خطوبة جمال مبارك

[الرافعي]

محروس (إسماعين يا سين) لصبيه : يا واد فين الميت .. انت كلته يا .....تووووووت ....... (الرقابة في المحاورات تقطع شتيمة محروس)

صبيه يرد مفزوعاً (مش عارف إسمه إيه)

نا وانناهي يا معنمي .. إن شاانناه أطفحه إن كنت دؤته

محروس : أمال إيه الدم اللي على بقك ده يا .......توووووت.......... (الرقابة المحاوراتية تحذف شتمة أخرى)

الصبي: دي منبَّة يا معنمي منَّبة

(منبَّــــــــــــــــــة)

والسؤال الآن للنجم الموهوب الصاعد زهيري بمناسبة انفعاله بالصورة ...

ما هو اسم الصبي ؟؟؟؟؟؟؟؟؟؟؟؟؟؟؟؟؟؟؟؟؟

(الأعضاء القراء للموضوع، والمتفاعلين مع الخبر والصورة يقذفون المعلم حلاوة العنتبلي بالبيض الممشش والمهدد بوجود فيروس أنفلونزا الطيور مللاً من سخافة مداخلته التي عكرت عليهم صفو الانشكاح والفرح ...

أي ... أي ...

مش كده يا س.س ، عشان خاطري .. صلي على النبي يا زهيري ... عم خضر .. قول لهم حاجة ...

خواجة دون كاميلو (سكوب) إحضرنا ....

هو كله ضرب ... مفيش شتيمة !!!!

[khedr]

اغنيه الفرح

تم تعديل 1 مارس 2006 بواسطة khedr

[Mousa]

.

Future Wife and her Mother

<{POST_SNAPBACK}>

أنا كده اموت وأنا مستريح .. لإني أطمئنيت على مستقبل مصر ..

أيوه كده خلي النسل يتحسن ونجيب عيال رؤساء نضاف ومستحميين وشكلهم حلو .

بس البنت حلوه .. يعني من جهة حلوه .. فهي حلوه وهاتشرفنا قدام العالم لما جيمي يبقي رئيس ... ولايق عليها لقب سيدة مصر الأولى ..

أما حتة اللحمة اللي جنبها على اليمين واللي مش باين عليها سِن دي .. فلقد أطلقنا عليها نحن سين سين ملك شارع مصر والسودان لقب " حماة مصر الأولى " يعني تبقى حماتنا كُلنا مش حماة جمال بس .

يا سلام . الفرح حلو يا ولاد ..

ومرة تانية .. ألف مبروك لأخويا وحبيبي وشقيقي الريس جمال

يا جمال .. يا جمال يا حبيب الملايين

إلى جنة الخُلد يا جمال ...

<{POST_SNAPBACK}>

سي السيد

لم استطع ان امنع نفسي من الانفجار في الضحك.

بصراحه عينيه دمعت من كتر الضحك.

عموما محدش يقدر ينكر المجهود الجبار الي جمال عمله عشان يرفع رأس مصر بين الدول بس احنا الي مش بيطمر

فينا حاجه.

كده بقه هيبقي عندنا ملكه فشر الملكه رنيا ملكة الاردن

و برضه هيبقلنا منظر في الاجتماعات الخيريه اياها الي بيحضروها

و مهرجان القراءة للجميع هيحقق نجاح غير مسبوق.

و الهلال الحمر مش هيلاحق علي المتطوعين و المتبرعين بالدم

اما حكايت الحماة الاولي دي ف انا معاك فيها تماما

يا اخي الواحد خد مقلب ، كان المفروض انه يفكر في حماته كويس

[here _iam]

الف مبرروك يا جمي يا بني صبرت و نلت يا حبيبي

من صغرك و ان شائين ...صبح شغل و بليل حزب و هموم البلد شيله حتى من ابل متمسك هو ده الوفاء ( ليس المقصود وفاء عامر) و التضحيه ضحت لغايت مدخلت فى الاربعين منغير مدور على الب يضمك بس اكيد حاسس بحب السبعين مليون ليك يا اوحي من جوه :blink: :blink: :blink: :blink:

يا جماعه لزم نعمل واجب مع العريس فانا بقترح ان كل عضو فينا يروح يوم الجمعه و معاه

افصين فراخ و افص سفندى و سباطه موز ....و الى عاوز يزود هو و حبه لجمي با...

