباء

مختلفي التخصصات ما بين عظام و مخ و أعصاب

و كل واحد منهم بتشخيص مختلف

و الجميع يقول نفس العبارة

(لا يمكن أقدر أعمل لك حاجة و انتي حامل)

أحدهم قال ان ما بي اما سحر أو مس من غرابة ما رأي من الصراخ المتواصل ثم الهدوء التام بعد ذلك!!

حتى أكرمني الله بأخت فاضلة عرضت عليا الحجامة

و فعلا حجمتني

و لن أنسى قولها:

" لابد أن تكوني على يقين انها ستكون سببا في شفائك"

و بعد ٍأول جلسة

شفاني الله تعالى بنسبة 80%

و تاني يوم من الجلسة دي كنت بأصلي الجمعة في المسجد

بعد ان كنت لا أستطيع الحركة متر واحد دون مساعدة

و الاسبوع التالي حجمتني مرة أخرى

فشفاني المولى عز وجل شفاء تاما و كأنني لم يكن بي شيئا!!!

سبحان الله الشافي

سبحان من خلق لكل داء دواء

و تبقى تجربة المرور بأقسى أنواع العذاب و العجز ثم يد العناية الالهية التي تمتد لتنتشلنا من بئر الألم

[Diab]

مصرية مغتربة

سمعت كلمة ولسة بترن في ودني

الله لا يجرب " بضم الياء وفتح الجيم "

[se_ Elsyed]

بصراحة بعد 5 سنوات على التجربة أنا وزملائي .. إتضح إن ليس لها أي فائدة ...

مش عارف يمكن تكون افادت ناس تانية

هو انت كنت مستنى منها ايه بالظبط ومحصلش؟

اتعشمت فى ايه؟؟؟؟؟

أنا الحمد ما كنتش بأشتكي من حاجه .. وخضت التجربة من اجل التجربة

لكن لما الدكتور أكد لزملائي اللي حساسية الجيوب الأنفية مبهدلاهم بالذات عشان جو الرياض الجاف .. أكد لهم إنها مفيدة للعرض اللي بيعانوا منه ده

ما فيش أي تحسُن حدث ...

[عصام أبوالفتح]

تجديد الانسجة والدماء وشفط تجمعات الانسجة التالفة من اهم فوائد الحجامة

انا جربتها شخصياً وهى ممتازة .. وكل ما كان الدم اللى طالع غامق كل ما دل على نجاحها وانها فى المكان الصحيح.

بس هى علم ومهارات الناس بتختلف فيها زى الابر الصينية كده على حسب هاتتغز فين بالضبط !!

تم تعديل 3 أبريل 2011 بواسطة عصام أبوالفتح

[عصام أبوالفتح]

أنا الحمد ما كنتش بأشتكي من حاجه .. وخضت التجربة من اجل التجربة

لكن لما الدكتور أكد لزملائي اللي حساسية الجيوب الأنفية مبهدلاهم بالذات عشان جو الرياض الجاف .. أكد لهم إنها مفيدة للعرض اللي بيعانوا منه ده

ما فيش أي تحسُن حدث ...

انما يا س س طالما بتجرب للتجربة ملقيتش حتة تانية غير القفا تشرطها ؟ :)

واول مرة اسمع ان الحجامة بستخدم لازالة الكرش :blink:

ده ولا 30 سنة

تم تعديل 3 أبريل 2011 بواسطة عصام أبوالفتح

[مغتربة]

طيب انا عايزه اسال الى جربها

هل هى مؤلمه اثناء عملها يعنى بتحس بايه بالضبط

و كمان فى الالام معينه بعدها فى المواضع الى اتعملت فيها مثلا و لا حاجه عامه زى ما بتقولوا زى الى اول يوم ينزل الجيم يلعب

ودا عايزه اعرفه بالنسبه للتشريط و بالنسبه لكاسات الهوا

[عبير يونس]

مصرية مغتربة

سمعت كلمة ولسة بترن في ودني

الله لا يجرب " بضم الياء وفتح الجيم "

كلام حضرتك مضبوط يا فندم

بس مفيش في كلامي هذا المعنى!!!

بالعكس

ده أنا بأعتبر أن الشفاء لا يتم إلا باليقين في الله الشافي

فكيف يجتمع اليقين بالتجربة؟؟؟!!!

قلت:

تجربة المرور بالمرض

تجربة كانت قاسية جدا

لم أخرج منها إلا باليقين في الله تعالى

و ما كانت الحجامة الا أخذ بالأسباب

و لم أقل تجربة الخالق عز وجل حاشا لله

تحياتي

[عبير يونس]

طيب انا عايزه اسال الى جربها

هل هى مؤلمه اثناء عملها يعنى بتحس بايه بالضبط

و كمان فى الالام معينه بعدها فى المواضع الى اتعملت فيها مثلا و لا حاجه عامه زى ما بتقولوا زى الى اول يوم ينزل الجيم يلعب

ودا عايزه اعرفه بالنسبه للتشريط و بالنسبه لكاسات الهوا

رأيي أن توقع الشعور بالألم يكون له أثر واضح في زيادته

عن نفسي آلامي كانت لا تحتمل فلم أشعر لا بالتشريط و لا بكؤوس الهواء

عملتها مرة ثانية بعد الأولى بسنوات لعلاج القولون

و لم اشعر بألم عند التشريط

هو أشبه " بزغزغة "

