حساب تكلفة وجبة عشاء و زمن إعدادها

[عادل أبوزيد]

عندنا فى البيت مرجع شامل للطبيخ إسمه supecook و هو مكون من ثمان مجلدات.

يتميز هذا المرجع أن كل الوصفات به تم تجربتها - تنفيذها - فى مطبخ متوسط و فى بداية كل وصفة هناك مؤشرات عن التكلفة المتوقعة و الوقت المطلوب لتنفيذ الوصفة.

ما سبق كا إستهلالا لابد منه

أحد الأعضاء الأفاضل و المقيم بالخارج طلب من أسرته إعداد وجبة العشاء التى يحلم بها حين عودته. و خطر فى بالى أن تلك الوجبة قد تتطلب التصرف فى بعض الملكيات العقارية.

الوجبة المطلوبة هى :

برجاء تجهيز مايلي يوم وصولي لأرض المحروسه :

باميه باللحم الضاني ، محشي ورق عنب ، كباب حله ، قلقاس باللحمه ،نص دستة زغاليل محشيه ، بطه راقده على صينية بطاطس ، وزه متشوحه كفتح شهيه ، صينيه رقاق ، موزه مشويه على الفحم ، سلطة طحينه بالليمون ، مية "دقه" ، ملوخيه بالارانب ، شربة فرخه بلدي بالحبهان والمستكه، برميل تمرهندي............... وكفايه كده عشان انام خفيف.

مع رجاء إبلاغنا عما إذا كانت معدة مصرى مغترب يمكن أن تهضم هذه الوجبة.

علما بضرورة توقع حضور العضو مع لفيف من أعضاء محاورات المصريين و قد فشلنا فى التوصل إلى رقم يدل على هذا " اللفيف من أعضاء محاورات المصريين"

[khedr]

الاستاذ عادل شريف الله يرحمه مذيع التنس الشهير

كان دائما يتحدث عن المستحيلات الاربعه

الغول.....العنقاء.....؟؟؟؟؟....الخل الوفي

ولو اضفنا اليهم هذه الايام الطيور

لا اصبح مستحيل

ان تخرج وجبه العشاء هذه الي النور..

لان كلها.. ... ... .. . طيور

واللفيف هيروح.. ... ... وينام خفيف

؟؟؟؟=نسيتها

[bodda]

والله وجبه مش مستحيله ولا حاجه

بس هوه ييجى وينورنا

صباح الفل

:D

[Guest النسر المصري]

يا استاذ عادل دي وجبة خفيفة بالنسبة لمغترب

اساسا احنا اول ما بننزل من الطيارة بنقعد ناكل في عيلتنا بوس

ويقوموا هابدينة سبع طقات في اليوم لمدة خمسين يوم

اشي مسلوق على مشوي على محمر على كام صينية من جميع انواع اللحوم والطيور والاسماك

وفي الآخر بيقول كوماااااان يابوووي

هي دي اصل المحبة والكرم عند المصريين

اما عن نفسي ...فانا كل ماروح مصر بيدبحوا لي خرفان وبيتفننوا لي في عمل الأوزي البري المشوي على الفحم في البر

وبتقبى ليالي من اجمل ليالي مصر واروعها وانا في وسط العائلة بناكل ونتسامر ونضحك

ياسلاااااام....الله يديمها ايام

[sendrella119]

أحد الأعضاء الأفاضل و المقيم بالخارج طلب من أسرته إعداد وجبة العشاء التى يحلم بها حين عودته. و خطر فى بالى أن تلك الوجبة قد تتطلب التصرف فى بعض الملكيات العقارية.

الوجبة المطلوبة هى :

برجاء تجهيز مايلي يوم وصولي لأرض المحروسه :

باميه باللحم الضاني ، محشي ورق عنب ، كباب حله ، قلقاس باللحمه ،نص دستة زغاليل محشيه ، بطه راقده على صينية بطاطس ، وزه متشوحه كفتح شهيه ، صينيه رقاق ، موزه مشويه على الفحم ، سلطة طحينه بالليمون ، مية "دقه" ، ملوخيه بالارانب ، شربة فرخه بلدي بالحبهان والمستكه، برميل تمرهندي............... وكفايه كده عشان انام خفيف.

مع اني دخلت الموضوع ده متأخر اوي

بس فرصة اقول رايي....لاني كنت عايزة اعلق علي التوقيع ومش لاقيه ...موضوع.

الامضاء ده لفت نظري جدا جدا للاستاذ سقراط المصري

لدرجة اني لما باكون عايزة اعمل اكل مصري واحن ليه .....

بارجع له

بس مش بالاقي ارانب ........حتي لو لقيت لايمكن ادخلها البيت

ولا بط

ولا حتي زغلولاية واحده :)

اللي هنا مش للاكل!!!!!!!!!!

بس هو دلوقتي لو نزل مصر حيلاقي ده؟

يلا ربنا يسهل لعبيده