بالنسبه اللى عاوز يدى جمي نقطه ولا حاجه فا ياريت بلاش سياح للعريس ادام المعذام و ممكن تدهم للحج الكبير او الحجه

و بقترح نجيب اتوبيس لنقل الاعضاء للحفله طبعا هيجى من يقولى ده عائليه هقولك منا عارف مش الريس ديما بيقول احنا عائله واحده....... :excl:

ونكلم شعبولا يعمل كليب باسم مبروك عليك يا ريس... ولا ممكن تلقوه منزل الكليب بكره.

الاقتراح الاخير هو اعاده فتح قناه البرلمان لتنقل لنا احداث التحضير للفرح و نشوف با ام العروسه و معاه ام العريس و هم بينقوا الفرش و الطقمه الصينى و لوازم الفرح باااااااااا.....

[أبو حميد]

حفل خطوبة جمال مبارك سيكون على الطريقة الأمريكية

كتبت ـ علا محمود (المصريون) : بتاريخ 1 - 3 - 2006

يبدو أن التسريبات التي تمت خلال الأيام الماضية حول خطوبة جمال مبارك على الآنسة خديجة محمود الجمال ، كريمة رجل الأعمال محمود الجمال ، والمعروفة وسط العائلة باسم " موني " ، قد أدت إلى بعض التغيير في الأفكار حول حفل الخطوبة ، كما أن القطاع الأوسع من القراء الذين تابعوا الخبر الذي تسرب كان قد نسي السياسة وانشغل بما يمكن تسميته البعد الإنساني في الحدث ، وهو بعد لم يخل من إحساس مشارك بالبهجة ، وقد علمت المصريون أن أسرة العروس وخاصة والدها أصر على أن يكون هناك حفل لائق بابنته التي تحتل مكانة خاصة في قلبه وفي أوساط الأسرة كلها ، رغم الرغبة من طرف العريس في أن يكون الحفل محدودا ، وفي نطاق عائلي بحت ، وتتجه الفكرة الآن إلى أن يكون الحفل على الطريقة الأمريكية ، بمعنى أن يعقد الحفل من الواحدة ظهرا تقريبا ويستمر حتى مغيب الشمس ، ومن المرجح حتى الآن أن يكون الحفل في أحد الفنادق المرموقة في منتجع شرم الشيخ لضمان الخصوصية ، ولكنه سيقتصر على الأسرتين والدائرة الضيقة جدا من أصدقاء العروسين ، جدير بالذكر أن خديجة خريجة الجامعة الأمريكية ، وهي مشهورة باهتماماتها الرياضية ، ولعل هذا أحد الأسباب الإضافية للجاذبية بينها وبين جمال مبارك ، حيث من المعروف عن جمال حبه للرياضة وممارسته لها ، ومشاركاته العديدة في بطولات كرة القدم الخماسية ، كما أن خديجة من الأعضاء البارزين في الفريق المصري لكرة القدم النسائية .

[م الغزالى]

مبروك يا عريسنا يا بو شنة ورنة.. يا واخدنا وراثة افرح واتهنا

من رسائل الموبيل فى مصر

[se_ Elsyed]

أنا كده جاهز للفرح وكله على سِنجة عشرة :

1- أجرت البدلة من عم عطيه المكوجي .

2- نزلت باتا وأشتريت جزمة لميع جديدة بالشيء الفلاني .

3- لسه بأدبق في ثمن الهدية والنُقطة .

