اذهب إلى المحتوى
محاورات المصريين

دعوة لمقاطعة برامج التلفاز - مين يشاركني التحدي ؟

احمد هادي

بواسطة احمد هادي
في موضوعات شخصية

 مشاركة

Recommended Posts

احمد هادي عضو جديد

احمد هادي

بتاريخ:
بتاريخ: (معدل)

ايها الاخوة المواطنون

بعد ان اكتشفت ان المدعو التليفزيون

يسرق من ساعات عمري الغاليه الكثير والكثير

في مشاهدة برامج لا تضيف الي ثقافتي

ولا تنمي معرفتي

ولا تلبي رغباتي ( الساميه طبعا - لان الرغبات التانية اياها بيلبيها مفيش احسن من كده وانا فاهم وانتو فاهمين)

وانه في مجمله

لا يقدم الا النماذج المشوهة

والوجوه الكريهة

والنجوم المزيفين

والمذيعات المتجملين ( بعمليات وحقن وخلافه )

والمذيعين المأجورين (لحساب س أو ص أو عين )

او حتي لحساب انفسهم

ولكم في الكابتن شوبير أسوه غير حسنه

والاخبار الكئيبة

في نشرات طويله

بينما يمكن معرفتها من النت في دقيقتين

والاغنيات الماجنه

والرسائل التي .............. ( برضه انا فاهم وانتو فاهمين)

والافلام الممله المكرره

لهذا كله

وبصرف النظر عن ايه حسابات اخري قد اكون قد بنيت قراري عليها

فقد اتخذت قرارا ارجو ان تساعدوني عليه

فقد قررت ان امتنع تماما ونهائيا

عن مشاهدة التليفزيون

وان اعود الي الاستماع الي الراديو وقراءة الجرائد

وانا من هنا اعلن l:

عن فتح باب مبادرة شعبيه

اسمها

اوعي تخليه يسرق عمرك :blush: :

عيش كل ثانيه بعيد عنه

انسي هالة سرحان وروتانا زمان :blink: :

انسي الاتجاه اللي بيعاكس واللي مش بيعاكس (أصله ابن ناس وعنده اخوات بنات ومالوش في ال....)

انسي بانوراما وحصاد اليوم :D : ( خليهم هم يحصدوا براحتهم بعيد عننا )

انسي الافلام والمسلسلات :P ( هو في افلام اكتر من اللي احنا فيه )

انسي الكلبات ( جمع كليب اللي هو تصغير كلب) والظهور والسقان والصدور العاريه

انسي الزمالك والاهلي وغزل السويس ونسيج حلوان واسكو والبلاستيك ( انديه يعرفعها بس الجيل اللي سمع عزيزه جلال )

انسي ريال مدريد وبرشلونه ورونالدو وايتو ( هايعملوا في الكوره اكتر من كده ايه ؟ )

انسي الهلال والاتحاد والاتفاق والاختلاف والخناق والشباب والمراهقين والاطفال

انسي افلام سلام يابرعي وما تنسينيش يا خالتي والسلم والاسانسير اللي بتتذاع 9 مرات كل نص ساعة :P :P

انسي كل ده

وغمض عينيك :ninja: -

وحافظ عليها من الاشعاعات الضاره :blink:

وعلي مخك من التفاهة والفراغ :happy: ::

واكتشف حاجات حلوه كتير

كن غفلان عنها

وكسلان تعملها

اخرج

اقرا

اطبخ ( للغلابا الوحدانيين اللي زي حلاتي - ماليش دعوه بالمتجوزين )

صلح حاجات راكنها من سنين وسايبها بايظه ( فاكر ترابيزة الكمبيوتر - درج الكمودينو - باب المطبخ)

غير في شكل بيتك

والاهم

طور نفسك

حسن علاقتك بربنا

إنزل صلي في المسجد

(فاكر آخر مره قريت قرآن بروقان وتدبر ؟)

حسن علاقتك بمراتك وولادك وقرب منهم ( انا ماليش دعوه- انا عزبانجي وعايش لوحدي )

اتكلم معاهم واعرف مشاكلهم وساعدهم ( ربع جنيه كده في ايد كل عيل - هيادعولك )

