جمله سمعتها ولسه بترن في ودانك رغم مرور السنين ؟

[عبير يونس]

جرى ايه يا حسام افندي

نسيت الانجلش و الا ايه؟

:blink:

حرف ال

B

بيجي قبل حرف ال

P

دي آخرة تعبي معاكم

bsh:)

[hOuSsAm]

مصرية متغربة

مرسلة اليوم, 02:15 PM

جرى ايه يا حسام افندي

نسيت الانجلش و الا ايه؟

حرف ال

B

بيجي قبل حرف ال

P

دي آخرة تعبي معاكم

اللى مفهمتوش معنى الكلام او الهدف منه ودريم ربنا يكرمها وضحت المعنى

---------------------------------

انا فعلا مستوايا قل فى الانجلش لانى كنت ماسك سكش الانترناشونال وسبته بقالى فترة ومسكت اللوكال:( بالاضافة انى هجرت الكتب بقالى 6 شهور فهجرتنى المعرفة - ربنا يرجعها ايام

--------------------------

بس ايه افندى دى مش انا كنت باشا من شهر - بسرعة كدة سحبتوا منى البشوية :( اللى دفعت فيها دم قلبى

وانا اللى عامل شغلى كويس واعد ارفع تقارير سرية للادارة ومتعاون وعامل شغل مخابرات على اعلى مستوى :P

ماشى ماشى

شاب سيس اسقط رئيس

كلمة السر :)

[عبير يونس]

لا.... أفصل يا حج

الله يرضى عليك

اللي بتقولك يا أفندي دي ميس مصرية

و تُقال لك على سبيل التقريع

لأنك بقى لك فترة كبيرة مطنش الهوم وورك و منتهز فرصة عدم التفتيش عليه

أما مصرية المشرفة

فوجه آخر يا فتى

لا علاقة له بهذه الأمور التعليمية

[عبير يونس]

عليك أن تكون أنت التغيير الذي تريده للعالم

المهاتما غاندي

[الباشمهندس ياسر]

نحن مسلمون من باع اسمه فقد باع دينه

[fatfouta]

عش ماشئت....فإنك مفارق

[shiko]

جدتى سمعتنى كلام كتير ....

لسة لغاية دلوقتى بيرن فى ودانى ....

بس لو حبيت اركز فى اكتر حاجة كانت بتقولهالى :

يبقى

انتى على طول سرحانة وتايهة ؟؟

هو انا مين جابنى هنا اصلا ؟؟

[masraweya]

ما بين طرفة عين و انتباهتها .. يغير الله من حال إلى حال

[ذهبية]

الحياة بلا هدف لا معنى لها

[لماضة مصرية جدا]

السلام عليكم و رحمة الله و بركاته

هو انا مش راح اقدر حكم زي اللي حضراتكم كتبتوها

انا هكتب حاجات كنت و لازلت بتخرم صوصرو دوني حتي هذه الحقبة الزمنية من تطور الديناصور

الاولانية

"اللي يعاكسك...يا لماضة اضربيه"

و دي سمعتها منب بابا و انا في تالتة ابتدائي لما ولد من المدرسة اللي قصاد مدرستنا كان بيفضل كل يوم يقف و بعدين في منعطف تاريخي راح متهور و قالي..."انا عايز اتجوزك".....و انا زي الشاطرة روحت و حكيت لبابا

و منساعتها حضرات السادة المستشارين و السادة القضاة و الجمع الموقر...و انا عندي رد فعل عنيف لما بلاقي اي حد بيقولي هذه الجملة اللطيفة

هو معرفشي بابا كان نصحني بيها من انهي اتجاه....(يعني اتجاه المرج حلوان....و لا اتجاه حدايق المعاد)....بس متهيقلي هو كان عايزني دايما مكنشي خايفة و لا مرتبكة و دايما قلبي جامد

بس الحاجة اللي نسي يقولهالي.....اني مينفعشي افضل شايلاها جوايا لغاية ما ابقي كبيرة و هبلة كدهوت و لسه بتصرف بمعناها لغاية دلوقتي و ان اختلفت كلماتها

التانية

"انتي بنت عمري"

و دي من ماما حبيبتي...

معرفشي ليه كانت دايما تحب تفكرني ان طريقة ولادتي سهلة اوي دونا عن باقي اخواتي....و ازاي نزلت و معيطتش....(تقريبا اتخضيت او حاجة زي كده)....و ازاي اني جيت و جبت الخير يف رجلي

معرفشي هي بتحب ترفع معنوياتي ولا ايه....بس بحب الجملة دي اوي....و لما بتخنق عليا الدنيا بفتكرها قوام.....و بتملي طاقة كده قيمة عشرين سنة قدام.

التالتة

:انتي مش برج التور...انتي التور ذات نفسيه"

معبرة طبعا

بس بسمعها من اخويا اللي فوق مني لزم...و خصوصا لما بنتخانق و بنختلف في اي موضوع

انا مش عنيدة بطبعي.....لكن مبحبش اهز راسي و انا مش فاهمة

قالهالي زمان لما اتخانقنا مين ياخد السرير الفوقاني و مين يتكوم في السرير اللي تحت

و قالهالي دلوقتي لما كنا بنفكر في السفر

و بيقولهالي في كل مرة...بنختلف فيه علي اي خاطب

تفتكروا العيب من مين؟؟؟؟؟

دولم اللي افتكرتهم دلوقتي

لو افتكرت حاجة تانية

هاجي

كان معكم

لماضة

اليوم المفتوح

فقرة

اه يا صرصور ودني....مش قادر تنسي و تسبني

صباحكم......رضا