4- القصيدة اللي هارميها قصدي هالقيها قدام العروسين وهما داخلين على الكوشة كتبت مطلعها ولسه بأقفلها .. وعايز أخد رأيكو فيها وخصوصاً شاعر النيل هشام جنيدي :

وأنا قاعد بعد العشا أمبارح نزل عليه إلهام الشعر وقلت :

طنط خديجة يا طنط خديجة

من فضلك إديني دجيجة

ياختي يا حلوه ياختي يا طعمه

دي مش مجاملة .. لكن دي حجيجة .

أنا حاسس أن أنا مضطرب ومتلخبط وعامل زي أم العروسة ...

[fonda]

مبروك للاستاذ جمال مبارك .. وعقبالى

[مازن الدسوقى]

انا سعيد جدا جدا جدا

أخيرا جمال بك حيتجوز وحيبتدى يفتح بيت ويعرف اد ايه الحياه الزوجيه بقت مكلفه .

يارب لما يتجوز و يتأكد من ذالك يراعينا شويه بقى .........ولا ايه ؟

[kokowawa1979]

شفتم بقى كنا ظالمين الرجل قد إيه - يعني الرجل على مافكر يخطب كان وصل من العمر أرذله ويادوب بالعافية كدة جاب دبلتين بعد 43 سنه من الكفاح من أجل لقمة العيش ( ماحدش بياكلها بالساهل ) ( وش نجمة ابراهيم في فيلم ريا وسكينه )

الرجل ياولداه تعب جدا لحد

ماكمل حق الدبلتين وحتى أبو العروسة أشفق عليه وراح عاطي له شقة في أحد الأبراج التي يمتلكها ماهو عارف إن الحبيب معذور وماصدق حوش حق الدبلتين !!!

ربنا يتمم بخير ولو إن على الرغم من إن أنف كوكوواوا المسدودة بسبب انفلونزا الطيور شامة حاجة ممكن تحصل في المستقبل كدة على طريقة الملكة نور والملكة رانيا وهاتحصل سياسة تكسير عظام بين الملكة سوزي والملكة الجديدة ديدي

وربنا يسترها علينا إحنا المتفرجين !!!!

تم تعديل 14 مارس 2006 بواسطة kokowawa1979

[elnems]

كدة الحكاية اتفهمت 2011 جمال مبارك رئيس الجمهورية وان شاء اللة 2040هيثم جمال مبارك رئيس الجمهورية ربنا يدى العيلة المالكة الصحة والعافية الف مبروك يا جيمى وعقبال ملايين الشباب المصرى اللى مش عارف يتجوز

[nancy]

يا جماعة هى فين قصيدة احمد فواد نجم عن جمال مبارك مش لاقيها

[se_ Elsyed]

يا جماعة هى فين قصيدة احمد فواد نجم عن جمال مبارك مش لاقيها

مانتي لو بتذاكري كويس كنتي عرفتي هي فين

أتفضلي يا ستي .. هو أحنا عندنا كام نانسي ؟

العصيدة

[nancy]

انا لاقتها بس شكرا برضة على الرد بس فية فى اسمى ن مش م بس شكرا

[الهنادي]

الف الف الف مبروك لشعب المصري........لخطبة نجل الرئيس المصري

والله انا احب اشاركم الفرحة الكبيرة

وتعبير لفرحتي هذي زغروطة سعوديه لهذيه المناسبه

للللللللللللللللللوووووووووووووووووووووووولش

لللللللللللللللللللللووووووووووووووووووووووووولش :huh:

وكمان راح اجيب فرقة سعوديه ( اللى انتم عارفينها ....فرقة نحمد الله ...... )

ونروح يوم الجمعة ...لمكان الخطوبه ....ونافس شعبوله في الحفل

ووووو رقصني يا جدع

[الرافعي]

الف الف الف مبروك لشعب المصري........لخطبة نجل الرئيس المصري

والله انا احب اشاركم الفرحة الكبيرة

وتعبير لفرحتي هذي زغروطة سعوديه لهذيه المناسبه

للللللللللللللللللوووووووووووووووووووووووولش

لللللللللللللللللللللووووووووووووووووووووووووولش :huh:

وكمان راح اجيب فرقة سعوديه ( اللى انتم عارفينها ....فرقة نحمد الله ...... )

ونروح يوم الجمعة ...لمكان الخطوبه ....ونافس شعبوله في الحفل

ووووو رقصني يا جدع

عفواً الأخت الهنادي ...