زور اصحابك

اتعرف علي اصدقاء جداد

راجع اهدافك

فكر في مستقبلك وحياتك

اقرا كتاب بقاله زمان مركون ع الرف من يوم ما جبته وكنت متحمس تقراه

نام بدري

واصحي صلي الفجر حاضر

ال3 ولا 4 ساعات يوميا دول هم جزء كبير من عمرك

اوعي تديه للي ما يستاهلوش

اوعي تضيعه في القعده قدام اي حاجه ملهاش لازمة

دي فرصتك

تيجوا نبدا كلنا مع بعض

ونغير حياتنا

ونستثمر وقتنا

ونكتب كل يوم عن التجربه دي

ونشوف .....هنقدر ولا لا ؟

وايه اللي هيوقعنا ؟؟؟

حياتنا هتبقي عامله ازاي

انا هبدأ من النهاردة

وانتم كمان لازم تبدأو

ومحتاج تشجيعكم جميعا

محتاج دعمكم وتأييدكم

محتاج مشاركين ايجابيين

كل يوم هابعتلكم رساله يوميه

ازاي اليوم قدرت اقضيه

من غير ما تليفزيون

انا قد التحدي

لأن الرجوله موقف (كان في احمد حلمي طبعا قبل ما ينقولوه)

وانتم كمان قدها

منتظر مشاركاتكم

وربنا معانا

تم تغيير عنوان الموضوع ليعبر عن محتواه

تم تعديل بواسطة عادل أبوزيد

يا امتي لا تفزعي من سطوة السلطان .....اية سطوة ؟ ما شئت ولي واعزلي ...لا يوجد السلطان إلا في خيالك

رابط هذا التعليق
شارك
MZohairy عضو جديد

MZohairy

بتاريخ:
بتاريخ:

أنا مقتنع بكلامك كله ياحمد

بس ممكن افضل متابع برنامج الكوره مع دريم للفاضل شوبير؟ :blush:

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

وأنا سأحمل سيفي وخوزتي وعربيتي النص جنزير وأشاراككم في الجهاد - تلاتة أرباع جهاد -

سيبوا لي ماتشات الأهلي على الأقل أتفرج عليها .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
MZohairy عضو جديد

MZohairy

بتاريخ:
بتاريخ:

وانا كمان عايز ماتشات الأهلي بالاضافه للكوره مع دريم

وقناة روتانا طرب

والقناه الرابعه المصريه :blush:

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك
احمد هادي عضو جديد

احمد هادي

بتاريخ:
  • كاتب الموضوع
بتاريخ:
وانا كمان عايز ماتشات الأهلي بالاضافه للكوره مع دريم

وقناة روتانا طرب

والقناه الرابعه المصريه :blink:

حرام عليك يا يازهيري انت وس س

متتفرجو بالمرة علي برنامج الفن الشعبي وخير بلدنا وربيع العمر :blush:

هتضيعوا المبادرة التاريخية اللي هتنقذ الجيل الجديد

انتو خلاص :ninja:

ضاع عمركو واللي كان كان :happy:

خلونا نلحق الشباب الصغير

الله............ يعمر بيوتكوا

يا امتي لا تفزعي من سطوة السلطان .....اية سطوة ؟ ما شئت ولي واعزلي ...لا يوجد السلطان إلا في خيالك

رابط هذا التعليق
شارك
abaomar عضو جديد

abaomar

بتاريخ:
بتاريخ:

اخى العزيز احمد هادى السلام عليكم

لقد سبقتك و الحمد لله الى هذا القرار و الذى ساعدنى عليه اننى كنت انتقلت من الرياض الى جده لانى اترقيت عقبال عندك و لظروف النقل عشت فتره من غير الدش و التليفزيون المحلى لقيت نفسى ميه ميه اتوفر عندى وقت كتير كنت باضيعه و خصوصا بعد العوده من العمل بحجه متابعه الاخبار العالميه و مشاركه هموم الاخرين (آل) ومن الاتجاه المعاكس الى بلاحدود الى غسيل المخ من هيكل الى شوبير و جرعه نفاق سامه و الاخبار المصريه النكد و..... هوب لقيت نفسى رايح . ربنا اكرمنى و الحمد لله وبمساعده ام العيال اليوم ما فيش غير قنوات المجد المتخصصه و دى ليها اشتراك و تعتبر استثمار طيب فى الاولاد لان برامجها محترمه جدا و فيها كارتون معرب اسلامى و الكثير مما يمكن قوله و لكن لا وقت للاسهاب .على فكره اهم مكسب بالنسبه لى على الاقل انى شفيت بنسبه كبيره من الكورررررره و خصوصا العك الكروى المصرى . الحمد لله

