خطوبة جمال مبارك

[khedr]

علم مندوب الاخبار انة سوف تتم خطوبة السيد جمال مبارك نجل الرئيس محمد حسني مبارك

وكريمة المهندس محمود الجمال يوم الجمعة القادم في حفل عائلي خاص

في جريده الاخبار الصادره اليوم الاحد 26فبراير 2006

http://www.elakhbar.org/issues/16801/0400.html

[se_ Elsyed]

وإحنا معزومين .. ولا مبارك هايمشيها ساندوتش جبنه رومي وواحد لانشون وتبقى حفلة عائلية على الضيق... ضغطاً للمصاريف ولعدم إرهاق ميزانية العريس ؟

فينك يا صفاء ؟

أنا متصور صفاء لابسه جلبيتها السودا وربطه راسه بالمنديل وواخده معاها تلاته حريم عتوله ويوم الفرح وتروح هجمه على دار الدفاع الجوي اللي هايعملوا فيه الفرح .. وتعمل إنها رايحه تبوس العروسة وفجأتون تروح مجرجراها من شعرها وتقعد تلت وتعجن فيها وسط ذهول جميع الحاضرين .. وسط ذهول أكثر من رجال الحرس الجمهوري البواسل .. ووسط إذبهلال من رجال المخابرات العامة المصرية واشاوس نشامى أمن الدولة .. وكل ده وصفاء يا عيني على صرخه واحده وعماله تقولها ( يا خطافة الرجالة ... يا خطافة الرجالة )

أما عن دور التلاتة العتاولة فهايبقى عبارة عن التعامل مع قوات الأمن التي تُحيط بالعريس والعروسة .... يالله هاياخدوا الشر ويروحوا ...

شُفتي يا صفاء تبقى في بؤك وتقسم لغيرك ..

-------

أيوه كده شد حيلك يا جيمي وهات لنا بقى رئيس صغير نلعب به ونفرح به كلنا ونروح ننتخبه وهو لسه في اللفه ... وبالمرة يبقى السبوع بتاعه إستفتاء على حب الشعب له .

[MZohairy]

مضطر اتدخل وأعمل تحريف صغير للأغنيه الوطنيه الشهيره اياها....

يا أبن اللي معلي راية الحريه

يا أبن اللي مقوي الوحده الوطنيه

ياأبن اللي غالي علينا وجوه عنينا

ياأبن اللي يحميك ربي لمصر ولينا

عيشتوا يا غاليين

اجبانكم عاليين

باراده حره مصريه

واراده حره وطنيه

ودي اقل حاجه اقدمها في هذا العيد!

[سقراط المصري]

عرفتوا بقى ان كل واحد فينا من المتجوزين احسن الف مره من جيمي هتقولولي ليه هقولوكم عشان جيمي وهو على مشارف الاربيعنات علىحد اتقادي من عره ولسه بيخطب والسبب انه كان لسه بيحوش المهر واشبكه وخلافه وياترى مهر العروسه هيكون اهداء الهرم

ولابرج القاهره انا لو من ابو العروسه اعمل

الموخر قناة السويس والنفقه ايراد شركة مصر للطيران مدى الحياه

[se_ Elsyed]

يا أبن الـــــــ

<{POST_SNAPBACK}>

ربنا أعلم باللي عايز أقوله تووووووووووووووووووووووووت ( مونتاج لقطع الكلام ) مش عايزين نعكنن على الراجل في ليلة مُفترجة زي دي

الليله عيد وجيمي هايتجوز

وطالما جيمي هايتجوز يبقى عروسته كمان هاتتجوز

وسمعني يا عم طقطوقة قوم يا مصري مصر دايماً بتناديك

----

كنت أتمنى أكون في مصر اليومين دول عشان أجامل اخويا وحبيبي الرئيس جمال مبارك .. اللي جمايله مغرقاني من ساسي لراسي ... وأحب أقول له في ليلته اللي زي العسل دي ( إحنا معاك يا ريس ... واللي يرُشك بالشمبانيا نرشه ببيره ستيلا ) آه إحنا من سن بعض وشباب زي بعضشينا وما يفهمش الشاب الا الشاب اللي زيه ...