فاتني أن أرحب بانضمامك مع بقية المرحبين ..

أكد بشدة طلبنا حضور فرقة العرضة النجدية .. بس هنا تغيير طفيف في الأهازيج المرددة ، يعني في الفرح ده مش هاينفع حد يقول "الملك لله ثم لعبد العزيز" يعني هايكون فيه تعديل بسيط يناسب المكان، فطبعاً الاسم هايتغير .. طبعاً ما عندك مانع .. مش كده ؟؟ :wub:

[se_ Elsyed]

مرحبتين هنادي ..

الكبسة والجهوة والتمر يا ولد

عايزك تتعرف على جيجي .. من السعودية برضوا ولكن من الجصمان ... وتعملوا مع بعض حزب وتبقوا لوبي سعودي في منتدى المصريين بالإضافة إلى الرجاجيل اللي بيمثلهم أخونا " مسافر زاده الخيال .. في ظلمة الليل والضلال :huh: )

ومنتظرينك في الفرح ومعاكي الهدية ( على فكرة جمال قايل لي لم الهدايا يا سين سين وإبقى هاتها لي في الخباثة بعد ما أرجع من شهر العسل اللي هاقضيه في جزيرة بدران )

[Cleo]

العروسة -_-

العريس :huh:

ايه اللى فى إيد العريس ده؟ :P

ملحوظة: لو إدارة الموقع شايفةى الصور دى خارجة عن الأداب العامة لا أمانع فى حذفها حفاظا على حياء الأخوة و الأخوات :wub:

[se_ Elsyed]

العروسة :o

إنتي بتهزري ولا بتهرجي يا كليو

هي قلبت كده ليه ؟

---

بقى هي دي اللي هاتبقى سيدة مصر الأولى ؟

دي النُقطة - بضم النون - هاتنزل ترُخ علينا من كل حدب وصوب وبالعملات الصعبة كمان ..

وورق يا واد يا توحه

حاضضضضضضضضضضضضضضضضضر يا أبليتي

ايه اللى فى إيد العريس ده؟

لا أبداً ... ده جيمي بيشرب من دم الشعب ..

بيقولك بقى يا كُلله إن دم الشعب المصري لما تُعصري عليه لمونة .. مع شويه حبهان على معلقة سُكر - من أبو 3.5 ج الكيلو - بيبقى مفيد وكلة بروطين ... جربي كده وخدي لك بؤين على الريق .

آه ياني يا ماما

[الهنادي]

حياك الله ....يا اخ العنتبلي

سعيدة بترحيبك

وانت معاك حق .... مش حينفع نردد نفس الاهازيج في فرح مصري

بس انت عارف ...ان الاهازيج هذي من التراث الوطني السعودي البحت ( و حب الوطن :o )

وانا اخاف اي تغير في هذة الاهازيج تؤاثر على العالاقات المصريه السعوديه ..وراح نخش في دوامه ملاهاش اول من اخر

بس ..راح اعمل بقتراح الاخ سين سين ....واتعرف على جيجي ونسوي حزب..ونحاول نعمل كلمات ليست كلكلمات خاصه ببن الغالي

واذا وفقتني جيجي ...اعمل انا وياها رقصت عرضه سعوديه ما حصلتش...وتبأ ليله مصريه سعوديه

وبنسبه يا سين سين للهدايه لا شيئ معي الا كلمات :)