<strong class='bbc'><strong class='bbc'>وَلَا تَحْسَبَنَّ اللَّهَ غَافِلاً عَمَّا</strong></strong><br /><br /><strong class='bbc'><span style='font-family: arial'>يَعْمَلُ </span></strong><br /><br /><strong class='bbc'><span style='font-family: arial'><strong class='bbc'>الظَّالِمُونَ</strong></span></strong><br /><br /><strong class='bbc'><span style='font-family: arial'>إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ</span></strong><br /><br /><br /><br /><br /><br /><p class='bbc_center'><span style='font-size: 18px;'><strong class='bbc'>(24) إبراهيم </strong></span></p>

رابط هذا التعليق
شارك
احمد هادي عضو جديد

احمد هادي

بتاريخ:
  • كاتب الموضوع
بتاريخ:

مبروك عليك با ابو عمر

وعقبالنا

ربنا يتوب علينا من التليفزيون وبلاويه واللي بيتعرض فيه

سامع يا باشمهندش زهيري

شايف يا س س

مش تقولي الكوره مع دريم

وزليخة تحب عاشور

وما تنسوش

ان

الرجوله موقف

يا امتي لا تفزعي من سطوة السلطان .....اية سطوة ؟ ما شئت ولي واعزلي ...لا يوجد السلطان إلا في خيالك

رابط هذا التعليق
شارك
المدهش عضو جديد

المدهش

بتاريخ:
بتاريخ:
مبروك عليك با ابو عمر

وعقبالنا

ربنا يتوب علينا من التليفزيون وبلاويه واللي بيتعرض فيه

سامع يا باشمهندش زهيري

شايف يا س س

مش تقولي الكوره مع دريم

وزليخة تحب عاشور

وما تنسوش

ان

الرجوله موقف

عندك حق يا هادي فلقد تحول الانسان العصري بالفعل إلى حيوان تليفزيوني ..وأصبح الكثيرون-خصوصا الفتيات والسيدات- يستقون أفكارهم وانطباعاتهم عن الحياة والناس من خلال شاشة التليفزيون ..وأصبحت الأسرة تقضي وقتاً طويلاً أمام شاشة هذا الغول دون أن تنطق ببنت شفة..وقد جربت الحياة بدون تليفزيون حين أصيب الرسيفر عندي بالعطب ..وكانت فرصة جميلة لتعود أسرتي للحديث معاً بعد غياب طويل..يا ريت نأخذ ولو إجازة قصيرة من التليفزيون..أو نحدد وقتاً معيناً كل يوم لمشاهدته لا نتجاوزه..ويسلم فمك يا هادي يا أبو الأفكار.

رابط هذا التعليق
شارك
احمد هادي عضو جديد

احمد هادي

بتاريخ:
  • كاتب الموضوع
بتاريخ:

[..ويسلم فمك يا هادي يا أبو الأفكار.

شكرا لك يا صديقي

وشكرا لكل من يساهم في رفع معنوياتي

انا بحاول اتخلص من حالة الفصام العامة اللي معظمنا بيعاني منها

نشاهدهم ....... ثم نلعنهم

هل هذا منطقي

لا تشاهد ولا تهتم

هو ده الطريق الوحيد المتاح للتغير

كل تغيير

بشرط ان الكل يلتزم بيه

يا امتي لا تفزعي من سطوة السلطان .....اية سطوة ؟ ما شئت ولي واعزلي ...لا يوجد السلطان إلا في خيالك

رابط هذا التعليق
شارك
لخبطه عضو جديد

لخبطه

بتاريخ:
بتاريخ:

عمنا احمد هادي كنت كتبت رد كبير على الموضوع بس الظاهر مالكش نصيب فيه لان الجهاز هنق مني B)

المهم انا عامل فكرتك الرائعه دي من سنتين وشغاله معاي زي الفل حاجه كدا جميله يعني بيت بدون تلفزيون سواء هنا في جده او حتى ف مصر

فكره اكثر من رائعه المفروض ننصح بها اي حد نحبه

البيت بدون تلفزيون جنه

بس لازم كمبيوتر ونت :D

أنا لا أكتب الأشـــعار فالأشعـــــــــار تكتبني

أريد الصمت كي أحيا ولكن الذي ألقاه ُينطقني

رابط هذا التعليق
شارك
  • الزوار
Guest النسر المصري

Guest النسر المصري

بتاريخ:
  • الزوار
بتاريخ: (معدل)

انا سانضم عضواً فعالاً وأقوم بتلك الخطوة العظيمة

وسأنشر الرسالة لجميع من اهرفهم لينضموا الينا

بل وساعمل مطبوعات على حسابي لاوزعها ...وسأقتتح فرع لجمعية اوعى تخليه يسرق عمرك برئاسة السيد الفاضل احمد هادي