عشت لنا زُخراً يابو الشباب ... والرياضة

( خلي بالك ظرف النقطة بتاعتك معايا بس مش عايز أديهولك عشان السياحة قدام الناس ... برايفت هاجيب الظرف معايا بكره في الصباحية وأنا جايلك قصر العروبة الساعة سابعه الصبح

ومعايا واجبك - عدد 10 تجواز فراخ خالي من إنفلونزا الطيور ، 6 تجوز حمام خالي من الكليسترول ، دكرين بط خالي من الريش - دي حاجة بسيطة عشان ترُم بها عضمك إنت داخل على ايام ما يعلم بها إلا ربنا .. والسن له أحكام برضوا

أخوك الصغنن سين سين ( دكتوراة في العلوم الوزارية .. ماجستير بدرجة نائب أول رئيس ... بكالوريوس علوم لجان السياسات من أكاديمية مبارك - السادات سابقاً - )

[مهيب]

خديجة محمود الجمال عمرها نحو 23 عاما وهي وحيده ولا أشقاء لها وتخرجت من الجامعة الأمريكية ووالدتها ينادونها بموني

ومحمود الجمال والد خديجة عمره 52سنه وهو رجل أعمال

العائلة هى عائلة البطل المصرى رفعت الجمال الشهير برأفت الهجان والذى زرعته المخابرات المصرية مدة تصل الى 23 سنة فى اسرائيل و بلغ هناك شأنا كبيرا و لم يكتشف أحد حقيقته الا بعد موته

على فكرة الكلام ده مش هزار .. ده بجد

مهيب

تم تعديل 26 فبراير 2006 بواسطة مهيب

[نيرون]

جووووواززز جمااااااال من خديجة

باااااااااااطل بااااااااااااطل

باااااااااااطل باااااااااااطل

خد ديل جلبيتك في سنانك واجرررري يللللله

[مصرية الهوى]

يا خاين

يا خاين

يا خاين

:blush:

شفتي يا صفاء ادي اخرتها ..

لا انا ولا انتي ..

عشان اتخانقنا عليه محدش منا طاله ..

يلا ..

جوازة تفوت ولا حد يموت ...

نبدأ نفكر في حد تاني :blink: ..

مين ؟

مين ؟

قولوا معايا :ninja:

بس عايزين حته معتبرة :happy:

[الرافعي]

هارد لك يا هوانم :sad:

بس عايزين حته معتبرة  B)

<{POST_SNAPBACK}>

هو في غيره ؟؟؟

متعب

كان منور العرضة في الجنادرية هيه ... نحمد الله جت على ما تمنى

.. يومينه بقى :)

تم تعديل 26 فبراير 2006 بواسطة حلاوة العنتبلي

[مسافر زاده الخيال]

ههههههههههههههههههها اووه هوو هييي :D :)

:D

ياناس كفايه كده.............................

شعب مالوش حل

الظاهر اني موعود بجرعات ضحك :P على فين مودياني مش عارف

ايه دا ما خليتوش حد اوحاجه ما اتريقتوا عليها

طب حيث كده ليه متنتجوش افلام كوميدي بمستوى الشعب في التنكيت؟

بالنسبه لgg وصفاء ماتزعلوش فلا يأس مع الحياه ولا حياة مع اليأس

حاولوا مع سيف الاسلام القذافي B)

شاب ووسيم والاهم كده

مريش وعلى البو اد كده :sad:

ولو تقدروا تبقوا ضرارير وتوفروا جهد التنافس والمؤامرات وحتكسبوا كلوكم

تشاو

[ماركيز]

أخيرا .. جمال مبارك يكمل نصف دينه الجمعة المقبل

كتبت : علا محمود ( المصريون ) : بتاريخ 25 - 2 - 2006

يبدو أن جمال مبارك نجل الرئيس وأمين لجنة السياسات بالحزب الوطني، الأمين العام المساعد للحزب، والصاروخ المنطلق في أعلى هرم السلطة ، قد حسم أمره وقرر الدخول إلى "القفص الذهبي" نهاية هذا الأسبوع، فقد علمت "المصريون" من مصادر قريبة للغاية من "آل الجمَّال"، أن خطوبة السيد جمال مبارك على الآنسة خديجة محمود الجمَّال ، ستتم في حفل أسري محدود في منتجع شرم الشيخ يوم الجمعة المقبل، لينهي بذلك جدلا طويلا دار خلال الأشهر الماضية حول خطوبته من عدمها ، وكانت مصادر سياحية قد أكدت للمصريون أن الخطيبين شوهدا سويا أكثر من مرة خلال الأسبوع الماضي في بعض الاحتفالات والمطاعم الخاصة، المصادر نفت أن يكون هناك تحفظ سابق من أسرة العروس حول الخطوبة، كما نفت ما تردد عن مطالب مبالغ فيها من قبل العروس ووالدها المليونير المعروف محمود الجمال، وإنما كان الأمر متعلقا بتوفر ظروف سياسية واجتماعية ملائمة لإعلان الحدث وإخراجه بالشكل اللائق.