و أماكن التشريط لا تشعرين بألم فيها

فقط عليكي عدم الاستحمام لمدة يومين حتى لا تصل رطوبة لأماكن التشريط

و ألا تكثري من تناول الطعام

هناك حجامة لزيادة المناعة و حتى وان لم تكوني تشكين من أي شيء

و هذه لها أيام مفضلة في الشهر القمري غالبا 17 أو 19

غير متأكدة لأنني لم أفعلها لهذا السبب

أما اذا كان هناك علة فيتم عملها في أي وقت

و لها أيام استحباب أذكر منها يوم الخميس لأني فعلتها فيه

[fatfouta]

شطورة يا مصرية جاوبتى على كل الحاجات اللى كنت عاوزة أسأل عليها

[Mostafa Kasem]

لم اجربها شخصيا و لكن اعرف اشخاص يجربونها

احدهم يعاني من انزلاق غضروفي مزمن و يتعالج بها كل شهر مرة لتسكين الالام و بالفعل تأتي بنتيجة جيدة لفترة معقولة

احدى المتزوجات حديثاً لم تكن تنجب و دارت على اطباء كثيرين و تعالجت بمبلغ كبير دون فائدة الى ان اشارت عليها احدى النساء (من معارفي) باجراء حجامة الرحم و هي تكون اسفل السرة(بواسطة خبير) و بالفعل كان هناك تجمع دموي فاسد كبير و رزقها الله بالحمل بعد شهرين تقريبا من العملية

اخر حدثني ان جدته كانت تعاني من ثقل في اللسان حين الكلام و اجرت حجامة بشرط اجزاء معينة في اللسان و بعدها تعافت من المشكلة

لا اعرف سبب علمي لما تحدثه ولكني وجدت الطريقة تمارس هنا في انجلترا في عيادات خاصة و تسمى بالكابينج ثيرابي

المهم انني سمعت ان هناك مكان على الجبهة للحجامة لتنشيط الذاكرة - و انا الحقيقة لم اجد من جربها بالفعل و الحقيقة كتير مننا محتاجها فلو حد عنده معلومات عنها يقولنا

cupping therapy

[dongol]

طيب انا عايز اعملها في الامارات يا ريت لو حد عملها هنا يقلنا عملها فين

[Diab]

مصرية مغتربة

سمعت كلمة ولسة بترن في ودني

الله لا يجرب " بضم الياء وفتح الجيم "

كلام حضرتك مضبوط يا فندم

بس مفيش في كلامي هذا المعنى!!!

بالعكس

ده أنا بأعتبر أن الشفاء لا يتم إلا باليقين في الله الشافي

فكيف يجتمع اليقين بالتجربة؟؟؟!!!

قلت:

تجربة المرور بالمرض

تجربة كانت قاسية جدا

لم أخرج منها إلا باليقين في الله تعالى

و ما كانت الحجامة الا أخذ بالأسباب

و لم أقل تجربة الخالق عز وجل حاشا لله

تحياتي

انا باكد كلامك مش بنفيه

يقينك في أنه شفاء

جعله فعلا شفاء

س س حالته تختلف لانه لم يكن يعاني من شيء والحمد لله ربنا يديله الصحة بقي

احاديث الحجامة في الصحيح

4 - إن أفضل ما تداويتم به الحجامة والقسط البحري . ولا تعذبوا صبيانكم بالغمز

الراوي: أنس بن مالك المحدث: مسلم - المصدر: صحيح مسلم - الصفحة أو الرقم: 1577

خلاصة حكم المحدث: صحيح

عاد عمر بن الخطاب رضي الله عنه احد المسلمين وهو مريض

فوضع عمر بن الخطاب يده على جسد المريض ورقاه بالفاتحه

فشفي الرجل

وبعد ان استشهد عمر رضي الله عنه مرض هذا الرجل مرة اخرى فعاده

احد اخوانه المسلمين واراد ان يفعل كما فعل عمر فوضع يده

على جسد المريض ورقاه بالفاتحه ثم قال له كيف حالك الان

فقال كما انا اي انه لم يحصل الشفاء

فقال هذا الرجل كلمته المشهوره

الفاتحه هي الفاتحه ولكن اين يد عمر

تم تعديل 3 أبريل 2011 بواسطة Diab

[ozoozo]

انا زوجتي خريجه علوم وكان مشروع تخرجها في cupping therapy

وبتعرف تعمل حجامه ومؤمنه بفاعليتها جدا

لكني لا اثق به 100 %

لكن حدث معايا موقف اني كنت اعاني من تنميل مستمر لمده اسبوعين بالخنصر الايمن لدرجه اني لااستطيع حمل شئ ولا اشعر به عند تعريضه للسخونه او البروده

ولما روحت للدكتور قاللي في اختناق في العصب نتيجه الجلوس الطويل علي الكومبيوتر والسواقه لفترات طويله واخدت علاج ولم ياتي بنتيجه فقالي لازم عمليه لتسليك العصب

فقولتله لا ياعم مش لا عب عمليه وزروطه ودم ماليش فيه

وفي الاخر قولت اجرب الحجامه

والحمدلله خفيت بنسبه 90%

بس مش عارف ده من تاثير الدوا اللي كنت باخده ولا فعلا من الحجامه اللي نجتني من العمليه

تم تعديل 3 أبريل 2011 بواسطة ozoozo