وساترجم الكتيبات لسبع لغات واوزعها علي ابقي دول العالم

واللي عايز يشاركني في هذا العمل يبلغني

وطبعا سنكتب بنود وشروط الانضمام الى الجمعية

بما فيها

السماح بالفرجة على البرامج العلمية...الأدبية....الدينية....ماتشات الأهلي والكورة مع دريم

وكدة نبقى خالصين (وش واحد بيتكلم زي اللمبي)

مين ينضم؟؟؟!!! :D

تم تعديل بواسطة النسر المصري
رابط هذا التعليق
شارك
MZohairy عضو جديد

MZohairy

بتاريخ:
بتاريخ:

والقناه الرابعه المصريه لو سمحت :D

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك
احمد هادي عضو جديد

احمد هادي

بتاريخ:
  • كاتب الموضوع
بتاريخ:

عزيزي النسر المصري

احييك علي حماسك وايجايبتك

اليوم هو ثاني يوم اقضيه من غير تليفزبون

كان يوم رائع جدا

عدت من الشغل الساعة خمسه

وطبعا بشكل تلقائي

ليقت نفسي رايح علي التليفزيون

لانه في الصالة

يعني كده كده لازم امر عليه

بس افتكرت ان الرجوله موقف

وتراجعت كاني بهرب من خطر داهم

دخلت المطبخ

واكتشفت ان في اكل من امبارح

بس يتحط في الميكروويف

حطيته دقيقه

ولقيت نفسي رايح تاني ع التليفزيون

قال يعني مش قادر انتظر دقيقه

وافتكرت تاني ان الرجوله موقف

بعد الغدا

قعدت اقرا

وبعد المغرب

خرجت

اتمشيت

وعملت شوبيج للبيت

وجبت الجرايد المصريه

وقعدت في مكان ظريف

وروحت

كل ده والساعة لسه ما جتش 9

ياااااااه

كان يو م طويييل

بس

كان يوم رائع

نمت بدري

وصحيت بدري

وكنت اول واحد علي مكتبه الصبح

يازهيري الحق انضم للحمله

صاحبك بتاع الكوره مع دريم عصام عبد المنعم مبهدله النهارده في الاهرام

يعني الحلقة الجيه هتبقي وصله ردح من الفاضل شوبير

اما الرابعة المصريه :D

فسمعت انهم هيقفلوها قريب

عشان مخالفه لمواصفات الامن والمتانه :o

وحمولتها زياده :D

ومفيهاش طفايه حريق :D

بل يقال والعهده علي الراوي

انها رافعة علم بنما :P

يعني قريب قوي هتختفي من علي النايل سات B)

يا امتي لا تفزعي من سطوة السلطان .....اية سطوة ؟ ما شئت ولي واعزلي ...لا يوجد السلطان إلا في خيالك

رابط هذا التعليق
شارك
  • بعد 2 أسابيع...
  • الزوار
Guest النسر المصري

Guest النسر المصري

بتاريخ:
  • الزوار
بتاريخ:

انا آسف بس يمكن حصل سوء تفاهم

انا كنت اقصد اعمل كل حاجة

الا اننا لازم نتفرج على البرامج العلمية...الأدبية....الدينية....ماتشات الأهلي والكورة مع دريم

دول لازم يستثنوا من القاعدة

اصل انا بحب شوبير والأهلي موت

آ والله

بحبوا يابااااباااا..مليش دعوة...بحبو بحبووووووو :lol:

رابط هذا التعليق
شارك
nancy عضو جديد

nancy

بتاريخ:
بتاريخ:

استاذ احمد هادى واضح ان حضرتك مش هادى ابدا وكل يوم تقلب المواضيع فى دماغك وتتطلع بفكرة جديدةبصراحة كتير منها نميس

عموما التليفزيون دة زى اى حاجة فى حياتنا ملاينة اتجهات دور على التجاة المفيد يعنى البرامج الثقافية متتسبش او الاخبار ولو مرة فى اليوم ضرورى الكورة مش فى خطة بالنسبالى ولا البرامج الرياضية لان فى راى الرياضة ممارسة مش فرجة على التليفزيون

وبعدين بلاش الافلام المعادة بس فيه افلام اجنبية بيكون فيها افكار جديدة او تصوير حلو او تمثيل حرام تتفوت

الخلاصة انتقى مما لديك افضلة ومتضعفش وتقلب على الكليبات وانت تحب التليفزيون

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...