الرأي الآخر : هوة الحكومة خلفتنا ونستنا؟

[Sherief AbdelWahab]

هناك رأي على الساحة قد أتفق معه وقد أختلف ، لكن من الأمانة عرضه كما هو ..

ألا تلاحظون أننا - كمصريين على الأقل- نضفي شكلاً أبوياً على الحكومة ، أي حكومة؟

كل حاجة لازم الحكومة تعملها..

كل مشكلة لازم الحكومة تحلها (ولو نامت الحكومة ودة المعتاد يحلها الرئيس)..

كل حاجة لازم الدولة توفرها..

هوة الحكومة خلفتنا ونستنا؟

مجرد رأي للمناقشة..

خلص الكلام

[Abofady]

نعم الحكومة مسئولة عن كل شيىء, تاخذ منى ضرائب عالية ولا تقدم لى شىء, تبيع لى السلع والخدمات الرديئة باجور مغالى فيها , وانظر الى الدول المحيطة بك وقارن , تحكمنى بالعصا والكرباج ولا تريدنى ان اقول اه , فساد وافساد ونهب وسلب لمحاسيب الحكومة وان قلنا ليه ؟ تحول على مباحث امن الدولة ,والمباحث العامة , والمخابرات العامة وتمنع من السفر وتسجن وينسوك فى السجن واهلك يا ولداه انت عارف الباقى. (تقول نضفى على الحكومة شكلا ابويا ), ياريت يسيبونا فى حالنا , ابونا مات ياسيدى , احنا بنحب نعيش ايتام , زمان كانوا يقولوا ان فاتك الميرى ......... واليوم يقولوا ابعد عن الميرى وغنيله .

[khedr]

حكومه.. .. ..

ماذا تعني....؟

[se_ Elsyed]

موضوع الأبوة ده مزروع فينا من ايام عبد الناصر ثم كبير العيلة السادات ثم بابا حُسني ومراته ماما سوزان وولاده اللي هما إخوتنا في الرضاعه جيمي واللول :blush: ...

حاجة تجيب العله مش كده ؟

وكإننا قاعدين في دوار أبا العمده اللي كلنا بناكل من خيره ... مش واحد موظف دولة بدرجة رئيس بياخد مرتبه من قوتنا إحنا ...

يالله حصل خير .. وكل أول وله أخر