كان التعارف بين العروسين قد تم الصيف الماضي في الساحل الشمالي، عندما أبدى جمال مبارك إعجابه بخديجة وأسر بذلك إلى بعض القريبين منه، المصادر أشارت إلى أن الاتجاه الحالي إلى أن يكون حفل الجمعة المقبل "قراءة فاتحة" لتوثيق الارتباط ومنح تحركات العروسين معا خلال الفترة المقبلة وضعا اجتماعيا، على أن يتم إعلان موعد الخطوبة وعقد القران على الرأي العام في وقت لاحق

[MZohairy]

الحمد لله ان ربنا اداني العمر لغاية ما شفت اليوم ده بعيني

دي دموع الفرح محدش يقلق

[ميدو2005]

ألف ألف مبروك لبابا جمال وماما خديجة (مستقبلا) وميحرمناش من ماما سوزان

ربنا يستر

[khedr]

مين ؟

مين ؟

قولوا معايا  :)

بس عايزين حته معتبرة  :sad:

<{POST_SNAPBACK}>

[khedr]

أخيرا .. جمال مبارك يكمل نصف دينه الجمعة المقبل

<{POST_SNAPBACK}>

عقبال النص التاني...

الا........ هو دينه ايه

[الرافعي]

ههههههههههههههههههها اووه هوو هييي :D  :)

:D

ياناس كفايه كده.............................

شعب مالوش حل

الظاهر اني موعود بجرعات ضحك  :D على فين مودياني  مش عارف

ايه دا ما خليتوش حد اوحاجه ما اتريقتوا عليها

طب حيث كده ليه متنتجوش افلام كوميدي بمستوى الشعب في التنكيت؟

بالنسبه لgg وصفاء ماتزعلوش فلا يأس مع الحياه ولا حياة مع اليأس

حاولوا مع سيف الاسلام القذافي  :P

شاب ووسيم والاهم كده

مريش    وعلى البو اد  كده :sad:

ولو  تقدروا تبقوا ضرارير  وتوفروا جهد التنافس والمؤامرات  وحتكسبوا كلوكم

تشاو

<{POST_SNAPBACK}>

أرحبوا بالرجاجيل ... هلا ومسهلا

أجلط يا خوي يا مناحي

القهوة يا بو فليحان B)

[مصرية الهوى]

حلاوة بيه .. احم احم ..

مفيش اختيارات تانية .. مش عايزين نتكلم ..

انت عارف الحاير أكيد :sad:

سيف الاسلام القذافي ..

مسافر .. تتوقع وزراة الخارجية راح تسمح لي بهذا الزواج :D

خضر .. الله ..

ايه الاغنية الجميلة دي :)

خلاص انا حجزت الراجل ابو الاطيان والعزب ده :P

بس انا احيانا طموحي بيبقى بعيد اوي ..

مثلاً :

ويليام ابن ديانا B) مش بطال يعني ..

واهو لو مامته مقدرتش تتجوز عربي .. هو يتجوز عربية ( يعني ست عربية .. مش سيارة :D )

[مصرية الهوى]

أرحبوا بالرجاجيل ... هلا ومسهلا

أجلط يا خوي يا مناحي

أبشر بالعلوم الزينة ...

سوي لنا قهوة يا بو فليحان  :sad:

<{POST_SNAPBACK}>

ياهلا يالله حيه ..

البارحة يوم الخلايق نيامي :P

ايه ياعم حلاوة انت قاعد فين ...

في خيمة شمامرة ورا حايل B) ؟؟

:)

اهل الكرم والجود ..

لما تعدي من جنبهم وتسألهم عن حاجه .. على طول يجاوبك :

علي الطلاق اني ما أقولك شيء ولا أتكلم ..

الا اذا قلطت وشربت قهوة :D

حلاوة بيه .. عمرك سمعت واحد اسمه حامد زيد ؟؟ :D

[khedr]

مشاركه قلبيه ووجدانيه لاخواتنا في المنتدي

اللي كانوا حاطين عينهم علي

طيب ايه رأيكم في ده

[مسافر زاده الخيال]

مير الله يسلمك يا حلاوه..........................

وياليت تجيب مع القهوه والتمر شوية ((كليجه B) )) انت توحي؟؟؟؟؟؟؟

وياريت يكون العشا (طبق تونه بمربى الاناناس) و لبن جمل بعصير الجزر ..............

هاه سامعني .....

gg ادخلي غرفتك بسرعه :sad: قال ويليام قال

وش هو من حموله ؟

ابك ماهو من مواخيذنا ومن ثم هو (معلش في الكلمه) احلى من اغلب البنات اللى شفتهم (على قلتهم) :)

وبارد و معقد

بس متيأسيش

لسه باقي

ابن الرئيس على عبدالله صالح (رئيس المستقبل)

ابن الرئيس ملس زيناوي

بس من رأيي

سيف الاسلام هو الافضل ...............هو انت بتخافي من السيف ليه؟ يعبيطه

دنت حتعيشي بايطاليا اغلب الوقت وبعدين دا معاه نمور ياما ابقى خليه يجلنا واحد ما انا (اتحادي)

المهم عقلك في راصك تعرفي خلاصك

ايه يا ستاد حلاوه فين القهوه والكليجه والذي منه دنا اتبح صوتي .....

bye